قاراقاش ناھىيەلىك كۈتۈپخانا «6-نۆۋەتلىك دۇنيا كىتاب ئوقۇش كۈنى» نى خ

قايتماس

	قاراقاش ناھىيەلىك كۈتۈپخانا «6-نۆۋەتلىك دۇنيا كىتاب ئوقۇش كۈنى» نى خاتىرىلەش پائالىيىتى ئۆتكۈزدى قايتماس 2013-يىلى 4-ئاينىڭ 23-كۈنى چۈشتىن بۇرۇن قاراقاش ناھىيەلىك كۈتۈپخانىدا  «دۇنيا كىتاب ئوقۇش كۈنى» نى خاتىرىلەش مۇناسىۋىتى بىلەن ئەھمىيەتلىك بىر پائالىيەت ئۆتكۈزۈلدى. پائالىيەتنى قاراقاش ناھىيەلىك كۈتۈپخانا ئۆزى بىۋاسىتە پىلانلاپ تەشكىللىگەن بولۇپ، پائالىيەتكە قاراقاش ناھىيەلىك ئەدەبىيات-سەنئەتچىلەر بىرلەشمىسىنىڭ باش كاتىپى، تونۇلغان يازغۇچى ئايمۇھەممەت ساھىبى ۋە قاراقاش ناھىيەلىك 1-ئوتتۇرا مەكتەپنىڭ ئوقۇتقۇچىسى، يازغۇچى ھەم شائىر ئۆمەر مەتنۇرى قۇتيار رىياسەتچىلىك قىلدى. پائالىيەتكە تولۇقسىز ۋە تولۇق ئوتتۇرا مەكتەپ ئوقۇغۇچىلىرى ۋە مۇخبىرلاردىن بولۇپ 70 كە يېقىن كىشى قاتناشتى. پائالىيەت بىر-نەچچە باسقۇچ بويىچە ئېلىپ بېرىلدى. پائالىيەت جەريانىدا يازغۇچى ئايمۇھەممەت ساھىبى ۋە ئۆمەر مەتنۇرى قۇتيار پائالىيەت ئىشتىراكچىلىرىغا كىتابنىڭ قىممىتى، ئەھمىيىتى توغرىلىق خېلى ئەتراپلىق چۈشەنچە بېرىپ ئۆتتى ھەم بۇ توغرىلىق قىسقىچە لىكسىيە سۆزلىدى.  ئوقۇغۇچىلارمۇ كىتابقا بولغان كۆز قاراشلىرىنى، چۈشەنچىلىرىنى سۆزلەپ ئۆتتى، تۈرلۈك مۇلاھىزىلىرىنى ئوتتۇرىغا قويدى. پائالىيەت باشتىن-ئاخىرى ناھايىتى قىزغىن كەيپىياتتا داۋام قىلدى. پائالىيەت ئاخىرىدا كۈتۈپخانا مەسئۇلى پائالىيەتكە قاتناشقان ئوقۇغۇچى ۋە باشقا ئىشتىراكچىلارغا 4000 مىڭ قىممىتىدىكى كىتاب ۋە ئۈن-سىن پىلاستىنكىسى سوۋغا قىلدى. دانالار سۆزىگە سالساڭ گەر قۇلاق، ئۇلار دەر كىتابنى شىپالىق بۇلاق، كىتابنى قەدىرلە، ئەزىزلە ئۇنى، كىتابتىن ئايرىلساڭ ئىشلىرىڭ چاتاق. كىتاب ئۇ ئىنسانغا تۈگىمەس بايلىق، كىتابقا ئاشىق بول كۆرمەيسەن خارلىق. كىتابقا پۈتۈلگەن جاھان ھېكمىتى، كىتابسىز ھاياتنىڭ قىممىتى چاغلىق. ...    .....      ..... مەنبە: يېڭى يازما قاراقاش ناھىيەلىك ئەدەبىيات-سەنئەتچىلەر بىرلەشمىسىدىن نۇرمۇھەممەت تۇردىئەخمەت

Buyuk436 ھەقىي سالاھىيەتلىك ئەزا

	بۇ مىنىڭ ئانا يۇرتۇمدا ئۆتكۈزۈلگەن ئېسىل بىر ئىش بوپتۇ ،گەرچە مەن ھازىر يۇرتتىن ئايرىلىپ يىراقتا بولساممۇ ئۆز يۇرتۇمدا مۇشۇنداق ئەھمىيەتلىك ئىشلارنىڭ بولغانلىقىنى كۈرۈپ راسلا بەك خۇشال بولدۇم ھەمدە مۇنداق ئىشلارنىڭ بۇندىن كېيىنمۇ كۆپلەپ بۇلۇپ تۇرۇشىنى ئۈمۈد قىلىمەن !!

iminov

	تولىمۇ سۆيۈندۈم

isteqbal

	كىتاب ئادەمنىڭ زىھنىنى ئاچىدۇ،سىلەرگە بىر تور دوكىنىنى تەۋسىيە قىلاي: تەۋەرۈك كىتابلار دۇنياسى: http://kitabim.taobao.com نەشىر قىلىشتىن توخىتىغان ۋە تەستە تېپلىدىغان نادىر رومان، تارىخى كىتابلار سودا شەھەرچىسى

kvyqi

	ئۆمەر مەتنۇرۇى قۇتيار ئەپەندىمنىڭ بىر سائەتلىك كەچلىك دەرسىنى ئاڭلىغاب ئىدىم ، ھەقىقىقەتەن قاراقاش بۈركۈتى دېگۈچىلىكى بار ئادەم ، قەلبىمدە بۇ كىشىگە نۇرغۇن سۆزلىرىم بار ئىدى ، شۇسائەتلىك دەرستە بىزنى سۆزلەشكە ئىلھاملاندۇرغاندا مەن بەك تارتىنچاقلىق قىلىپ كېتىپتىكەنمەن ! بۇ قېتىمقى پائالىيەتتىن شۇنداق سۆيۈندۈم ، ئۇيغۇر مۇشۇنداق ئويغنىدۇ ، ئىشىنىمەنكى بۇ قېتىمقى پائالىيەت ئۈچۈن ئۆمەر مۇئەللىم خېلى كۈچدى ، ئاللاھ ئۇنى سالامەت قىلسۇن !~

inkar

	كىتاب -ئالغا ئىلگىرلىشىمىزدىكى ماياك، يولىمىزنى يورۇتقۇچى مەشئەل، يۇقۇرغا ئۆرلىشىمىزندىكى ئالتۇن شوتا. بالىلارنىڭ  كىتاپ ئوقۇش ئادىتىنى يىتىلدۈرۈشى ئۈچۈ تىرىشچانلىق كۆرسىتەيلى! بۇ ھەقىقەتەن ئەھمىيەتلىك پائالىيەت بولۇپتۇ.