قىزلار يىگىتىنىڭ كەمچىلىكىگە قانداق مۇئامىلە قىلىشى كېرەك

arslan

	ئادەم مۇھەببەتلەشكەندە ، قارشى تەرەپ خۇددى ئۆزىمىزگە ئوخشاشلا مۇكەممەل بولۇپ كەتمەيدۇ . باشقىلارنىڭ نەزىرىدىكى ناھايىتى مۇكەممەل ئادەمنىڭمۇ ھامان ئادەمنى يىرگىندۈرگۈدەك كەمچىلىك نۇقسانلىرى بولىدۇ ، ئۇنداقتا قىزلار يىگىتىنىڭ كەمچىلىكلىرىگە قانداق مۇئامىلە قىلسا ، ئۇلارنىڭ مۇناسىۋىتىگە تەسىر يەتمەستىن بەلكى ئۇلارنىڭ مۇھەببىتىمۇ تېخىمۇ گۈزەل مەنزىللەرگە قەدەم قويىدۇ ؟         ئېنىقكى ، يىگىتلەرنىڭ كۆپىنچىسى ئۆزىنىڭ كەمچىلىكىنى قىز ئالدىدا بوينىغا ئېلىشتىن خىجىللىق ھېس قىلىدۇ ، قىزلارنىڭ ئالدىدا يەرگە قاراپ قىلىش ھەربىي يىگىت ئۈچۈن نومۇسلۇق ئىش ھېسابلىنىدۇ . يىگىتلەر ھامان ئۆزى سۆيگەن قىزنىڭ ئۆزىدىن پەخىرلىنىشنى ، قىز دوستىنىڭ قەلبىدە پەقەت ئۆزىنىڭلا بولۇشنى ئۈمىد قىلىدۇ . بەزىدە قىزلار ئويلانمايلا قىلىپ قويغان بىرەر ئېغىز سۆزى ھەتتا يىگىتلەرنىڭ پۈتكۈل ھاياتىنى ئۆزگەرتىۋېتىدۇ . شۇڭا قىزلار ئۆز يىگىتىگە سەل قارىماسلىقى ، ئۇلارغا ھەقىقىي كۆيۈنۈشى ، ئۇلارنىڭ كەمچىلىكلىرىگە ئۆچمەنلىك نەزىرى بىلەن ئەمەس بەلكى تەنقىدىي نەزەر بىلەن مۇئامىلە قىلىپ ، ئۇلارنى چىن قەلبىدىن تەسىرلەندۈرۈشى كېرەك .         1. ئەگەر سىزنىڭ يىگىتىڭىزنىڭ سىزنىڭ كۆزىڭىزگە سىغمايدىغان كەمچىلىكى بولسا ، ئامال بار كەڭ قورساق بولۇڭ ، ئەمما بۇ ھەرگىزمۇ سىز ئۇنى قوللاڭ دېگەن گەپ ئەمەس . چۈنكى گۈلنى سۆيگەن كىشى ئۇنىڭ تىكىنىنىمۇ سۆيۈشى كېرەك .         2. ئەگەر سىزنىڭ يىگىتىڭىز ئاممىۋى سورۇندا كەمچىلىك ئۆتكۈزسە ياكى سىزنىڭ غۇرۇرىڭىزغا تەگسە ، سىز ئامال بار ئۆزىڭىزنى تۇتۇۋېلىڭ ، ئۆزىڭىزنى ناھايىتى تەمكىن تۇتۇشقا تىرىشىڭ ، ھەرگىزمۇ سىز قاپىقىڭىزنى تۈرۈپ يىگىتىڭىزدىن ئۆچ ئالماقچى بولماڭ .         3. شۇ خىل كەمچىلىكلەر ئارىسىدا يىگىتىڭىز ئۆزىنىڭ دۇنياسىدا سىزنىڭ بولمىسىڭىز بولمايدىغانلىقىنى ھېس قىلسۇن ، سىز ئۇنىڭغا نەسىھەت قىلغاندا ، بىلىمىڭىزنىڭ يېتىشىچە داڭلىق كىشىلەرنى مىسىل كەلتۈرۈپ ، ئۇلارنىڭ تىلغا ئېلىشقا ئەرزىگۈدەك نەتىجىلىرىنى يەكۈنلەپ ، ئۇلارغا رىغبەت بېرىڭ ۋە يىگىتىڭىزنىڭ يېقىن كەلگۈسىدە جەزمەن دۇنيانى ئۆزگەرتەلەيدىغانلىقىنى ئېسىگە سېلىڭ . ئەگەر سىز يىگىتىڭىزنىڭ مەنىۋىيىتىدىكى يوشۇرۇن كۈچنى توغرا يولغا باشلىيالىسىڭىز ، بۇ سىزگە قوش ئامەت ئېلىپ كېلىدۇ .         4. ئەگەر يىگىتىڭىز ئۆزىنىڭ كەمچىلىكىنى ئالدىڭىزدا ئېتىراپ قىلسا ، سىز يىگىتىڭىزگە سەمىمىيلىك بىلەن رىغبەت بېرىڭ ، << سىز بۇنچىلىك كەمچىلىكنى تۈزىتەلەيسىز ، چۈنكى سىز دېگەن مېنىڭ مەنىۋىيىتىمنىڭ ھۆكۈمرانى >> دەڭ . سىز بۇنداق دېگەنگە ئىشلار پۈتۈنلەي شۇنداق بولۇپ كەتمىسىمۇ ، ئەمما بۇ سۆزىڭىز ئاجايىپ ئۈنۈم بېرىدۇ . چۈنكى يىگىتلەر ھامان جەمئىيەت ، ئائىلە ئاتا - ئانا ، قىز ۋە دوست - بۇرادەرلىرى ئارىسىدىكى ئاچا يولدا گاڭگىراپ قالىدۇ ، مۇشۇنداق ۋاقىتتا سىز ئۇنى توغرا يولغا باشلىۋالسىڭىز ، بۇ سىزنىڭ كەلگۈسى بەختىڭىز ئۈچۈنمۇ چوڭ بىر ئۇل سېلىش ھېسابلىنىدۇ .         خۇلاسە - كالام ، مەيلى قىزلار بولسۇن يىگىتلەر بولسۇن ، مۇھەببەت مەسىلى ناھايىتى مۇھىم ۋە زىل مەسىلىدۇر . بۇنىڭغا ئازراق ساختىلىق ياكى بىخەستەلىك قىلىپ قويسىڭىز ئۆمۈرلۈك ئازابنىڭ ھەقداسى بولۇپ قالىسز . شۇڭا ئامال بار كەچۈرۈشكە ، كەچۈرۈشتىن - رىغبەتكە ، رىغبەتتىن - توغرا يولغا ، توغرا يولدىن ھەقىقەتكە قايتۇرۇش كېرەك . مەيل ئائىلىدە بولسۇن ياكى جەمئىيەتتە بولسۇن خانىم قىزلىرىمىزنىڭ رولىغا سەل قارىساق بولمايدۇ . بولۇپمۇ ئەقىللىق ، چېۋەر قىزلار ئۆزىنىڭ يىگىتىنى ئۆزىدىن ھالقىتىشى ، ئاشۇ ھالقىغان دۇنيادا ئۆزىنى ئەسلىتىپ تۇرۇپ ، دۇنيانى ئۆز يىگىتىنىڭ قولى بىلەن ئۆزگەرتىشى كېرەك . مانا مۇشۇنداق قىزلار يىگىتلەرنىڭ مەڭگۈلۈك سۆيۈشىگە ۋە قەدىرلىشىگە ئەرزىيدۇ . ئەلكۈيى تور ئىشخانىسىدىن ئارسلان تەرجىمىسى،قالايمىقان يۆتكەشكە بولمايدۇ.

zakira

	سىز يىگىتىڭىزنى ياخشى كۆرسىڭىز ئۇنىڭ بەزى- بىر نوقسانلىرىنىمۇ  قوبۇل قىلىشىڭىز كېرەك . بۇ بارلىق خاتالىقلىرىنى كەچۈرۈڭ ياكى كۆرمەسكە سېلىڭ دىگەنلىك ئەمەس . بىللە ياشاش جەريانىدا قايىل قىلىپ تۇرۇپ ئۆزگەرتىڭ دىگەنلىك ، كەڭ قۇرساقلىق ،ئەپوچانلىقمۇ ئادەملەرنىڭ ئالجاناپلىقىنى بىلدۈرىدۇ .

alwaida

	دۇنيادا نۇقسانسىز كىشى بولمايدۇ_دە`~~~~~ مەيلى قىز بولسۇن مەيلى ئوغۇل بولسۇن بىر_بىرىنىىڭ كەمچىللىكىنى كۆرسىتىپ تۈزىتىشكە ياردەملەشكەندىلا ئاندىن بىرگە ئۆتۈشنىڭ مۇققەددىمىسىنى باسقانلىق بولىدۇ ~~~~~

kadimi~diyar

	ئويلاپ باقسام قىز دۇستۇم ئىككىمىزنىڭ ئوتتۇرىسىدا قىلچىمۇ ئورتاقلىق يوق ئىكەنتۇق .كىيىن بىلىپ قالدىم .بىزدە پەقەت بىر-بىرىمىزگە قېزىقىشلا بار ئىكەن .مەن ئۇنىڭ چىرايىغا قىزىقىپ قاپتىمەن .ئۇمۇ مىنىڭ بەلكىم شۇنداق بىر تەرىپىمگە قىزىقىپ قالغان بولۇشى مومكىن.لىكىن يوقۇرىدا دىيىلگەندەك ھەقىقىي مۇھاببەتلەشكۈچىلەردە بولۇشقا تېگىشلىك تەرەپلەر بىزدە بولمىغانلىقى سەۋەبىدىن بىز ئاخىرى ئايرىلىپ كەتتۇق.بىراق ھەر ئىككىمىز پۇشايمان قىلمىدۇق.دوستلىرىمىز بىزنى <ئالتۇن ئۈزۈككە ،ياقۇت كۆز سالغاندەك ماس كەلگەن > دېيىشەتتى. ئەمەليەتتە ئۇلار ئىككىمىزنىڭ بىر -بىرىمىزگە قەتئىي ماس كەلمەيدىغانلىقىمىزنى بىلمەيتتى. ھازىرمۇ بىز بىر خىزمەت ئورنىدا . ئۇمۇ توي قىلدى ناھايىتى بەختلىك .مەنمۇ ھەم شۇ . مۇناسىۋىتىمىز يىقىن خىزمەتداشلىق مۇناسىۋىتى .ئۆيدىكىلەرمۇ ناھايىتى قويۇق ئارلىشىمىز .بەزى چاغلاردا مۇشۇ توغرىسىدا پاراڭمۇ بولۇپ قالىدۇ. لىكىن ھەر ئىككىمىز ئۆزىمىزنىڭ ناھايىتى توغرا قىلغانلىقىمىزنى بىلىمىز .

razwiqik007

	بىلىۋىلىشقا تىگىشلىك مەسىللەر ئىكەن. رەھمەت

رىتا

	كەڭ قورساقلىق ،ئەپۇچانلىق بىزنىڭ ئەجدادلىرىمىزدىن تارتىپ داۋاملىشىپ كىلىۋاتقان گۈزەل ئەخلاق ،بىز چوقۇم بۇنى ياخشى جارى قىلدۇرىشىمىز كىرەك .شۇندىلا بۇ دۇنيا تىخمۇ گۈزەللىككە تولىدۇ.

eski

	لىكىن مۇھەببىتىڭىز  سىزنى ئالدىسا ،دائىم يالغان گەپ قىلسا ئىككىلەنمەستىن ئايرىلىپ كىتىڭ ،راست زىيان تارتمايسىز !باشقا كەمچىلىكلەر بولسا ئۆزگەرتكىلى بولىدۇ

subhi

	بىرسىنى  ياخشى  كورگەنكەنمز   ئۇنىڭ  ھەقىقى  ئوزىنى   ياخشى  كورشىمز  كېرەك

sahar007

	مەن بىر قىزنى ياخشى كۆرۈپ قالغان لېكىن  ئۇ قىز تېخىچە ئېنىق جاۋاپ يوق .سىلەرچە مەن قانداق قىلسام بولار؟

samiyu

	قىز-ئوغۇل ھەرئىككىلىسى بىر-بىرسىنى ھەقىقى ياخشى كۆرۇشسە چوقۇم بىر-بىرسىگە ئىشىنىشى كىرەك...............