ھەر بىر ئۇيغۇرغا (يارىماس)

yarimas

	ھەر بىر ئۇيغۇرغا سەن تۇغۇلدۇڭ بۇ ئالەمگە ئىسلامىڭ بىلەن، سالىھ بولغىن مۇئمىن ياشا ئىيمانىڭ بىلەن . رەقىپلىرىڭ قان يىغلىسۇن قەددىڭنى كۈرۈپ، دوسلۇرۇڭنى خۇرسەن قىلغىن ئىخلاسىڭ بىلەن. بەك ئويلانغىن مۇسۇلمانسەن ئۇيغۇرنىڭ پۇچتى، ساڭا قاراپ بۈگۈن مىنىڭ ئەرۋاھىم ئۇچتى . بىرىڭ ئاقچى،بىرىڭ مەيخور،بىرىڭ قىمارۋاز، ئەتراپقا باق شۇنداق يۈرۈپ كىم زەپەر قۇچتى. سىنىڭ ئۈچۈن بەدەل تۆلەپ ئۆلگەنلەرمۇ ئاز ئەمەس، يىقلغاندا يامغۇرلاردا،بوراندا يۆلىگەنلەرمۇ ئاز ئەمەس. بەختىڭ ئۈچۈن ئازاپتا زەھەر يۈتۈپ كۈنۇ-تۈن ، ئۆز-ئۆزىنى كاچاتلاپ قەبرىگاھقا سۆرىگەنلەرمۇ ئاز ئەمەس. نەگە كەتتى ئېيتىپ باق ئاناڭ تىلىگەن ئىنسابىڭ، قوزغالمىسا تېخىچە بوۋاڭ بەرگەن ۋىجدانىڭ . قارالامسەن تىكىلىپ ئەجداتلىرىڭ روھىغا ، بوپ قالمىسۇن پۇشايمان سىنىڭ مەڭگۈ زىندانىڭ. قوشالمىساڭ مىللەتكە بىرەر تۆھپە جان دوستۇم، ھىچ بولمىسا تۆكمىگىن مىللىتىڭنىڭ يۈزىنى . بۇ سۆز ساڭا،ماڭا ھەم ھەربىر ئۇيغۇر كىشىگە، گەر ئايىسا مىللەتنى ئايىغانلىقتۇر ئۆزىنى . مەنبە:ئىجادىيەت ئەسەر ھۇقۇقىغا ھۆرمەت قىلىڭ! ئەسەرلىرىمنى، رۇخسىتىمسىز ئۆز نامىدا باشقا مۇنبەرلەرگە كۆچۈرۈشكە،مەتبۇئاتلاردا ئېلان قىلىشقا بولمايدۇ!

maxal20

	بەك ئويلانغىن مۇسۇلمانسەن ئۇيغۇرنىڭ پۇچتى، ساڭا قاراپ بۈگۈن مىنىڭ ئەرۋاھىم ئۇچتى . بىرىڭ ئاقچى،بىرىڭ مەيخور،بىرىڭ قىمارۋاز، ئەتراپقا باق شۇنداق يۈرۈپ كىم زەپەر قۇچتى راست، شۇنداق يۈرۈپ كىم زەپەر قۇچتى؟ ئۇلار زەپەر قۇچماستىن بەلكى خەقنىڭ مۇجىقىدا خار زەبۇن بولدى، ئەل يۇرت ئالدىدا شەرمىسار بولدى، قانۇن ئالدىدا گۇناھكار بولدى.شۇنداق تۇرسىمۇ ئۇنداقلا ئازلىماي كۆپلىگىنىگە ھەيرانمەن.... قوشالمىساڭ مىللەتكە بىرەر تۆھپە جان دوستۇم، ھىچ بولمىسا تۆكمىگىن مىللىتىڭنىڭ يۈزىنى . بۇ سۆز ساڭا،ماڭا ھەم ھەربىر ئۇيغۇر كىشىگە، گەر ئايىسا مىللەتنى ئايىغانلىقتۇر ئۆزىنى . خۇددى كۈلدۈرمىسەڭمۇ يىغلاتما دېگەندەك، گەرچە ئۇلار مىللەتنىڭ تەرەققىياتىغا زور تۆھپىلەرنى قوشالمىسىمۇ ئۆز جېنىنى ئۆزى بېقىپ، يامان يوللاردىن يىراق يۈرۈپ، مىللەتنىڭ زور، تەرەققىي قىلغان مىللەت بولالمىسىمۇ، لېكىن قالاق مىللەت بولۇپ قېلىشىغا سەۋەبكار بولۇپ قالمىسا بولاتتى. تولىمۇ ياخشى يېزىپسىز

رىتا

	بەك ياخشى يىزىپسىز ،داۋاملىق تىرىشىڭ .

sumaya0999

	تىمىڭىز ھەقىقەتەن ياخشى يىزىلىپتۇ......... مۇشۇنداق تىمىلارنى داۋاملىق يوللاپ تۇرارسىز... ئۇيغۇر دىسە خۇشاللىقتىن كۈلگۈم كىلۇر، چىمەن دوپپا ئەتلەسلەرنى كىيگۈم كىلۇر. خىلاپ قىلسا مىللىي ئۆرۇپ ئادەتلەرگە ، يۈگرەپ بىرىپ يىنىغا ئۇرغۇم كىلۇر. كۈن ئۆتكۈزگەن ئويۇن كۈلگە چاقچاقلار بىلەن، قىلماي تۇرۇپ بىرەر ئىشنى جاق-چاقلىق بىلەن. ئولتۇرىدۇ يالغان -ياۋداق ماختاشلار بىلەن، ئۇيغۇنىڭلار شۇنداق كىشلەربولساڭلار ئەگەر..

281151976

	ياخشى يېزلىپتۇ ، ھەي بۇنداق شېىرلارنى يازمىغان ياخشىمىكىن دەپ ئويلاپ قالدىم ، ھەم مىللەتكە كۆيۇنمىگەنمۇ ياخشىكەن ، قانداق قىلپ پۇل تپىپ ياخشى ياشاشنى ئويلىغان ياخشىكەن ، چۇنكى ھەممە كىشلەر ئۆز مىللتىنى گۇللەندۇرىۋاتقان ، ئۆزمىللىتى ئۇچۇن تىرشىۋاتقان، ئۆز مىللتنىڭ تەرەقىياتىنىڭ ئۆزنىڭ تەرەقىياتى ، يۇز ئابرۇيى ئىكەنلكىنى ھېس قىلغان بۇگۇنكى كۇندە ، بىزدەك بەختلىك ، باختىيار بىر توپ كىشلەر ئۇچۇن بۇ بىر ئارتۇقچە ئىش دەپ چىن يۇرگۇمدىن ئويلاپ قالدىم ؟.....                                              - تاغسىمان دوپپا

ehtiram

	ئۇيغۇر بولۇپ تۇغۇلدۇم ،ئۇيغۇر ئۈچۈن ياشايمەن، ئانا تىلنى ، مىللەتنى  ئەڭ ئەزىز دەپ قارايمەن . ئەتلەس بىلەن دوپپىنى تاشلىمايلى دوستلىرىم، قىرىق ئۆرۈم چاچلارنى  يىلىم سۈرۈپ تارايمەن. مىللى ئۆرپ- ئادەتنى ئۇنۇتمايلى ھېچقاچان ، قېرىنداشتەك  ھەممىمىز  ئۇرۇشمايلى ھەرقاچان. ئىش ئۆملۈكتە - بىرلىكتە  يۈكسەلدۈرۈپ مىللەتنى، ئازراق نەپنى تالىشىپ تالاشمايلى ھېچقاچان. ئۇيغۇر ئۈچۈن ھەرۋاقىت تەر تۆككەنلەر ياشىسۇن! مىللەت ئۈچۈن جان كۆيەر مەرت ئىنسانلار ياشىسۇن! ئەۋلادىمىز تونۇسۇن ئۇيغۇر دىگەن  مىللەتنى ، يىلتىزىنى قۇرۇتماي ئاسرىغانلار ياشىسۇن! ( ئېھتىرام قەلىمى)

asra

	ھەقىقەتەن ياخشى يېزىپلا .

lokman

	بەك ياخشى  يىزىلغان  شىئىركەن

aliyar

	بۇنى راستىنلا ئۆزىڭىز يازغان مۇ، ئوبدان يىزىپسىز ، تىرىشىڭ  بالىجان ،خۇداغا ئامانەت،دوستىڭىز ئەلىدىن

yidayat

	بۇ 5قەۋەتتىكىehtiram يوللىغان 2010-07-31 20:02 غا قارتىلغان  : ئۇيغۇر بولۇپ تۇغۇلدۇم ،ئۇيغۇر ئۈچۈن ياشايمەن، ئانا تىلنى ، مىللەتنى  ئەڭ ئەزىز دەپ قارايمەن . ئەتلەس بىلەن دوپپىنى تاشلىمايلى دوستلىرىم، قىرىق ئۆرۈم چاچلارنى  يىلىم سۈرۈپ تارايمەن. ....... ماۋۇ مىسرالارمۇ ياخشى چىقىپتۇ، ئىنكاس دېگەن مۇشۇنداق يېزىلسا دەيمەن !