مۇشتلاشچى ئابدۇرېشىتخان تورداشلارغا مۇنداق دەيدۇ
ئەلكۈيى تورى چىللە 6-كۈنى خەۋىرى: خېنەن تېلېۋىزىيە ئىستانسىسى تەسىس قىلغان، دۆلەت ئىچى – سىرتىدىن كەلگەن جانباز، گۇمپا پېشۋالىرى كۈچ سىنىشىدىغان جانبازلار مۇسابىقىسى(武林风) مۇشۇ ئاينىڭ 11-كۈنى ئۈرۈمچى ۋاقتى كەچ سائەت يەتتىدە ئۈرۈمچى شەھىرى ‹‹قىزىلتاغ›› تەنتەربىيە سارىيىدا ئۆتكۈزۈلمەكچى.
بۇ قېتىملىق مۇسابىقە خېنەن تېلېۋىزىيە ئىستانسىسى جۇڭگو گۇمپىسىنى قايتىدىن جانلاندۇرۇش، گۇمپا پېشۋالىرىغا سەھنە ھازىرلاپ بېرىش، شۇنداقلا جۇڭگو جانبازلىقىنى دۇنياغا يۈزلەندۈرۈش مەقسىتىدە، ‹‹جانبازلارنىڭ تىركىشىشى›› پىروگراممىسىنى تەسىس قىلىپ، جۇڭگو ۋە چەت ئەل جانبازلىرى، گۇمپىچىلىرىغا ئالتە تۈرلۈك مۇسابىقە ئۇيۇشتۇرۇپ بەرگەن بۇلۇپ،مۇسابىقە ئەمەلىي ئەھۋالى خېنەن تېلىۋىزىيە ئىستانسىسى تەرىپىدىن مۇسابىقە ئاخىرلاشقاندا بىر ئايغىچە پۈتۈن مەملىكەتتىكى تاماششىبىنلارغا تارقىتىلىدۇ.بۇ قېتىملىق مۇسابىقىگە جۇڭگو،تايلاند،روسىيە قاتارلىق دۆلەتلەردىكى داڭدار جانبازلار مۇسابىقىگە قاتنىشىدىغان بولۇپ،دىيارىمىزغا ۋاكالىتەن ئۇيغۇر ئوغلانى ئابدۇرېشىتخان ئابلەت قاتنىشىدىغان بولۇپ،ئابدۇرېشىتخان مۇسابىقە باشلىنىشتىن بورۇن ئەلكۈيى تورى مۇخبىرىنىڭ مۇسابىقە باشلىنىشتىن بورۇنقى كەيپىياتى ۋە مۇسابىقە ھەققىدىكى زىيارىتىنى قوبۇل قىلىپ مۇنداق دېدى:
دىيارىمىز شىنجاڭ ئۇيغۇر ئاپتونوم رايونىدىكى جانبازلارمۇ ئىلگىرى خېنەن ئۆلكىسىگە بېرىپ، دۆلەت ئىچى – سىرتىدىن كەلگەن پالۋانلارغا جەڭ ئېلان قىلىپ، ئالتۇن كەمەرنى بىلىگە بىر قانچە قېتىم تاقىغان. ‹‹جانبازلارنىڭ تىركىشىشى›› پىروگراممىسىدىكىلەر شىنجاڭلىقلارنىڭ جانبازلىققا ماھىر ئىكەنلىكىنى ھەم جانبازلىقنى ياخشى كۆرىدىغانلىقىنى كۆزدە تۇتۇپ، تېخىمۇ كۆپ كىشىنى بۇ مۇسابىقىگە جەلپ قىلىش مەقسىتىدە، شىنجاڭدا بىر مەيدان مۇسابىقە ئورۇنلاشتۇرۇشنى قارار قىلغان. شىنجاڭدىكى بۇ مۇسابىقىگە ئىچكىرى ئۆلكىلەردىن كەلگەن جانبازلىق پېشۋالىرى بىلەن تايلاندنىڭ گۇمپا پېشۋالىرىدىن باشقا، كۆپ قېتىم ئىچكىرى ئۆلكىلەردە، شىنجاڭدا ئۆتكۈزۈلگەن ئەركىن مۇشتلىشىش، جانبازلىق مۇسابىقىلىرىدە چېمپىيونلۇققا ئېرىشكەن ئابدۇرەشىدخان ئابلەتمۇ قاتنىشىدىكەن، رۇسىيەدىن كەلگەن جانبازلار تايلاند كوماندىسىنىڭ ئەزاسى قاتارىدا جۇڭگولۇق جانبازلار بىلەن مۇسابىقىگە چۈشىدىكەن.
يوللىغان ۋاقتى 2013-6-6 17:30:49
يوللىغان ۋاقتى 2013-6-6 18:09:50