شىنجاڭ ئۇيغۇر ئاپتونوم رايونلۇق تېلىۋېزىيە ئىستانسىسىگە

blackrose

	-ئەسسىلامۇئەلەيكۇم،ھۆرمەتلىك شىنجاڭ ئۇيغۇر ئاپتونوم رايونلۇق تېلىۋېزىيە ئىستانسىسىدىكى بارلىق دىكتور، رىياسەتچى خادىملار، سىلەرنىڭ ئەل-ۋەتەن ئۈچۈن تارتىۋاتقان جاپايىڭلارنى ھەركۈنى تېلىۋېزوردىن كۆرۈپ تۇرۇپتىمىز.... بىر قېتىملىق زىيارەت خاتىرىسى، بىر قېتىملىق سەنئەت كېچىلىكى، بىر قېتىملىق تونۇشتۇرۇش، بىر قېتىملىق پارتىيىنىڭ غەمخورلىقىنى نامايان قىلىدىغان قىسقا فىلىم، بىر قېتىملىق سۆھبەت، بىر قېتىملىق..... سىلەرنىڭ كۆزنەك ئالدىدا بىزگە بېرىۋاتقان شۇ قىسقا ئەمما، مەنىدارلىققا ئىگە ئەمگىكىڭلارنىڭ قانچىلىك تەستە، تاغ-داۋان ئېشىپ، شەھەر تۇرمۇشىدا كۆرۈپ باقمىغان يېزىنىڭ ئات، ئېشەك ھارۋىلىرىغا ئولتۇرۇپ، گاھ پىيادە يول يۈرۈپ، يامغۇردا، قاردا، پىژغىرىم ئىسسىقتا، قەھرىتان سوغۇقتا، كۆرۈنۈش ئۈچۈن يۈرگەن ھەرقەدىمىڭلار كۆزنەك ئالدىدىكى خەلق ئاممىسىنىڭ ئارزۇسى ئۈچۈن بۇرچىنى ئادا قىلىش، مەدەنىيەتنى راۋاجلاندۇرۇش، ئەتراپتىكى ئىشلاردىن خەۋەردار قىلىش بىلەن بىرگە قانۇنىي جەھەتتىن ھەل قىلالمىغان ، يولۇققان مەسىلىلەرنى ئەتراپلىق ئىزدىنىش روھىڭلار بىلەن ھەل قىلىش يولىنى كۆرسىتىپ، بۈيۈك ئىتتىپاقلىقىمىز ئۈچۈن ، ئۇلۇغ ۋەتەننىڭ ئارزۇسى ئۈچۈن قان تەر ئاققۇزۇپ كېلىۋاتىسىلەر..... ئالدىنقىلارغا ۋارىسلىق قىلىپ، كېيىنكىلەر ئۈچۈن يول ئېچىپ ئىلگىرلەپ، دەۋىر تەرەققىياتىغا ماس يېڭلىق يارىتىش روھىڭلار بىلەن ھەربىر سەھىپىلەردە ئۆزگىچە مەنا بېرىپ، تۆت ئاساسىي پىرىنسىپتا چىڭ تۇرۇپ، ئۇلۇغ ۋەتەنگە مىننەتدارلىق بىلدۈرۈپ، قان بىلەن گۆشتەك زىچ ئۇيۇشقان ئىتتىپاقلىق بايرىقىنى روشەن گەۋدىلەندۈرۈپ، كەڭ خەلق ئاممىسىنىڭ يۈرەك ساداسىنى مەركەزگە، دۇنياغا ئاڭلىتىپ  كېلىۋاتىسىلەر.... ھەممەيلەننىڭ كۆزى ھازىر شۇ جاھاننامە ئەينىكىدە، ئەينەك ئىچىدىن چىقىدىغان سادادا، ئەينەك ئىچىدىن چىقىدىغان رۇخساردا،ئەينەك ئىچىدىن چىقىدىغان ھەممە، ھەممىدە قالدى... ئالاقە،تارقىتىش قورالى بولغان تېلىۋېزىيە كۆپ ۋاستىلىق قۇرۇلمىسى بىلەن ھەر تەرەپكە تۇتاشقان بولىدۇ. ئىلگىركى يىللاردىكىدىن خېلى روشەن ھالدا بۈگۈنكى ئېلغار تېخنىكا، سۈپەتلىك كۆرۈنمە، ئازادا مۇھىت شۇ يىللاردا جاپا تارتقان خادىملارنى سېغىنىش ئىچىدە ئەسكە ئالدۇرماي قالمايدۇ! ئەنە شۇلارنىڭ قان تەرىنىڭ بەدىلىگە بۈگۈنكى شارائىتقا ئىگە بولغان ئەمەسمۇ؟!قان تەر بەدىلىگە كەلگەن نەرسىنى ھەركىم جاندىن ئەزىز قەدىرنى قىلىدۇ،ئەلۋەتتە! خوش، ئۇنداقتا مەقسەت تېغىغا ئات سالايلى: بىز شۇ جاھاننامە ئەينىكىدىكى ھەممە، ھەممىگە كۆز سالىدىغان،بۇ تارقىتىش قورالدىن ئۆگىنىدىغان بولغاندىن كېيىن كۆزگە چېلىقىپ قالغان نەرسىلەردىن ئىككىلىنىش ئارىسالدىق ئىسكەنجىسىدە قالماي قالمايدىكەنمىز.... بۇ نۇقتىلار تۆۋەندىكىچە: 1.بىز شىنجاڭ ئۇيغۇر ئاپتونوم رايونى - بۇنى جۇڭخۇ خەلق جۇمھۇرىيىتىدىكى ھەرقانداق بىر پۇقرا يادىدىن چىقارمايدىغان، مەملىكەتنىڭ ئالتىدىن بىر قىسمىدىكى جاپاكەش خەلق قان ئاققۇزۇپ، مەملىكەتلىك خەلق سىيساسى كېڭىشىدە پارتىيە(خەلق ئۈچۈن جان دىلى بىلەن ئىش قىلىش مىزانى بولغان سىنىپ) ئۇيغۇر ئۈچۈن ئاپتونومىيە ھوقۇقى بىلەن يېڭى جوڭگونىڭ رەئىسى ماۋزېدۇڭنىڭ رەئىس پەرمانى بىلەن مۇشۇ غەربىي قوۋۇققا بېرىلگەن بىردىنبىر ھوقۇق! بۇ نامنى خالىغانچە قىسقارتىشقا بولمايدۇ، مەرھۇم سەيپىدىن ئەزىزنىڭ ئىلتىماسى بىلەن ئۇلۇغ داھىمىز شۇنداق دەپ ئىمزا قويۇپ ماقۇللىغان.كىم رەئىس پەرمانىغا خىلاپ ھالدا ئىش كۆرەلەيدۇ!؟بۇ نامنى ئاتاش ھەرقانداق ۋاقىتتا مانا مۇشۇنداق"شىنجاڭ ئۇيغۇر ئاپتونوم رايونى"دەپ، تولۇق ئاتىلىشى كېرەك. "ئاپتونوم رايونىمىز"،"شىنجاڭ".....دەپ ئاتىلىپ قېلىۋاتقان ئېغىزلارغا دىققەت ئېتىبارىمىزنى قارىتىپ قويساق... 2.بىز-ئۇيغۇر! جاھاننامە ئەينىكى ئالدىدا ئولتۇرغانلارمۇ، ئىچىدە ئولتۇرغانلارمۇ ئۇيغۇر، ئەلۋەتتە. شۇنداق، بىر مىللەت قوۋمىغا تەۋە بولغان ئىكەنمىز بەجايىكى ،"بىز "دەپ، ئاتىلىشىمىز كېرەك؟! ئىكراندا تىلغا ئالغاندا، جاھاننامە ئىچىدىكى كىشىمۇ بىزگە تەۋە بولغاندىن كېيىن "بىز "دەپ، خاتىرجەم ئېغىزغا ئالساق قانداق ياخشى بولار؟ ئاپتونوم رايونى دېمەي، شىنجاڭ ئۇيغۇر ئاپتونوم رايونىمىز دېسەك، سىزمۇ مۇشۇ تۇپراقنىڭ پۇقراسى، مۇشۇ مىللەتنىڭ ئەزاسى بولغاندىن كېيىن شەخىس قوشۇمچىسىنى ئىشلىتىپ،ھوقۇقدارلىق مەجبۇرىيتىڭىزنى ئادا قىلىڭ~كىملىكىڭىزدە "ئۇيغۇر"دەپ، شىنجاڭ ئۇيغۇر ئاپتونوم رايونىنى يىلتىزى ئىكەنلىكىڭىزنى بىلدۈرۈپ تۇرىدۇ. 3.سىز - ئۇيغۇر مەدەنىيتىنىڭ ۋەكىلى. شىنجاڭ ئۇيغۇر ئاپتونوم رايونىنىڭ تېلىۋېزىيە كۆزنەك ئالدىدا بىز سىلەرنىڭ ئەتلەس كىيگەن، دوپپا كىيگەن ھالتىڭلارنى كۆرسەك شۇنداق خۇشال بولۇپ كېتىمىز(بۇ پەقەت ھېيىت بايرام، كېچىلىك، شۇنداق بىر ئىشلار بىلەنلا كىيىلىدۇ ، خالاس.).... نېمىشقا دائىم شىنجاڭ ئۇيغۇر ئاپتونوم رايونىنىڭ تېلىۋېزىيەسى بولغاندىن كېيىن ئاشۇ ئالدىدىكى "ئۇيغۇر"غا خاس سالاپەتنى كۆرەلمەيمىز؟!كىيىنىش، يۈرۈش-تۇرۇش...لاردا چوقۇم شىنجاڭ ئۇيغۇر ئاپتونوم رايونىنىڭ تېلىۋېزىيەسىدە ئۆزۈڭلار دېگەن سۆزۈڭلارغا ئەمەل قىلغان ھالدا ئۈلگە بولغان بولساڭلار؟! بەزى بىر قىسىم كىشىلەرنى كۆرسەك، ئۇلارنىڭ شىنجاڭ ئۇيغۇر ئاپتونوم رايونىنىڭ تېلىۋېزىيە ئالدىدىكى ھالىتىنى كۆرەلمەيمىز؟! مۇنداق قىززىق ئىشلارمۇ بولغان ئىكەن. شىنجاڭ ئۇيغۇر ئاپتونوم رايونىنىڭ جەنۇبىدىن بىر نەچچە كىشى ئۈرۈمچىگە كېلىپ، مەخسۇس شىنجاڭ ئۇيغۇر ئاپتونوم رايونىنىڭ تېلىۋېزىيەسىدە چىقىدىغان ئۇيغۇر رىياسەتچى،دىكتورلارنى ئۆز كۆزى بىلەن كۆرمەك بولۇپتۇ. -ئاداش، ئاۋۇ ھېلىقى ئاداشقۇ. خېلى ئوبدان نېمىدەك قىلامدۇ نېمە؟ - ئالە شەرىڭنى، تاماكا چېكىش سالامەتلىككە زىيانلىق دەپ چىقىپ، ئۆزى تاماكا چېكىپ كېتىۋاتىدىغۇ؟! -ئاداشوي، ئانىڭغا قايلاڭلار. ئاخشام بىر ئوبدان سۆزلەۋاتقان كىشى بۈگۈن ھەممە يېرىنى يۆگىۋاپتۇغۇ؟! -ئوۋ....ئاداش.....ئاۋۇ قىزغا قايلاڭلار،- شۇنداق دەپ، بىر غېرىچ يوپكا، مەيدىسى راسا ئويالغان كىىيم بىلەن ئالدىغا كېلىۋاتقان قىزنى كۆرسىتىپ تۇرۇپ،-كاسەپەت، دېنشىدىمۇ مۇشۇنداق چىقسا بومامدۇ؟!.....دەپتۇ. بەزى رىياسەتچى، دىكتورلار بار ھەقىقەتەن ئەلنىڭ قەلبىدە يۈكسەك ئورۇنغا ئىگە. ئۇلارنى ئەل مەڭگۈ قەدىرلەيدۇ،ھۆرمەتلەيدۇ.چۈنكى، شۇلار خەلققە ياققۇدەك، تېتىملىق نەرسىلەرنى سۇنالىغان. ئىچكى موڭغۇل ئاپتونوم رايونىنىڭ،شىزاڭ ئاپتونوم رايونىنىڭ پىروگىراممىسىدا ئۇلارنىڭ ئۆز مەدەنىيتىنىڭ خاسلىقى بولغان مىللىيچە كىيىمى بىلەن سۆزلەپ كېتىشلىرى كىشىگە ئۆزگىچە زوق بېغىشلايدىكەن... بىزنىڭ بۇ شىنجاڭ ئۇيغۇر ئاپتونوم رايونىنىڭ ئۇنداق قىلالمامدۇ؟!بىزمۇ بۈيۈك جۇڭخۇا خەلق جۇمھۇرىيىتىنىڭ ئالتىدىن بىرىگە تەۋە شىنجاڭ ئۇيغۇر ئاپتونوم رايونىغۇ؟!بىر رايوننىڭ خاسلىقى ئۇنىڭ نامىغا لايىق بولغاندا باشقىلارنىڭ قەدىرلىشىگە، ھۆرمەت قىلىشىغا ئېرىشەلەيدۇ....سىلەرمۇ شۇنداق كىيىنىپ چىقساڭلار بولمامدۇ!؟ بىزمۇ پەخرلىنىپ تۇرۇپ، بىزنىڭ شىنجاڭ ئۇيغۇر ئاپتونوم رايونىنىڭ تېلىۋېزىيە خادىملىرى دەپ، باشقا ئەللەردىن كەلگەن دوست،بۇرادەرلىرىمىزگە ماختاپ بەرسەك؟! 4. تىل ،نام ئىشلىتىش ھوقۇقى يۇقىردا دەپ ئۆتكەندەك سىلەر شىنجاڭ ئۇيغۇر ئاپتونوم رايونى تېلىۋېزىيەسىنىڭ ھەرقانداق بىر تەشۋىقاتىدا، ئۇچۇرلىرىدا شۇ نامغا يەنى(شىنجاڭ ئۇيغۇر ئاپتونوم رايونى)غا لايىق خاسلىقنى تەشەببۇس قىلىپ،شىنجاڭ ئۇيغۇر ئاپتونوم رايونىنىڭ تېلىۋېزىيە تاراتقۇلىرى، ئۈسكۈنلىرى، قانداقلا نېمىسى بولسۇن "ئۇيغۇر"دېگەن ئاتالغۇ بولۇشى زۆرۈردۇر؟!خۇددى خەنزۇچە خەت دۆلىتىمىزنىڭ قەيىرىدە بولسا بولغاندەك؟! ئاپتونومىيە ھوقۇقىدا شۇنداق قۇرلار باردۇر-ھە؟! مەسىلەن: زىيارەت قىلىش مېكرافونى ئۈستىدە 新疆电视台دېگن خەت بىلەن ئىتتىپاقلىق مۇجەسسەملەنگە ئاۋۇ(يېڭى نۇسخا. ئۇنىڭ مىللەتلەر ئىتتىپاقلىقىنى ئەكىس ئەتتۈرۈپ، نەچچە خىل رەڭدىن بىرىككەنلىكى) بەلگە چۈشۈرۈلگەن. ئۇندىن بۇرۇنقى xjtvھەم "شىنجاڭ تېلىۋېزىيەسى"دېگەن خەتنى "سۈزۈش"تېخنىكىسى بىلەن غۇۋالاشتۇرۇپ، بۇرۇنقى "خاتالىق"نى ئېتىراپ قىلمايدىغان ھالدا كۆزنەك ئالدىدا ئەنە شۇ ھالدا ئەكىس ئەتتۈرسىلەر... نېمىشقا شىنجاڭ ئۇيغۇر ئاپتونوم رايونىنىڭ تېلىۋېزىيەسى تۇرۇپ، ئۇنىڭ ئۈستىدىكى 新疆电视台 ئۇيغۇرچە "شىنجاڭ ئۇيغۇر ئاپتونوم رايونىنىڭ تېلىۋېزىيەسى" دەپ ئېلىنمايدۇ؟!يېزىلمايدۇ؟! دۆلەت شۇنچە كۆپ مەبلەغ ئاجرىتىپ،  تارقىتىش ئۈسكۈنىلىرىنى يېزىلارغىچە يەتكۈزۈپ بېرىۋاتقان يەردە سىلەر ئاشۇ مېكرافونىڭلارنى خەنزۇ بۆلۈمىدىن ئېلىپ ئىشلىتىپ تۇرمىغانسىلەر؟! ئۇيغۇر بۆلۈمى بولغاندىن كېيىن ھەممە نېمىسى ئۇيغۇر يېزىقى، ئۇيغۇر تىلى ئەكىس ئەتكەن ھالدا ئىشلىتىلىشى كېرەكقۇ؟! شىنجاڭ ئۇيغۇر ئاپتونوم رايونى تىل-يېزىق كومتېتىنىڭ تىل-يېزىق ئىشلىتىش توغرىسىدا چىقارغان ھۆججەتلىرىنى ۋاراقلىساق،ئاپتونومىيە ھوقۇقىغا قارىساق، يېزىقىمىزنى قانداق ئىشلىتىشتا مۇئەييەن چۈشەنچىگە ئىگە بولالايمىز.... تىل ئىشلىتىشتا مۇنداق بىر بايانلارمۇ يوق ئەمەس. مىللەتلەر ئىتتىپاقىلىقى تەكىتلىنىۋاتقان بۈگۈنكىدەك ۋەزىيەتتە "مىللەتلەر ئىتتىپاقلىنى ئىلگىرى سۈرۈش"دېگەن جۈملىنى قانداقلا يەردە بولسا ئىشلەتسە بولىدىغان ھالغا كېلىپ قالدى. ساپ ئۇيغۇرلار ئولتۇراقلاشقان يېزىلارمۇ بولىدۇ شىنجاڭ ئۇيغۇر ئاپتونوم رايونىنىڭ يېزىلىرىدا.  بۇنداق يەردە باشقا مىللەت بولمىسا، نېمىشقا "مىللەتلەر"دەپ كۆپلۈك قوشۇمچىسىنى قوشۇپ قويىسىلەر؟ياكى باشقا مىللەت بار يەردە ئۇيغۇرلار ئولتۇراقلاشغمىغان بولىدۇ.ئۇنداقتىمۇ يەنە مىللەتلەر دەپ ئېلىنامدۇ؟!يا بىر توپ كالا پادىسى ئارىسىدا بىرلا قوي بولسا ، ئۇنى بىز "قويلار"دېمەيمىز- دە، ھېچقاچان. شۇنىڭدەك ئەمەلىيەتنى ھەقىقەتتىن ئىزدەش روھى بىلەن ئىش كۆرۈش كېرەك. مۇشۇنداق ئاتالغۇ ئىشلىتىشتا دىققەت قىلىدىغان جايلارمۇ يوق ئەمەس... 5.مىللىي مەدەنىيەتنى راۋاجلاندۇرۇپ، گۈزەل يۇرت قۇرايلى! شۇئارلارنى ھەممە يەردە ئۇچرىتالايمىزيۇ، قانداق راۋاجلاندۇرىدىغانلىقى توغرىسىدا چۈشەنچە كەم؟! مىللىي مەدەنىيەت بۇ يەردە نېمنى بىلدۈرىدۇ؟!مىللى دېگەن گەپ مۇشۇ رايوننىڭ ئاساسلىق ئاھالىسى بولغان بىز ئۇيغۇرنىڭ مەدەنىيتىنى كۆرسەتسە كېرەك؟! ئۆزىمىزنىڭ مەدەنىيتىنى-تىل-يېزىق، ئۆرپ-ئادەت، تۇرمۇش ئادىتى،ئېتىقادى....نى ئۆز ئىچىگە ئالىدىغاندۇ!؟ ئۇنداق بولغاندىن كېيىن  نېمىشقا بىزنىڭ يەنى شىنجاڭ ئۇيغۇر ئاپتونوم رايونىنىڭ مەدەنىيتى ئەكىس ئەتكەن فىلىم،خەۋەر، ئۇچۇر، سۆھبەت،پىروگىرامما...لار ھەققىي مەنىدە شىنجاڭ ئۇيغۇر ئاپتونوم رايونى دېگەن نامغا يارىشا مەدەنىيەت خاسلىقى بولمايدۇ؟!نېمىشقا شىنجاڭ ئۇيغۇر ئاپتونوم رايونىنىڭ ئاساسلىق ئاھالىسى بولغان نامدار قوۋم ئۇيغۇر مىللتىنىڭ مەدەنىيتى تىپىك ئەكىس ئەتكەن ئەۋلادلارغا دەرس بولىدىغان،ئۆگىتىدىغان پىروگىراممىلار ئىشلەنمەيدۇ؟! بىز كورىيەنىڭ كىنولىرىنى، ھەرقايسى زاۋۇت، كارخانىلارنىڭ ئېلانلىرىنى،ناخشا-ئۇسسۇل، ئېتوتلارنىلا كۆرۈپ ئۆتۈپ كېتىمىزمۇ؟! 6. كۆڭۈلدىكى سۆز. شىنجاڭ ئۇيغۇر ئاپتونوم رايونىنىڭ ھەرقانداق بىر يېرىدە ئۇيغۇرنى بىمالال ئۇچراتقىلى بولىدۇ.زىيارەت قىلىش ئوبېيىكتى مۇشۇنداق ئەھۋالدا ئۇيغۇر مۇخبىر خەنزۇچە سوئال سورايدىغان، زىيارەت قىلىنغۇچى قىينىلىپ تۇرۇپ، خەنزۇچە سۆزلىشى....ئۇيغۇرچە سۆزلەنگەن دىل سۆزلەرنىڭ كېسىلىپ، قىسقارتىلىپ، ياكى باشقا مەزمۇندا يالغاندىن دىكتور تىلىدا باشقا مەزمۇندا سۆزلىشى....خەۋەر ئېھتىياجى ئۈچۈن ساپالىق ئوقۇغان ئادەمنى "دېھقان"سىياقىدا چىقىرىپ، خەۋەرنىلا ئۈنۈملۈك بەرسە بولىدىغان ھالغا كېلىشى....(بۇ ھالنى مەن ئەينە ئۆز كۆزۈم بىلەن ئوقۇتقۇچىنى دېھقان سۈپتىدە كۆرگەن ئىدىم.)باشقىلارنىڭ چاپىنىدا تەرلىتىدىغان ئىشلارمۇ يوق ئەمەس. ئۇنىڭ ئۆيىدىن بۇنى،  بۇنىڭ ئۆيىدىن ئۇنى ئېلىپ چىقىپ، مەيداننى "راست"دەك ھالەتكە ئەكەلگچە ھەرەج تارتىدىغان گەپ..... سۆز قىلىش ئەركىنلىكى بولغاندىن كېيىن زىيارەت قىلىنغۇچىنىڭ كۆڭلىدىكى سۆزىنى دېيىشى تەبئىي ئەھۋال. ئۇنداق بولمىغىنىدا 'كۆڭۈلدىكى سۆز"دەپ، ئايرىم پىروگىرامما ئىشلەنمىگەن بولاتتى؟!(كۆڭۈلدىكى سۆز پىروگىراممىسىنى بولمىسا دېگەن گەپ ئەمەس بۇ. چۈشىنىش خاتا بولمىسۇن ،ئالاھىدە ئەسكەرتىش) ھەممە ئادەم ئۆز ئويلىغىنىنى دېيەلىسە، مەركەزگە خەلقنىڭ سادايى ئەينەن بارغان بولاتتى.... تورلاردىمۇ ئۇچرىتىمىز. بەزى زىيارەت قىلىنىۋاتقان مەيدانلار ھەتتاكى دەيدىغان گېپىنى قەغەزگە يېزىپ بېرىپ، كامىرانىڭ كەينىدا تۇرۇپ تۇتۇپ بېرىۋاتقانلىقىنى.......خەلقنىڭ قەلبىدىكىنى ئەكىس ئەتتۈرۈش دەپ مەركەزنىڭ چاقىرىقى ياخشى بولىۋاتقان بۈگۈنكىدەك ۋەزىيەتتە ئەل قەلبىدىكى ئەمەس، كىملەرنىڭدۇر قەلىمىدىكىسى قۇلاقلارغا ئاڭلانماقتا...... جاپايىڭلار ئارقىلىق ئۆزگىچە پىروگىراممىلارنى تەسىس قىلىپ، بىزنىڭ مەنىۋىي تۇرمۇشىمىزنى بېيىتىۋاتقىنىڭلار ئۈچۈن تەشەككۈر! يەنە ھارماي- تالماي خەلق ئۈچۈن جان دىلڭلار بىلەن خىزمەت قىلىشىڭلارنى سورايمىز... تەكلىپ،پىكىرنىڭ بولغىنى ياخشى. ھەممە بىر نىيەتتە ئالغا، داۋاملىق ئالغا! بۇ سادايىمىزنى "شىنجاڭ سۆھبەت يىغىنى"ئېچىلغاندىن كېيىن يېڭى ئۆزگىرىشلەرنى ئېلىپ كەلگەن ھەرقايسى رەھبەرلەر چوقۇم قۇلاق تۇتۇپ ئاڭلايدۇ. بۈيۈك جۇڭخۇانىڭ ئارزۇسى - جۇڭگونىڭ ئالتىدىن بىر قىسىمىنى ئىگەللەيدىغان زېمىندىكى كىشلەرنىڭ بىزنىڭ ئارزۇيىمىزنىمۇ ئۆز ئىچىگە ئالىدۇ، ئەلۋەتتە! بۇ ئارزۇلىرىمىزنىڭ ئۇلۇغ پارتيىەنىڭ غەمخورلىقىدا ئەمەلگە ئېشىشىدا گەپ يوق. چۈنكى ، پارتىيىمىزنىڭ نىشانى- خەلق ئۈچۈن خىزمەت قىلىش!!! ياشىسۇن پارتىيە، ياشىسۇن جۇڭگو!!! .............. كۆپچىلىكنىڭ ئەمەلىي بايانلار بىلەن مەندىن كەتكەن ، كەم قالغان نۇقتىلارنى ئوتتۇرغا قويۇپ ئۆتىشىدە سوغۇق قانلىق بىلەن ئېغىر بېسىق بولۇشىنى سورايمەن.... تۆۋەندىكىلەر خاس مېىنىڭ تۇرمۇشتىكى كۆزەتكەنلىرىم.بىلىمدار دوستلارنىڭ تەكلىپ ،پىكىر بېرىشىنى سورايمەن....رەھمەت، سىلەرگە!

isajan

	خەنزۇچە ،مۇڭغۇلچە، زاڭزۇچە.............. دىگەندەك تېلىۋۇزۇدا چىقىدىغان بارلىق قاناللارغا دىققەت قىلدىم . پەقەت ئۇيغۇرچە ،قازاقچە قاناللارنىڭلا  سول تەرەپ ئۈستى بۇلۇڭىدا ئۇيغۇرچە ، قازاقچەيېزىلغان قانال ئىسمى  يوق  ئىكەن ، پەقەت بىر ساغىرىپ قالغان ئەسكى يۇپۇرماقنىڭ رەسىمى تۇرىدۇ . يەنە ھەيران قالغىنىم شىنجاڭنىڭ خەنزۇچە قاناللىرى يەنىلا نورمال بۇرۇنقىدەك، ئۆزگۈرۈش يوق . بۇنى قانداقلا ئويلىسام قۇبۇل قىلالمىدىم .  بۇ بىز ئۇيغۇر قازاقلارغا قىلىنغان ئىغىر كەمسىتىش .

kapciz

	ياخشى يېزىپسىز!   ..........     مەنمۇ ئۇزۇندىن بېرى دىققەت قىلىپ كىلۋاتىمەن،زاڭزۇچە، مۇڭغۇلچە قاناللاردا دىكتور، رىياسەتچىلرە ئۆزلىرىنىڭ مىللىيچە كىيىملىرىنى كىيىپ چىقىدىكەن .  نىمىشقا بىزنىڭ يۇرتىمىزدىكى دىكتور لار ئۇنداق قىلمايدۇ؟  بىزنىڭ مىللىچە كىيىملىرىمىز تېلۋىزورغا كىيىپ چىقسا نۇمۇس قىلغۇدەك كىيىملەر ئەمەسقۇ؟

بۇلاق

	kapciz يوللىغان ۋاقتى  2013-5-28 18:04 ياخشى يېزىپسىز!   ..........     مەنمۇ ئۇزۇندىن بېرى دىققەت قى ... ئۈرۈمچى تېلۋىزىيە ئىستانىسىنىڭ رىياسەتچىلىرى دوپپا كىيىپ چىققانتى ئەمدى ئوبدان بولدى دەپ يۈرسەك يەنە ئېلىۋىتىپتۇ

blackrose

	رەھمەت سىلەرگە . ئېھتىمال، بۇ ئىشلارمۇ پارتىيىنىڭ غەمخورلىقىدا بىز ئويلىغاندىنمۇ ياخشى نەتىجىگە ئىرىشىشى مۇمكىن... دوپپا كىيگەن، ئەتلەس كىيگەن شۇ خىل ھالەتنى ھېيىت-بايرامدىن باشقا كۈندىمۇ كۆرەلەيمىز چوقۇم.

alimjan005

	ئەمما لىكىن ۋە بىراق  مۇشۇ تىما ئىگىسگە شۇندا  قايىل بولدۇم  راس تېلۋىزيە ئىستانسىللىرى بايراملىق ئىككى كۈن كىيدۇ دوپپىنى  ئېلىۋىتىشكە كۆزى تۆت ئۇلارنىڭ   سىز يازغان مۇشۇ تىمىنى كورگەن بولسا ئىدى باشقا مىللەتلەر ئۆزنى پەقەت ئۇنتۇپ قالمايدۇ دەيمە  ما  بىز   ............بولدىلا بىز مۇشۇنداق بولسا بولتى دەپ كۆرسىتىپ بەرگەن بىلەن   مىنىڭچە پايدىسى يوق

sadakatguli

	بۇ تېمىنى مىسرانمىدا كۆرگەن ئىدىم........

sultan777 ھەقىي سالاھىيەتلىك ئەزا

bahtimiz

	ھەممىمىزگە ئۇلۇغ ئاللادىن ئىنساپ ۋە سەۋىرلەر تىلەيمەن !!!

azmatjan2000

	بەزى تورداشلارراس دەيدۇ دىمىسىمۇ بىزنىڭكى تىل-يىزىقىمىزئۇيغۇر ئاپتۇنۇم نىڭكى كۆپ يەرلىردە ئۆتمەس بۇلۇپ قالدى ئەمدى شۇنۇڭغا قۇشۇپ تىلۋىزىيەنىڭكى ئىكراندىمۇ يوقاپ قالغىلى خىلى زامان بولدى بۇ تىمىنى جايدا يوللاپسىز  مۇشۇنچىلىك ئىشنىڭكى  ئىستانسىنىڭكى ئۇيغۇر ئەمەلدارلىرنىڭكى قۇلدىن كەلمەسلىكىگە ئىشەنمەيمەن چۈنكى قارسام پالانى ئىستانسىنڭكى مۇئاۋىن بىرنىمىسى دىگەندەك خىلى كۆپ ئۇيغۇر ئەپەندىلەرنىڭكى ئىسمى-زاتىنى ھەيۋەت بىلەن تىلغا ئالغانلىقىنى ئاڭلايمەن خەۋەردىن ئاڭلاپ ئىسىمدە قىلىشچە ئىستانسىنىڭكى سىكىلتارى خەن غۇ دەيمەن بۇغۇجامنىڭكى ئىمزاسى بولمىسا ئاقماسمۇ يا ئىشقىلىپ تىلۋىزىيە ئىستانسىدىكى ئەپەندىلەرنىڭكى ئازاق بولسىمۇ كۆڭۆل بۈلۈپ قۇيشىنى ئۈمۈت قىلمەن