ياپونىيە باش ۋەزىرى ئىسلامدىكى كەڭ قورساقلىقنى ماختىدى

بۇلاق

	جۇڭگو ئاخبارات تورى 5-ئاينىڭ 2-كۈنى تېلېگراممىسى ياپونىيە ئاممىۋى ئىشلار ئاگېنتلىقىنىڭ دوكلاتىغا ئاساسلانغاندا، ياپونىيە باش ۋەزىرى ئابي شىنزو سەئۇدى ئەرەبىستاندا نۇتۇق سۆزلەپ، ياپونىيىنىڭ ئوتتۇرا شەرقتىكى ھەر قايسى دۆلەتلەرگە تېخنىك ئەۋەتىش مەسىلىسىنى تىلغا ئالغاندا، ئۇ مەن بۇ تېخنىك خادىملارنىڭ ئىسلامنىڭ كەڭ قورساقلىق روھىدىن تېخىمۇ كۆپ نەرسىلەرنى ئىگىلىشىگە ئىشىنىمەن، دەپ كۆرسەتكەن.        دوكلاتتا دېيىلىشىچە، ئىلگىرى ياپونىيە پايتەختى توكيو شەھىرىنىڭ باشلىقى ئولىمپىك مۇسابىقىسى ئۆتكۈزۈشنى ئىلتىماس قىلىشتىكى رەقىبى تۈركىيىنىڭ ئىستانبۇل شەھىرىنى تەنقىدلەشكە ئوخشاپ كېتىدىغان گەپلەرنى قىلغان، ئارقىدىن بايانات ئېلان قىلىپ ئۆزنىڭ بۇ قىلمىشلىرىدىن ئەپۇ سورىغان، ئۇنىڭدىن باشقا ئابي شىنزو بۇ قېتىمقى نۇتقىدا ئىسلام ئەللىرىگە ياخشى باھا بەرگەن.       تۈركىيە بولسا ئابي شىنزونىڭ روسىيە ۋە ئوتتۇرا شەرق سەپىرىدىكى ئەڭ ئاخىرقى بېكىتى ھەمدە بىر قەدەر ئەنئەنىۋى بولغان دوستلۇقىنى ساقلاپ قالغان دۆلەتلەر بولۇپ ھېسابلىنىدىكەن. ئابي شىنزو نۇتىقىدا : «ئىسلام دىنىنىڭ ئەقىدىسىدە باشقىلارغا كۆيۈنۈشنى تەكىتلەيدۇ، باشقىلارغا ناھايىتى كەڭ قورساق مۇئامىلە تۇتىدۇ، شۇڭا ياپونىيە تېخنىكلىرىنىڭ تېخىمۇ كۆپ تەسىراتقا ئىگە بولالايدىغانلىقىغا تولۇق ئىشىنىمەن» دەپ كۆرسەتكەن.