سالام دېھقان،سالام ئەي خىزىر

yulgun1

	سالام دېھقان،سالام ئەي خىزىر   يېشىل جەننەت سەن بىلەن چۆللەر، باياۋاندا ئېچىلار گۈللەر، قىممىتىنى تاپىدۇ كۈنلەر، سالام دېھقان،سالام ئەي خىزىر.   ئۈمىدلىرىڭ كىشنەپ ھارمايدۇ، سېنى پارلاق تاڭغا باشلايدۇ، ئۈمىدسىزلەر كۆزنى ياشلايدۇ، سالام دېھقان،سالام ئەي خىزىر.   تۆكۈپ يەرگە دۇرنى،مېھنەتنى، ئەلگە بەردىڭ بەخت،ھالاۋەتنى، ئۆزۈڭ چىكىپ كۆپ مۇشەققەتنى، سالام دېھقان،سالام ئەي خىزىر.   سەن بولمىساڭ بىزگە نان بولماس، باغلار ۋەيران بۇلبۇللار قونماس، بۇغداي،قوناق،قىچا تاغ بولماس، سالام دېھقان،سالام ئەي خىزىر.   ئانا يەرگە يۈكۈنۈپ كەلدىڭ، قان-تەر تۆكۈپ پۈكۈلۈپ كەلدىڭ، يامغۇر بولۇپ تۆكۈلۈپ كەلدىڭ، سالام دېھقان،سالام ئەي خىزىر.   كۈنۈڭ ئۆتەر ئوتلۇق ئارماندا، ئېتىز-ئېرىق،باغدا ،خاماندا، ۋايسىمايسەن جۇدتا،تومۇزدا، سالام دېھقان،سالام ئەي خىزىر.   ھالال تەرىڭ گۈل تاج ئالەمگە، تۇيغۇللىرىڭ بىباھا شۇنچە، ھەر ئىزىڭدا تۈمەنمىڭ غۇنچە، سالام دېھقان،سالام ئەي خىزىر.     ئىستەكلىرىڭ ئۇلۇغۋار شۇنچە، ئارمانلىرىڭ بۈيۈكتۇر شۇنچە، كۈيۈملۈكتىن كۈيۈملۈك شۇنچە، سالام دېھقان،سالام ئەي خىزىر.   يۈرىكىڭدە ئىمان،ئەقىدە، ھالال تەرىڭ پۈتمەس غەزىنە، سېخىلىقتا ھەممىگە ئۈلگە، سالام دېھقان،سالام ئەي خىزىر.   ئىزىلىرىڭدا كۈلەر گۈل-چېچەك، ئەجىر-تۆھپەڭ شۇقەدەر يۈكسەك، سېخىلىقتا ھەممىگە ئۆرنەك، سالام دېھقان،سالام ئەي خىزىر.   ھاياتلىقنىڭ قوياشى ئۆزۈڭ، مەنا تاپار ئەجرىڭدە كۈنۈڭ، ئىككىل دۇنيا يورۇقتۇر يۈزۈڭ، سالام دېھقان،سالام ئەي خىزىر.   تۇيغۇللىرىڭ بىباھا پاكتۇر، ئارمانلىرىڭ بۈيۈكتۇر ساپتۇر، تەمەخورلۇق نۇمۇس،ئۇياتتۇر، سالام دېھقان،سالام ئەي خىزىر.   قەدىرلىكتىن قەدىرلىك شۇنچە، پاك تەرلىرىڭ بايلىق مۆجىزە، جۇدۇندىمۇ چېھرىڭدە كۈلكە، سالام دېھقان،سالام ئەي خىزىر.   قاقاس چۆلگە گۈللەر پاتمايدۇ، ئانا تۇپراق گۈللەپ،ياشنايدۇ، ئارزۇلىرىڭ كۈندە شاخلايدۇ، سالام دېھقان،سالام ئەي خىزىر.   ئەجىر-مېھنەت تۆرگە باشلايدۇ، ئىشچانلار شاد كۈلۈپ ياشايدۇ، ھورۇنلار خار كۈندە قاخشايدۇ، سالام دېھقان،سالام ئەي خىزىر.   تېنىڭ ساغلام ھەم ئامان بولسۇن، يولۇڭ داغدام ھەم راۋان بولسۇن، مۈشكۈللىرىڭ ئوڭ، ئاسان بولسۇن، سالام دېھقان،سالام ئەي خىزىر.

tikan

	دېھقانلار ساددا، ئۇلۇغلىقى بىلەن تەرىپلىنىدۇ. دېھقانلارنى قانچە تەرىپلىسە ئەرزىيدۇ.   ئېسىل يازمىلىرىڭىزغا تەشنامىز...

herustal

	قەدىرلىكتىن قەدىرلىك شۇنچە، پاك تەرلىرىڭ بايلىق مۆجىزە، جۇدۇندىمۇ چېھرىڭدە كۈلكە، سالام دېھقان،سالام ئەي خىزىر. .............................................. ئاق كۈڭۈل ئەشۇ دېھقانلىرىمىزنى قانچە كۈيلىسەكمۇ ئازلىق قىلىدۇ.

yidayat

	دېھقاننى كۆيلىگەن قەلىمىڭىز توغراقتەك  ياشىغاي!