ئانىسىز كۈنلەر(ئېھتىرام)

ehtiram

	ئانىسىز كۈنلەر (مېھرىبان ئانام ۋاپاتىنىڭ بىر يىللىقىغا ئاتاپ) ئانىسىز ئۆيلەردە بوران ھۇۋلايدۇ، ئانىسىز ئۆيلەردە كۈلەر غېرىبلىق. ئانىسىز ئۆيلەرنى ھەسرەت يوقلايدۇ، ئانا بار بۇ ئالەم  كۈلىدۇ ئىللىق . ئانىسىز قەدەملەر  شۇ قەدەر ئېغىر،   مىسكىنلىك باغرىنى يۈرىسەن كېچىپ. قاغجىراپ يۈرەكلەر مېھرىگە تەشنا ، دۇئادا يىغلايسەن مۇڭ -مۇڭغا پېتىپ. ئانىنىڭ ئىسمىدەك ئىسسىق ھاياجان ، چايقىلىپ ئۆتىدۇ ۋۇجۇدىمىزدا . سېغىنىش مەۋجىدە ئاچچىق پىژىلداپ ، سۇنىدۇ كۆڭۈلنىڭ ئاراچلىرىدا. ئەتراپقا تەلمۈرۈپ   كۆرەلمەي ئۇنى ، ئىزدەيسەن خىيالىڭ ،چۈشلىرىڭ ئارا . لېۋىڭنى چىشلەيسەن قانىسۇن مەيلى  ، ئاھ ئۇرۇپ  يۈرىكىڭ چاك-چاك يېرىلسا . ئانا ! ،دەپ سوزۇلغان قوللارمۇ يەتمەس ، چاچقۇ بوپ تۆكۈلەر كۆزۈڭدە يامغۇر . ئويلايسەن سۈكۈتتە  كۆزۈڭدىن كەتمەس ، مېھرىڭنى شورايدۇ زىمىستان غۇر-غۇر . ئاناڭنىڭ جۇلاسى دىلىڭنى قۇچۇپ ، مۇشتۇمدەك يۈرەكتە كۆكلەيدۇ تىمتاس .   تۇيمايلا قالىسەن ئاناڭغا ئوخشاپ، ياد ئېتىش دىلىڭدا سالسىمۇ قىقاس.... (ئېھتىرام قەلىمى)

saharguli

	بۇ شېئىرىڭىزنى ئوقۇپ مۇھەممەدجان راشىدىنىكام يازغان "ئانىسىز ئۆيلەر " دېگەن شېئىرىدىكى مۇنۇ مىسرالار يادىمغا يېتىپ قالدى : ئېسىت-ئېسىت ئانىسىز ئۆيلەر ، ئانا بىلەن بەركىتى كەتكەن . ئانىلارنىڭ ئۇلۇغلىقىنى ، شۇ ئۆيلەردۇر بىزگە كۆرسەتكەن .

arman1002

	ئاللاھ ساقلىسۇن، ئانىلارنىڭ ئۆمرىنى ئاللاھ ئۇزۇن قىلسۇن ئېھتىرام ئانىڭىزنىڭ ياتقان يېرى جەننەتتە بولسۇن،ئاللاھ شۇنداق قىلسۇن

zohran

	ئاللاھ ئانىلىرىمىزنىڭ ئۆمرىنى ئۇزۇن قىلش بىلەن بىرگە ئەجرىنى قايتۇرىشىمىزغا نىسىپ قىلسۇن،ئانا تىمىسى مىنى ھەرۋاقىت قەلبىمنى لەرزىگە سالىدۇ.

sumaya0999

	بارلىق ئانىلارنىڭ ئۆمرىنىڭ ئۇزۇن بولۇشىنى ئۇلۇغ ئاللادىن تىلەيمەن.....ئاتا-ئانىنىڭ يىنىمىزدا ياشاپ بىز بىلەن بىللە ياشاپ تۇرۇشىنىڭ ئۆزى بىز ئۈچۈن تىپىلغۇسىز بەخىت .....

ustaz

	ئانىسىز كۈنلەردە قوياش كۈلمەيدۇ، قەلبىڭنى، ئويۇڭنى ھېچكىم بىلمەيدۇ. بىچارە ئانىنىڭ روھى سەن ئۈچۈن، كەپتەرگە ئايلىنىپ كۈندە ئۈنلەيدۇ.

ehtiram

	‹ئانىسىز كۈنلەر›ناملىق شېئىرىمنىڭ ئۆزگەرتىلگىنى:                                                      ئانىسىز كۈنلەر                                                                                                                                                      -پاشاگۈل نىياز(توقسۇن)                                                                  ئانىسىز ئۆيلەردە بوران ھۇۋلايدۇ،                                 ئانىسىز ئۆيلەردە كۈلەر غېرىبلىق.                                 ئانىسىز ئۆيلەرنى ھەسرەت يوقلايدۇ،                                  ئانا بار بۇ ئالەم  كۈلىدۇ ئىللىق .                                ئانىسىز  قەدەملەر سۇلغۇن شۇ قەدەر،                                  مىسكىنلىك باغرىنى يۈرىسەن كېچىپ.                                قاغجىراپ مېھرىگە تەشنا يۈرەكلەر،                                دۇئادا يىغلايسەن مۇڭ -مۇڭغا پېتىپ.                             ئانىنىڭ ئىسمىدەك ئىسسىق ھاياجان،                            چايقىلىپ ئۆتىدۇ ۋۇجۇدىمىزدا.                           سېغىنىش مەۋجىدە ئاچچىق بىر ھىجران،                            سۇنىدۇ كۆڭۈلنىڭ ئاراچلىرىدا.                           ئەتراپقا  تەلمۈرۈپ  كۆرەلمەي  ئۇنى،                           ئىزدەيسەن خىيالىڭ، چۈشلىرىڭ ئارا.                           لېۋىڭنى چىشلەيسەن قانىسۇن مەيلى ،                          ئاھ ئۇرۇپ  يۈرىكىڭ چاك-چاك يېرىلسا.                          ئانا !  دەپ سوزۇلغان قوللارمۇ يەتمەس،                          چاچقۇ بوپ تۆكۈلەر كۆزۈڭدىن يامغۇر.                             ئويلايسەن سۈكۈتتە  ئېسىڭدىن كەتمەس،                             مېھرىڭنى شورايدۇ زىمىستان غۇر-غۇر.                          ئاناڭنىڭ جۇلاسى دىلىڭنى قۇچۇپ،                          مۇشتۇمدەك يۈرەكتە كۆكلەيدۇ تىمتاس.                            تۇيمايلا قالىسەن ئاناڭغا ئوخشاپ ،                           ياد ئېتىش دىلىڭدا سالسىمۇ قىقاس.                          (تۇرپان گېزىتىدە ئېلان قىلىنغان)

لەزىينەھ

	ئاللاھ مېھرىبان ئانىلارنىڭ ئۆمرىنى ئۇزۇن قىلسۇن

لەزىينەھ

	ئاللاھ مېھرىبان ئانىلارنىڭ ئۆمرىنى ئۇزۇن قىلسۇن

khan

	نەچچە يىللار بۇرۇن ئۆيىڭىزگە بارغاندا ئاپىڭىزنىڭ جىق گەپلەرنى قىلىپ بەرگىنى يادىمغا كېلىپ قالدى. پەرىشتىدەك ئاپىڭىز نۇرغۇن يىل ئۆزى يالغۇز سىزلەرگە ھەم ئاپا ھەم ئاتا بولۇپ جاپا - مۇشەققەتتە قاتارغا قوشقان ئىدى. ياتقان يېرى جەننەتتە بولسۇن.