ئەزىز تورداشلار ! ئەلكۈيىگە ئەزا بولغىنىمغا ئانچە ئۇزۇن بولمىغان بولسىمۇ، ئەمما قىسقىغىنا بىر ئاي جەرىيانىدا ئەلكۈيى تورىنىڭ كەلگۈسى تەرەققىياتىغا زور ئۈمىد بىلەن قارىدىم. بۇ ئەلۋەتتە بارلىق تورداشلارنىڭ ھەم تور باشقۇرغۇچىلارنىڭ مىننەتسىز مېھنىتى ئارقىلىق ۋۇجۇدقا كىلىدۇ. ئەلكۈيىگە تۆھپە قوشۇشقا، بۇ ئارقىلىق پۈتكۈل ئۇيغۇر تورچىلىقىغا تۆھپە قوشۇشقا ھەر دائىم تەييارمەن.
شۇ مۇناسىۋەت بىلەن قەلەم قۇۋىتىمنىڭ ئاجىزلىقىغا باقماي، ئەلكۈيى تورى ئۈچۈن بىر مارش يازدىم. كۆپچىلىكنىڭ تۇلۇقلاپ ئەلكۈيى ئۈچۈن ھەقىقى بىر مارش يېزىپ چىقىشىنى ئۈمىد قىلىمەن.
ئەلكۈيى مارشى
چىن، ھەقىقى دوستلۇقنىڭ كۆۋرىكىدۇر ئەلكۈيى،
بىرلىك، ئىنساپ، پاكلىقنىڭ تۆۋرىكىدۇر ئەلكۈيى.
دەۋەت قىلار ھەممىنى ئىناقلىققا، ئۆملۈككە،
گويا ھەرە ئوۋىسى، كۆنىكىدۇر ئەلكۈيى.
تور دۇنياسى بەئەينى چۆچەكتىكى ئىرەمباغ،
شۇ باغچىنىڭ ئەڭ شېرىن ئۆرىكىدۇر ئەلكۈيى.
ناخشا بىلەن سازى بار، شېئىرىيەت گۈلزارى بار،
ئەدەبىيات ھەم سەنئەت كۆرىكىدۇر ئەلكۈيى.
ئەلكۈيىدە كۈيلىنەر ۋاپادارلىق – ساداقەت،
مەرد – مەردانە ئۇيغۇرنىڭ يۆرىكىدۇر ئەلكۈيى.
ئۇستاز شېئىرلىدىن 2010- يىلى 8- ئاينىڭ 9- كۈنى، شەھىرى خوتەن
يوللىغان ۋاقتى 2010-8-9 14:28:01
