ئازاپتىن يىقىلسام ئۈمىد يۈلىدى
نۇرغۇن ئىش ئەتىگە قالدى ئامانەت،
قىپقىزىل يۇلغۇنلار سۆزلەيدۇ قىسسە.
گۈرۈلدەپ تۇرىدۇ يىراق بىر ئۆتمۇش،
توغراقلار سۆزلىگەن جەڭنامىلەردە.
چاقلىدىم روھىمنى جۇددا،بوراندا،
كەچمىشنىڭ ئىگىسى بولۇپ قاپتىمەن.
ئاھ دېسەم كۆكسۈمدىن ئۆكسۈپ چىقار ئوت،
ئاھ دەيمەن ئارقىدىن مۇڭغا چۆكىمەن.
ئازاپتىن يىقىلسام ئۈمىد يۈلىدى،
ئەجداتلار ئىزىدا تۈمەنمىڭ ھېكمەت.
بۆرىدەك ھوۋلىسا يۇلغۇن، توغراقلار...
بارخانلار سۆزلەيدۇ سىرلىق رىۋايەت...
لاۋىلار چاچماقتا ئاھلىرىم ھەريان،
ئاھ دەيمەن ئارقىدىن ئېغىر تىنىمەن.
بارخانلار قۇچاقلار تۇيغۇللىرىمنى،
قۇملارنىڭ مېھرىدە لوگ-لوگ كۆيىمەن.
يوللىغان ۋاقتى 2010-8-1 09:13:43
