ئىزتىراپلىق خىياللار

batur72

	مۇھەممەدتۇرسۇن ئوغلانى                        ئاي نۇرى ئىچىدە كەڭرى بىر يايلاق .                        چۈشتى ئۇ خىيالغا  باغرىغا قاراپ .                        تىنىقى مىسالى  مەيىن  شاماللار.                          ياتاتتى ھاياتلىق جىسمىغا تاراپ  ،                                                                                             سۆگەتلەر ئۇسۇلغا چۈشتى ناز بىلەن ،                       سۆيگەچكە باغرىنى شۇ مەيىن شامال.                       تەبىئەت تېپتىنىچ،  كۆڭۈل ئازادە.                       گۈزەللىك يۈرەكنى قىلىدۇ قامال .                                                            بىر يوغان تىرەكمۇ تۇرىدۇ مەغرۇر .                        چاپقۇن ھەم بوراننى قىلىدۇ ئەسىر،                      « شۇنچىلكىك جاھانغۇ»دەيدىكەن گۈللەر.                       نازىنىن قەلبىنى قىلسىمۇ  قەسىر .                                                             قارىدى چاشقانلار  ھەيرانىلىكتە ،                       يولۋاسنىڭ بەستىگە قوزغالدى ھەۋەس.                      يولۋاسمۇ يىغلايدۇ شىر بولالمىغاچ ،                       ئاچكۆزلۈك ھاياتقا چاپلاشقاچ پەۋەس.                                                   تاغ جىمجىت ، ئاسمانغا قىلىدۇ ھەيۋە ،                     بۇلۇتلار سۆيسىمۇ ئۇنىڭ يۈزىنى ،                    ئاسماننىڭ قەلبىدۇر كەڭرى ھەم پىنھان.                    ئاڭلايدۇ تېپتىنىچ زىمىن سۆزىنى .                                                        بولغاچقا تەبىئەت ئۆزىگە ئانا .                      شەھەرلەر بەستىدىن تاپار قانائەت .                     ئادەملەر ئۈگەيمۇ گۇمانىم كۆپتۇر.                     جانلىقلار نەسلىگە بەرمەس ئىناۋەت.                                                                                دېڭىز مۇ قوينىغا ئالدى دەريانى .                      تۈمەنمىڭ ئېقىننى قىلىدۇ تومۇر.                     رەنجىمەس ھاياتتىن ،قىلىدۇ سۈكۈت.                      قوياش شۇ  باغرىنى قىلسىمۇ تونۇر.                                                  پەرۋازدىن توختىدى خىيال كەپتىرى  ،                      كۈن چىقتى جاھانغا تاراپ نۇرلىرى .                      ھاياتلىق جانلاندى ،تەبىئەتمۇ ھەم .                     ئايلانغاچ ۋاقىتنىڭ كەپسىز قۇرلىرى .                                                                                                                                                     2013.05.11(تىيەنجىن)

bulak007

	قوياش شۇ  باغرىنى قىلسىمۇ تونۇر   مۇنۇ مىسىراسى ياخشى چىقىپتۇ جۇمۇ ئاداش

batur72

	bulak007 يوللىغان ۋاقتى  2013-5-13 14:16 قوياش شۇ  باغرىنى قىلسىمۇ تونۇر   مۇنۇ مىسىراسى ياخشى ... رەھمەت ئاداش