ئەمدى باغقا كىرمەيمەن تەنھا

yulgun1

	ئەمدى باغقا بارمايمەن تەنھا   تاغ ئىچىدە يۈرىيمەن تەنھا، يۈرىكىم سۇ يولۇڭغا قاراپ. تولغانماقتا ھىجراندىن دۇنيا، يىغلىماقتا بۇلبۇللار قاخشاپ.   ئىشقى-ئوتۇڭ كۆيدۈرەر مېنى، ھىجرانلىرىڭ شۇقەدەر ئىللىق. تولغانسىمۇ ئازاپتىن دۇنيا، يۈرىكىمدە سەن بەرگەن شادلىق.   يۈرىكىمدە سەن بەرگەن شادلىق، سۆيگۈ ھىدى ھەر تال غۇنچىدا. سەنسىز ھەممە جايدا ئازاپكەن، ئەمدى باغقا بارمايمەن تەنھا. -ئىجادىيەت

tikan

	يۇلغۇن ئەپەندىنىڭ ئەسەرلىرىنى ئوقۇغان كىشى ئۆزىنى خۇددى ھېلىھەممۇ سۆيگۈ دېڭىزىدا غەرق بولۇۋاتقاندەك، ئاشىقلىق دەردىنى تارتىۋاتقاندەك، ھىجران چۆلىدە قېلىۋاتقاندەك ھېس قىلىدۇ. قەلىمىڭىزگە بارىكاللا.

ehtiram

	ئەمدى باغقا  كىرمەيمەن تەنھا ، بارچە گۈللەر تەتۈر قارايدۇ . كاككۇكلارمۇ قىلىپ شىكايەت ، شاخلار ئارا مېنى مارايدۇ . ھەممە گىياھ شىۋىرلاپ ئاستا ، ئەي نىگارىم سېنى سورايدۇ. ياپراقلارمۇ سۆيۈشەر  تىمتاس ،   مىسكىن خىيال مېنى ئورايدۇ. بۇلاقلارمۇ كۈلمەس  شىلدىرلاپ ، يارى يوق دەپ مېنى يەكلەيدۇ . يالغۇزغىنا يۈرەمدىم تەنھا ، جانان قاچان مېنى يوقلايدۇ ...... ( قاملاشمىسىمۇ يېزىپ قويدۇم . ئېھتىرام )

maxal20

	ئەمدى باغقا كىرمەيمەن تەنھا، چۈنكى كۆڭلۈم ئۇنى تارتمايدۇ. چۈنكى ياندا يولدىشىم يوقتۇر، يالغۇز كۆڭۈل قانداق چىدايدۇ؟ ئەمدى باغقا كىرمەيمەن تەنھا، چۈنكى كۆڭۈل سېنى ئويلايدۇ. باغقا كىرسەم ئەگەردە يالغۇز، سىيمالىرىڭ مېنى مارايدۇ. مېنىڭمۇ يېزىپ باققۇم كەلدى