دىن تاللاپ «مودا» بولاي دەمسىز

Surgun1944

ئەسسلامۇ ئەلەيكۇم.   خىرىستىئانلىققا بىرىنجى ئىنكاس.
    خىرىستىئانلىق توغۇرلۇق گەپ بولۇنسا مەيلى خىرىستىيانلار،كاتولىكلار،ياھۋا گۇۋاھچىلىرى ياكى پىروتىستانىت مەزھەبلىرى بولسۇن بۇلارنىڭ ئەقىدىسىدە  ناھايىتى چوڭ خاتا كۆزقاراشنىڭ بارلىغىنى بىلىۋىلىش تەس ئەمەس.ئۇلار ئىنجىلنىڭ بىشىدىلا ئاللاھ ئۆز شەكلدە ئىنساننى ياراتتى دەيدۇ،لىكىن بۇھەرگىزمۇ ئاللاھ نازىل قىلغان ئىنجىلدىكى سۆزلەر ئەمەس،بەلكى بۇ ئۇلارنىڭ گۇمانىي كۆزقارىشى،بىز ئاللاھنى چەكسىز دەپ ئىتىقات قىلىمىز،لىكىن ئىنسان چەكلىك مەخلۇق،شۇڭا ئۇلارئاللاھنىڭ شەكلىنى ئىنسانغا ئوخشىتىشى كىشىگە ئاللاھنىڭ چەكلىك دىگەن تۇيغۇنى بىرىدۇ(نەئۇزۇبىللاھ)
   ئەمدى ئەقىدە توغۇرلۇق توختۇلۇپ باقساق : بىز يەنى بارلىق ئىنسانىيەت (مەيلى ئۇ قايسى ئەقىدىدە بولسۇن)  بۇ كائىنات ئالىمىگە نەزەر سالساق ،ئالدى بىلەن ئۆزىمىزنى ۋە ئۆزىمىزگە ئوخشاش ئىنسانلارنى،ئاندىن مەۋجۈت بولغان ھاياتلىقنى،ئاندىن بارلىق نەرسىلەرنى ئۆزئىچىگە ئالغان كائىناتنى كۆرىمىز،دەل شۇ چاغدا ئىنساننىڭ كاللىسىغا بۇ نەرسىلەر يەنى ئىنسان،ھايات ۋە كائىناتنىڭ ئاۋۋالقى ۋۇجۇد(ئىنسان ،ھايات، كائىناتتىن ئىلگىرىكى بار بولغان ۋۇجۇد) ۋە كىيىنكى ھاياتقا(ئۆلگەندىن كىيىنكى ھاياتقا) ئالاقىدار بولغان سوئال پەيدا بولىدۇ،ۋە بۇسوئالغا تاپقان جاۋابى ئىنساندا ئەقىيدە بولۇپ شەكىللىنىدۇ،ۋە بۇ ئىنساننىڭ كاللىسىدا ئەڭ چوڭ تۈگۈن بولۇپ ئىنسان ئەگەر بۇ سوئالغا جاۋاپ تاپمىسا ئىنسان بىئارام بولىدۇ،جاۋاپ تاپقاندىن كىيىنلا(مەيلى ئۇ قانداق جاۋاپ تاپسۇن) ئاندىن ئۇ خاتىرجەملىككە ئېرىشىدۇ،ۋە ھاياتلىق پائالىيەتلىرىنى شۇ ئەقىيدىسى بويىچە ئىلىپ بارىدۇ.
   يەنى مانا مۇشۇ سوئالنىڭ جاۋابى ئەقىيدە دەپ ئاتىلىدۇ.مەسىلەن :ماددىزىم ئەقىيدىسى ئىنسان،ھايات،كائىنات توغرىسىدا پىكىر قىلغاندا ئاۋۋالقى ۋۇجۇتنى ۋە كىيىنكى ھاياتنى ئىنكار قىلىدۇ،ئىسلام بولسا ئاۋۋالقى ۋۇجۇتنى بار ۋە يەككە يىگانە ئاللاھ دەپ ئىتراپ قىلىدۇ،ۋە كىيىنكى ھاياتلىق(ئۆلگەندىن كىيىنكى ھاياتلىقنى) مەۋجۇت دەپ ئىمان كەلتۈرىدۇ،بۇ ئىسلامدا ئالتە ئىمان دىيىلىدۇ.
  بۇ ئالتە ئىمان بولسا 1-ئاللاھقا ئىمان كەلتۇرۇش2-پەرىشتىلەرگە ئىمان كەلتۈرۈش3-ئاللاھ نازىل قىلغان كىتاپلارغا ئىمان كەلتۈرۈش،4-ئاللاھنىڭ ئەلچىلىرىگە ئىمان كەلتۈرۈش،5-ئاخىرەت كۈنىگە ئىمان كەلتۈرۈش6-قازا ۋەقەدەر ياخشىلىق ۋە يامانلىقنىڭ ئاللاھنىڭ تەقدىرى بىلەن بولىشىغا شەكسىز ئىشىنىش ئەقىدىسىدۇر.
    خىرىستىئانلار بولسا ئاۋۋالقى ۋۇجۇتنى ئىتراپ قىلىدۇ لىكىن يالغۇز ئاللاھ دەپ ئىتراپ قىلمايدۇ،ئەيسا پەيغەمبەر،جىبرىئىل ئەلەيھىسسالام،ۋە مەريەم ئەلەيھىسسالام،ھەۋۋا ئانا، لارنى ئاللاھنىڭ شىرىكى دەپ قارايدۇ(بۇلارنىڭ ھەرقايسى مەزھەپلىرىدە  ئوخشىمىغان شىرىك ئەقىدىلىرى بار)
  كىيىنكى ھاياتلىقنى بەزىلىرى ئىتراپ قىلىدۇ،ئىتراپ قىلمايدىغان مەزھەپلىرىمۇ بار.
    دىمەك بۇ دۇنيادىكى ئىنسانىيەتنىڭ شۇنداق نۇرغۇن ئەقىدە كۆزقاراشلىرى بار،بۇددىزىم ئەقىيدىسى،ھىندى ئەقىىسى،لاما ئەقىيدىسى،يەھۇدىي ئەقىيدىسى،ئاتەشپەرەسلىك،كۆك تەڭرى ئەقىيدىسى ۋە شۇنىڭدەك بارلىق ئەقىيدىلەر ئىنسان ،ھايات ،كائىنات توغرىسىدىكى سۇئالنىڭ ئىنسالار تەرىپىدىن تىپىلغان جاۋاپلىرى ياكى ئاللاھ تەرىپىدىن ئەلچىلەر ئارقىلىق يەتكۈزۈلگەن ۋەھىي،خەۋەرلىرىدۇر.
   بۇ يەردە خىرىستىيانلىق توغرىسىدا توختالغىنىمىز ئۈچۈن باشقا ئەقىيدىلەرگە ئانچە بەك كىرىشمەيمىز،
ئەمدى خىرىستىيانلار دىن شۇنى سورىغۇم كىلىدۇ،سىلەر نىمىشقا ئاللاھنىڭ بالىسى بار،خوتۇنى بار،شىرىكى بار دەپ ئاللاھقا بەدنام چاپلايسىلەر،ئەجىبا ئەيسا ئەلەھھىسسالامنىڭ ئاتىسىز تۇغۇلغان بۇۋاق بولغىنى ئۈچۈنمۇ؟  سىلەر ئاغزىڭلاردا ئاللاھ ھەممىگە قادىر دەيسىلەر ئەمما ئەمەلىيىتىڭلاردا نىمە ئۈچۈن بۇ سۆزۈڭلارغا ئىشەنمەيسىلەر،دىمەك سىلەر ئاللاھنىڭ ھەممىگە قادىر ئىكەنلىكىگە تولۇق ئىشەنمەيسىلەر،سىلەرنىڭ دەۋا قىلىۋاتقىنىڭلار پەقەت گۇمانىي كۆز قاراشلىرىڭلاردىن كىلىپ چىققان ياللان ياۋىداق ئەقىيدىدىن ئىبارەتتۇر، بىلىپ قويۇڭلاركى ئۇ ئاللاھنىڭ زاتىنى ھىچكىم بىلمەيدۇ،ۋە بىلەلمەيدۇ،ئەيسا ئەلەيھىسسالامنىڭ ئاتىسىز يارىتىلىشى كاللاڭلاردىن ئۆتمىگەن بولسا،ئادەم ئەلەيھىسسالاممۇ ئاتىسىز يارىتىلغان ئەمەسمۇ؟ئەجىبا سىلەر ھەممىگە قادىر دەۋاتقان ئاللاھ بىر ئىنساننى ئاتىسىز يارىتىشقا قادىر ئەمەسمۇ؟ ئەگەر ئاللاھ خالىسا ئاتىسىز ئەمەس،ھەم ئاتا ھەم ئانىسىزمۇ يارىتىشقا،خالىسا تۇپراقتىن،خالىسا سۇدىن،خالىسا يوقتىن بار قىلىشقىمۇ قادىردۇر.سىلەر نىمىشقا چۈشەنمەيسىلەر.

surgun4458

ئەسسالامۇ ئەلەيكۇم.ھۆرمەتلىك قىرىنداشلار:
     تۇنۇگۈن بۇ تىمىغا ئىنكاسىمنىڭ ئاخىرىنى يازاي دەپ  شۇنچە قىلساممۇ ،مەخپىي نومۇرۇمنى خاتا دەپ،پەقەتلا كىرەلمىدىم،(كىمنىڭ مەخپىي نومۇرۇم بىلەن ئىيتىشقىنىنى ئاللاھ ئوبدان بىلىدۇ)شۇڭا بۈگۈن قايتىدىن تىزىملىتىپ كىرىشىم،ۋە ئىككىنجى ئىنكاسىم سۈپىتىدە پىراففىسور مىللىرنىڭ قۇرئان كەرىم ھەققىدىكى تەتقىقاتلىرى بايان قىلىنغان تۈۋەندىكى ماقالىنى يوللاپ قويدۇم،ئوقىمىغانلارنىڭ ئەستايىدىل ئوقۇپ بىقىشىنى ئوقۇپ بولغانلارنىڭ قايتا بىر ئوقۇپ بىقىشىنى تەۋسىيە قىلىمەن،مەقسىدىم،ئەقلىي دەلىل ئالماي خىرىستىيان دىنىغا كىرىپ كىتىۋاتقان ياشلارغا پايدا بولۇپ قالارمىكىن دىگەن ئۈمىدىم بار.
     ئالدىدىمۇ ئىيتىپ ئۆتكەندەك ئەقىدە مەسىلىسىدە ئىنسان قانداقلا جاۋپقا ئىرىشسۇن،ئۇنىڭ ئىرىشكەن جاۋابى مەيلى توغرا مەيلى خاتا بولسۇن بۇجاۋاپ شۇ كىشىگە بۇ دۇنيادا خاتىرجەملىك ئاتا قىلىدۇ،ئەمما ئاخىرەتتە بولسا توغرا جاۋاپقا ئىرىشكۈچىلەردىن باشقىلار خاتىرجەمسىزلىنىدۇ.شۇڭا سىزنىڭ ئىرىشكەن جاۋابىڭىز چوقۇم ئەقلىي دەلىلدىن كەلگەن توغرا جاۋاپ بولىشى كىرەك،قىنى ئەمسە تۆۋەندىكى قۇرلارغا مەرھەمەت.
   
                              قۇرئان كەرىمگە جەڭ ئېلان قىلغان كىشى
   كانادالىق مىسسىئونېر شۇنداقلا تورونتو ئۇنىۋېرسىتېتىنىڭ لوگىكا ۋە ماتېماتىكا پەنلىرى دوكتورى،پروفېسسور گېرىي مىللېر خىرىستىئان دىنى ئۈچۈن كۈچ چىقىرىش ھەمدە ئۇ ۋە ئۇنىڭ دىن تارقاتقۇچى ھەمراھلىرىنىڭ مۇسۇلمانلارنى خرىستىئان دىنىغا دەۋەت قىلىشىغا پايدىلىق بولۇشى ئۈچۈن، «قۇرئان كەرىم»نى تەتقىق قىلىپ، ئۇنىڭ ئىلىم-پەن ۋە تارىخقا زىت تەرەپلىرىنى ئېچىپ تاشلاش قارارىغا كېلىدۇ. ھالبۇكى،خاتالىق تاپماقچى بولغان بۇ كىشىنىڭ قۇرئانغا ئائىت ئادىل ۋە ئوبيېكتىپ تەتقىقات،باھالىرى «قۇرئان كەرىم»نى قوغداش مەقسىتىدە يېزىلغان مۇسۇلمانلارنىڭ نۇرغۇنلىغان ئەسەرلىرىنى بېسىپ چۈشىدۇ.
ئۇنى ئەڭ ھەيران قالدۇرغىنى «قۇرئان كەرىم»دىكى ئىنسانلارغا جەڭ ئېلان قىلىنغان ئايەتلەر بولغان. مەسىلەن:«ئۇلار قۇرئان ئۈستىدە پىكىر يۈرگۈزمەمدۇ؟ئەگەر قۇرئان(مۇشرىكلار ۋە مۇناپىقلار گۇمان قىلغاندەك)ئاللاھتىن غەيرىنىڭ بولغان بولسا،ئەلۋەتتە،ئۇنىڭدىن نۇرغۇن زىددىيەتلەرنى تاپقان بولاتتى»(سۈرە نىسا،82-ئايەت). يەنە مەسىلەن:«بەندىمىز(مۇھەممەد)گە بىز نازىل قىلغان قۇرئاندىن شەكلەنسەڭلار،قۇرئانغا ئوخشاش بىرەر سۈرىنى مەيدانغا چىقىرىپ بېقىڭلار،(قۇرئانغا تەئەررۇز قىلىشتا)ئاللاھتىن باشقا ياردەمچىڭلارنىڭ ھەممىسىنى(ياردەمگە)چاقىرىڭلار،(قۇرئان ئىنساننىڭ سۆزى دېگەن گېپىڭلاردا)راستچىل بولساڭلار »(سۈرە بەقەرە،23-ئايەت). پروفېسسور مىللېرنىڭ تەتقىقاتى ئەڭ ئاخىرىدا ھەيران قالارلىق بايقاشلار بىلەن ئاخىرلاشقان.
تۆۋەندىكىسى پروفېسسور مىللېرنىڭ «ھەيران قالارلىق قۇرئان كەرىم»دېگەن كىتابىدىكى بىر قىسىم تەتقىقات نەتىجىلىرى:
1.پروفېسسور مىللېر مۇنداق دەيدۇ:«دۇنيادا ھېچقانداق بىر يازغۇچى ئۆزىنىڭ كىتابىنى يېزىپ بولغاندىن كىيىن ”بۇ كىتابتا ھېچقانداق خاتالىق يوق“ دېيىشكە جۈرئەت قىلالمايدۇ.لېكىن ”قۇرئان كەرىم“دەل بۇنىڭ ئەكسىچە،ئۇ سىزگە ئۇنىڭدا ھېچقانداق خاتالىق يوقلىقىنى، ئەگەر بولسا تېپىپ چىقىشىڭىزنى ئېيتىدۇ، لېكىن سىز تاپالمايسىز ».
2.«قۇرئان كەرىم»دە مۇھەممەد ئەلەيھىسسالامنىڭ ئۇچرىغان ئېغىر كۈنلىرى تىلغا ئېلىنمىغان. مەسىلەن:ئۇنىڭ ئايالى خەدىچە ۋە بالىلىرىنىڭ ۋاپاتى. تېخىمۇ غەلىتە يېرى رەسۇلۇللاھنىڭ كىشىلەرنى دەۋەت قىلىپ ئوڭۇشسىزلىققا ئۇچرىغان ۋاقتىدا نازىل بولغان ئايەتلەردە غەلبىدىن بىشارەت بېرىلگەن. غەلبىدىن كېيىن چۈشۈرۈلگەن ئايەتلەردە بولسا مەغرۇرلىنىش، كۆرەڭلەشتىن ئاگاھلاندۇرۇلۇپ، قۇربان بېرىش ۋە پىداكارلىق كۆرسىتىشكە چاقىرىلغان. ئەگەر بىر كىشى ئۆز تەرجىمىھالىنى يازسا، چوقۇم ئۆز غەلبىسىنى كۆپتۈرۈپ، مەغلۇبىيەت ۋە خاتالىقلىرىغا باھانە ئىزدەيدۇ. بىراق «قۇرئان كەرىم» دەل بۇنىڭ ئەكسىچە. چۈنكى ئۇ ھەرگىزمۇ مەلۇم بىر ئالاھىدە تارىخىي دەۋرنىڭ كارتىنىسى بولماستىن، بەلكى ئاللاھ بىلەن ئىنسان ئوتتۇرىسىدىكى مۇناسىۋەت مىزانلىرى بەلگىلەنگەن دەستۇردۇر.
3.پروفېسسور مىللېر يەنە بۇ ئايەتنى تىلغا ئېلىپ ئۆتكەن. «ئېيتقىنكى ”مەن سىلەرگە بىر ئىشنى تەۋسىيە قىلىمەن، سىلەر خۇدالىق ئۈچۈن ئىككىدىن يا بىردىن تۇرۇڭلار (يەنى ئاللاھنىڭ رىزالىقى ئۈچۈن يىغىلىپ ياكى يەككە ھالدا ھەقنى تىلەڭلار) ئاندىن پىكىر يۈرگۈزۈڭلار“. ھەمراھىڭلاردا(يەنى مۇھەممەدتە) ھېچ مەجنۇنلۇق يوق، پەقەت ئۇ قاتتىق ئازاپ نازىل بولۇشتىن ئىلگىرى سىلەرگە ئەۋەتىلگەن بىر ئاگاھلاندۇرغۇچىدۇر» (سۈرە سەبەئ،،46-ئايەت). پروفېسسور بۇ يەردە تورونتو ئۇنىۋېرسىتېتىدىكى بىر تەتقىقاتچىنىڭ «كوللىكتىپ مۇنازىرىنىڭ ئۈنۈمى» توغرىسىدىكى تەجرىبىسىنى كۆرسىتىپ ئۆتكەن. ئۇ تەتقىقاتچى بۇ تەجرىبىدە ئوخشاش بولمىغان ساندىكى كىشىلەرنى گۇرۇپپىلاپ مۇنازىرە ئورۇنلاشتۇرغان. نەتىجىسىنى سېلىشتۇرغاندا، ئادەم سانى ئىككى بولغان گۇرۇپپىنىڭ مۇنازىرە ئۈنۈمى ئەڭ يۇقىرى بولغان. مۇنازىرىلەشكۈچىلەرنىڭ سانى ئاشقانسېرى، مۇنازىرە ئۈنۈمى شۇنچە تۆۋەن بولغان.
4.«قۇرئان كەرىم»دىكى مەخسۇس بىر سۈرە ئىسا ئەلەيھىسسالامنىڭ ئانىسى «مەريەم» ئىسمى بىلەن ئاتالغان.مەريەم«ئىنجىل»دىمۇ بۇنداق شەرەپكە نائىل بولالمىغان. ھالبۇكى «قۇرئان كەرىم»دە ھېچبىر سۈرىنىڭ ئىسمى رەسۇلۇللاھنىڭ ئايالى ئائىشە ياكى قىزى فاتىمەنىڭ ئىسمى بىلەن ئاتالمىغان. ئۇندىن باشقا «قۇرئان كەرىم»دە ئىسا ئەلەيھىسسالام 25 يەردە تىلغا ئېلىنغان، لېكىن مۇھەممەد ئەلەيھىسسالام پەقەت بەش يەردىلا تىلغا ئېلىنغان.
5.بەزى كىشىلەر مۇھەممەد ئەلەيھىسسالامغا چۈشۈرۈلگەن ۋەھىي ۋە پەيغەمبەرلىكنى ئىنكار قىلىپ، ئۇنى شەيتان ئۇنىڭغا ئۆگەتكەن دەپ قارايدۇ. «قۇرئان كەرىم» بۇنىڭغا رەددىيە بەرگەن. «قۇرئاننى شەيتانلار ئېلىپ چۈشكىنى يوق.بۇ ئۇلارغا لايىق ئەمەس،ئۇلارمۇ(ئۇنىڭغا) قادىر بولالمايدۇ»(سۈرە شۇئەرا،210،211-ئايەتلەر). «سەن قۇرئان ئوقۇماقچى بولغىنىڭدا، قوغلاندى شەيتاننىڭ (ۋەسۋەسىسىدىن) ئاللاھقا سېغىنىپ پاناھ تىلىگىن»(سۈرە نەھل،98-ئايەت). ئەجەبا شەيتانلار بىر كىتاب يازغاندىن كىيىن «مەن بۇنداق قىلىشقا قادىر ئەمەس»، ياكى «سىلەر بۇ كىتابنى ئوقۇغاندا مېنىڭ زەرەر يەتكۈزۈشىمدىن ئاللاھقا سېغىنىپ پاناھ تىلەڭلار» دەرمۇ!؟
6.ئەگەر سىز رەسۇلۇللاھ تۇرغان شارائىتقا ئۇچرىسىڭىز قانداق قىلاتتىڭىز؟ ئەينى ۋاقىتتا رەسۇلۇللاھ سەللاللاھۇ ئەلەيھى ۋەسەللەم بىلەن ئەبۇبەكرى رەدىيەللاھۇ ئەنھۇ سەۋر غارىغا يوشۇرۇنىۋالغان، ئەتراپنى ئۇلارنى تۇتۇشقا كەلگەن مۇشرىكلار قورشىۋالغان ئىدى. بۇلار پەقەت پۇتىنىڭ ئاستىغا قارىسىلا، ئۇ ئىككەيلەننى تېپىۋالاتتى. بۇ ۋاقىتتا رەسۇلۇللاھ ئەسلى ھەزرىتى ئەبۇبەكرىگە ئوخشاش ۋەھىمىگە چۈشۈش كېرەك ئىدىغۇ؟ «بىز باشقا چىقىش ئېغىزى تاپايلى!» ياكى «گەپ قىلما!ئۇلار ئاڭلاپ قالمىسۇن!» دېيىشى كېرەك ئىدىغۇ؟ لېكىن رەسۇلۇللاھ سەللاللاھۇ ئەلەيھى ۋەسەللەم خاتىرجەم ھالدا:«…غەم قىلمىغىن،ئاللاھ ھەقىقەتەن بىز بىلەن بىللە…»(سۈرە تەۋبە،40-ئايەت) دېدى. ئەجەبا بىر يالغانچى مۇشۇنداق دېيەلەمدۇ؟ ياكى ئۇ ھەقىقەتەن ئاللاھنىڭ قوغدايدىغانلىقىغا تولۇق ئىشەنگەن بىر پەيغەمبەرمۇ؟!
7.«قۇرئان كەرىم»دىكى «سۈرە مەسەد» ،ئايەتتە تىلغا ئېلىنغان، لەنەت قىلىنغان ئەبۇ لەھەب ئۆلۈشتىن ئون يىل بۇرۇن نازىل بولغان. ئەبۇ لەھەبنىڭ «قۇرئان كەرىم»نىڭ يالغانلىقىنى ئىسپاتلايدىغان 365×10=3650 قېتىملىق پۇرسىتى بار ئىدى. ھالبۇكى ئۇ ئۆمرىنىڭ ئاخىرىغىچە كۇفرىدا چىڭ تۇرغان،ھەتتا يالغاندىن بولسىمۇ ئىمان ئېيتمىغان. ئەگەر رەسۇلۇللاھ سەللاللاھۇ ئەلەيھى ۋەسەللەم «قۇرئان كەرىم»نىڭ ئاللاھنىڭ ۋەھىيسى ئىكەنلىكىگە تولۇق ئىشەنمىسە، قانداقمۇ بۇنداق كەسكىن ھالدا ئۇنىڭ ئاخىرىغىچە ئىمان كەلتۈرمەيدىغانلىقىنى ئېيتالايدۇ؟
8.«(ئى مۇھەممەد!) ئەنە شۇ (قىسسە) غەيىبكە ئائىت خەۋەرلەردىندۇر، ساڭا ئۇنى ۋەھىي قىلدۇق، سەن ۋە سېنىڭ قەۋمىڭ بۇنىڭدىن ئىلگىرى ئۇنى بىلمەيتتىڭلار…»(سۈرە ھۇد،49-ئايەت). پروفېسسور مىللېر بۇ ئايەتكە باھا بېرىپ مۇنداق دەيدۇ:«باشقا ھېچقانداق بىر دىننىڭ مۇقەددەس كىتابى بۇنداق ئۇسۇلدا بايان قىلىنغان ئەمەس. بۇ كىتاب ئوقۇرمەنلەرگە بىر ئىشتىن خەۋەر بېرىپ، ئۇ ئىشنىڭ بۇندىن بۇرۇن ھېچكىمگە بىلدۈرۈلمىگەنلىكىنى ئېيتىدۇ. ئەجەبا بۇ ئىنسانلارغا جەڭ ئېلان قىلغانلىق ئەمەسمۇ؟! ئەگەر مەككىلىكلەر ئۇنى ئىنكار قىلغان بولسا، ھەتتا ”بىز بۇرۇنلا بۇ ئىشتىن خەۋەردار ئىدۇق“ دەۋالسا، ياكى كىيىن بىرەر تەتقىقاتچى ئۇ ئىشنىڭ بۇرۇندىنلا مەلۇم ئىكەنلىكىنى ئېلان قىلسا،ئۇ ۋاقىتتا قانداق قىلاتتى؟ لېكىن بۇلارنىڭ بىرەرسىمۇ يۈز بەرمىگەن».
ئاخىرىدا پروفېسسور مىللېر تەكىتلەپ مۇنداق دەيدۇ:«“ھازىرقى زامان كاتولىك دىنى قامۇسى“دىكى“قۇرئان كەرىم“تارمىقى ئاستىغا گەرچە ھۇجۇم خاراكتېرىدىكى تەتقىقات ۋە ماقالىلار ئۆزلۈكسىز كۆپىيىۋاتقان بولسىمۇ-مەسىلەن:ئۇ بىر كېسەل كىشىنىڭ خىيالىي تۇيغۇسى، ئىبلىسنىڭ نەپەسلىرى، ئاددىي بىر كىشىنىڭ توقۇغان ئەسىرى…دېگەندەك، بىراق بۇ كۆز قاراشلارنى نورمال بىر ئەقىل ئىگىسى ئاسانلىقچە قوبۇل قىلالمايدۇ. دىنىي جەمىيەتتىكىلەر مەقسەتلىك ھالدا ئۇنىڭ ئىلاھىي ۋەھىي ئىكەنلىكىنى، ئىسلام دىنىنىڭ توغرا دىن ئىكەنلىكىنى ئىنكار قىلىدۇ،شۇنداقلا ھەقنى قوبۇل قىلىشقا جۈرئەت قىلالمايدۇ».
تەخمىنەن بۇندىن 30 يىل بۇرۇن، پروفېسسور مىللېر خرىستىئان دىنىنىڭ ۋەكىلى سۈپىتىدە، ئىسلام ۋە خىرىستىئان دىنىي ئۆلىمالىرىنىڭ مەشھۇر بىر مۇنازىرە يىغىنىغا قاتنىشىپ، ئىسلام دىنى ۋەكىلى ئەھمەد دىدات بىلەن مۇنازىرە ئېلىپ بارىدۇ. پروفېسسور مىللېر ناھايىتى پىكىرى ئۆتكۈر، سۆزلىرى راۋان كىشى بولۇپ ،ھەر قانداق بىر تەرەپلىمە كۆز قاراشلاردىن خالىي ھالدا، ھەقنى ئىزدەشنى مەقسەت قىلغان ئىدى. ئەينى ۋاقىتتا نۇرغۇن مۇسۇلمان ياشلار بۇ كىشىنىڭ ئىسلامغا كىرىشىنى ئارزۇ قىلىشقان ئىدى.
پروفېسسور مىللېرنىڭ «قۇرئان كەرىم»گە قارىتا تەتقىقاتى 1977-يىلى باشلانغان. ۋەھالەنكى، ئارىدىن بىر يىل ئۆتكەندىن كىيىنلا ئۇ ئۆزىنىڭ مۇسۇلمان بولغانلىقىنى جاكارلاپ، ئىسمىنى ئابدۇلئەھەد ئۆمەرگە ئۆزگەرتىدۇ. ئىسلام تەشۋىقات ئىشلىرىغا پۈتۈن ۋۇجۇدى بىلەن كىرىشىشتىن بۇرۇن، سەئۇدى ئەرەبىستان نېفىت ۋە كان بايلىقلىرى ئۇنىۋېرسىتېتىدا بىر نەچچە يىل خىزمەت قىلىدۇ. ئارقىدىنلا تېلېۋىزىيە،رادىئو ۋە لېكسىيە يىغىلىشلىرىدا ئىسلام ئەقىدىلىرىنى تەشۋىق قىلىشقا باشلايدۇ.
ئاللاھ بۇ كىشىگە رەھمەت قىلسۇن.ئامىن

مەنبە:تۈركىزات تورى. ئەسلىي مەنبە2094تورى.

oyhan213

ئىنساندا مۇشتەك گوشتەك بىر ئەزە بار  ئۇ بۇزۇلسا پۇتكۇل بەدەن بۇزۇلدۇ ، ئۇ تۇزەلسا پۇتكۇل بەدەن تۇزۇلدۇ ، ئۇ بولسىمۇ يۇرەك !!!!

surgun4458

ئەسسالامۇ ئەلەيكۇم:
    قارىسام بۇ تېمىنى كۆرىۋاتقانلار ئانچە كۆپ ئەمەسكەن ،شۇنداق بولسىمۇ، تۆۋەندىكى قۇرلارنى يوللاپ قويدۇم.                     خىرىستىئان مۇرتىنىڭ سوئالىغا جاۋاپ    مەنبە:تەقۋالار تورى.
    سۇئال نومۇرى 12628
سۇئال :
سىلەر نىمىشقا ھەقىقەتتىن يىراقلىشىسىلەر ؟ ھەمدە ئەيسانى ئاللاھنىڭ ئوغلى سۈپىتىدە قارىماستىن ، ئۇنى پەقەت بىر ئەلچى دەيسىلەر ؟ ئەيسا بولسا بىردىنبىر پەرۋەردىگارنىڭ ئوغلى ، مانا بۇ ھەقىقەت !!
جاۋاپ:
مەدھىيە ئاللاھقا بولسۇن .
بىزنىڭ ئىلگىركى ئوخشاش بولمىغان ئىتىقاد ۋە قاراشلىرىمىز قانداق بولىشىدىن قەتئىي نەزەر ، سىزنىڭ بىزگە ھەممەيلەن بىلىشكە ۋە ئەگىشىشكە مۇھتاج بولىدىغان ھەقىيقەتنى مۇزاكىرە قىلىشىمىز ئۈچۈن ، ئۆزئارا مۇناسىۋەت ئورنىتىشىمىزغا پۇرسەت بەرگىنىڭىز ئۈچۈن رەھمەت . پەقەت مۇشۇنىڭ بىلەنلا ، يەنى ھەقىيقەتنى تونۇش ۋە ئۇنىڭغا ئەگىشىش بىلەنلا ، بىز ئۆزىمىزنى خاتالىقلىرىمىزدىن ئازاد قىلالايمىز ، خۇددى سىلەرنىڭ مۇقەددەس كىتابىڭلاردا دىيىلگەندەك : « ھەمدە سىلەر ھەقىيقەتنى تونۇيسىلەر ، ھەمدە ھەقىيقەت سىلەرنى ئازاد قىلىدۇ .» [ يۇھەننا 8 : 32 ، يىڭى خەلىقئارا نەشىرى ]
شۇڭا ئۆزىمىزنى بىردەم توختۇتۇپ ، بۇ ھەقىيقەت توغىرسىدا ئويلىنايلى ،خۇددى سىلەرنىڭ مۇقەددەس كىتابىڭلاردا دىيىلگەندەك ، گەرچە ئۇنىڭدا بارلىق بۇرمىلاشلار ۋە ئۆزگەرتىشلەر يۈز بەرگەن بولسىمۇ . !!
مەسىيھ ( ئۇنىڭغا ئامانلىق بولسۇن) ئىلىپ كەلگەن دەۋەت بولسا مەسىيھنىڭ پەرۋەردىگارى ۋە دۇنيالارنىڭ پەرۋەردىگارى يالغۇز ئاللاھقىلا ئىبادەت قىلىش :
« ئەمدى بۇ بولسا مەڭگۈلۈك ھايات ؛ ئۇلار سىنى تونۇشى كىرەك : سەن بىردىنبىر ھەقىيقى ئىلاھ ، ھەمدە مەسىيھ بولسا ئۇنى سەن ئەۋەتكەن .» يۇھەننا[3: 17]
« مەلۇم بىر باشلىق ئۇنىڭدىن سورىدى : “ ئى ياخشى مۇئەللىم ، مەڭگۈلۈك ھاياتقا ۋارىسلىق قىلىش ئۈچۈن نىمە قىلىشىم كىرەك ؟ “
« سەن نىمىشقا مىنى ياخشى دەپ چاقىرىسەن ؟ ؛ بىرەيلەندىن باشقا ھىچكىم ياخشى ئەمەس ؛ ئۇ بولسا ئاللاھ » دىدى ، ئۇنىغا ئەيسا .
[ لۇقا 18: 18-19 ، ]
« ئىبلىس ئۇنى ئىگىز جايغا باشلاپ باردى ھەمدە ئۇنىڭغا دۇنيا پادىشاھلىقىنىڭ ھەممىسىنى بىردەمدە كۆرسەتتى . ھەمدە ئۇ ئۇنىڭغا : “ مەن ساڭا ئۇلارنىڭ بارلىق سەلتەنىتىنى ھەمدە شانۇ-شەۋكىتىنى بىرىمەن . چۈنكى ئۇ ماڭا بىرىلگەن ، مەن ئۇنى مەن خالىغان كىمگە بىرىمەن !! شۇڭا ئەگەر سەن ماڭا ئىبادەت قىلساڭ ، ئۇنىڭ ھەممىسى سىنىڭ بولىدۇ .“ دىدى . ئەيسا جاۋاپ بەردى : «ھەي شەيتان مىنىڭدىن نىرى بول ! سىنىڭ ئىلاھىڭ پەرۋەردىگارغىلا ئىبادەت قىل ھەمدە ئۇنىڭغا قۇللۇق قىل دەپ يىزىلغان .» [ لۇقا 4: 5-8 ، ]
ئاللاھقا ئىشىنىش ۋە ئۇنىڭغىلا ئىبادەت قىلىش ، ئۇنىڭدىن باشقا ئىلاھ بولمىغان ئاللاھنى بىر دىيىش بولسا مەسىيھ ئىلىپ كەلگەن ئەڭ ئۇلۇغ تەلىمات ، ھەمدە باشقا بارلىق پەيغەمبەرلەرنىڭ ئۇلۇغ تەلىماتلىرى :
« شەرىئەت مۇئەللىملىرىنىڭ بىرى ئۇ يەردە ئىدى ، ئۇ ئۇلارنىڭ مۇنازىرە قىلىۋاتقانلىقىغا قۇلاق سالدى ، ھەمدە ئەيسانىڭ ئۇلارغا ئەڭ ياخشى جاۋاپ بەرگەنلىكىگە دىققەت قىلغاچ ، ئۇنىڭغا يىقىنلاشتى ۋە ئۇنىڭدىن سورىدى : “ بۇيرۇقلارنىڭ ئىچىدە قايسىسى ئەڭ بىرىنچى ؟ “
ئەيسا جاۋاپ بەردى : « بىرىنچى بۇيرۇق بولسا : ئى ئىسرائىل ، قۇلاق سال ، ئىلاھىمىز پەرۋەردىگار بولسا بىر پەرۋەردىگار ؛ سىنىڭ ئىلاھىڭ پەرۋەردىگارنى بارلىق يۈرۈگۈڭ ، بارلىق جىنىڭ ، ۋە بارلىق پىكىرىڭ ، ۋە بارلىق كۈچ-قۇۋۋىتىڭ بىلەن سۆيگىن ! .
ئىككىنچىسى ئۇنىڭغا ئوخشاش ؛ئۇرۇق- تۇققانلىرىڭنى خۇددى ئۆزۈڭنى سۆيگىنىڭگە ئوخشاش سۆيگىن .
بۇلاردىنمۇ كاتتىراق بۇيرۇق يوق .»
شەرىئەت مۇئەللىمى ئۇنىڭغا : “ ياخشى سۆزلىدىڭ ، ئى مۇئەللىم ؛ ئىلاھ بىر ھەمدە ئۇنىڭدىن باشقا ئىلاھ يوق دەپ راست ئېيىتتىڭ . ئۇنى بارلىق كۈچ-قۇۋۋىتى بىلەن سۆيۈش ، بارلىق يۈرۈكۈڭ ، بارلىق پىكىرىڭ ، ۋە بارلىق كۈچ-قۇۋۋىتىڭ بىلەن سۆيۈش. ھەمدە ئۇرۇق-تۇققاننى ئۆزىنى سۆيگەندەك سۆيۈش بارلىق سەدىقىلەر ۋە قۇربانلىقلاردىن ياخشىدۇر . “ دىدى .
ئەيسا ئۇنىڭ ئاقىلانە جاۋاپ بەرگەنلىكىنى كۆرگەندە ، ئۇنىڭغا : « سەن ئىلاھنىڭ پادىشاھلىقىدىن يىراق ئەمەس . » دىدى .
ھەمدە ئاندىن كىيىن ، ھىچكىم ئۇنىڭدىن يەنە سۇئال سوراشقا پىتىنالمىدى . » [ مەرقەس 12: 28-34 ، ]
بىراق بۇ ئىككى نەسىھەت پەقەت ئىسرائىلغا ياكى ئۇنىڭ خەلقىگىلا بىرىلگەن دەپ ئويلىما ، بەلكى ئۇ شەرىئەتنىڭ ۋە بارلىق پەيغەمبەرلەرنىڭ تەلىماتلىرىنىڭ ئاساسى . بۇ ئىككى نەسىھەتنىڭ ئۆزى مەتتا ئىنجىلىدا ئوخشاش ئىبارىلەر بىلەن بار بولۇپ ، ئاندىن ئۇ مۇنداق دىگەن : « بارلىق قانۇن -شەرىئەتلەر ۋە پەيغەمبەرلەرنىڭ تەلىماتلىرى بۇ ئىككى بۇيرۇققا تايىنىدۇ .»[ مەتتا 22: 39 ( نىۋ) ]
ئەمەلىيەتتە بۇ تەۋھىيد بولسا بارلىق پەيغەمبەرلەرنىڭ ئەلچىلىكى ؛ ئاللاھ مۇنداق دىگەن : « سەندىن ئىلگىرى ئەۋەتىلگەن پەيغەمبەرلەرنىڭ ﻫەممىسىگە: «مەندىن باشقا ﻫېچ مەبۇد (بەرﻫەق) يوقتۇر، ماڭىلا ئىبادەت قىلىڭلار» دەپ ۋەﻫيى قىلدۇق » [ سۈرە ئەنبىيا : 25 ]
ھەمدە مەسىيھ كىشىلەرنى ھەقىقەتكە چاقىرىشى، ئۇنىڭغا قارشىلىشىشتىن ئاگاھلاندۇرىش قاتارلىقلارنىڭ ئاساسى ئەلچىلىكنىڭ تەقەززاسىدۇر . ئاللاھ مۇنداق دىگەن :« شۈبﻬىسىزكى، اللە مەريەمنىڭ ئوغلى ئەيسادۇر، دېگۈچىلەر كاپىر بولدى، ئىسا: «ئى بەنى ئىسرائىل! مېنىڭ پەرۋەردىگارىم ۋە سىلەرنىڭ پەرۋەردىگارىڭلار بولغان اللە غا ئىبادەت قىلىڭلار، كىمكى اللە غا شېرىك كەلتۈرىدىكەن (يەنى اللە دىن غەيرىگە ئىلاﻫ دەپ ئېتىقاد قىلىدىكەن)، اللە ئۇنىڭغا جەننەتنى ﻫارام قىلىدۇ، ئۇنىڭ جايى دوزاخ بولىدۇ، زالىملارغا ﻫېچبىر مەدەتكار (يەنى اللە نىڭ ئازابىدىن قۇتۇلدۇرغۇچى) بولمايدۇ» دېدى . [سۈرە مائىدە]72-ئايەت
بۇ بولسسا بىز ھەممەيلەن بىرلىككە كىلىشىمىز لازىم بولغان ئاساسى پىرىنسىپتۇر.ئاللاھ بۇ ھەقتە مۇنداق دەيدۇ: «ئى ئەﻫلى كىتاب! (يەنى يەﻫۇدىيلار ۋە ناسارالار) پەقەت اللەغىلا ئىبادەت قىلىش، اللەغا ﻫېچ نەرسىنى شېرىك كەلتۈرمەسلىك، اللە نى قويۇپ بىر- بىرىمىزنى خۇدا قىلىۋالماسلىقتەك ﻫەممىمىزگە ئورتاق بولغان بىر سۆزگە(يەنى بىر خىل ئەقىدىگە)ئەمەل قىلايلى» دېگىن، ئەگەر ئۇلار يۈز ئۆرۈسە (يەنى بۇنى قوبۇل قىلمىسا): «(ئى يەﻫۇدىيلار ۋە ناسارالار جامائەسى!) بىزنىڭ مۇسۇلمان ئىكەنلىكىمىزگە گۇۋاﻫ بولۇڭلار ».[ئال ئىمران سۈرىسى:64]
بۇ ھەقىقى خىرىستىئان دىنىغا ياتتۇر،پەيغەمبەرلەر ئىلىپ كەلگەن ئەلچىلىك‏‏‏‏ يەنى ،ئۇلارنىڭ ئىنجىلىدا ئىنىق بايان قىلىنغان ،بولۇپمۇ تەۋراتتا ئىتراپ قىلىنغان‏- ئىلاھنىڭ بىرلىكىگە ئىشىنىش بىلەن،ئۇلارنىڭ ئۈچ گەۋدە بىرئىلاھقا ئىشىنىشىنى بىرلەشتۈرۈشكە بولغان ئەھمىيەتسىز ئۇرۇنۇشتۇر.
ئامرىكا ئېنسكلوپىدىيسىدە مۇنداق دىيلىدۇ:
ئىلاھنىڭ بىرلىكىگە ئىشىنىش‏-بىر ئىلاھىيەت ھەركىتى سۈپىتىدە -تارىخنىڭ دەسلەپكى مەزگىللىرىدە باشلانغان،ھەمدە ھەقىقەتەن نەچچە ئون يىللار مابەينىدە ئۇچ ئىلاھ بىر گەۋدىگە ئىشىنىشتىن ئۈستۈن ئورۇندا تۇرغان.خىرىستىئان دىنى يەھۇدى دىنىدىن تەرەققى قىلغان،ھەمدە يەھۇدى دىنى بىرلا ئىلاھنىڭ بارلىقىغا چىڭ ئىشىنىدۇ.
يىرۇسالىم(مەسىھنىڭ تۇنجى شاگىرتلىرىنىڭ ئۆيى) دىن نىسە(مىلادى 325-يىلى مەسىھ ماھىيەت ۋە مەڭگۈلەكتە ئىلاھقا تەڭ دەپ قارار قىلىنغان جاي) غىچە بولغان يولنى توغرا يول دەپ سۈپەتلەش ناھايىتىمۇ تەس.
مىلادى 4-ئەسىردە مۇقەررەرلەشتۈرۈلگەن ئۈچ ئىلاھ بىر گەۋدە تەلىماتى مەسىھنىڭ ئىلاھنىڭ تەبىئىتى ھەققىدىكى دەسلەپكى تەلىماتىغا ئوخشىمايتتى.ئەكسىنچە ،بۇ تەلىماتتىن بۇرالغان ھالدا ئۇنىڭغا زىت ئىدى.شۇڭلاشقا ئۇ بىر ئىلاھقا ئىشىنىشكە قارشى تەرەققى قىلغان…(27:294).
سىز ئىلاھنىڭ بىرلىكىگە ھىلىمۇ ئامرىكا ئېنسكلوپىدىيسىدىكىگە ئوخشاش ئىشىنىپ كىلىۋاتقان بىر قىسىم خىرىستىئانلارنىڭ كۆزقاراشلىرىغا مۇراجىئەت قىلسىڭىز بولىدۇ،301-27:300.
بۇنى چۈشىنىش تەس ،شۇڭا سىزنىڭ ئۇنى چۈشىنەلمەسلىكىڭىز ئەجەپلىنەرلىك ئەمەس .بىراق غەلىتە نەرسە شۇكى سىلەر چۈشىنىش مۇمكىن بولمايدىغان نەرسىلەرگە ئىشىنىسىلەر، بولمىسا بىز ئۆزلىرىمىزنى ئالداپ ئاخىرەت كۈنىدە كىلىدىغان مۇنۇ چۈشەنچىنى دەيمىز:
”ئەقىللىرىمىزنىڭ يىتىشىچە چۈشەندۇق ، ھەمدە بىز ئۇنى كەلگۈسىدە ،ئاسمان ۋە زىمىندىكى بارلىق نەرسىلەردىن پەردە ئىلىۋىتىلگەندە تىخىمۇ ئىنىق چۈشىنىشنى ئۈمۈد قىلىمىز.لىكىن ھازىر،بىزنىڭ چۈشەنگەنلىرىمىز يىتەرلىك!“
شۇنداق ،مەدھىيە ئاللاھقا بولسۇنكى، ھەقىقەت كەلگۈسىدە ،ئاللاھ ئەلچىلەرنى يىغىدىغان ھەمدە ئۇلارنى خەلقلىرىگە گۇۋاھچى قىلىدىغان كۈندە،خۇددى بۈگۈن بىزگە ئىنىق بولغاندەك ئىنتايىن ئىنىق بولىدۇ. ئاللاھ دەيدۇ:
« ئۆز ۋاقتىدا اللە ئېيتتى: «ئى مەريەم ئوغلى ئىسا! سەن كىشىلەرگە، اللە نى قويۇپ مەن بىلەن ئانامنى ئىككى ئىلاﻫ قىلىۋېلىڭلار، دېدىڭمۇ؟» ئىسا ئېيتتى: «(رەببىم!) شەنىڭگە لايىق ئەمەس نەرسىلەردىن سېنى پاك دەپ ئېتىقاد قىلىمەنكى، ماڭا ئېيتىشقا تېگىشلىك بولمىغان سۆزلەرنى مەن ئېيتمايمەن، ئەگەر مەن بۇ سۆزنى ئېيتقان بولسام، ئۇنى سەن چوقۇم بىلىسەن (يەنى مېنىڭ ئۇنداق دېمىگەنلىكىم ساڭا مەلۇملۇق). سەم مېنىڭ زاتىمدىكىنى بىلىسەن، مەن سېنىڭ زاتىڭدىكىنى بىلمەيمەن، غەيبلەرنى ناﻫايىتى ئوبدان بىلىسەن (116). مەن ئۇلارغا پەقەت سەن مېنى ئېيتىشقا بۇيرۇغان سۆزنى، يەنى مېنىڭ پەرۋەردىگارىم ۋە سىلەرنىڭ پەرۋەردىگارىڭلار بولغان اللە غا ئىبادەت قىلىڭلار، دېدىم. مەن ئۇلارنىڭ ئارىسىدا بولغان مۇددەتتە، ئۇلارنىڭ ئەمەللىرىنى كۆزىتىپ تۇرغان ئىدىم، مېنى قەبزى روﻫ قىلغىنىڭدىن كېيىن، ئۇلارنىڭ ئەمەللىرىنى سەن كۆزىتىپ تۇرغان ئىدىڭ، سەن ﻫەممە نەرسىدىن خەۋەردارسەن (117). ئەگەر ئۇلارغا ئازاب قىلساڭ، ئۇلار سېنىڭ بەندىلىرىڭدۇر، (ئۇلارنى خالىغىنىڭچە تەسەررۇپ قىلىسەن)، (ساڭا ﻫېچ ئەﻫەدى تەئەررۇز قىلالمايدۇ)، ئەگەر ئۇلارغا (يەنى ئۇلارنىڭ ئىچىدىكى تەۋبە قىلغانلارغا) مەغپىرەت قىلساڭ، سەن (ئىشىڭدا) غالىب، ﻫېكمەت بىلەن ئىش قىلغۇچىدۇرسەن» (118). اللە ئېيتىدۇ: «بۇ كۈن (يەنى قىيامەت كۈنى) راستچىللارنىڭ راستچىللىقى ئۆزىگە پايدا قىلىدىغان كۈندۇر، ئۇلار ئاستىدىن ئۆستەڭلار ئېقىپ تۇرىدىغان جەننەتلەردە مەڭگۈ قالىدۇ، اللە ئۇلاردىن رازى بولىدۇ، ئۇلار اللە دىن مەمنۇن بولىدۇ، بۇ زور بەختتۇر» (119). ئاسمانلارنىڭ، زېمىننىڭ ۋە ئۇلاردىكى مەۋجۇداتنىڭ پادىشاﻫلىقى اللە غا مەنسۇپتۇر، اللە ﻫەر نەرسىگە قادىردۇر (120).

surgun4458

ئىي!خىرىستىئانلار قىنى سىلەر،ئاللاھنىڭ بالىسى بار دىگەن دەۋايىڭلارغا،ئەقلىي دەلىل كەلتۈرمەمسىلەر؟
      دىننى چۈشەنمەيدىغان،ئىلاھنىڭ خۇسۇسىيەتلىرىنى چۈشەنمەيدىغان ئىمانى ئاجىز كىشىلىرىمىزنى ئازدۇرماقچى ئىدىڭلارغۇ؟ئۇلارنىڭ ئىمانىنى ئوغۇرلىماقچى ئىدىڭلارغۇ.
        پەردە ئارقاڭلاردىكى ئاتامانلىرىڭلاربىلەن بىرلىشىپ،ۋە بارلىق ئىنسان ۋە جىنلاردىن بولغان شاياتۇنلىرىڭلار بىلەن بىرلىشىپ ئىسلامنڭ (ھەق دىن ئەمەس)لىكىنى،مۇھەممەد سەللاللاھۇ ئەلەيھى ۋەسسەللەمنىڭ( يالغانچى)پەيغەمبەرلىكىنى،قۇرئان كەرىمنىڭ (ئىنساننىڭ)،(شەيتاننىڭ) سۆزلىرى ئىكەنلىكىنى ئىسپاتلىمامسىلەر.
   

ahat1024 ھەقىي سالاھىيەتلىك ئەزا

http://v.youku.com/v_show/id_XNTIzODgyODA0.html?firsttime=0
ئىنجىل مېنى ئىسلامغا قانداق ئېلىپ كىردى (جوشۇا ئىۋانس)
لېكسىيە ئىسمى: ئىنجىل مېنى ئىسلامغا قانداق ئېلىپ كىردى؟ (How the Bible Led Me to Islam)
لېكسىيە بەرگۈچى: جوشۇا ئىۋانس (Joshua Evans)
قىسقىچە مەزمۇنى: ئامېرىكا كارولىنا شىتاتىدا توغۇلۇپ چوڭ بولغان خرىستىئان يىگىت جۇشا ئېۋانس ئۆزىنىڭ دىن ھەققىدە ئىزدىنىش جەريانىنى، ئىنجىلنىڭ ئۆزگەرتىلگەنلىكى ھەققىدىكى دەلىل-ئىسپاتىنى ۋە ئاخىرىدا ئۆزىنىڭ  قانداقلارچە مۇسۇلمان بولغانلىقىنى قىزىقارلىق، تەسىرلىك ئۇسلۇبتا بايان قىلىپ بېرىدۇ.
لېكسىيە تىلى: ئىنگىلىزچە
لېكسىيە خېتى: ئۇيغۇرچە
ئۇزۇنلۇقى: 81 مىنۇت +

تولۇقلىما مەزمۇن (2013-3-11 20:50):


تولۇقلىما مەزمۇن (2013-3-11 20:58):

ahat1024 ھەقىي سالاھىيەتلىك ئەزا

mung007

مۇشۇنداق ئىشلا ناھايىتى ئېغىركەن .مېنىڭ بىر كورىيەلىك دوستۇمنىڭ دىيىشىچە .بىزنىڭ دىيارىمىزدا 20000 ئۇيغۇر خىرىستىيان مۇرتى باكەن..

ummet

بۇ ئورۇندىكى مەزمۇن يېزىلىۋاتىدۇ...

تولۇقلىما مەزمۇن (2013-3-12 19:23):
مەزمۇن تەھرىرلەشكە ئامالبولمىغانلىقى ئۈچۈن ئاستىنقى قەۋەتكە يېزىلىدۇ!

ahat1024 ھەقىي سالاھىيەتلىك ئەزا

ئەزىز ئۇيغۇر قېرىنداشلىرىم.. شۇنى بىلىڭكى  ئۆزڭىزنىڭ ھەر قانچە ئىسلام دىندىكى دۈشمىنڭىز بولسىمۇ  ئۇنىڭ سىزگە قىلغان  دۈشمەنلىكىدە ئازراڭ مېھىر مۇھەببەت قالىدۇ .. سەۋەبى تندىكى بىر پارچە گۆشنىڭ ساقلىقىدا ..  لىكىن ئىسلام دىندىن تېنىپ دىلى كورلۇشۇپ خىرىستيان بۇلۇپ كەتكەن قېرىنداشلىرڭىز سىزگە ھەرگىزمۇ  چىن كۆڭلىدىن ياخشلىق ئېلىپ كەلمەيدۇ .. چۈنكى بۇلارنىڭ تندىكى بىر پارچە گۆشنىڭ بۇزۇلغانلىقىدا... ئادەمنىڭ  تندىكى بىر پارچە گۆش بۇزۇلسا ئادەمنىڭ پۈتۈن ئەزايى بۇزۇلدۇ ..شۇ گۆش تۈزەلسە پۈتۈن ئەزايى تۈزلىدۇ.. ئۇ بولسمۇ يۈرەك..!!!!
ئىشەنمىسەڭلار خىرستيان بولغان ئۇيغۇرلار بىلەن پاراڭلىشىپ بېقىڭلار... پىكرىڭلار.. قەتتى بىر يەردىن چىقمايدۇ ..سىلەر پەلەستىنگە ھېسىداشلىق قىلساڭلار ئۇلار ئىسرالىيە دەيدۇ .. سىلەر ئەردوغان سىەڭلار ئۇلار دەھرىلەر دەيدۇ ..مىللەت بىر بولسىمۇ  چۈنكى يۈرەك بىر ئەمەس قەلىب ئۆزگەردى .. ئادەمدىكى ئاساسلىق ئامىل   دىن..   ھەرقانچە ئادەم ئۆزگەرسىمۇ   يۈرەك ئۆزگەرمەيدۇ .. دىن ئۆزگەرسە يۈرەك تەبىلا ئۆزگىردۇ.. شۇنى ھېس قىلغان خىرستيانلار..  ئۇيغۇرچە خىرىستيان دىنىنى تەرغىپ قىلدىغان ئاللانى ئىككى دەيدىغان ئەيسانى ئوغلى دەپ ھەر يەكشەنبە كۈنى چىركاۋاغا بېرىپ ئەيسا ئەلەيسىلامنىڭ پۇت قۇلى تۇشلانغان ھەيلىكىگە  يەنى مەخلۇقات بولغان ئىنسانغا  چۇقۇنشنى ئىسلام دىندىن تېنىشنى .. مۇسۇلماندىن بىر كۆپەيتسە ئۇدۇللا جەننەتكە كىرىشنى سۆزلەپ  ئىسلام دىنى ئەقىدىسى سۇس ياشلارنى قايمۇقتۇرۇپ خىرستيان يۇلىغا باشۋاتدۇ ... چۈنكى خىرستيان  بولسا ..ناماز ئوقۇپ يۈرمەيدۇ ... ھاراق ئىچەمدۇ زىنا قىلامدۇ .. ياكى قوش جىنىسلىقلاردىن بولامدۇ .. بۇلارنىڭ ھەممىسگە يول بار  بارلىق ئادەملەر قۇبۇل قىلاممايدىغان نۇمۇسسىز  پەسكەش ئىشلارغا يول بار.. ئۇلار قۇللايدۇ .. سىز مەيلى قانداق چكتىن ئاشقان نۇمۇسسىز ئىش قىلىڭ سىزنى قوللايدۇ .. ئەڭ ئاددىسى  ئەر بىلەن ئەر ئايال بىلەن ئاياللارغا نىكاھ ئۇقۇيدۇ پوپلار..  چۈنكى ئىنجىلنى ئۇقىسىڭىز  لۇت ئەيلەسىلام قىسدە ھەمجىنىسلىق  قىلمىشلىرى لۇت ئەلەيسىلامنىڭ  ئىككى قىزى بىلەن بىرگە جىنسى مۇناسىۋەت قىلغان ئىشلىرى نۇمال ھادىسە سۈپتىدە  بايان قىلىندۇ ..   ..  پەقەت بۇلار جەننەتكە كىرىش ئۈچۈن  مۇسۇلمانلارنى  خىرستيان قىلىش .. مۇسۇلمانلارنى خىرستيان يۇلىغا باشلايدىغانلارغا  كۆپلەپ پۇل  ئىئانە قىلىش  ..  ھەر يەكشەنبە ئەيسا ئەلەيسىلامنىڭ پۇت قۇلى تۇشلانغان ھەيكەلگە  چۇقۇنۇش ئۇلۇغلاش.. مۇشلانى قىلسىڭىزلا ئاتالمىش جەننەت ئەھلى بولسىز ..  مۇشۇلارنى كۆرگەن ئەقىلسىز دىنى سۇس ئەقلى گەجىگىسگە ئۈتۈپ قالغان ياش قېرى ئۇيغۇر  قېرىنداشلىرمىز  كاپىرلىق يۇلىنى تاللاۋتدۇ ..  چۈنكى خىرىستيان بولسا ھەممىگە بولىدۇ .. كۆڭلى نىمنى خالىسا شۇ بولىدۇ ... چۈنكى بۇ پەرشتە ئەگشكەن ئەمەس شەيتان ئەگەشكەن ئادەمگە خوش ياقدۇ