ئۇيغۇر دوپپسى

huxrui

	ئەسسالاملەيكۇم ئەلكويى توردىكى بارلىق ئەزىز تورداشلار ھەممىڭلارغا ئوتلۇق سالام ،مەن خىزمەت ئالدىراشلىقى تۈپەيلى ،تورداشلار بىلەن ھەمسۆ ھبەت بولمىغلى بەك ئۇزۇن بوپتۇ ، ئالدىمىزدا يىتىپ كېلىش ئالددا تۇرغان ئويغۇرلارنىڭ مىللى ئەنئەنۋى دوپپا بايرىمنى قىزغىن تەبرىكلەش ھەم تورداشلار بىلەن ھەم سۆ ھبە ت بۇلۇش ئۈچۈن تۇرغۇن ئۇبۇلقاسىمنىڭ 2002- يىلى مىللەتلەر ژۇرنىلدا ئېلان قلىغان‹ ئويغۇر دوپپىسى › دىگەن قەسىدىسنى كەڭ تورداشلارغا سۇندۇم ، گەرچە بۇ ئەسەرنى مەن يازمىغان بولساممۇ ،بۇ ئەسەر شۇنداق جانلىق ، شۇنداق ياخشى يېزىلغان بۇلۇپلا قالغاي ، ھەر قانداق ئويغۇر يىگىت قىزلىرىمىزنىڭ مىللى مەدىنيىتىمىزنى يەنە بىر قېتىم ئۇلۇغلاش ، تەشۋىق قلىش ئىستكىنى ئويغاتقۇسى !   دەپ قارايمەن .        باش كىيىملەر شاھىدۇر جاھانغا ئۇيغۇر دوپپىسى،         ماس، ياراشقاي ھەر زامان-دەۋرانغا ئۇيغۇر دوپپىسى.       كىيسە نورۇز-نەۋباھار، ياز، كۈزدە قوش سۆلەت ئىرۇر،       مەيلى پۇقرا، مەيلى شاھ-سۇلتانغا ئۇيغۇر دوپپىسى.       قول ھۈنەرۋەن سەنئىتىنىڭ جەۋھىرى، گۈلتاجى ئۇ،       ھەم ۋەكىل مىللەت، غۇرۇر، ۋىجدانغا ئۇيغۇر دوپپىسى.       نۇسخىلاردا پارلىغاي چىن تارىخىي ئەۋرىشكىلەر،       دەرس بېرەر سىردىن دېڭىز-ئوكيانغا ئۇيغۇر دوپپىسى.       بىر «چىمەن دوپپا» دېسە، تۈر- نۇسخىسى بار نەچچە ئون،       باشلىغاي بوستانغا، گاھ پىنھانغا ئۇيغۇر دوپپىسى.       سىز «بادام دوپپا» كۆرۈپ: چاغلىق، بادامكەنغۇ دېمەڭ،       دوست قۇياش، يۇلتۇز ۋە ئاي، چولپانغا ئۇيغۇر دوپپىسى.      «مامپۇ»، «راۋاب» باغىدا بال ھەرىسى، قۇش، «كېپىنەك»،       مۇڭ، مۇزىكا بۇلبۇلى خەندانغا ئۇيغۇر دوپپىسى.      «پاختا»، «ئۈنچە»، «ئالماگۈل»، «ياپراق»، «ئۈزۈم» سەھراسى كەڭ،      ئوخشىغاي خوپ مول ھوسۇل، خامانغا ئۇيغۇر دوپپىسى.       «كالۋىتۇن»، «مەزەڭگە»، «ئىلمە»، «چاچما»، «زەر» دۇنيا بۆلەك،       ئۇستىكارغا بەيگىدۇر جەۋلانغا ئۇيغۇر دوپپىسى.       «بەش تالا»، «چەكمەن»، «يۈرەك»، «شەيدائى» سىمۋول سۆيگۈگە،       يول ئاچار ئالىي تىلەك-ئارمانغا ئۇيغۇر دوپپىسى.       ئايىمى ھېيىت، تويدا «ئەگىم قاش»، «گىلەم»، «كۆز» كۆرگى قىز،       كاتتا سۆلەت ئەر-ئايال مېھمانغا ئۇيغۇر دوپپىسى.       ئالدىراپ كۈلمەڭ «شاپاق  بۆك»، «پوچى كۈلگۈنچەك» دېسە،       نۇر تۆكەر «گۈلخان» كەبى غىلمانغا ئۇيغۇر دوپپىسى.       «يا»، «قىلىچ»، «بايتامغا»، «يۇلتۇزتامغا» دەپ تۈرلەر تولا،       خاس جىگەرلىك قىز، يېتۇك ئوغلانغا ئۇيغۇر دوپپىسى.       دوپپا ئازمۇ «غۇلجا»، «تۇرپان»، بەلكى «تاشكەنت» نامىدىن،       بىرىنىڭ يەتكەي خىلى چەندانغا ئۇيغۇر دوپپىسى.       شۇنچە كۆپ تۈر-نۇسخىلارنى ھېچ كىشى بولماس ساناپ،       جان بېرەر مىزانغا، يەر-ئاسمانغا ئۇيغۇر دوپپىسى.       ياش-قېرى، ئۆسمۈر-بوۋاقنىڭ تاللىشى ئۆز ئالدىغا،       بار مۇۋاپىق ھەركىشى - ئىنسانغا ئۇيغۇر دوپپىسى.       يىپ دېمەڭ ئاددىي، تومۇرلار ئىلكىدە ئۆزلۈك مۇدام،       روزغار دەرمان، ئىشەنچ - ئىمانغا ئۇيغۇر دوپپىسى.       بۇ ھۈنەرنىڭ پىرلىرىدۇر ئەسلىدە قەشقەر، خوتەن،       باب ئېسىل سەنئەت دېگەن ئۈنۋانغا ئۇيغۇر دوپپىسى.       ئەنئەنە يىلتىز گۈزەللىك، ئىزگۈلۈك پاكلىق ئۈچۈن،       كۈيلىسەم سىغماس تۈمەن داستانغا ئۇيغۇر دوپپىسى.                   مەنبە:  جۇڭگۇ مىللەتلىرى ژۇرنىلى

uqkun2008

	مىللىتىمىزنىڭ سىمۋولى.

uyghari

	دوپپا-مىللىتىمىزنىڭ سىمۋولى، مەن بۇنى چەتئەلگە چىققان ۋاقتىمدا چوڭقۇر ھېس قىلدىم. ئۆتكەن يىلى مەن گوللاندىيە پايتەختى ئامىستىردام شەھرىدە ساياھەت قىلىۋېتىپ، بىر جايدا سۈرەتكە چۈشۈۋاتساق، گوللاندىيەلىك ئىككى ياش قېشىمىزغا كېلىپ بىزدىن:«سىلەر ئۇيغۇرمۇ؟» دەپ سورىدى. يېنىمدىكى ھەمرايىم ئۇلارغا ئېنگىلىزچە:«ھەئە، بىز ئۇيغۇر، سىز بۇنى قانداق بىلدىڭىز؟»دىۋىدى، ئۇلار مىنى كۆرسىتىپ:«ماۋۇ كىشىنىڭ بېشىدىكى دوپپىسىدىن بىلدۇق، بىز شىنجاڭغا بارغان ، مۇشۇنداق دوپپا كەيگەن ئۇيغۇرلارنى كۆرگەن » دىدى. ئۇچاغدا مەن بېشىمغا چىمەن دوپپا كېيىۋالغان ئىدىم. دىمەك دوپپا-مىللىتىمىزنى باشقىلارغا تونۇتىدىغان بىر مۇھىم بەلگە ، مىللىتىمىزنىڭ ئەڭ ئاددى، ئەڭ يۈكسەك سىمۋولى.

dolat

	بېزنىڭ ئارىمېزدىن تېل مەسلېسنى ھەل قىلىش ئۇچۇن يۇرىكى سوقىدىغان، ۋېژدانى ئويغاق ،تېل مىللەت ئۇچۇن جىنېنى پىدا قىلالايدىغان ھەقىقى ئەركەكلەر بارمىدۇ؟راس بۇنى بۇنداق ئېكراندىكې مەۋھۇم دۇنياغا يىزىىپ قويغان بىلەن بولدېغان ئىش ئەمەس !!!ھەممېمىز تورغا چىقساق مۇشۇ توغۇرلۇق پاراڭلارنى قىلشېمىز !!!لىكىن ئەمەلى ھەركەت يوق  !!!! قىنى ھەركەتكە كىلېپ بېزنىڭ سۆيۇملۇك ،كۆيۇمچان،بېزنىڭ گەپ سۆزىمېزنى ئوڭ قۇلقىدا ئاڭلايدىغان پارتىيەگە يۇرەكلىك ھالدا تېل مىللەت توغۇرلۇق سۆز ئاچالايدىغان،مىللەت ۋە تېل ئۇچۇن ۋېژدانى گۇلخان بولۇپ يانىدنغان ھەقىقى ئەركەكلەر بىر يەرگە كىلەلەمسېلەر ؟؟؟ئاڭلاڭ قىرېندېشىم!! ۋەتېنىم ۋېژدانى ئويغاق ئەركەكلەر نەگە كەتتېڭلار دەپ پەريات قىلماقتا.                                          تېل ۋە مىللەت‹‹››

dilxat5515

	ئويغۇر ئەمەس ئۇيغۇر. مىللىتىمىزنىڭ نامىنى ھەم يوللانغان تىمىنىڭ ماۋزۇسىنى بولسىمۇ توغرا يېزىشقا دىققەت قىلىساق.

sardor

	مىنڭمۇ دوپپام بار ،لىكىن بەك ئاز كىيىمەن .

بۇلبۇل

	دوپپا ئەتلەس كۆينەك ، ئوغۇللارغا ئىشلەك كۆينەك نىمىدىگەن يارىشىدۇ ھە .... ئۇ بىزنىڭ گۈلتاجىمىز ....

kukbura333

	راست، ئۇيغۇر دوپپىللىرى يارىشىملىق كۆرۈكلا بوپ قالماستىن ،ئۇ مىللىتىمىزنىڭ خاسلىقىنىڭ بەلگىسى. ئەمما بۈگۈنكى دەۋىردە دوپپا ئاياللارنىڭ بېشىغا مىللىي تۈس ئالغان كۆڭۈل ئېچىش پائالىيەتلىرىدە ، ئەرلەرنىڭ بېشىغا ئۆلۇم_ يىتىم، ھېيىت _بايراملاردىلا چىقىۋاتىدۇ . بۇ ئەھۋال ئادەمنى ئۈمۈتسىزلىك ئالىمىگە باشلايدۇ .ھەممە نەرسە ئۆز خاسلىقى بىلەن مەۋجۇتلىقىنى ساقلاپ قالىدۇ .

mamtmin

	بىز دوپپا بىلەن ئۇيغۇرغۇ شۇنداققۇ!

salam234

	مەن ئۇيغۇرلىقىمدىن ۋە دوپپامدىن مەڭگۈ پەخىرلىنىمەن.