|
ئەلكۈيى تورى تورداشلار ئۈچۈن مەخسۇس تەييارلىغان 1001ئىجادنىڭ تونۇشتۇرۇلۇشى 
1001ئىجاد: مۇسۇلمانلار مول مەدەنىيەت سەمەرىلىرىنى يارىتىپ دىنىي ۋە مەدەنىيەت مۇلاقاتلىرىنى كۈچلۈك ئىلگىرى سۈرگەن خەلق.ئۇلار ئىچىدىن يېتىشىپ چىققان يېڭى بىر دەۋ ر يېتۈك مۇتەپپەككۇرلار بىلەن ئالىملار ئەينى دەۋردە تېبابەتچىلىك،ئىلمىي نۇجۇم،ئوپتىكا،سەنئەت ۋە مىمارچىلىق ساھەلىرىگە تېگىشلىك تۆھپىلەرنى قوشقان بولۇپ مۇسۇلمانلار ئارىسىدىن دانا ماتېماتىكلار،تېبابەت ئالىمى،ئاسترونوملار يېتىشىپ چىققانىدى.بۇ سان ساناقسىز تۆھپىلەرنىڭ ئىزنالىرى يېقىنقى زامان ياۋروپا سانائەت ئىنقىلابىغا زور دەرىجىدە تەسىر كۆرسەتكەن ۋە يېڭى پەن تېخنىكا ئىنقىلابىنىڭ يەنىمۇ بىر بالداق يۇقىرى كۆتىرىلىشىگە ئاساس سالغان.
دۇنيادىكى ئىسلام مىراسى،قەھۋە ئۇرۇقى،كېمە ،ئوپىراتسىيە قىلىش تېخنىكىسى،ئاسترونومىيە بىلىمى،كىمنىڭ كاپسۇللۇق دورا ياساشنى خىيالىغا كەلتۈرگەنلىكى،ئايروپىلان ياساشنى تۇنجى ئوتتۇرىغا قويغان كىشى،شۇنداقلا بۈگۈنكى ماتېماتىكا ئىلمىگە ئاساس سالغۇچىلار،دۇنيادىكى تۇنجى ئۇنۋىرستىت قۇرغان كىشى ۋە تېخىمۇ كۆپلىگەن بىلىملەر بەلكى سىزنىڭ ئىلگىرىكى تەپەككۇر ئاسمىنىڭىزدا پەرۋاز قىلغان ئەمما جاۋاپسىز قالغان بولىشى مۇمكىن.
مانا بۈگۈن ئەلكۈيى تورى مەخسۇس سەھىپە ئاجرىتىپ بۇ سوئاللارنىڭ جاۋابىنى سىز بىلەن تەڭ ھەمبەھىرلەشكە سورۇن ھازىرلاپ بەرگۈسى!
600-يىللاردىن 1600-يىلىغا قەدەر بولغان ئالتۇن دەۋرنى باشتىن ئۆتكۈزگەن مۇسۇلمانلارنىڭ تىببىي ئىلىم ۋە مېخانىكا،خىمىيە ۋە كارتوگرافى،مائارىپ ۋە ئېنژىنىرلىق،مىمارلىق ۋە ئاسترونومىيەگە ئوخشاش خىلمۇخىل ساھەلىرىدىكى ئىلمىي نەتىجىلىرى ھەرقايسى جايلاردا باشلامچىلىق رول ئوينىغانىدى.ھېچبىر ساھەدە بۇلارغا ئوخشاش ئىلمىي تەتقىقات ئارقىلىق مەسىلىگە ئىلمىي نۇقتىدىن تەپسىلىي دەلىل ئىسپاتلار ئارقىلىق جاۋاب بېرىلمىگەنىدى.ئالگېبرا نامىنىڭ داڭلىق مۇسۇلمان ماتېماتىك ئەلجەبىرنىڭ ئىسمى بىلەن ئاتىلىشى،مېدىتسىنا ساھەسىدە قوللىنىلغان نامنىڭ دۇنيادا تۇنجى خاراكتېرلىك ئوپىراتسىيە ئېلىپ بارغان كىشى ئبىن سىنانىڭ نامى بىلەن ئاتىلىشى،بۇلارنىڭ ھېچقايسىسى كۈنىمىزدە تاسادىپىيلىق ھېساپلانمايدۇ.ئىسلام مەدەنىيىتى يەنە دۇنيانىڭ ھەرقايسى جايلىرىدىكى قەدىمكى مەدەنىيەتلىرىنىمۇ ئۆزىگە مۇجەسسەملىگەن بولۇپ جۇڭگونىڭ تۆت چوڭ كەشپىياتىدىن تاكى يىراق ياۋروپاغا ۋە ئافرىقىغا قەدەر سوزۇلغان ئىلمىي ئەسەرلەر ئۆز نۆۋىتىدە گىرىك تىلى،پارس تىلى،قەدىمكى مىسىر تىلى،قەدىمكى سۈرىيە تىلى ۋە سانسىكرىت تىلىدىن ئەرەب تىلى ۋە ئوسمانلى تىللىرىغا تەرجىمە قىلىنغانىدى.
ئەلكۈيى 1001 ئىجاد سەھىپىسى سىز ئۈچۈن بۇ بىلىملەردىن ئەڭ ياخشى ئۇچۇرلارنى تەمىنلىگەن «1001 ئىجاد-دۇنيادىكى ئىسلام مىراسى» ناملىق كىتاپنى تونۇشتۇرىدۇ ۋە بۇ كىتاپقا ئائىت زىيارەت فىلىمى ھۇزۇرىڭلاردا بولىدۇ.
«1001 ئىجاد-دۇنيادىكى ئىسلام مىراسى» ئىسلام مەدەنىيىتىنىڭ بىلىم تارىخىدىن كۆپ خەۋەردار بولمىغانلار ئۈچۈن قولاي ھالدا چۈشىنىلگۈدەك بىر ھالغا كەلتۈرۈلگەن مەزكۇر كىتاپ، قىسقىغىنە 24ئاي ئىچىدە يۈزمىڭ پارچىدىن كۆپ سېتىلغان بولۇپ نۆۋەتتە ئىنگلىزچە،تۈركچە،ئەرەپچە نۇسخىلىرى نەشىردىن چىققان ھەمدە ئوخشىمىغان بەش خىل تىلغا تەرجىمە قىلىش پىلانى تۈزۈلگەن.
مەزكۇر كىتاپقا ئائىت ئۇچۇرلار:
باش مۇھەررىر:پروفېسسور سەلىم ت س ئەل ھەسەنى
مۇھەررىر:پروفېسسور دوكتور ئالىپ
مۇئاۋىن پروفېسسور دوكتور سالىم ئايدۈز
كىرىش سۆز يازغۇچى:سىر رونالد جېكسون
بۈيۈك بىرىتانىيە ئىلىم پەن تەرەققىياتىنى ئىلگىرى سۈرۈش جەمئىيىتى باش ئىجرائىيە ئەمەلدارى نەشىرگە تەييارلىغان ئورگان:پەن تېخنىكا ئاساسى ۋە كۈلتۈر ئورگىنى مەشھۇر تېخنىكىلارنى ئۆلچەملەشتۈرۈش شىركىتى
بەت سانى:376بەت
باسما:رەڭلىك
مۇقاۋا:كاردونلۇق قاتتىق مۇقاۋا
نەشىرگە تەييارلانغان ۋاقىت:2010-يىلى ئاۋغۇست ISBN / Barkod: 9780955242618
«1001 ئىجاد» سەييارە موزىيى ۋە «سىرلار كۇتۇپخانىسى» ناملىق فىلىم 1001 ئىجاد سەييارە موزىي ھازىرغا قەدەر ياۋروپا،ئوتتۇرا شەرق ۋە ئامېرىكىنىڭ بىر قانچە شەھەرلىرىدە سەييارە ھالدا كۆرگەزمىگە قويۇلدى ۋە كۆرۈلۈش قېتىم سانى نەچچە يۈز مىڭ قېتىمغا يېتىپ تېخىمۇ كۆپ كىشىلەرنىڭ ياۋروپالىقلار تەرىپىدىن جاھىلىيەت دەۋرى دەپ ئاتالغان ئوتتۇرا ئەسىر دەۋرىنىڭ ھەقىقىي قىياپىتىنى قايتا نامايان قىلىپ بەردى.بۇ سەييارە موزىينىڭ كىرىش قىسمىغا ئوسكار مۇكاپاتىغا ئېرىشكەن ۋە «ھۆكۈمران»،«پولات پالۋان3»قاتارلىق داڭلىق ھوللىۋوت كىنولىرىدا باش رول ئالغان ئەنگىلىيەلىك ئارتىست بەن كىڭسلىي ئاساسىي رول ئالغان «سىرلار كۇتۇپخانىسى»ناملىق فىلىم چوڭ ئېكران شەكلىدە ئورۇنلاشتۇرۇلغان بولۇپ فىلىمنىڭ جەلىىپكارلىقى ۋە كىشىنى ھاياجانغا سالىدىغان كۆرىنىشلىرى كىشىلەرنىڭ ئوتتۇرا ئەسىر دەۋرىنى چۈشىنىشىگە بولغان ئوتتەك ئىشتىياقىغا ئىلھام ۋە تەسەۋۋۇر كۈچى تەمىن ئەتتى. تۆۋەندە بۇ فىلىم ھۇزۇرۇڭلاردا بولىدۇ
| 
يوللىغان ۋاقتى 2013-3-15 19:27:03
