تۇنجى ئايلانما مۇسابىقىدە خان مادرىد 1 گە قارشى 4 نەتىجە بىلەن مەغلۇب بولدى، شۇنداق بولغاندا ئۇلار ئۆز مەيدانىدا 0 گە قارشى 3 نەتىجە بىلەن رەقىبىنى مەغلۇب قىلالىسا ئاندىن ھەل قىلغۇچ مۇسابىقىگە كىرەلەيدۇ. ئۇنداقتا ئۇلار بۇنداق تارىخىي بۇرۇلۇشنى پەيدا قىلالامدۇ؟ گەرچە بۇ ناھايىتى مۈشكۈل بولسىمۇ، ئەمما مادرىد تاراتقۇلىرى ئۇلارنى چوقۇم تارىخىي بۇرۇلۇش پەيدا قىلالايدۇ، بۇ پۈتۈنلەي مۇمكىن بولىدىغان ئىش، دەپ قارايدۇ، ھالبۇكى بۇ ھالقىلىق جەڭدە ئىككى پۇتبول چولپىنى يەنە كىرىستىيانو رونالدو بىلەن راموسنىڭ ئۆز رولىنى قانداق جارى قىلدۇرۇشى مۇسابىقە نەتىجىسىنىڭ قانداق بولىشى، خان مادرىدنىڭ ھەل قىلغۇچ مۇسابىقىگە قاتنىشى-قاتنىشالماسلىقى بىلەن بىۋاستە مۇناسىۋەتلىك. پورتۇگالىيە ھۇجۇمچىسىنىڭ قەتئىي ئىرادىسى، ئۆزىگە بولغان ئىشەنچى ۋە ئىسپانىيەلىك بىكنىڭ كۈرەش قىلىش ئىرادىسى، ھۇجۇمى خان مادرىدنىڭ بۇ تارىخىي بۇرۇلۇش ھاسىل قىلىشىدىكى ئەڭ چوڭ ھەرىكەتلەندۈرگۈچ كۈچ.
رونالدو شەك-شۈبھىسىزكى خان مادرىدنىڭ ئەڭ چوڭ ھەرىكەتلەندۈرگۈچى كۈچى، قارشى تەرەپ مەيدانىدا دوردمۇند بىلەن بولغان مۇسابىقىدە رونالدو بىر توپ كىرگۈزدى، ئۇ كوماندىدىكى ئىپادىسى ئىزچىل ياخشى بولۇپ كېلىۋاتقان ئاز ساندىكى پۇتبولچىلارنىڭ بىرى، ۋوناۋۇغا قايتىپ كەلگەندىن كېيىن، بەلكىم ھېچكىممۇ ئۇنىڭدەك غەلىبىگە ئىنتىلمەس؟ ئۇنىڭغا ئايانكى، ئەتە كەچ چوقۇم تارىخىي خاراكتېرلىك بىر كەچ بولۇپ قالىدۇ، گەرچە ئۇنىڭ يارىسى پۈتۈنلەي ساقىيىپ كېتەلمىگەن بولسىمۇ، ئەمما ئۇ يەنىلا ئاساسلىق ئەزا سۈپىتىدە مەيدانغا چۈشىدۇ. كىچىككىنە يارا ئۇنى توسۇپ قالالمايدۇ، ئۇ ھەرگىزمۇ كوماندىنىڭ ئەڭ قىيىنچىلىق مەزگىلىدە مەيداننىڭ سىرتىدا مۇسابىقە كۆرۈپ بىخارامان ئولتۇرىدىغانلاردىن ئەمەس. مادرىد تاراتقۇلىرى كىرىستىيانو رونالدوغا يۇقىرى باھا بېرىپ، ھەتتاكى بىر مەيدان بەدەن قىزىتىش مۇسابىقىسىدە رولىنى ئەڭ ياخشى جارى قىلدۇرىغانلىقىنى بىلدۈردى.
خان مادرىدقا قوشۇلغاندىن بۇيان رونالدو رەسىمىي مۇسابىقىلەردە 198 توپ كىرگۈزدى، ئۇ دوردمۇند بىلەن بولغان مۇسابىقىدە بۇ ساننى 200 گە يەتكۈزۈپ، خان مادرىدنىڭ 200 توپ كىرگۈزگەن پۇتبول چولپىنى بولۇپ قالماقچى. خان مادرىدتا رونالدو بولمىسا بولمايدۇ، شاللاش مۇسابىقىسىگە قەدەم قويغاندىن بۇيان ئۇ ھەربىر مەيدان مۇسابىقىدە توپ كىرگۈزدى. ئۇ ياۋروپا ئۇزغۇنلۇق مۇسابىقىسىدىكى 11 مەيدان مۇسابىقىدە 12 توپ، بىرلەشمە مۇسابىقىدە 31 توپ كىرگۈزۈپ، ھەربىر مەيدان مۇسابىقىدە بىر توپ كىرگۈزۈشتەك ئۈنۈمنى ساقلاپ قالدى. ھالقىلىق پەيتلەردە رونالدو دائىملا كۆكرەك كېرىپ ئوتتۇرىغا چىقالايدۇ. ئالدىنقى مۇسابىقە پەسلىدە ئۇ 46 توپ كىرگۈزۈپ، خان مادرىدنىڭ بىرلەشمە مۇسابىقىدە 100 نومۇر توپلىشىغا تۆھپە قوشتى، ئەگەر ئۇنىڭ ئىپادىسى ئالاھىدە ياخشى بولمىغان بولسا، خان مادرىدنىڭ مانچىستىر ئۆتكىلىدىن ئۆتمىكى بەسى مۈشكۈل ئىدى. رونالدو ۋوناۋۇدىكى بۇ مەيدانغا مۇسابىقىگە ئىشەنچى زور، ئۇ خان مادرىدنىڭ ئەڭ ئاخىرقى غەلىبە قىلغۇچى ئىكەنلىكىگە قەتئىي ئىشىنىدۇ. ئۇ كوماندىغا ياردەملىشىپ تارىخىۇ بۇرۇلۇش ھاسىل قىلىشقا قەسەم قىلدى، ئۇ ئۆزىدىن گۇمانلىنىپ باققان ئەمەس، شۇنداقلا كوماندىدىنمۇ گۇمانلانمايدۇ، ئۇنىڭدىكى بۇنداق ئىشەنچ دەل خان مادرىد ئەڭ موھتاج بولغان روھىي ئوزۇق.
يوللىغان ۋاقتى 2013-4-30 14:45:43
