نامازسىز ئەزان، ئەزانسىز ناماز
ئاپئاق قويۇق ساقاللىق،يۈزىدىن نۇر يېغىپ تۇردىغان بوۋايدىن نەۋرىسى سوراپتۇ:
-بوۋا،ئىنسانىڭ ئۆمىرى قانچىلىك بولىدۇ؟
بوۋاي تاتلىق بىر تەبەسسۈم بىلەن جاۋاپ بېرىپتۇ.
-ئەزان بىلەن ناماز ئارلىقچىلىك ئوغلۇم،-دەپتۇ.
نەۋرىسى :
- چۈشەنمىدىم بوۋا، يەنى ئۆمۈر شۇنچىلىك قىسقا بولامدۇ ؟
-شۇنداق بالام ، ئۆمۈر نامازسىز ئەزان بىلەن،ئەزانسىز نامازنىڭ ئارلىقچىلىك ، - دەپ جاۋاپ بېرىپتۇ،بوۋاي
نەۋرىچاق يەنە سوراپتۇ،
- نامازسىز ئەزان بىلەن ئەزانسىز نامازدىن نېمە دېمەكچى بولغىنڭىزنى چۈشىنەلمدىم، - بوۋا ئۇ نېمە دىگەن گەپ ؟
بوۋاي نەۋرىسنڭ قولىنى مھېرى بىلەن تۇتۇپ تۇرۇپ :
- قارا ئوغلۇم... قايسى كۈنى قوشنىمزنىڭ بالىسى تۇغۇلغاندا، بالىنىڭ قۇلقىغا ئەزان ئوقۇلدى، شۇنداقمۇ ؟
-شۇنداق ،
-ئەمما ئۇنىڭ نامىزى ئوقۇلدىمۇ ؟
- ياق ئوقۇلمىدى،
-ئۇ ئەزان نامازسىز ئەزاندۇر، ئادەم ئۆلسە جىنازا نامىزى ئوقۇلىدۇ، ئەمما ئۇ نامازغا ئەزان ئوقۇلمايدۇ، مانا ئۇ بولسا ، ئەزانسىز نامازدۇر. ئەسلىدە ئۇ نامازنىڭ ئەزىنى ئىنسان تۇغۇلغاندىلا ئوقۇپ بولۇنغان.
__________________________________________
ماڭا قارا ئەي ئىنسان، تۇغۇلدۇڭ ھامان بىر كۈنى ئۆلدىغنىڭ ئېنىق، ئۆمۈر ئىنتايىن تىز تۈگەيدۇ! ھاياتىڭنى ياخشى قەدىرلىگىن، ۋاقتىڭنى ئەھمىيەتلىك ئىشلارغا سەرىپ قىلغىن. ھاياتلىق سەپىرىڭنى ياخشى ئىشلار بىلەن تولدۇرغىن. بىر نەپەس ئالقانچىلىك ۋاقىتنىمۇ ، ئەرزىمەس ئىشلارغا سەرىپ قىلما ! ھامان ھاياتىڭ ئاخىرلىشىپ ئۇنىڭدىن سورىلىسەن...دىگەن ئاگاھلاندۇرشىنى بەرگەن ئەشۇ ئەزان ئىدى.
مانا شۇنىڭغا ئوخشاش ،بىر ئادەمنىڭ ئۆمىرى ئەزان بىلەن ناماز ئارلىقچىلكتۇر...
يوللىغان ۋاقتى 2013-5-22 16:47:04
