ئىبراھىم قۇرباننى تونۇمسىز(ئەلكۈيى تورى ئالاھىدە تەۋسىيەسى)

umidwar

	تالانتلىق ئىجادىيەتچى ، ناخشىچى ئىبراھىم قۇربان ئورۇنلىشىدىكى تۇرپان Stayle(تۇرپانغا كەلمەمسىلە) ۋە سالام لۇتپۇللا ئەسسالامۇ ئەلەيكوم تورداشلار ئالدى بىلەن ھەممەيلەنگە ئولۇغ ئاللادىن ساق -سالامەتلىك ۋە ئىشلىرىڭلارغا زور نەتىجە تىلەيمىز. تىرىشچانلىق ئىنسان ھاياتىنى تېخىمۇ تاكاموللاشتۇرىدىغان ئىنسان روھىيىتىنىڭ  مۇھىم بىر قسمى ھېسابلىنىدۇ.تىرىشچانلىق نۇرغۇن ئادەملەرنى قەيسەر ۋە مۇۋەپپەقىيەت ئىگىسىگە ئايلاندۇرالايدۇ.ئەلكۈيى تورى تالانتلىق مۇزىكا ئىجادىيەتچىسى ، ناخشىچى ئىبراھىم قۇربان ئۆزىنىڭ ئون نەچچە يىللىق ئىجادىي ئەمگىكىنىڭ مۋېىسى سۈپىتىدە 2013-يىلى 6-ئاينىڭ 1-كۈنى شىنجاڭ خەلق سارىيىدا <<ئىبراھىم قۇربان ئىجادىيەت ناخشا كېچىلىكى>>نى ئۆتكۈزمەكچى  بولغانلىقىدىن خەۋەر تېپىپ، بۇ تالانتلىق ناخشىچىمىزنىڭ مۇۋەپپەقىيتىگە خەلقىمىزنى جۆر قىلىش مەقسىتىدە كېچىلىكتىن بورۇن يېقىندا شىنجاڭ تېلىۋىزىيە ئىستانسىسىنىڭ دۆلەتلىك بىرىنجى دەرىجىلىك رېژىسسورى نىجات نىياز خوجا رېژىسسورلۇق،ئوپىراتورلۇق قىلىپ ئىشلىگەن ئىبراھىم قۇربان ئەپەندىمنىڭ تۇرپان سىتايلى(تۇرپانغا كەلمەمسىلە) ۋە سالام لۇتپۇللا ناملىق ئىككى يېڭى ناخشىسىنىڭ تولۇق سۈرەتلىك كۆرىنىشىنى تورداشلارنىڭ ھوزۇرىغا سونۇش بىلەن بىر ۋاقىتتا ئىبراھىم قۇربان ئىجادىي ناخشا كېچىلىكى ھەققىدە ئۇچۇر بىرىشنى مۇۋاپىق كۆردۇق. تۇرپان Stayle(تۇرپانغا كەلمەمسىلە) ئەلكۈيى تورى تورداشلارغا تەمىنلىگەن بۇ يېڭى سۈرەتلىك ناخشىلار يۇقىرى ئېنىقلىقتا سۈرەتكە ئېلىنغان بولۇپ،مۇشۇ قويغۇچنىڭ ئاستى تەرىپىدىكى 标清 دىگەن خەتنى چىكىش ئارقىلىق رەسىمدىكى 超清نى تاللاش ئارقىلىق ئەڭ يۇقىرى ئېنىقلىقتا كۆرسە بۇلىدۇ،تور سۈرئىتىڭىز ئاستا بولسا 标清ھالەتتە كۆرسىڭىز بۇلىدۇ سالام لوتپۇللاھ سۈرەتكە ئېلىش جەريانىدىكى رەسىملەردىن ئارىيەلەر.. ' تالانتلىق مۇزىكا ئىجادىيەتچىسى،ناخشىچى ئىبراھىم قۇربان ئۆزىنىڭ ئون نەچچە يىللىق ئىجادىي ئەمگىكىنىڭ مېۋىسى سۈپىتىدە 2013-يىلى 6-ئاينىڭ 1-كۈنى شىنجاڭ خەلق سارىيىدا ‹‹ئىبراھىم قۇربان ئىجادىيەت ناخشا كېچىلىكى ››نى ئۆتكۈزمەكچى.كېچىلىككە پەخىرلىك ئوغلانىمىز،شىنجاڭ تېلىۋىزىيە ئىستانسىسىنىڭ دۆلەتلىك 1-دەرىجىلىك رېژىسسورى نىجات نىياز خوجا رىژىسسورلۇق قىلىدۇ.تونۇلغان رىياسەتچى ئاكتىيورلىرىمىزدىن ئابدۇقېييۇم مۇھەممەت،گۈلجامال مەتنىياز،ماھىرە ئابدۇغېنى قاتارلىقلار رىياسەتچىلىك قىلىدۇ.ئاتاقلىق ناخشا چولپانلىرىمىزدىن ئابدۇللا ئابدۇرېھىم،دىلشات راھىدىن،ئەسقەر رېقىپ،سەمى ئوسمان،ئەنۋەر ئابدۇگۈل،ئىسكەندەر سەمەت،مۇرات مۇختەر،خالىمەڭ ئابدۇراخمان،باھارگۈل قاسىم قاتارلىقلار ئىبراھىم قۇربان ئىجادىيىتىدىكى ناخشا،يۇمۇر-چاقچاقلارنى تاماششىبىنلارغا سۇنىدۇ.كەڭ تاماششىبىنلارنىڭ قەدەپ تەشرىپ قىلىشىنى ئاسان قولغا كەلمەيدىغان بۇنداق ياخشى پۇرسەتنى قولدىن بەرمەسلىكىنى ئۈمىد قىلىمىز.   كېچىلىك ۋاقتى: 2013-يىلى 6-ئاينىڭ 1-كۈنى (ئۈرۈمچى ۋاقتى كەچ سائەت 7:30دا ئورنى: شىنجاڭ خەلق سارىيى(سەككىز قەۋەت ئۇدۇلىدا) بېلەت سېتىلىدىغان ئورۇنلار: خەلقئارا چوڭ بازار ئالدى،ئارمان تاللا بازىرى ئالدى بېلەت باھاسى: 100يۈەن،200يۈەن،300يۈەن ئالاقىلىشىش تېلىفۇن نومۇرى:18199160280  ياكى 13199776690 كامالىي ئېھتىرام بىلەن : ئەلكۈيى تور تېخنىكا چەكلىك شىركىتى ئەلكۈيى تور بېكىتى 2013-يىلى 5-ئاينىڭ 27-كۈنى(باھار ئېيىنىڭ 27-كۈنى دۈشەنبە)

muemue

	ماۋۇ ئاكىمىزنىڭ ھەقىقەتەن مۇزىكا سەۋىيەسى بار ، ئۇنىڭغا قول قويىمەن ! مۇشۇ ئاكامىز كەينىدىكى ئاشۇ قىزلارنىڭ سەكراۋاتقانلىقىنى بىلەرمۇ ؟  يا رىژىسسور بۇ ئاكام كۆرمەيدۇ دەپ ، ئۇ يەر بۇيەردىن قىزلارنى تېپىپ كەينىدە سەكرەۋىرىڭلار دەپ قويغانمىدۇ ؟

bulak007

	تۇرپان Stayle(تۇرپانغا كەلمەمسىلە) سەل چەكتىن ئاشۇرۋەتتىمۇ قانداق ؟  مىنىڭچە بۇ مۇزىكا ئۇيغۇرلاغا  بەكلا يات

batur72

	بىر ئويلىسا سەنئەتكارلىرىمىزنىڭ تالانتى ھەقىقەتەن ئادەمنى خۇشال قىلىدۇ،يەنە بىر ئويلىسا دورامچىلىقى دىلنى غەش قىلىدۇ . بۇ ستايىل  لارنىڭ چىقىۋېرشى مىنى بىزار قىلىپ قويغان ئىدى، ئىچكىرىدىمۇ كىچىكى باشلانغۇچتىن چوڭى  ئالىي مەكتەپ ،ئىدارىلەرگىچە بۇنى دورىمىغان يەر قالمىدى ، بەلكىم بۇنىڭغا قاقشاش بىمەنىلىكتۇر ،لىكىن تالانتىق كىشىلىرىمىز دوراش بىلەنلا بولۇپ كەتمىگەن بولسا ،يېڭىلىق يارىتىپ باقسا بولاتتى .  يول ئىزدەنسە ئېچىلىدۇ ئەمەسمۇ .

jahankezdi

	ئىبراھىم قۇربان ئەپەندىمنىڭ قىيىنچىلىقنى باتۇرلۇق بىلەن يىڭىپ خەلققە مۇشۇنداق ياخشى سوۋغا سۇنغانلىقىدىن ئىنتايىن خۇشال بولدۇم،تۇرپان سېتايل بەكلا ياخشى ئېيتىلىپتۇ،نازىركۇم مۇزىكىسى،زامانىۋى مۇزىكا دۇنياۋى شۆھرەت قازانغان مۇزىكا بىلەن بىرلىشىپ ئادەمنىڭ روھىنى باشقىچە ئويغۇتىدىكەن.ئۈستىدىكى بىر تورداش قاچانغىچە دورايمىز دىگەندەك ئازراق قاقشاپ قاپتۇ،ئەمەلىيەتتە ئىبراھىم قۇربان بۇ ناخشىنى ئۇدۇل دوراپ ئەمەس ،ئۆزلەشتۈرۈپ ، ئۆزلەشتۈرگەندىمۇ ئىنتايىن سىپتا ۋە چىچەنلىك بىلەن بىزنىڭ تۇرمۇشىمىزغا يېقىنلاشتۇرۇپ ئېلىپ كەپتۇ،رېژىسسورنىڭ  قابىلىيتى بىلەن سۈرەتلىك كۆرۈنۈشلىرىنى كۆرگەن كىشى تەبىئىيلا تۇرپان ئۇيغۇرلىرىنىڭ جۈملىدىن تۇرپان ساياھەتچىلىكىنىڭ مۇھىم يارقىن يەرلىرىنى بىلەلەيدىغان بوپتۇ.كۆزى كۆرمەيدىغان بىر ئەما ناخشىچى ئاۋاز،ھەركەت ۋە قابىلىيەت جەھەتتە مۇشۇنداق ئارتۇقچىلىقى بىلەن مەيدانغا چىققان يەردە قوللاش ۋە مەدەت بىرىش ھەق يوسۇندا تۇرۇپ لىللا باھا بىرىش ئەڭ ئاقىلانىلىق ئەلۋەتتە.ھەممە نەرسىنى يەكلەۋەرسەك،ھەممىنى ئۆز ئىدىيەم بۇيىچە ماڭغۇزىمەن دىسەك بۇ دۇنيا بىزگە تارچىلىق قىلىپ قېلىشى مۇمكىن.نىمىشقا بۇ مۇزىكا ھەممە ئادەمنىڭ دورىشىغا ،ياقتۇرىشىغا ئىرىشەلەيدۇ دىگەننىمۇ ئويلاپ بېقشىمىز لازىمدۇر.دۇنيانىڭ ئۆزىمىزنىڭ كۆزىدە كۆزىتىۋەرمەيلى باشقىلارنىڭ ئورنىدا تۇرۇپمۇ ئويلاپ باقايلى،لۈشۈن ئەپەندىم يول ئەسلى يوق ئىدى ئىنسانلارنىڭ مېڭىشى بىلەن يول پەيدا بولغان دىگەن.باشقىلار بۇ يولدا مېڭىپ بولغان ئەمدى مەن باشقا يول تاپىمەن دەپ تەييار يولنى تاشلاپ قۇملۇقتا ماڭماستىن،باشقىلار ماڭغان يولنى تېخىمۇ ئازادە،كەڭرى ۋە ئاسفالىت يولغا،ئۆزىمىزنىڭ قەدەملىرىگە ماسلىشىدىغان يولغا ئايلاندۇرۇشقا تىرىشساق تېخىمۇ ياخشى ئەلۋەتتە.مىنىڭ بۇ تېمىدا باشقىلار بىلەن مۇنازىرەلەشكۈم يوق،پەقەت ئىبراھىم قۇرباننىڭ ئىككى ناخشىسىدىن ئالەمچە سۆيۈنگەنلىكىمدىن ئىنكاس يېزىپ ئولتۇرۇپتىمەن.بەزى نەرسىلەرگە مۇنازىرە كەتمەيدۇ.مىنىڭچە بۇ ئىككى ناخشا دەل شۇنىڭ ئىسپاتى.لۇتۇپۇللا مۇتەللىپ ھەققىدىكى ناخشىنى كۆرۈپ بىر خىل كۆڭلۈم قاينام ئۆركىشىدە باشقىچە ئۆركەشلىگەندەك بۇلۇپ قالدى.ئىبراھىم قۇرباننىڭ ناخشا كېچىلىكىگە كىرىش ئىستىكى قەلبىمنى چۇلغىماقتا.

ablimitt

	ھەي...نازىركوم مانا بىزنىڭكى.شۇنى ۋايىغا يەتكۈزسىمۇ بۇلاتتى...

mehrikut

	ئىبراھىم قۇربان ئاكا ئورۇنلىغان ‹ تۇرپانغا كەلمەمسىلە › ناملىق ناخشىنى ئاڭلاپ ، ئاتەش ماكان تۇرپاننىڭ تىپتىنىچ ئاقىدىغان زۇمرەتتەك سۈزۈك سۇلىرىنى ئوچۇملاپ ئىچىۋاتقاندەك ھىسسىياتقا كەلدىم ، ئاكىمىزنىڭ بۇ ناخشىنى ۋايىغا يەتكۈزۈپ ئورۇنلىغانلىقىدىن تولىمۇ سۆيۈندۈم ، ئەگەر ئۈرۈمچىدە بولغان بولسام بۇ ناخشا كېچىلىكىگە چوقۇم كىرگەن بولاتتىم . ئىبراھىم قۇربان ئەپەندى ‹ سالام لۇتپۇللا › دېگەن ناخشىنىمۇ شۇنچە يېقىملىق ئېيتىپتۇ ، بۇلتۇر ئاقسۇغا بارغان ۋاقتىمدا شائىرنىڭ مەقبەرىسىگە بېرىپ ، تاشلىنىپ قالغان قەبرىنى كۆرۈپ كۆڭلۈم تولىمۇ يېرىم بولغان ئىدى ، بۇ ناخشا بىلەن بىللە شائىرنىڭ تۇپراق بېشىغا  يەنە بىر قېتىم زىيارەتكە بېرىپ ، ئوت يۈرەك شائىرنىڭ روھىغا ئاتاپ دۇئا قىلىۋاتاندەك ھىسسىياتقا كېلىپ قالدىم . مەنغۇ سەنئەتكار ئەمەس ، بىراق بىر مىللەت تارىخىدا مەدەنىيەت ئالماشتۇرۇشى دېگەن بولۇپ تۇرىدۇ ، سەنئەتمۇ ۋارىسلىق قىلىش ، باشقىلارنىڭ ئارتۇقچىلىقلىرىنى  قوبۇل  قىلىش ئارقىلىق راۋاجلىنىپ بارىدۇ ، ئىبراھىم ئاكىنىڭ  بۇ ناخشى ئۆزلەشتۈرۈپ ئېيتىقىنىغا ئاساسلىنىپ ، ھەممىگە ئۈمىدسىزلىك بىلەن قارىساق ھەم ۋايساپ كەتسەك ، بۇ مېنىڭچە بىھۇدە ئاۋارىچىلىق ، خۇددى تارىخنىڭ چاقى مەڭگۈ ئالغا قاراپ ماڭغاندەك ، ئۇنى ھېچكىم توساشقا قادىر بولالمىغاندەكلا بىر ئىش ، پەن - تېخنىكا ، سەنئەت ئوخشاشلا ئۆز يولىنى بويلاپ تەرەققى قىلىۋېرىدۇ ، ئۇنىڭدا خۇددى ئەدەبىياتتىكىدەك ھەر ئېقىملار ئۇچراپ تۇرىدۇ ، پەقەت بىز كەڭ نەزەرلىك بىلەن ھەممىگە توغرا مۇئامىلە ىلالىساقلا كۇپايە . ئاخىرىدا ئىبراھىم قۇربان ئاكىغا سالامەتلىك ۋە خاتىرجەملىك ، سەنئەت ھاياتىغا تېخىمۇ گۈزەل مەنزىللەر تىلەيمەن ! ناخشا كېچىلىكى ئۇتۇقلۇق بولغاي !

dakar

	ناھايىتى ياخشى ئورۇنداپتۇ بۇ ئاكىمىزنىڭ بۇنىڭدىن كىيىن تىخىمۇ ئېسىل ناخشىلار بىلەن يۈز كۆرۈشتۈرۈشىنى ئۈمۈد قىلىمەن ‹تۇرپانغا كەلمەمسەن ›دىگەن ناخشىنى ئاڭلاپ تۇرپانغا بارغۇم كىلىپ كەتتى

batur72

	كۆڭۈلدىكى گەپلەرنى ئىنكاستا تولۇق دىمەي ،كۆپچىلىكتە خاتا تەسىر پەيدا قىلىپ قويغان گۇناھ مەندىن ئۆتۈپ قاپتۇ . كىيىن ئىنكاسنى تەھرىرلىيەلمەي قالدىم . كۆزگە كۆرۈنگەن  تالانتلىق بىر كىشىنىڭ بىر ئەلدە پەيدا بولۇشى كىشىنىڭ كۆڭلىنى ھەقىقەتەن يايرىتىدۇ،چۈنكى ئۇ مەلۇم نەتىجىسى ئارقىلىق شۇ خەلق كىشىلىرىگە مەنپەئەت يەتكۈزىدۇ  ،ئىبراھىم قۇربان ئاكىمىزنىڭمۇ مۇشۇنداق تېرىشچانلىقلارنى كۆرسىتىشى ئەلۋەتتە بىز كۆز يۇمساق  بولمايدىغان ياخشى ئىش ،مۇشۇنداق چولپانلىرىمىزنى شەكسىز قوللايمىز .بۇنداق ئىشلارنى يەكلەيدىغان ، سۆكىدىغان كىشىلەرمۇ نادان،دۈشمەن  ھېسابلىنىدۇ. مەنمۇ ئەگەر ئۈرۈمچىدە بولسام بىر كۆرۈپ باققان بولاتتىم .  بۇ ئاكىمىزنىڭ  ئۇسلۇبلىرىمۇ يېڭىچە چىقىپتۇ ،بۇلارنى يۇقىردىكى ناخشىدىن كۆرىۋېلىش تەس ئەمەس،بۇلار ئۈستىدە تەپسىلي توختالمىساممۇ تورداشلار ئۆزى  بىلەلەيدۇ  . ئۆز پىكرىمگە كەلسەم ،ئاللاھ رىزىقنى ئوخشىمايدىغان قىلىپ ئاتا قىلىدۇ ، بەزىلەرگە تالانت بېرىپ يول باشچى قىلىدۇ ،بەزىلەرگە نورمال ئادەملەر قاتارىدىن ئورۇن بېرىپ ئۇنىڭغا يولباشچىغا ئەگىشىش  بۇيرۇقىنى بېرىدۇ . يولباشچىلار يوللارنى ئاچىدۇ ،ئەگەشكۈچىلەر يولدىن ماڭىدۇ ،ئۇلارنىڭ روللىرى ئالمىشىپ قالسا ، چوڭ نەتىجە  چىقمايدۇ .مەسىلەن ،  ئەگەر گالىلىي ،نىيوتون ،ئېينىشتىيىن قاتارلىقلار غا ئوخشاش كىشىلەر بىر -بىرىگە ئەگىشىپ يۈرۈپ  ،ئۆز تالانتى بىلەن يول ئاچمىغان بولسا ،ھازىرقى يۈز قەۋەتلىك بىنالار ، تەرەققىىي قىلغان زامانىۋىي تېخنىكىلار بارلىققا كىلەتتىمۇ ؟  شۇ بۇرۇنقى ئارىستوتىلنىڭ دەپ قويغان گېپىنى تېخنىكا دەپ بىلەتتۇق- خالاس . قۇملۇقتىكى يول مېڭشقا يارتىلغان ،لىكىن شۇ يولنى كىم سالغان ؟ دەل شۇنداق يول سېلىشقا تالانتى بار كىشىلەر سالغان ،يەنە تالانتى بار كىشىلەر بۇ ياسىلىپ بولغان يوللاردىن مېڭىۋېرىشى ھاجەتسىز  ،ئەجرى ھەم تالانتى بىلەن  تېخىمۇ ئارلىق تىجەيدىغان يولنى سالسا بىزمۇ شۇ يولدىن ماڭىمىز ،خۇشال بولىمىز .  ئەگەر ئۇلارمۇ بىز بىلەن  بىللە ماڭسا ،بىرەر كىشى  ئۇلارغا ئەسكەرتىپ قويمىسا ،پەقەت ماختاش بىلەنلا كۇپايىلەنسە ، يەنە يېڭىلىق ،تەرەققىيات بارلىققا كىلەمدۇ ؟  مەيلى ئىلىم-پەن ،مەيلى ناخشا -ئۇسۇل بولسۇن ھەممىسى شۇنداق ،يەنە يېڭى يوللارنى ئېچىشقا مۇھتاج .  ئۇلارنىڭ تالانتىنى ئېتراپ قىلغان ئاساستا  ئۇلارغا دورامچىلىق قىلماڭ دىگەندەك پىكىرلەرنى  بەرگەننىڭ نىگىزى  ئۇلارنى تىللاش، يەكلەش  ئەمەس بەلكى ئۇلارنى سەگىتىش ، ئۇلارنى تېخىمۇ ئۇلۇغ بولۇشىدىن ئۈمىد كۈتۈش ،ئادەتتىكى ئادەملەرنىڭ ماڭغان يولى بىلەن ئۆز يولىنىڭ  پەرقى بارلىقىنى بىلدۈرۈپ قويۇش .  ھەرگىزمۇ ئۆز ئىدىيسىگە باشلاش ياكى كىشىلەرنى قايمىقتۇرۇش ئەمەس. شۇڭلاشقا تورداشلارنىڭمۇ توغرا قارىشىنى ئۈمىد قىلىمەن . ئىبراھىم ئاكا ، تېخىمۇ كۆكلەڭ ،يېڭى نەتىجىللىرىڭىزگە بىز تەشنا .

khan ھەقىي سالاھىيەتلىك ئەزا

	ئىبراھىم قۇربان ئاكىمىز بىلەن مۇراتجان مۇختەر گەرچە كۆزدىكى روشەنلىكتىن مەھرۇم بولسىمۇ، بىراق قەلىبتىكى روشەنلىكى بىلەن ھەممىمىزنىڭ ئۆگىنىشىگە ئەرزىيدۇ. توقسۇن، ئۇيغۇر سىلەردىن پەخىرلىنىدۇ قېرىنداشلىرىم. ئەركىن قۇتىپىدىن، ئەسقەر رېقىپ، سەمى ئوسمان، خالىمەڭ ئابدۇراخمان قاتارلىق ئەل سۆيگەن سەنئەتكارلىرىمىز بوران ۋادىسىنى ئۆز ناخشاڭلار ۋە ئۇسسۇلۇڭلار بىلەن خەلقىمىزگە تونۇتتۇڭلار. كىندىك قېنىڭلار تۆكۈلگەن، سىلەر چوڭ بولغان سەھرا سىلەرنى ئالقىشلايدۇ. ئاللاھ مەدەتكارىڭلار بولسۇن.