مەن نەۋرە ئاچامنى ياخشى كۆرۈپ قالدىم

anjuri ھەقىي سالاھىيەتلىك ئەزا

         يازلىق تەتىلنىڭ شۇنداق ئىسىل مەزگىلى ئىدى، ھاۋا شۇ قەدەر ياخشى ئىدىكى بىرەر مەنزىرىلىك جايغا بېرىپ ساياھەت قىلىپ كەلسە كاللا چارچىغان ھەم كۈنلىرى بۇرۇقتۇرمىچىلىق ئىچىدە ئوتىۋاتقان مەندەك ھەر بىر ئادەم ئۈچۈن نەقەدەر قىممەتلىك ۋاقىت ئىدى.
         بىز مۇۋاپىق بىر كۈننى تاللاپ، مەن بىلەن قۇشۇپ ئۈچ نەۋرە بالا(ئىككىسى ئاچا-سىڭىل) يەنە ئۈچ ھەدىلىرىم، بىر ھەدەمنىڭ يولدىشى ۋە كىچىك باللىرى بىلەن تاققا چىقتۇق. تاققا چىقىشتىن بۇرۇن ئۈچ كۈن ھەممە ئەيلەن بىرگە بولدۇق.
ھەممىزنىڭ تەييارلىقى پۈتتى دە  ماشىنىغا چىقىپ مەنزىلگە قاراپ ماڭدۇق. ماشىنا ئىچى شۇنچىلىك قىزغىن كەيپىياتقا تولغان بۇلۇپ ماشىنا ھەيدىگەن ئاكامدىن باشقا ھەممە ئەيلەن چاقچاق قىلىشىپ ، ئويناپ كۈلىشىپ مېڭىۋاتاتتۇق. مەنمۇ نەۋرە ئاچام بىلەن ئاندا-ساندا  پاراڭلىشىپ ئولتۇردۇم.
نەۋرە ئاچام مەندىن 2 ياش چوڭ بۇلۇپ، بىراق ئالىي مەكتەپكىمۇ تەڭ بارغان ئىدۇق. باشتىن دەپ كەلسەم، بىز ئەسلى تۇللۇق ئوتتىرا مەكتەپتە بىر مەكتەپتە ئوقۇغان، سىنىپىمىزمۇ يىقىن ئىدى. ئۇ چاغلاردا بىز بىر- بىرمىزنى تۇنىيدىغان بىر نەۋرە قېرىنداش تۇرۇپمۇ كۆرسەك سالام قىلىشماي يۈرشەتتۇق. بۇنداق دىسەم سىلەر ھەيران قالماڭلار، چۈنكى بۇ ئىشتىمۇ بەلگىلىك سەۋەپ بار. شۇنداق قىلىپ تۇللۇق ئوتتۇرنى شۇنداق مۇناسىۋەتتە ئوقۇپ پۈتتۈردۇق.
                                                              

         شۇ خىل قىزغىن كەيپىيات ئىچىدە بىز بىردەمدىلا مەنزىلگە يىتىپ كىلىپ ماشىندىن چۈشتۇق.  بىردەم دىمىمىزنى ئېلىۋالغاندىن كىيىن بىر مالچى تاغىمىزنىڭ يول باشلىشى بىلەن تاغنىڭ ئىچكىرسىگە يۈرۈپ كەتتۇق. مەنزىرلەر شۇ قەدەر گۈزەل ئىدىكى، ھەممە يەر ياپيېشىل، بىز ئادەتتە كورۈپ باقمىغان ئۈسۈملۇكلەر، تاغنىڭ شۇنچىلىك يۇغان غەلىيتە ھەم قورقۇنىشلىق جايلىرى ئادەمنى ئۈزىگە بەكمۇ جەلىپ قىلاتتى، بەزى جايلىرنىڭ گۈزەللىكىدىن ئادەمنىڭ كەتكۈسى كەلمەيتى.
بىز تاغ يۇلىدا بەزى جايلىردا جاننى ئالقانغا ئېلىپ قۇيۇپ ماڭدۇق، ئادەم ئۆزى كۆزلىگەن نىشانغا يىتىمەن دەيدىكەن چۇقۇم جاپاغا چىداپ ئالغا ئىلگىرلىشى كېرەك.  يول جاپالىق بولسىمۇ شۇنچىلىك ھارغىنلىق ئىچىدە ئاخىرى تاغ باغرىغا يەنى قونالغۇ بار جايغا يىتىپ كەلدۇق، ئۇنىڭغىچە كەچمۇ كىرىپ قالغان ئىدى.
مەن تاغ باغرىغا چىقىش جەريانىدا ئاشۇ نەۋرە ئاچام بىلەن بىللىلا ماڭدىم، بەزى خەتەرلىك جايلاردا ئۇنىڭ قۇلىدىن تۇتۇپ ئۈزۈم بىلەن بىللە ئېلىپ ماڭغان ئىدىم. ھەر قېتىم ئۇنى تارتىش ئۈچۈن ئۇنىڭغا قۇلۇمنى ئۇزاتقان ۋە ئۇمۇ ماڭا قۇلىنى بەرگەن ۋاقىتتا ئۈزۈممۇ بىلمىگەن ھالدا يۈرگۈمدە ئاجايىىپ بىر ھاياجانلىق تۇيغۇسىنى سېزەتتىم. ھەر قېتىم ئۇنىڭ قۇلىنى تۇتقان ۋاقتىمدا ئۇنىڭغا نىسبەتەن يۈرگۈمدە چوغدەك بىر مۇھاببەتنىڭ تۇغۇلغانلىقىنى سەزگەن ئىدىم.
         بىز قونالغۇغا بېرىپ بىردەم بولغاندىن كىيىن باشقا ھەدىلىرىم قۇرساقنىڭ غېمىنى قىلىشقا كىرىشتى، ھېلىقى يول باشلىغۇچى تاغىمىز بىلەن ئاكام قوي سۇيۇشقا باشلىدى. ئاچا-سىڭىل ئىككىسى ،مەن ئۈچىمىز ئايرىملا نە چىرايلىق بولسا شۇ يەرگە كۆڭلىمىز تارىتقان تەرەپكە بېرىپ كەچلىك تاغ مەنزىرىسىدىن ھۇزۇر ئېلىشقا باشلىدۇق.  بىر ئاز تاغ ئۈستىگە ماڭغاندىن كىيىن سىڭلىسى(مەن بىلەن تەڭ)؛ -مەن بەك ھېرىپ كەتتىم ، ئىككىڭلار ئايلىنىڭلار، مەن ئەمدى ماڭمايمەن، دەپ  چۈشۈپ كەتتى.  مەن نەۋرە ئاچام بىلەن تاغنىڭ ئەڭ ئېگىز يەرلىرگىچە ماڭدۇق. بۇ جەرياندا ئۇنىڭ بىلەن پاراڭلىشىپ، ئۇنى بىر ئاز چۈشەنگەندەك بولدۇم، چۈنكى بۇرۇن بىز بىر نەۋرە باللار بولساقمۇ باشتا دەپ ئۆتكەندەك تۈزۈك بىرەر قېتىم پاراڭلىشىپ باقمىغان ئىدۇق، بۇ مەن ئۈچۈن تۇنجى دەسلەپكى چۈشىنىش، بەلكىم ئۇنىڭغا نىسبەتەنمۇ شۇنداق دەپ ئويلايمەن.
        بىز ئككىمىزمۇ خېلى كەچ بولغاندا قونالغۇغا قايتىپ كەلدۇق، بىز كەلسەك باشقىلار تاماقنى تەييار قىلىپ بوپتۇ. ھەممە ئەيلەن ئككىمىزنىڭ قايتىپ كەلگىننى كورۈپ، ئىككىمىزنى چېتىپ چاقچاقلارنى قىلغىلى تۇردى، شۇ يەردە خىجىلچىلىقتىن ئۇنۇڭمۇ يۈزى قىزىرىپ كەتكەن ئىدى، مەنمۇ خىجىل بۇلۇپ كۆپ گەپ قىلمىدىم. شۇنداق قىلىپ ھەممىمىز خۇشال ھالدا تاماق يىيىشكە كىرىشتۇق.  
تاماقنىمۇ يەپ بولغىچە بىردەمدىلا شۇنداق سۇغۇق بۇلۇپ كەتتى. تاغ ھاۋاسى شۇنداق ئۆزگىرىشچان بۇلۇپ ، قېلىن چاپان كىيسىمۇ ئادەم بىر خىل توڭلاپ تۇراتتى.  ياتىدىغان ۋاقىتمۇ بولغان ئىدى. بىز يېتىشنىڭ تەييارلىقىنى قىلىپ ئاخىرى جايلىشىپ يېتىپ بولدۇق. ياتىدىغان جاي شۇنچىلىك ئاددى بۇلۇپ، مەن چوڭ بۇلۇپ بۇنداق جايدا يېتىپ باقمىغان ئىدىم. قانداق دىسىڭىز، ئۇ بىر تاغدىكى قارغاي دەرخىنىڭ يۇغان ياغاچلىردىن ئېگىز جايغا ئارتىپ كەپە قىلىپ ياسالغان ئىدى، ئاستىمىز شۇنچىلىك قاتتىق، ئاستىغا سالىدىغان كۆرپىمۇ يوق.  بىز شۇنچىلىك قىستىلشىپ ئۇ ئاددى كەپىگىمۇ ئاران پاتتۇق.  كېچە ئاسمىنىدا تۇلۇن ئاي شۇنداق چىرايلىق نۇر چېچىپ تۇراتتى، ھاۋا شۇنچىلىك سۇغۇق بۇلۇپ ھەممە ئەيلەن سۇغۇقتا يىتىشمىگەن ياتقاننى ئۈستىگە تارتىپ تۈگۈلىشىپ ياتاتتى. نىمىشقىكىن مىنىڭ پەقەت ئۇيقۇم كەلمىدى، مىنىڭ پۈتۈن خىيالىم ئۇنىڭدا ئىدى. مەنمۇ ئۇنىڭ ئۇخلىمىغانلىقىنى پەرەز قىلىپ، ئۇنىڭ پۇتىغا پۇتۇمنى تەككۈزدۈم. لىكىن مەن بەك ھەيران قالدىم، چۈنكى ئۇنىڭ پۇتى شۇنچىلىك سۇغۇق توڭلىغان بۇلۇپ، پۇتۇم خۇددى مۇزغا تەككەندەك ھىس قىلدىم، ئىشقىلىپ ئۇنىڭ پۇتلىرى بەك سۇغۇق ئىدى. مىنىڭ پۇتۇم خېلى ئىسسىق بولغاچقا مەن پۇتۇمنى ئۇنىڭ پۇتى بىلەن يېپىشتۇرۇپ ئونىڭ پۇتىنى ئىسسىتتىم ، ئومۇ ئۇخلىمىدى.
مەن ئۇخلىيالماي ئاخىرى ئېھتىيات بىلەن ياتقىندىن چىقىپ ، كەپىنىڭ يېنىدىكى ئوت قالىغان يەرگە بېرىپ ئوتقا قاخلىنىپ ئولتۇردۇم. كېچە بەكلا سۇغۇق ئىدى، سەپ سالسام ھەممىسى ئۇخلاۋاتقاندەك بىلىندى، ئەتىراپ شۇنداق تىمتاس بۇلۇپ، بورىلەرنىڭ قاتتىق ھۇۋلاشلىرى بىر تەرەپتىن ئادەمنى قورقىتسا يەنە بىر تەرەپتىن بۇ تىمتاسلىقنى بۇزۇپ تاشلىغان ئىدى.
مەن ئوت ئالدىدا ئۇنى خىيال قىلىپ يالغۇز ئولتۇراتتىم. تۇيۇقسىز تىۋىش ئاڭلاندى، بۇرلۇپ قارىسام ئۇمۇ (نەۋرە ئاچام) ئورنىدىن تۇرغان بۇلۇپ، يېنىمغا كېلىپ ئولتۇردى. بىز خېلى ۋاققىچە پاراڭلاشقان ئىدۇق. يېرىم كېچىدىن ئاشقان ۋاقىت بولغان ئىدى. مەن ئۇنىڭغا ؛-ئۇيقۇڭىز كەلدىمۇ ؟ ، دىسەم ئۇ؛- ھەئە، ئۇيقۇم بەك كەلدى. لىكىن بەك سۇغۇق ئىكەن توڭلاپ كەتتىم ، دىدى. مىنىڭمۇ كۆزلىرىم ئېتىشىپ، ئۇقۇم خىلى كەلگەن ئىدى. بىز شۇنداق قىلىپ يەنە جايىمىزغا ئاستا كىرىپ يېتىۋالدۇق.
         تاڭ ئاتتى ، ھەدىلىرىم يەنە تاماققا كىرىشتى . مەنمۇ ئويغاندىم لىكىن قوپماي ئۇنىڭ قۇلىنى تۇتۇپ تاتتىم، ئۇمۇ يېتىۋەردى. بىر ۋاقىتىىن كىيىن تاماق تەييار بولدى، ھەممىمىز تاماققا كەلدۇق. تاماق يەپ بۇلۇپ ھەممىسى تەرەپ-تەرەپكە سەيلە قىلىشقا مېڭىشتى، ئۇنىڭ بىلەن ئىككىمىزمۇ بىللە تاغ ئۈستىگە ماڭدۇق.     ..........
          داۋامى بار.

xartsiz ھەقىي سالاھىيەتلىك ئەزا

مىنىڭچە  بۇ بىر ئەمەلىيەت بولساكىرەك ،  بولمىسا داۋامى بار دىگۇچە يىزىۋەتكەن بولار ئىدې . مۇشۇ مۇنبەردېشىمىز نەۋرە ئاچېسنې راسلا ياخشى كورۇپ قالغان بولسا كىرەك .

cctv520

ئاخىرىغا تەشنا بولدۇق...

kalgin

سىز راستىنلا نەۋرە ئاچىڭىزنى  ياخشى كۆرۇپ قالدىڭىزمۇ ؟..........................................ئاخرىغا تەشنا بىز      ئاخىرىنى  تېزىرەك   يوللاڭ

yadiro

ئاخىرىنى قاچان يازىسىز.

Qantiper

نەرۋە ئاچاڭلىنى ئالاي دېگەنما؟

anjuri ھەقىي سالاھىيەتلىك ئەزا

ئككىمىز تاغنىڭ كۆزىمىزگە چىرايلىق كۆرۈنگەن بىر جايىدا ھىېرىپ كېتىپ ئولتۇردۇق. ئۈستى تەرەپتە خېلى ئېگىز ھەم گۈزەل بىر جاي تۇراتتى، بىز پاراڭلاشقاچ ئولتۇرۇپ ئاشۇ مەنزىلىگە چىقىشنى مەسلىھەتلەشتۇق. تاغ يۇلى خەتەرلىك ھەم جاپالىق بولسىمۇ ئىككىلىمىزنىڭ ئەنە شۇ ئەڭ ئېگىز جايغا چىققۇمىز بار ئىدى، بىز بىردەم ئولتۇرۋالغاندىن كىيىن يەنە ئۈستىگە قاراپ مەن ئۇنى تارتىپ دىگەندەك مىڭىشنى باشلىدۇق.
تۇيۇقسىز تاغ ھاۋاسى ئۆزگىرىپ، بىردەمدىلا ئەتىراپىمىزنى ئاق بۇلۇتلار قاپلاشقا باشلىدى. مەن ئەتىراپقا قاراپ ھەيران قالدىم، مەن ئۆزۈمنى كىنۇلاردىكىدەك ئاتالمىش ‹ئەرىش› تە تۇرغاندەك، بۇلۇتلارنىڭ ئۈستىگە دەسسەپ تۇرغاندەك ھىس قىلدىم......
شۇنداق قىلىپ بىز نىشانلاپ ماڭغان جايدىن ھاۋارايى سەۋەبىدىن ئارقىمىزغا يېنىشقا مەجىبۇر بولدۇق . تاغنىڭ بەزى جايلىرى بەك تىك بۇلۇپ ، ناۋادا شۇ ۋاقىتنىڭ ئۆزىدە يامغۇر يېغىپ قالسا چىققان جايىمىزدىن قايتىش بەكمۇ خەتەرلىك ئىدى. ئىككىمىز چىقىشنى ئارزۇ قىلغان ئاشۇ جايغا چىقالماي ئەپسۇسلانغان ھالدا قايتىپ چۈشتۇق.
ئىككىمىز ئالدىراپ مېڭىپ ئاران دىگەندە كەپە بار پەس جايغا قايتىپ كەلدۇق، باشقىلارمۇ چۇشۇپ بىزنى ساقلاپ تۇرۇشقان ئىكەن. يامغۇر يېغىشقا باشلىدى، ھەممىمىز كەپە ئاستىغا كېلىپ ، دالدىلنىپ ئولتۇرغاچ يەنە گۆش دىگەندەك بىر نەرسىلەرنى يەپ يامغۇرنىڭ توختىشنى ساقلىدۇق.
ئالاھىزەل ئككى سائەتتەك ۋاقىتتىن كىيىن يامغۇر توختاپ، ھاۋا ئېچىلىشقا باشلىدى. مەن تۇيۇقسىز ئاۋۇ تەرەپتىكى يۇغان ھەسەن-ھۈسەننى كۆرۇپ قالدىم دە، ئۇنى يېنىمغا چاقىردىم، بىز بىللە رەڭگارەڭ ھەسەن-ھۈسەندىن ھۇزۇرلاندۇق. بىز كەپىگە قايتىپ كىلىپ كوپچىلىك بىلەن تاغادىن چۇشۇشنى مەسلىھەتلىشىپ، بىر نەرسىلەرنى يۇغۇشتۇرۇپ قايتىشنىڭ تەييارلىقىنى قىلدۇق.  
بىز ھەممىمىز تاغدىكى يەنە ئككى مالچى ئادەم بىلەن خوشلىشىپ، ھېلىقى يول باشلىغۇچى تاغىمىز بىلەن تاغدىن پەسكە قاراپ ماڭدۇق. تاغ يۇلىنىڭ بەزى جايلىرى بەك تىك بۇلۇپ سەللا دىققەتسىزلىك قىلسا پەسكە دۇمۇلاپلا چۇشۇپ كىتەتتى، مەن يەنە ئۇنى تارتىپ بىللە ماڭدىم. بىز ئۇزۇن قالماي پەسكە، ماشىنا توختۇتۇپ قويغان جايغا كىلىپ بولدۇق. قارىسام ھەممىسى ھېرىپ ھالىدىن كېتىپتۇ، راستىنى دىسەم مىنىڭ پۇتۇممۇ ئۈزۈلۈپ چۈشۈپ قالاي دىدى........
بىز ماشىننڭ يېنىدا بىردەم ئارام ئالغاندىن كىيىن ماشىنىغا چىقىپ ئۆيگە قاراپ ماڭدۇق.
      شۇنداق قىلىپ  تۆت كۈن شەھەر ئايلىنىپ، ئۈچ كۈن تاغدا يېتىپ ساياھەتمۇ ئاخىرلىشىپ خۇشال ھالدا ھەممىمىز ئۆز ئۆيىمىزگە قايتىشتۇق.
بۇ ساياھەت مەن ئۈچۈن شۇنچىلىك مەنىلىك بۇلۇپ، كۆڭلۈم باشقىچە ئېچىلىپ قالدى ھەم مەڭگۈلۈك ئەسلىمە بۇلۇپ قالدى. چۈنكى مەن ئۈزۈممۇ بىلمىگەن ھالدا ئۇنى ياخشى كورۈپ قالدىم..........
        شۇنىڭدىن باشلاپ مەن ئۇنىڭغا مەپتۇن بۇلۇپ قالدىم، ئۆيىمىز ئانچە يىراق بولمىسىمۇ بىزنىڭ كۆرۈششىمىز بەك تەس ئىدى. مەن ئۇنىڭغا كۈندە بىر نەچچە قېتىم تېلفۇن قىلمىسام چىدىمايدىغان ھالەتكە يىتىپ قالدىم. ئككىمىز كۈندە كەچلىگى qq دا يېرىم كېچىلەرگىچە ئۇخلىماي پاراڭلىشاتتۇق، ھەتتا ئككىلىمىزنىڭ ئۇخلىماي تاڭ ئاتقۇزغان كىچىلىرىمىز تالاي قېتىم بولغان.
تەتىل مەزگىلى بولسا چوڭ ئۆيگە بارساق كۆرۈشۈپ پاراڭلىشىپ، بىر داستىخاندا خۇشال ئولتۇرۇپ تاماق يەيتۇق، مەن بۇ ۋاقىتتا چوڭلارنىڭ دىققىتىنى قوزغاپ قويماسلىق ئۈچۈن كوپ گەپ قىلمايتىم، ئادەتتىكىدەك (ئاچا-ئىنى) پاراڭلىشاتتۇق. مەن تەتىل مەزگىلى باشقا ھەر قانداق ئشنى تاشلاپ قويسام قۇيىمەنكى، ئامال بار ئۇنىڭ بىلەن كۆرىشىدىغان پۇرسەتنى قەتتىي قولدىن بەرمەيتىم.
مەكتەپتىكى ۋاقتىمدا ( مەن ئۈرۈمچىدە، ئۇ سانجىدا) ۋاقتىم بولسىلا ئۇنىڭ يېنىغا چىقاتتىم، ئۇمۇ مىنىڭ يېنىمغا چىقاتتى. بىز بىللە بولساقلا بۇ مىنىڭ دۇنيادىكى ئەڭ چوڭ خۇشاللىقىم شۇ ئىدى. بىز بىللە بولساق شۇنچىلىك خۇشال ئىدۇقكى، خۇددى بىر جۈپ ئاشىق-مەشۇقلاردەك........
مەن مەيلى نەدە بۇلاي، مەيلى قانچىلىك ئالدىراش بۇلاي كۈندە ئۇنىڭغا تېلفۇن قىلاتتىم، راستىنى ئېيىتسام مەن ئۇنىڭ ئاۋازىنى ئاڭلىساممۇ يۈرۈگۈم شۇنچىلىك خۇشال بۇلاتتى. بىز پاراڭلىشىپ بەزىدە بەكلا كۈلىشىپ خۇشال بۇلۇپ كىتەتتۇق، بەزىدە قىيدىشىپ قالاتتۇق.
       ۋاقىت نىمدىگەن تېز ئۆتكەن- ھە! ئويلاپ باقسام بىز شۇنداق مۇناسىۋەتتە يۈرگىلى ئازراغى كەم بىر يىلچە بۇلۇپ قاپتۇ.
بىراق بۇ بىر يىلغا يىقىن ۋاقىت ئىچىدە مىنىڭ قانداق ياشىغانىمنى كىم بىلىدۇ؟....  بۇنى ئاللا بىلىدۇ، يەنە بىر ئۆزۈم بىلىمەن. مەن ئۇنىڭغا ئاشىق بۇلۇپ، يۇشۇرۇن ياخشى كورۈپ ئوتتۈم. بەلكىم سىز مىنى ساراڭمىدۇ دەپ ئويلاپ قالغان بۇلىشىڭىز مۇمكىن. مەن ھەقىقەتەن شۇنى ھىس قىلدىمكى، دۇنيادا يۇشۇرۇن كۈيۈشتىنمۇ، ئۆزى ياخشى كورگەن قىزغا كۆڭۈل ئىپادىلىيەلمەسلىكتىنمۇ ئېغىر ئازاپ يوقكەن.
بۇ بىر يىلغا يىقىن ۋاقىت ئىچىدە مەن ئۇنىڭغا كۆڭلىمنى ئىزھار قىلىش قىلماسلىقنى تالاي قېتىم تالاي كېچە كۆپ ئويلاندىم ، چۈنكى ئۇ مىنىڭ نەۋرە ئاچام ئىدى. ھەممە ئادەمگە ئېنىق، بىز ئۈچ ئەۋلات ئىچىدىكى قانداش تۇققان . بۇ نوقتا ماڭىمۇ ھەم ئۇنىڭغىمۇ ئايان ، بۇ ئۆزگەرمەس قىل سىغماس ھەقىقەت مىنى بەكلا گاڭگىرتىپ قويدى. بۇ خىل ئەھۋال ئاستىدا بىزنىڭ كەلگۈسىمىزدىكى ‹بەخىت› دىگەندىن ئېغىز ئېچىش مۇتلەق مۇمكىن بولمايدىغان ئىش. گەپنىڭ قىسقىسىنى دىگەندە ھەر تەرەپتىن چەكلىندۇ.  مەن يەنە قانداق قىلاي؟.......
مەن كوپ تىرىشتىم، ئۇنىڭدىن ئۆزۈمنى قاتتىق تارىتتىم. ئايلاپ كورۈشمىدىم، تېلفۇندىمۇ ئاز پاراڭلاشتىم. كوپ قېتىم كورۈشمەسلىكنى نىيەت قىلىپ، كۈنلەپ تېلفۇنمۇ قىلمىدىم. لىكىن ‹ ئسنىڭ دەردىنى مۇرا بىلىدۇ› دىگەندەك مەنمۇ بۇ ۋاقىتتىكى دەرىتلىرىمنى، تارىتقان ئازاپلىرىمنى پەقەت ئۆزۈملا بىلىمەن........
ئۆزۈمنى مۇشۇنداق مەجىبۇرلاپ يۇرگەن بىر كۈندە ئۇ ماڭا تېلفۇن قىلدى، شۇ ۋاقىتتا خۇشاللىقىمدىن يۈرگۈم يېرلىپ كەتمىدى، لىكن ئاشۇ ئازاپ ئىچىدىكى خۇشاللىق ھىسىياتىنى مىنىڭ ئۇنىڭغا بولغان ئوتلۇق مۇھاببىتىم ، قەلبىم چۇڭقۇر ھىس قىلغان ئىدى. مەن ئۇنىڭ مۇڭلۇق ئاۋازىنى ئاڭلاپ سۆيگۈمگە شىپا تاپقان ئىدىم، ئۇ ماڭا : مەن بىلەن كارىڭىز يوقمۇ؟ نىمىشقا مىنى ئىزدىمەيسىز، سىزگە نىمە ئىش بولدى؟.... ، دىگەندەك خىلى گەپلەرنى قىلدى، بۇ ۋاقىتتا مەن تېخىمۇ ئازاپلاندىم، مەن ئەمدى نىمە دەي؟............
مەن ئۆزۈممۇ چىدىمىدىم، ئۇنىڭغا بۇنداق مۇئامىلە قىلسام ھەر ئككىلىمىز ئازاپقا قالىدىغانلىقىمىزنى ئويلىدۇم. مۇھاببەت دىگەننى توختىتىمەن دەپلا توختاتقىلى بولمايدىكەن، مەن ئۇنىڭغا بولغان مۇھاببەتلىك ھىسىياتىمنى راستلا كونتىرول قىلالمىدىم. بىرسىنى چىن يۈرەكتىن ياخشى كورۈش ئاسانمۇ؟ ياخشى كورگەن بىرسىدىن مىھىرنى ئۈزمەك ئاسانمۇ؟....
مەن ئۇنى ياخشى كورۈپ قالدىم، بۇ مىنىڭ خاتالىقىم ئەمەس. بىراق مىنىڭ ئادەم چىقمىغاندەك . ئۇنى ياخشى كورۈپ قېلىشىم توغۇرمۇ ئەمەس. ئۇلۇغ ئاللا مۇشۇنداق مۇھاببەتنى ئۇ ئككىمىز ئارىسىغا سالغۇچە باشقا بىر قىز ئارىسىغا سالسا بولماسمىدى..........
     مىنىڭ مەكتەپتىكى كۈنلىرىم بەك مەنىسىز بۇلۇپ ، دەرىس ئۇقۇپ ئۆز ئىشىمنى قىلىش بىلەنلا ئوتەتتىم. ئەتىراپىمدا شۇنچە قىزلار ئۆزىنى كورسىتىپ يۈرسىمۇ پەرۋاسىز يۈرەتتىم، چۈنكى مىنىڭ قەلبىمدە پەقەت ئۇلا بار ئىدى. ئولتۇرسام قوپسام كاللامدا پاقەت ئۇلا، ئۇنىڭ بىلەن ئايدا بىرەر قىتىم كورۈشۈپ يۇرەتتىم، بىراق ئۇ يەنىلا مىنىڭ سۆيگمدىن بىخەۋەر.
بىزگە بىر يىل بۇلۇپ قالدى، بەزى جەھەتتىن ھىسابقا ئالمىغاند خۇددى يۇرۋاتقانلاردەكلا ئۈتەتتۇق. مەن ئاخىرى نىمە ئىش بولمىسۇن ئۇنىڭغا كۆڭلىمنى ئىپادىلەشنى ئويلىدىم،  بىر كۈنى تېلفۇن پاراڭلىشۋېتىپ گەپنىڭ ئۇچى چىقتى. بەلكىم ئۇمۇ بۇلارنى ھىس قىلغان بۇلىشى مۇمكىن. مەن ئاخىرى ھەممە گەپنى ئېچىپلا دىدىم، ئۇ بۇ گىپىمگە سەممىي پۇزۇتسىيدە بولدى ھەم ئۇمۇ ئككىمىزنىڭ قانداشلىق مۇنەسىۋىتىنى ۋە باشقا گەپلەرنى قىلدى. مەن ئۇنىڭغا ھەممە گپنى دەپ بىر تەرەپتىن ئۆزۈمنى بىر خىل يىنىكلەپ قالغاندەك ھىس قىلسام يەنە بىر تەرەپتىن ئۇنىڭ بەزى گەپلىرنى ئاڭلاپ ئككىمىزنىڭ مۇھاببىتىنىڭ ئارلىقىدا ‹ تام › دىن ئىبارەت بىر تۇسالغۇنىڭ بارلىقى مىنى قاتتىق ئازاپلاندۇردى، ئومۇ بۇ ئازاپتىن مۇستەسنا ئەمەس ئىدى. شۇ ۋاقىتتا ئۇ يىغلىدى، ئۇنى بەزلەپ تەسەللە بىرىپمۇ يىغاسىنى توختىتالمىدىم. مىنىڭمۇ كۆزۈم يىغلىمىغان بىلەن يۈرگىم ئۈنسىز ياش تۈكىۋاتاتتى..........
دىمەك ئاخىرقى نەتىجە ئىككىلىمىزگە ئېنىق، مەن ئۇنىڭدىن ھەر قانچە قىلىپمۇ يەنە ئۆزۈمنى تارتالمىدىم. لىكىن ئۇ مىنى كوپ ئزدىمەس بۇلۇپ قالدى، لىكىن مەندەك بىر ئاشىق ئۈچۈن ، ئۇنىڭ مىنى تەشەببۇسكارلىق بىلەن ئىزدەش- ئىزدىمەسلىكى چوڭ ئىش ئەمەس، ئۇنىڭمۇ ئۆزىگە چۇشلۇق ئويلىغىنى بار ئەلۋەتتە. بىراق مەن ئۇنىڭ كۆڭلىدە بارمۇ- يوق؟...   بۇ مىنى سەل ئەجەپلەندۈدى. دىمىسىمۇ مەنمۇ ئۇنىڭغا، ئۇنىڭ كۆڭۈل بۆلىشىگە، ئۇنىڭ مۇھاببىتىگە مۇھتاجغۇ؟؟؟؟............
        كۈنلەر ئۈتۇپ بۇ خىل ھالەت ئككى يىلغا داۋاملاشتى. بۇ جەرياندا بىزنىڭ گۈزەل ، خۇشال كۈنلىرمىزمۇ خىلى بولدى. بەزىدە چوڭلاردىن يۇشۇرۇن كۆرۇشۇپ ، مەكتەپتىكى ۋاقىتلاردا ئايرىم بىر يەرلەرگە بېرىپ ئايلىنىپ ئويناپ دىگەندەك گۈزەل ئەسلىمىلەر قالغان. بەزىدە ئۇمۇ مىنى قاتتىق ئازاپلىدى، ئوخشاشلا مىنىڭمۇ ئۇنى ئازاپلىغان ۋاقتىم بولغان ئەلۋەتتە. گەپنىڭ قىسقىسى، بىز گەرچە دائىم بىرگە بولالمىساقمۇ تالاي كېچىلەرنى ئۇيقۇسىز ، كۆزلىرمىز ياش تاڭ ئاتقۇزغان. بىرگە كۈلگەن  بىرگە يىغلىغان، بىراق ئۇنىڭ كۆزىدىكى ياشلىرنى سۈرتۈش ماڭا نىسىپ بولمىغان........
مەن ئۇنىڭغا كۈنۈپ قالدىم، ئۇنىڭ ئاۋازىنى ئاڭلىمىسام كۈنۈم ئۆتمەس بۇلۇپ قالدى.  مەن ئۇنىڭغا ئۆزۈممۇ بىلمىگەن ھالدا يۈرۈگمنى بېرىۋەتتىم، ئەسلى ئۇنداق قىلمىسام بۇلاتتى، لىكىن كۆڭۈل دىگەننى تۇتىۋالغىلى بۇلامدۇ؟....
كۈنلەرنىڭ ئۈتىشى بىلەن ئۇنىڭ مەن بىلەن كارى بولماسلىقى، مەن ئىزدىمىسەم ئۇنىڭ مىنى ئىزدىمەسلىكى مىنى بەكمۇ ئۈمۈتسىزلەندۇردى.
ئالدىنقى بىر مەۋسۈم ئۇ پىراكتىكا قىلىش ئۈچۈن خوتەنگە ماڭماقچى بولدى، مەن نەچچە ئون كۈن بۇرۇن ئۇنى ئۆزۈم ئۇزتىپ قۇيىشنى ئويلاشقان ئىدىم. قېرىشقاندەك ئۆيدە مەن مۇناسىۋەتلىك بىر ئىش چىقىپ قېلىپ خوش دىيىشكىمۇ ئامال بولمىدى، ئۇنى يەنە كورەلمىدىم ئۇ يىراق جايغا كېتىپ قالدى. ئارىدىن بىر ئايچە ۋاقىت ئۇنىڭ بىلەن كورشەلمەي ئۆتتۈم، كىيىن كۆرۈشكەندە ئۇ ماڭا يىغلاپ تۇرۇپ:- ھەرقانچە ئىش بولسىمۇ چىداڭ، پەقەت بەش ئايدەك ۋاقىت كۆرۈشەلمەيدىكەنمىز، ئۇ كۈنلەرمۇ ئۈتۈپ كېتىدۇ. چۇقۇم ئۆزگىرىپ كەتمەڭ، مەن ھەر قانداق تەرەپتىن بولسۇن سىزنىڭ ئەسلى ھالىتىڭىزنى كورەي، دېدى. بۇ ۋاقىتتا مەن يەنە خۇش بولدۇم ھەم ئازاپلاندىم.
ئويدىكى ئىشلارنى بىر تەرەپ قىلىپ مەكتەپكىمۇ بىر ئايغا يىقىن ۋاقىت كېچىكىپ باردىم. مەكتەپكە كىلىپ يەنە مەنىسىز كۈنلىرىم باشلاندى، ئۇنى قاتتىق سېغىندىم ئۇنى بەكمۇ كۆرگۈم كەلدى، بىراق ھەر ئككىلىمىز ئامالسىز، شۇنداق تۇرۇپمۇ بەزىدە تېلفۇن پاراڭلاشساق بىر دەمدە قىيدىشىپ قالاتتۇق، مەن بولسان ئۇنى سېغىنىپ كۈن ساناش بىلەن ئۈتەتتىم.
        كۈنلەر ئۈتۈپ ئۇنىڭ پىراكتىكا ۋاقتى تۇشۇپ قايتىپ كېلىشكە ئاز قالدى. مەن ئۇنى كۆرۈشكىلا ئالدىرايتم، ئاخىرى ئۇ ئۈرۈمىگە كەلدى، مەن ئۇنىڭ بىلەن ئاددىيلا كورۈشتۈم ئالدىراشلىقتا ئۆيگە قايىتتى.
مەن ئاخىرى ئۇنى كوردۇم، بۇ بەش ئاي ۋاقىت مەن ئۈچۈن زۈلمەت كېچىدەكلا بەك تەستە ئوتتى. كىيىن تەتىل مۇناسىۋىتى بىلەن مەنمۇ ئويگە قايىتتىم، تەتىل مەزگىلى كورۈشۈشكە ئەپسىز بولغاچقا مىڭ تەسلىكتە ھەدەمنىڭ ئويىگە مېھمان بۇلۇپ بېرىش باھانىسىدە يەنە ئاران كورۈشتۇق. مەن ئۇنى قانغۇچە كوردۈم، ئۇنىڭ بىلەن بىرگە بولغان ھەر بىر مىنۇت مەن ئۈچۈن شۇنچىلىك قىممەتلىك ھەم خۇشاللىنارلىق ۋاقىت. ئۇنىڭ بىلەن بىللە بولغان ۋاقتىمدا ئۇنىڭ ئوڭ قۇلىدىكى بىر جۈپ كۆزمۇنچاقنى كۆرگىنىمدە ئۆزۈمنى كىچىككىنە بولسىمۇ بەخىتلىك ھىس قىلمەن، نىمىشقا دىسىڭىز  ئۇ گەرچە ئاددىيلا بىر نەرسە بولسىمۇ ، مەن ئۇ بىر جۈپ كۆزمۇنچاقنى ئۇنىڭ تۇغۇلغان كۈنىدە ( ئويدە بولغاچقا) مەخپى كورۈشۇپ ئۆز قۇلۇم بىلەن ئۇنىڭ بىلىكىگە سېلىپ قويغان ھەم ئۇنى سۆيۈپ قويغان.
       ھەر ئىككىلىمىز مەكتەپتە ئىدۇق، مۇشۇنداق كۇنلەرنىڭ بىردە ئۇ ماڭا پەقەت پەرۋا قىلماس بۇلۇپ قالدى . مەن ئاچچىقىم كېلىپ ئازراق چىېچىلىپ قالدىم ، ئۇمۇ بوش كەلمىدى. بىراق مەن پەقەت چىدىمىدىم، خۇددى ئۇنى ياخشى كورۈپ قالغانلىقىم مىنىڭ خاتالىقىمدەك ئۇنداق يۇرسە ماڭىمۇ ئېغىر كىلىدىكەن. مەن يەنىلا ئۇنىڭ كۆڭۈل بولىشىگە، ھىچ بولمىغانغا ئەھۋالىمنى سوراپ قۇيىشىغا مۇھتاج ئىدىم. مىنىڭمۇ ئاز بولسىمۇ ئۈزۈم ياخشى كورگەن ئادەمنىڭ مېھرىگە ئېرىشش ھوقوقۇم يوقمۇ؟ ....
مەن قاتتىق چارچىدىم، ئۈزۈمنى بۇ دۇنيا تەرپىدىن مەڭگۈلۈك تاشلانغاندەك ھىس قىلدىم. ئاخىرى مەن ئۇنىڭغا كۆڭلۈمدىكى ھەممە دەتلىرىمنى ئېيىتتىم، ئۇمۇ ماڭا خىلى گەپلەرنى قىلدى، گەپلىرى مىنى بەكمۇ گاڭگىرتىپ قويدى. مەن بۇ ۋاقىتتىكى ئۇنىڭ پۇزۇتسىيسىدىن ماڭا بولغان مۇئامىلىسىدىن بىر ئشنى چۈشەنگەندەك بولدۇم ۋە ئۇنىڭدىن سورىدۇم:- منىڭ سىنى ياخشى كورىدىغىنىمنى بىلىسەن شۇنداقمۇ؟
ئۇ:- ھەئە، بىلىمەن.
:- بۇ ئىككى يىل ۋاقىت ئىچىدە ماڭا ھەققى كوڭۈل بىرىپ باقتىڭمۇ؟
ئۇ:- ياق.
مەن مۇشۇ ۋاقىت جەرياندا سىنىلا ياخشى كۆرۈپ كەلدىم بىلەمسەن، مەن مۇشۇ ۋاقىت ئىچىدە نىمىگە ئېرىشتىم ، نىمىلەردىن مەھرۇم قالدىم بىلەمسەن؟
ئۇ:-... ..... .....       ....
:- بولدى چۈشەندۈمە، مەن ھەممىننى چۈشەندىم ، ئەمدى ئاڭلىمايمەن.  خوش...      ...........             ..........
        شۇنىڭ بىلەن مەن ھەممىدىن ئايرىلدىم ، چىن مۇھاببىتىمنى ئايىماي بەرگەن قىزدىن ئايرىلدىم. خۇشاللىق دىگەنلەردىن، مۇھاببىەت دىگەندىن ۋۇجۇدۇمدا قىلچىمۇ ئەسەر قالمىدى، مەندە كۆڭۈل دىگەن نەرسە قالمىدى. مەن ئككىمىزنىڭ مۇھاببىتىنىڭ بۇنداق ئېچىنىشلىق ھالەتتە ئاخىرلىشىشنى خىيالىمغىمۇ كەلتۈرۈپ باقمىغان، مەڭگۇ بۇنداق ئېچىنىشلىق تىراگىدىيە يۈز بىرىشنى ئۈمۈت قىلمايتىم ھەم خالىمايتىم. بەزى ئشلارغا بىز مىڭ كۈچەپ تىرىشساقمۇ يەنە بۇلىدىغان ئىش بۇلىدىكەن ، مىنىڭ خىيالىمدا ئەسلى بۇ ئشنى ئۈزۈم باشقىچە ئۇسۇل بىلەن چىرايلىق ئاخىرلشتۇرماقچى ئىدىم، ئەپسۇس ئۇنداق بولماي قالدى.
         مىنى كەچۈرگىن ئاپپاق، ساڭا ئازار بىرىش نىيىتىم يوق. مەن سىنى ياخش كۆرۈپ قالدىم، مەن پەقەت سىنىڭ كىچىككىنە بولسىمۇ ھەققى كۆڭلىڭنىى بىرىشىڭنى ئارزۇ قىلاتتىم. سەن بەخىتلىك بولساڭ، خۇشال بولساڭ شۇ مىنىڭ ئەڭ چوڭ خۇشاللىقىم. بەخىتلىك بول،  سىنى سۈيىمەن.........

Qantiper

ھە،ياخشى كۆرۈپ ئالماي دەپسىزدە

anjuri ھەقىي سالاھىيەتلىك ئەزا

Qantiper يوللىغان ۋاقتى  2013-4-6 17:12
ھە،ياخشى كۆرۈپ ئالماي دەپسىزدە

مەن ياخشى كورۇپ قالدىم، ماڭىمۇ ئامال يوق. بىراق نەۋرىلەرنىڭ توي قىلشى شەرىئەتتىمۇ قانۇندىمۇ چەكلىندۇ.

局长

anjuri يوللىغان ۋاقتى  2013-4-6 17:24
مەن ياخشى كورۇپ قالدىم، ماڭىمۇ ئامال يوق. بىراق نەۋرى ...

شەرىئەتتە ئىمىلداش بولمىسىڭىز چەكلەنمەيدۇ. ئەتراپىمىزدىمۇ نەۋرىنى نەۋرىگە چاتقانلار خىلى كۆپ.