جەسىتىڭىزدىن ئەنسىرىمەڭ

jahanbiwapa

جەسىتىڭىزدىن ئەنسىرمەڭ

كۈسەنى

جەسىتىڭىزدىن ئەنسىرمىسىڭىزمۇ بولىدۇ. چۈنكى مۇسۇلمانلار تىگىشلىك ئىشلارنى قائىدە – يوسۇن بويىچە بىر تەرەپ قىلىدۇ، كىيىمىڭىزنى سالدۇرۇپ پاكىز يۇيىدۇ، كىپەنلەيدۇ، ئۆيىڭىزدىن چىقىرىپ قەبرىڭىزگە كىرىگۈزىدۇ، جىنازىڭىزنى ئۇزۇتۇش ئۈچۈن ئۇرۇق – تۇققان دوست- بۇرادەرلىرىڭىز ھەتتا مۇشۇ كۈننىڭ كېلىدىغانلىقى بىلەن بىرەر قېتىم سىزنى ئاگاھلاندۇرۇشنى ئويلاپمۇ باقمىغان كىشلەر ئىشىنى تاشلاپ  سىزنى دەپنە قىلغىلى كېلىدۇ.
ئاندىن بارلىق تەئەللۇقاتلىرىڭىز ئۇنىڭ – بۇنىڭ مۇلكىگە ئايلىنىدۇ.
بىراق شۇنى ئېنىق بىلىڭكى، دۇنيا سىز كېتىپمۇ ھىچ ئىش بولمىغاندەك داۋاملىشىۋېرىدۇ، بارچە ئىنسانلار ، جۈملىدىن دوست- بۇرادەرلەر ئۆز ئىشلىرىغا قايتىشىدۇ. سىزنىڭ ئورنىڭىزنى باشقىلار ئىگەللەيدۇ، چىرايلىق ماشىنلىرىڭىز ، ئۆيلىرىڭىز، مال – دۇنيالىرىڭىز مىراسقا ئايلىنىدۇ. ئەمما سىز موچەن- تىيىننىڭ ھېساۋىنى بىردىن – بىر بېرىسىز.
نورمال ئەھۋالدا سىز بىلەن بىرگە ياشىغان تونۇش – بىلىشلىرىڭىز ئوبدان ئادەم ئىدى دەپ قويۇشىدۇ، دوست- بۇرادەرلەر بولسا، ئىككى – ئۈچ كۈندىن كېيىن ھىچ ئىش بولمىغاندەك كۈلۈپ – قاقاقلىشىپ ئۆز مەئىىشتى بىلەن بورۇنقىغا ئوخشاش ئالدىراش يۈرۈۋېرىدۇ. ئەمما ئائىلىڭىز بولسا، غەمكىنلىككە چۆكىدۇ، بىر ھەپتە..، ئىككى ھەپتە..، بىر ئاي.. ئېشىپ كەتسە ئۈچ ياكى تۆت ئاي. ئاندىن سىز ئۆتمۈشكە ئايلىنىسىز. كىملىكىڭىز قالىدۇ... بۇ چاغدا يا باشقىلار سىزنى ماختىسۇن ۋە ياكى كەمسىتسۇن ھىچ بىر ئەھمىيىتى بولمايدۇ. دەل شۇ چاغدا سىزنىڭ « ئاخىرەت» ناملىق ھاياتىڭىز باشلانغان بولىدۇ.
بۇ يەردىكى گەپنىڭ پوس كاللىسى، سىز شۇ ئاخىرەت ھاياتىغا ئىيمان كەلتۈرگەنلەردىن بولسىڭىز، قەبرە ۋە ئاخىرەت ئۈچۈن نېمىلەرنى تەييارلىدىڭىز..؟؟؟؟؟؟. سۆزۈمنى ياخشى تەپەككۇر قىلىڭ، ئوبدان ئويلاڭ..!
بىر تالىپچاق ئۇستازىنىڭ ئۆي قۇشلىرىنى ياخشى كۆرىدىغانلىقىنى بىلىپ، ئۇستازىغا بىر چىرايلىق شاتۇت سوغا قىپتۇ، ئۇستاز بۇ قۇشنى ناھايىتى ياخشى كۆرۈپتۇ، شۇنىڭ بىلەن بۇ شاتۇتقا توختىماي كەلىمە شاھادەتنى تەلقىن قىلدۇرۇپتۇ، شاتۇتمۇ بىكار تۇرماي «لائىلاھە ئىللەللاھ» دەپ ئۇستاز تەلقىن قىلدۇرغان بويىچە شۇنداق يېقىملىق سايرايدىغان بوپتۇ. بىر كۈنى تالىپچاق ئۇستازىنى يوقلاپ كەلسە، ئۇستاز غەمكىن ئولتۇرغىدەك، شاتۇت بولسا يەردە ئۆلۈك ياتقۇدەك، شاگىرتى ئۇستازىغا ، ئۇستاز سىز غەمكىن بولماڭ ، مەن سىزگە يەنە بىر شاتۇت ئەكىلىپ بىرىمەن دەپتۇ، مەن شاتۇتنى يوقۇتۇپ قويغانلىقىم ئۈچۈن غەمكىن بولمىدىم، بەلكى بۇ شاتۇت، بىكار تۇرماي كەلىمە شاھادەتنى ئېيتىپ سايرايتى، ئەمما مۈشۈك كىلىپ بوققاندا قۇۇۇۇۇۇق، قۇۇۇۇۇۇق قىلىپ جان بەردى، شۇنىڭ ئۈچۈن غەمكىن بولدۇم دەپتۇ.
مېنىڭ دىمەكچى بولغىنىم بىزنىڭ ئاخىرەت ئۈچۈن تەييارلىغان ئىمانىمىز شاتۇتنىڭكىدەك بوپ قالمىسا ئىدى ئىلاھىم...!!!!!!!!!!!

اﷲ نى قانداقمۇ ئىنكار قىلىسىلەركى، جانسىز ئىدىڭلار، سىلەرگە جان بەردى (يەنى ئاتاڭلارنىڭ پۇشتىدا، ئاناڭلارنىڭ قارنىدا ئابىمەنىي ئىدىڭلار)، كېيىن (ئەجىلىڭلار توشقاندا) اﷲ جېنىڭلارنى ئالىدۇ، ئاندىن كېيىن تىرىلدۈرىدۇ، ئاندىن كېيىن اﷲ نىڭ دەرگاھىغا (ھېساب بېرىش ئۈچۈن) قايتۇرۇلىسىلەر [28]
                                                                                             سۈرە بەقەر (28)

nurgul1 ھەقىي سالاھىيەتلىك ئەزا

بەك ياخشى تىمىنى يوللاپسىز .رەخمەت سىزگە

Rage

االلە رەھمەت قىلسۇن ،، ناھايىتى تەربىۋى ئەھمىيىتى زور تىمائىكەن  رەھمەت سىزگە.

royharry

ياخشى تىمىكەن!

مالىك

تەربىيىۋى ئەھمىىيتى زور ئەسەر ئەۋەتىپسىز ،كىشىلەرنىڭ ئوقۇپ ياخشىكەن دەپ قويۇپلا ئۇنۇمى بولمساسلىقىدىن ئەنسىرەيمەن !

2009

imildulkini

ياخشى تىما ئىكەن، ئويلىنىشقا .ئەرزىيدۇ.

jassur730

ئۈلۈم قورقۇنۇچلۇق ئەمەس لىكىن ئۆلگەندىن كىيىن كۆرىدىغان ئىشلار قورقۇنۇچلۇق. كىم قانداق شەكىلدە ئۆلىدۇ، قايسى كۈنلەرنى كۈرىدۇ، بۇنى بىر ياراتقۇچى ئاللاھ ئۆزى بىلىدۇ.

4tapakkur4 ھەقىي سالاھىيەتلىك ئەزا

ئۇلۇمدىن    قۇقمايمەن  .. ئاللادىن  قۇقمەن،،،

iminov ھەقىي سالاھىيەتلىك ئەزا

مەنمۇ بىر كۈنى كىپەندىكىدەك ئاق لاتىغا ئورىلىمەن!