بۇ يىللىق پۇتبول بىرلەشمە مۇسابىقىسىنىڭ تىزىملاش خىزمىتى نەۋرۇزنىڭ 20-كۈنى ئاياقلاشتى. شىنجاڭ كوماندىسى گەرچە بۇرۇنلا، تىزىملاش خىزمىتىنى تاماملىغان بولسىمۇ، ئەمما مەبلەغ سالغۇچىنىڭ يوقلىقى سەۋەبىدىن بۇ يىللىق مۇسابىقىگە قاتنىشىش سالاھىيىتىدىن ئايرىلىپ قېلىشى مۇمكىن. شىنجاڭ پۇتبولچىلار ۆەمئىيىىتى گەرچە مەبلەغ مەسىلىسىنى ھەل قىلىش ئۈچۈن تىرىشىۋاتقان بولسىمۇ، ئەمما، يېڭى مۇسابىقە پەسلى باشلانغۇچە، يەنى ئۈمىد ئېيىنىڭ 19-كۈنىگىچە، پۇل مەسىلىسىنى ھەل قىلالمىسا، شىنجاڭ كوماندىسى بۇ يىللىق مۇسابىقىگە قاتنىشىش سالاھىيىتىدىن ئايرىلىپ قالىدۇ.
مۇسابىقە ئارقىلىق كوماندىنى بېقىشنى ئەمەلگە ئاشۇرۇش تەس.
جۇڭگو ب دەرىجىلىكلەر پۇتبول بىرلەشمە مۇسابىقىسىگە قاتنىشىش ئۈچۈن، 500 مىڭ يۈەن كاپالەت پۇلى تاپشۇرۇش كېرەك بولۇپ، بىر مۇسابىقە پەسلىدە كوماندىنىڭ چىقىمى مىليون يۈەندىن ئاشىدىكەن، ئۆتكەن يىلى شىنجاڭ كوماندىسى ئۈچ مىليون يۈەن ياردەمگە ئېرىشكەن بولسىمۇ، بىراق كوماندىنىڭ چىقىمى تۆت مىليون يۈەندىقن ئېشىپ كەتكەن.
بىر قىسىقم كىشىلەر توردا شىنجاڭ كوماندىسىنىڭ ئىقتىساد مەسىلىسىنى ھەل قىلىش ئۈچۈن، تورداشلارنى ئىئانە توپلاشقا دەۋت قىلغان. بىر تورداشنىڭ ئېلىپ بارغاب ئىستاتىستىكىسىغا ئاساسلانغاندا، ئۆتكەن بىر يىلدا، شىنجاڭ كوماندىسىنىڭ مۇسابىقىسىنى كۆرگىلى كەلگەن تاماشىبىنلارنىڭ ئوتتۇرىچە سانى 12مىڭ ئادەم بولۇپ، ھەربىر بېلىەتنىڭ باھاسىنى ئوتتۇرا ھېساب بىلەن، 20 يۈەندىن ھېسابلىغاندا، ئىككى مىليون يۈەندىن ئارتۇق كىرىم قىلىدۇ، بۇ پۇللار نەگە كەتتى؟ شىنجاڭ پۇتبولچىلار جەمئىيىتى بۇ ھەقتە مۇنداق دېگەن: «بېلەت كىرىمىدىن كىرىدىغان پۇلنىڭ بىر قىسمىنى جۇڭگو پۇتبولچىلار جەمئىيىتىگە ، كۆپ قىسمىنى ياردەملەشكۈچى ئورۇنلارغا بەردۇق، شۇڭا ياردەملەشكۈچى ئورۇن بولمىسا كوماندىنى قامدىغىلى بولمايدۇ».
شىنجاڭ كوماندىسىنىڭ يېتەكچىسى مۇنداق دېگەن: «پۇتبولغا نۇرغۇن مەبلەغ كېتىىدۇ، كوماندىمىز قاتنىشىۋاتقان مۇسابىقىلەرنىڭ دەرىجىسى تۆۋەن بولغاچقا، كۆپ قىسىم كارخانىلار مەبلەغ سېلىشنى خالىمايدۇ».
تۈزۈلمە ماھىرلىرىمىزنى گاڭگىرىتىپ قويماقتا
ئىقيىساد ئامىلىدىن باشقا يەنە تۈزۈلمە جەھەتتىكى مەسىلىلەرمۇ شىنجاڭ پۇتبولچىلىقىنىڭ تەرەققىياتىنى چەكلەپ قويىۋاتىدۇ، شىنجاڭ كوماندىسى 2006-يىلىىدىن، 2008-يىلىغىچە، جۇڭگو ب دەرىجىلىكلەر پۇتبول مۇسابىقىلىرىگە قاتنىشىپ كېلۋاتقان بولسىمۇ، ئەمما 2009-يىلى، مەملىكەتلىك تەنھەرىكەت مۇسابىقىسى تۈپەيلىدىن، شىنجاڭ كوماندىسى جۇڭگو ب دەرىجىلىكلەر پۇتبول مۇسابىقىسىگە قاتناشمىدى. بۇ يىل يازدا مەملىكەتلىك تەنھەرىكەت مۇسابىقىسى ئۆتكۈزىلىدىغان بولغاچقا، جۇڭگو ب دەرىجىلىكلەر پۇتبول بىرلەشمە مۇسابىقىسىگە قاتنىشىدىغان كوماندىلارنىڭ سانىمۇ بۇلتۇرقى 26 كوماندىدىن كېمىيىپ، 16گە چۈۈشۈپ قالغان. مەملىكەتلىك تەنھەرىكەت مۇسابىقىسىنىڭ پۇتبول تۈرىگە قاتنىشىدىغان ماھىرلارنىڭ يېشى 20 ياشتىن ئېشىپ كەتمەسلىكى بەلگىلەنگەن بولغاچقا، مەملىكەتلىك تەنھەرىكەت مۇسابىقىسىدىن كېيىن، كومادىدىكى يېشى چوڭ ماھىرلار كوماندىدىن ئايرىلىشقا ، شىنجاڭ پۇتبولچىلار جەمئىيىتىمۇ قايتىدىن ماھىر تاللاشقا مەجبۇر بولۇپ قېلىۋاتىدۇ.
سەركە يوق
شىنجاڭ كوماندىسىنىڭ يېتەكچىسى ياڭ چۈنپىڭ :«شىنجاڭدا قىزغىن تاماشىبىن، تالانتلىق ماھىر ۋە كەڭ ئاممىۋى ئاساس بار، ئەمما شىنجاڭ پۇتبولچىلىقىغا مەبلەغ سالىدىغان سەركە يوق».
يېقىنقى يىللاردىن بۇيان،شىنجاڭ تەربىيەلەپ چىققان جۇڭگودىكى ھەردەرىجىلىك كەسپىي پۇتبول كوماندىلىرىدا توپ ئويناۋاتقان ماھىرلار 40 تىن ئاشىدۇ. شىنجاڭ پۇتبولچىلار بىرلەشمىسى ماھىرلارنى ئويلىشىپ، ئۇلارنى سېتىۋالغان كوماندىلاردىن تەربىيەلەش ھەققى ئالمايۋاتىدۇ، قانداق قىلغاندا بۇ خىل ئەھۋالنىڭ ئالدىنى ئالغىلى بولىدۇ؟
ئۈرۈمچى شەھەرلىك مەكتەپلەر ئارا پۇتبول ھەرىكىتىنى باشقۇرۇش ئىشخانىسىدىكى ئابدۇغېنى بۇ ھەقتە مۇنداق دېدى: «مەكتەپلەر ئارا پۇتبول بىرلەشمە مۇسابىقىسىدە يىلدا دېگۈدەك تالانتلىق ماھىرلار چىقىىدۇ، بىز شىنجاڭغا نىشانلىق ياردەم بېرىۋاتقان 19 ئۆلكە، شەھەرلەر بىلەن پۇتبول ئىقتىساسلىقلىرىنى ئالماشتۇرۇش مېخانىزىمى بەرپا قىلىپ، تەدرىجىي شىنجاڭ پۇتبولچىلىرىنى بازارغا سېلىپ، ئۇلارنىڭ قىممىتىنى نامايەن قىلساق بولىدۇ».
يوللىغان ۋاقتى 2013-3-22 19:38:39
