ئۆمۈر ئۆتەر غېرىبان(ئاينۇرى888)

aynuri888

	ئۆمۈر ئۆتەر غېرىبان تۇرنىسا رەھىم تارام تارام ئېقىۋاتقان ياشلىرىڭ، قۇيۇلماقتا يۈرىكىمگە قىياندەك. دىل خانەمنى ۋەيران قىلدى جۇدالىق، ئازاپلاردا تولغىنىمەن يىلاندەك. تۈن قوينىدا يۇلتۇزلارمۇ چاقنىماس، تۇلۇن ئايمۇ مۆككەن بۇلۇت كەينىگە. يىراقلاردىن ياڭراپ تۇرغان مۇڭلۇق كۈي، قىرو گويا چۈشەر گۈلنىڭ بەرگىگە. ھەسرەتلىرىم ئاقار قىيان دەريادەك، ئارمانلىرىم بولغىنىدا بىر قاقشال يۈرىكىمدە ئاڭلىنىدۇ دات پەريات، جۇدالىقنىڭ ئازاپلىرى قىپ قامال. تەشنالىقتا گەز باسماقتا لەۋلىرىم، سۇسىز قېلىپ قاغجىرىغان تۇپراقتەك. لىكىن كۆيەر يۈرىكىمدە بىر پەنەر، مەنزىلىمنى يۇرۇتماقچى بولغاندەك. مۇڭلىنىدۇ مۇھەببەتلىك يۈرىكىم، كەچ كۈزدىكى ياپراقلاردەك غېرىبان. دەرىزەمنى چەكمەس ئەمدى شوخ شامال، ئۆمۈر ئۆتەر بولالماستىن گۈلۈستان. 2010-يىلى 16-ئىيول مايتاغ

maxal20

	سۇ كېتىدۇ تاش قالىدۇ، ئوسما ئۆچىدۇ قاش قالىدۇ.

zulhumar

	بۇ شىئېرنى بەك ياخشى يېزىپسىز ، ئاينۇرى 888 سىزنىڭ شىئېرلىرڭىزنى قايتا ئۇچراتقىنىمدىن خوشالمەن .......

sahra

	ئاينۇرى  ھەممىمىز  تۇيۇپ تۇرۋاتقان  بىر غېرىپلىقنى  سۇنۇپسىز . غېرىپمىز  مۇھابەتسىرىغان ، يۈرەكىمىز ھەم يىغلىغان . قەلەم تۇلپارىڭىز ھارمىغاي .

atikam1

	ئۆمۈر ئۆتەر بولالماستىن گۈلۈستان، سۆيگۇ گۈلى تۇزىغاچقا قەلبىمدە. گاھ يۈرەكنى ئۇراپ ئالار قاماللاپ، ئۇمىد قۇشى قانات قاقسا يۈرىگىمدە.

جىن

	شئىرنىڭ تىرەنلىكىدىن سۇيۇندۇم ،

sport

	يۈرەك قانغا تولغاندا، قان سىقىلىپ ئېتىلار، قان يۈرەكتىن چىققاندا، يۈرەك ئىچى ئېچىشار...

ugenguqi

	تارام تارام ئېقىۋاتقان ياشلىرىڭ، قۇيۇلماقتا يۈرىكىمگە قىياندەك. روھى قۇرۇق نادان خەلىقىم ، ساددىلىقى چاقار چاياندەك.

ehtiram

	ئۆرتىنىشكە تۆرەلگەنمۇ يۈرىكىم ، ئازاپلاردا پۇچۇلاندى تالاي رەت. مۇھەببەتنىڭ سىناقلىرى ئاجايىپ، بېرىدىكەن ئادەمگە مىڭ ئەلەم-دەرت. سىردىشىمەن قەلەم بىلەن تۈنلىرى، مۇڭدىشىمەن كۆككە قاراپ ئاي بىلەن. ئاھ ،قاچانمۇ ۋىسال قۇچار مۇھەببەت، يار كۈلەرمۇ گىرە سېلىپ ناز بىلەن... ( ئېھتىرام قەلىمى )