سىيلىغاندا يارىم ئۇچاڭنى

yulgun1

	سىيلىغاندا يارىم ئۇچاڭنى   ئارام بەرمەس ماڭا بىر دەملىك، ئوتلىرىڭنىڭ پىنھان بالاسى. سەن بولمىغاچ يېنىمدا مېنىڭ، جانغا ئىكەك جۇدنىڭ جازاسى.   يىغلاتمىغىن مېنى بۇنچىلا، قىينار كۈندە ھىجران بالاسى. ئازار بەرمە غېرىپ قەلبىمگە، يۈرۈكىمدە ھەسرەت ياراسى.   ئازاپلارنى يۈتىمەن پۈتۈن، تىپىرلايمەن قايغۇ غارىدا. يۈرەككە زىخ ھىجران جاپاسى، تىپىرلايمەن دەردنىڭ دارىدا.   ئۆزۈڭ يالغۇز كىرمىگىن باغقا، يالغۇزلۇقنىڭ دەردى بەك يامان. سەن مۇڭلۇنۇپ يۈرسەڭ قايغۇرۇپ، پۇچۇلىنار بۇ جان،بۇ جاھان. دەردلىرىمنى بىلمەي قال پەقەت، ئازاپلارنى ئىچىمگە يۈتاي. سەرسانلىقنىڭ دالاسىدا مەن، يارىم سېنى قانداقمۇ ئۇنتاي؟...   ئوت كېتەتتى جېنىم-جېنىمغا، ئۇنۇتۇلۇپ بىردىنلا دۇنيا. سىيلىغاندا يارىم ئۇچاڭنى، تۆتىل ئەتراپ تولاتتى ئوتقا...

sumaya0999

	ئەلكۈيىگە يوللىغان شىئېرلىرىڭىز بىر بىرىدىن ئىسىل چىقىۋاتىدۇ جۇمۇڭ.... داۋاملىق يوللاڭ رەھمەت سىزگە

parlak

	ياخشى شئىركەن

sahra

	ئىلگىرى شېئىرلىرىڭىزنى  كۈرۈپ باقمىساممۇ ،بۇ  مىسرالاردىن  شېرى دېتىڭىزنى  ھىس قىلدىم .  دىيىشكە تىگىشلىك  تىنمىلار  ھەق دادىغا يىتىپتۇ . تېخىمۇ بەراكەتلىك بولغايسىز .

mugsirdax

	بەكمۇ ياخشى  چىقىپتۇ  تىخىمۇ  تىرىشىڭ

uygar

	تۆتىل ئەتراپ ...ئاغزاكى تىل بىلەن ئىپادىلىنىپتۇدە .

aynuri888

	مۇھەببەت مەڭگۈلۇك تېما.ھارمىغايسىز ئەپەندى.

aykut999

	مىسرالىرىڭىزدىن ھوزۇرلاندىم،رەھمەت سىزگە .بولسا داۋاملىق يوللاپ تۇرغايسىز.

ehtiram

	قولىڭىزغا دەرت كەلمىسۇن ،قېرىندىشىم... مەنمۇ  يېزىپ قوياي ئازراق .... سىيلىغاندا يارىم ئۇچاڭنى ، تىترەپ كەتتى ۋۇجۇدۇم شۇ تاپ . سىيلىغاندا يارىم ئۇچاڭنى، قاناپ كەتتى يۈرىكىم شۇ تاپ. سىيلىغاندا يايرىم ئۇچاڭنى ، ئوت ئىچىدە تولغاندى تېنىم. سىيلىغاندا يايرىم ئۇچاڭنى، ئاھ ، مىڭ پارە بولدى بىر جېنىم ..... ( ئېھتىرام قەلىمى)