بۇزۇق دادا، قاتىل ئانا

batur72

	مۇھەممەدتۇرسۇن ئوغلانى                                                                (ھېكايە)         بىر دوستۇمدىن يېقىدا بىر ئىشنى  ئاڭلىۋالدىم .          مەن ئادەتتە سەھەر تۇرۇشنى ياخشى كۆرەتتىم . بۈگۈنمۇ ئادىتىم بويىچە سەھەر تۇردۇم.بىر قۇر يۈز يۇيۇپ چىش چوتكىلاشتىن كىيىن چېنىققىلى سىرىتقا چىقتىم -دە ،ئەتىگەنلىك ھاۋانىڭ ساپ ھاۋاسىدىن شۇنداق بىر ھوزۇرلاندىم ،ئادەم ئەتىگەننىڭ مۇشۇنداق يېرىنى ئازىلايدۇ - دە ، ھەم تېنىچ ،ھەم ھاۋالىق .   « مەن بالامنى ئۆلتۈرىۋاتتىم ....»  كەينىمدىن تۇيۇقسىز كەلگەن بۇ ئاۋازدىن چۆچۈپ كەتتىم . قۇلىقىمدا نائۇشنىكتا موزىكا چىقىۋاتقان  بولسىمۇ بۇ ئاۋازنى ئاڭلىغان ئىدىم .دەرھال بۇرۇلۇپلا قارىدىم .  كەينمدە يىراق بولمىغان بىر يەردە  بىر رەتلىك كىيىنگەن ئايال تۇراتتى .ئۇنىڭ چېچى ئازىراق ئاقارغان ، چىرايىدىن بىر خىل مىسكىنلىك ئەكىس ئىتىپ تۇراتتى .مەن ئۇنىڭغا قاراپ قېتىپلا قاپتىمەن . __ مەن بالامنى ئۆلتۈرۈپ قويدۇم ،بالام بۇيەرگە كەل !! .__ دەپ  ئۇ يىغلاپ تۇرۇپ ئالدىمغا يۈگرەپ كەلدى . مەن قورقۇپ كىتىپ قېچىشقا ئۈلگۈرمەي ئۇ مېنى تۇتىۋالدى _دە ،يەنە سۆزلەشكە باشلىدى : __ ئوماق بالام ،چىرايلىق بالام ،ئۇتان ،ئۇتان ... ئۇ مەندەك چوپچوڭ بالىنى ئەركىلەتكىلى تۇردى ،گەپ قىلالمىدىم ،ئەگەر ساراڭ ئايال بولسا مېنى نىمە قىلسا مەن گەپ قىلالمايمەن -دە ،يەنە كىلىپ ئانامدەك يېشى بار ئايالدەك كۆرۈنىدۇ . جىم تۇردۇم . __ بالام قولۇڭ كۆيدىمۇ ،ئەكىلە شۆيۈپ قوياي ،ئاناڭ سېنى قىيناپ قويدى ،ۋوي ئاپئاق بالام .... جىم تۇردۇم . __ ئاپاڭ ساڭا مەلھەم ئەكىلىپ چېپىپ قويسۇن جۇما ،ۋوي بالام ،جېنم ،يۈرۈكۈم بالام ... جىم تۇردۇم . ئۇ شۇنداق دەپ يۈز كۆزلىرىمنى بىردىن سىلاپ چىقتى .   __ توختا بالام، مەن ئاپاڭ ،بۇنداق قىلما !!!   مەن ئۇنىڭ بىرنىمە ئىزدەۋاتقان پۇرسەتتىن پايدىلىنىپ قېچىپ كەتكەن ئىدىم .ئۇ يىغلىغان پېتى ئولتۇرۇپ قالدى . ھەيران قالدىم . كاللامدا بىرمۇنچە سۇئال .   ئىكككىنجى كۈنى ئۇ ئايالنى يولدا ئۇچىراتتىم ،ئۇ بىر بۇلۇڭدا يىغلاپ ئولتۇراتتى ، مەنمۇ جىق گەپ قىلمىدىم ،يەنە كاللامدا سۇئال .....    بىز يېقىندا دادامنىڭ ئىدارىسىنىڭ ئورۇنلاشتۇرۇشى بىلەن  بىر ئائىلە قوروسىغا كۆچۈپ كەلدۇق ،بۇ يەر شۇنداق ھاۋالىق ،چېنىقىش ئۈسكۈنلىرىمۇ جىق ،ئادەم تىلەپ تاپقىلى بولمايدىغان يەر ئىكەن .لىكىن بىزنىڭ ئۆي ئەڭ ئۈستىدىكى   ئالتىنجى قەۋەتتىن تىگىپ قاپتۇ  ،دادام شۇ ئاچچىقىدا بۇ  ئۆيگە ئالدىراپ كەلمەيدۇ ، سىرتتا چۆگىلەپ يۈرۈيدۇ ،بىر كىرىۋالدىمۇ ،چىقمايدۇ  ئارام كۈنلىرىنى يەلپۈگۈچتىن دەردىنى ئېلىش بىلەن ئۆتكۈزىدۇ. ئانام بولسا بۇرۇن قوشنىمىز بىلەن شۇنداق ياخشى ئۆتكەچكە ،قوشنىلارنى ئۆيگە تەكلىپ قىلىپ يۈرۈپ يەنە بۇرۇنقىدەك ياخشى قوشنا ئىزدەش بىلەن ئاۋارە .   مەن بۇ يەردە بىر كىشىنى تونىمايتتىم ،شۇڭا  ئۇ ئايال توغۇرلۇق ئىشنى سوراشنمۇ بىر مەزگىل قويۇپ تۇردۇم،لىكىن كاللامدىن چىقمايتتى ،بەزى تىت-تىت بولاتتىم .   بىر كۈنى ئانام بىلەن ئىككىمىز ئۆيدە يالغۇز قالدۇق ،مەن ئانامغا بۇ ئىشلارنى دېدىم . ئويلاپ باقماپتىمەن ، بۇ قۇلىقى ئۇزۇن ئانام ھەممە ئىشنى بىلىپ بوپتۇ .   __ ئانا ،ئەكىلە ئالمىنى مەن ئاقلاي ،بۇ ئىشلارنى ماڭا سۆزلەپ بەرگىن چۇ .__ دېدىم مەن ئانامنىڭ قولىدىكى پىچاق ۋە يېرىم ئاقلانغان .ئالمىنى ئېلىۋېلىپ . __ ماڭە ئالدامچى ، __ ئۇ مۇشۇنداق دەپ قويۇپ كۈلۈپ قويدى -دە ، گەپ باشلىدى .     مۇشۇ مەھەللىدە بىر يىگىت بار ئىدى  ،ئۇنىڭ ئىسمى توختى ئىدى . توختى ئوقۇش پۈتتۈرگەندىن كىيىن خىزمەت تاپالمىدى  ،ئاددىي خىزمەت ئورۇنلىرى كەلسە ئۆزى «ئىچكىرىدە ئوقۇغان تۇرسام» دەپ ياراتمىدى چوڭىنى تاپالمىدى . شۇنداق قىلىپ ئۇ چ چ ئويناپ ،ئويۇن ئويناپ  يۈرۈپ  تورخانىغا  ئۆگۈنۈپ قالدى  . ئۇ يەردىمۇ شۇنداق پونى بولىشىغا ئاتىدىغان ،كىچىك ئىشنى ياراتمايدىغان ئۆزىگە ئوخشاش بىرمۇنچە بىكارچى بالىلار بىلەن ئارلاشتى .  قاغا بىلەن دوست بولساڭ يىگىنىڭ پوق  دىگەندەك ئۇلار ئۇنى ئىلىكتىرونلۇق ئويۇنچۇقخانىلارغا ئاپاردى  . قىمار ئۆگەتتى. ئۇ يەردىمۇ نۇرغۇن ئىش كۈتۈپ تۇرغان ياشلار كىرىدىكەن ، ھەتتا خۇمار بولۇپ چىقالماس بولۇپ كەتكەنلىرىمۇ ئاز ئەمەسكەن .ئۇ بۇ ياشلارغا ئارلىشىپ ،بىر نەچچە ئايغا بارماي نۇرغۇن پۇلنى  سېلىپ بېرىپ ،دوستلىرىغا قەرىز بولدى. شۇنىڭدىن كىيىن دوستلىرى ئۇنى بوزەك قىلىدىغان بولۇپ قالدى . يېڭى نەرسىسى بولسىلا تېلفۇندىن تارتىپ پۇل قاپچۇقىغىچە ئېلىۋالىدىغان بولۇپ قالدى.   بىر كۈنى ئۇ بىر سىڭلىسى سوۋغا قىلغان پۇل قاپچۇقىنى ئۇلارغا بەرمىگەچكە  ،راسا مۇشت يىگىلى تۇردى ، __ ساقچى ،ساقچى كەلدى .__ بىر قىز يېقىندا ۋارقىراپ ،تېلفۇنىدىن ساقچى ماسىنىسىنىڭ موزىكىسنى چىقىرىپ ئۇلارنى قاچۇرۋاتتى  .   ئۇقىزنىڭ ئىسمى زىۋىدە ئىدى .   مۇھەببەت مۇشۇنداق ئاددي ئىشلاردىن باشلاندى .كۈندە تېلفۇن قىلىش ، باغچا ئويناش ،مۇھەببەت ئۈچۈن تېرشىپ ئىشلەش ، توي قىلىش . بۇ ئىشلار شۇنداق تەبئىي داۋاملاشتى .   توختى كىيىن دادا بولدى . ئۇنىڭ بىر ئوغلى بولدى .ئۇ شۇنداق خۇشال ئىدى .زىۋىدە مۇ شۇنداق ئەقىللىق ئايال ئىدى .ئۇ ئۆيدىن گۈل كەلتۈرىۋىتەتتى ،رەتلىك ئۆي تۇتاتتى ،تاماقنى شۇنداق ئوخشۇتۇپ ئىتەتتى .ئۇلارنىڭ ئائىلىسى شۇنداق بەخىتلىك ئىدى .    ئىككى يىلدىن كىيىن زىۋىدەنىڭ ئىككىنجى ئوغلىمۇ تۇغۇلدى .ئىككىنجى ئوغلى تۇغۇلۇپ بىر ياشقا كىرگەندە توختى قىلىق چىقارغىلى تۇردى . كىچىلەپ ئۆيگە كەلمىدى . سىرتلاردا قونۇپ ،يىغىلىش ،بەزمە دىگەنلەردىن  كەم قالمىدى ،توختى ئەسلىدە زىۋىدەنىڭ دادىسىنىڭ يۈزى بىلەن كادىر بولىۋالغان ئىدى ،زىۋىدە نىڭ دادىسى خېلى چوڭ كادىر ئىدى . زىېۋىدە ھەركۈنى بالا باقاتتى كىر يۇياتتى ،ئۆي تازىلايتتى .تاماق ئىتەتتى ،لىكىن بىر قېتىممۇ ۋايساپ باقمىغان ئىدى ، ئۇ خىزمەتتىن ئىستىپا بەردى ،ئۇنىڭ دادىسمۇ پىنسىيگە چىقتى . شۇ چاغدىن باشاپلا  توختى ئۆزگىرىۋالغان ئىدى . ئۇ تېخى نەچچە رەت زىۋىدەگە قول تەككۈزدى .   بىر كۈنى زىۋىدە  بالىسىنى  بېقىپ ئولتۇرۇپ توك سىمىنى رىمنۇت قىلىۋاتاتتى . تۇيۇقسىز تېلىفۇن كەلدى ، __ ئاداش بۇ يەرگە كىلە ،مەن ئېرىڭنى ماۋۇ مىھمانخانىغا بىرسى بىلەن كىرىپ كەتكىنىنى كۆردۈم .__ ئۇنىڭ بىر دوستى تېلفۇن قىلغان ئىدى .   ئۇ بېرىپ  تەكشۈرۈپ ئېرى ئالغان  تاقالماي قالغان ياتاققا كىرىپ ئۆز كۆزىگە ئىشەنمەي  قالدى ،ئېرى بىلەن بىر خوتۇن  قۇچاقلىشىپ كارۋات ئۈستىدە ..........    ئۇ يىغلاپ قايتىپ كەلدى .   ياتاق ئىشىكنى تاقىمايلا توكنى چېتىپ قويۇپ دۇنيادا ئەڭ ئامىراق بالىلىرىنى چىڭ  قوچاقلاپ ئۇخلاپ  قالدى .    __ مەن بالامنى ئۆلتۈردۈم .....،   بالىلار دىيىشىپ قويغاندەك كىچىچە  ئۆمىلەپ چىقىپ  رىمنۇت قىلىنماي ئۇنتۇلۇپ قالغان يالىڭاچ توك سىمىغا ئېسىلىپتۇ ، زىۋىدە كىچىچە ئويلىنىپ ياتقاچقا يېرىم كىچىدە ئۇخلاپ لايدەك يېتىپتۇ . ئەتىسى چىقىپ بالىلىرىنىڭ جەسىتىنى كۆرۈپ  قاتتىق  بىر ۋارقىراپ  ساراڭ بولۇپ قاپتۇ....    شۇنىڭدىن كىيىن زىۋىدەنىڭ ئانىسى كىسەل بولۇپ قاپتۇ ،دادىسى توختىنى راسا تىللاپتۇ ،شۇنىڭدىن كىيىن توختى مۇشۇ مەھەللىدە قايتا كۆرۈنمەپتۇ ،لىكىن بىر ساراڭ ئايال پەيدا بولۇپ قاپتۇ .    ئائىلە ئىناق  بولمىسا، بىردەملىك ھاۋايى ھەۋەستىن  ئادەمگە ھەرقانداق بالا كىلىدۇ-دە ، ئاللاھ بەندىلىرىنى گۇناھ يولىدىن ساقلىسۇن .   ئانام يۇقارقىلانى ماڭا بىرمۇبىر سۆزلەپ بەردى .    ئەتىسى زىۋىدە ئاچاشنى مۇشۇ ئائىلە قوروسىدا يەنە ئۇچىراتتىم ،ئۇ توختىماي سۆزلەۋاتاتتى.   __مەن بالامنى ئۆلتۈرىۋەتتىم ...                                                                                                      2013.05.08                                                                                                                   (تىيەنجىن)

kuqauyghur

	خۇتۇن كىشى قىلسا ئەرگە ، ئەركىشى قىلسا بالىغا  .   دىگەنگە نەق چۈشىدىكەنغۇ  .

mihman999 ھەقىي سالاھىيەتلىك ئەزا

	ساداقەت بولمىسا بىكا جۇما .تۇرمۇش ئىشىلا ئەمەس ھەر قانداق ئىش شۇنداق ساداقەتكە مۇھتاج،دوستلۇق،دىنغا بولغا چوقۇنۇش......،ئەگەر سادەقەتتىن ئايرىلسا ھەممە ئىش مۇشۇنداق تىراگىدىيە بىلەن ئاخىرلىشىدۇ

urukjan

	بۇزۇق ئاتا ۋە بۇزۇق ئانىلارنىڭ ھېساۋىغۇ ئاشكارا، ئەمما بۇزۇق بالىلارنىڭ ھېساۋىچۇ...؟

lazinaa

	kuqauyghur يوللىغان ۋاقتى  2013-5-8 18:04 خۇتۇن كىشى قىلسا ئەرگە ، ئەركىشى قىلسا بالىغا  .   دىگەن ...          بۇ گىپىڭىز سەل بىر تەرەپلىمىمۇ قانداق ؟ئەر كىشىگە بىرەر پىشكەلچىلىك كەلسە ،خوتۇنىنىڭ كاساپىتىدىن بولامدىكەن ؟ئاللا ھەر بىر كىشىنىڭ تەقدىرىنى ،بىشىغا كىلىدىغان ياخشىلىق -يامانلىقلارنى ئۆزى ئورۇنلاشتۇرىدۇ.شۇنچە ئىسىل ئايالنىڭ قەدرىگە يەتمەي ،ئەسلىدە ئىنتايىن بەخىتىلىك بولۇشقا تىگىشلىك ئۆيلىرىنى بۇزۇپ،بالىلىرىنى يىتىم قىلىپ،شۇنچە ئەقىدە قىلىپ تەگكەن ئايالىنى پۇشايمان ئوچاقلىرىغا تۇترۇق قىلىۋەتكەن ئەرلەر ئەتراپىمىزدا ئازمۇ ؟ئۇنداقتا «كىم قىلسا ئايالغا،ئائىلىگە؟ »

مالىك

	ئابدۇقادىر جالالىدىنىڭ مۇنۇ گىېپى ئېسىمدە ئائىلە ئايالارنىڭ ھەممە نىمىسى . راست دەيدۇ ، بىزگە نىسبەتەن ئائىلە بالا ھەممدىن مۇھىم .بالا ئۇچۇن جان پىدا قىلىشقا رازىمەن . ئاڭلاشلارغا قارىغاندا ئادەم ئاتا بىلەن ھاۋا ئانىنىڭ ئاتا ئانىسى بولمىغانلىقى ئۇچۇن ئۇلار بۇ دۇنيادا بالا بالا دەپ ياشغان بولغاچقا بىزمۇ بۇ دۇنيادا بالا بالا دەپ ياشايدىكەنمىز!

nurgul1 ھەقىي سالاھىيەتلىك ئەزا

	ئۇئايالغا ئچىم ئاغرىپ كەتتى .

bulak007

	ھەي خەلقم مىللىتىم

kkk007 ھەقىي سالاھىيەتلىك ئەزا

kkk007 ھەقىي سالاھىيەتلىك ئەزا

	توۋا......