مەكتەپ پۈتتۈرۈش ئالدىدا تۇرغان ستۇدېنتلار

Nergiz ھەقىي سالاھىيەتلىك ئەزا

   ھازىر ئالىي مەكتەپنى پۈتكۈزىدىغان ستۇدېنتلار مەكتەپتىن ئايرىلىش ئالدىدا تۇرماقتا. ئۇلار يېڭى مۇھىتقا ماسلىشىپ، ئۆز ماھارىتىنى تېخىمۇ ياخشى جارى قىلدۇرۇش ئۈچۈن مەكتەپ پۈتكۈزۈش ئالدىدىكى مۇشۇ داۋالغۇش مەزگىلىدىن قانداق ئۆتۈشى كېرەك؟ بېيجىڭ ئۇنىۋېرسىتېتىنىڭ ئوقۇغۇچىلارغا پسىخىك ساغلاملىق جەھەتتە مەسلىھەت بەرگۈچى ئوقۇتقۇچى ۋاڭ جيەن مۇنداق تەكلىپ بەردى:
         بىرىنچىدىن، ستۇدېنتلار مەكتەپتىن ئايرىلغاندىن كېيىن تېخىمۇ كۆپ تەجرىبىگە ئىگە بولۇش ئۈچۈن ئىلگىرىكى بارلىق نەرسىلىرى بىلەن خوشلىشىپ جەمئىيەتكە يۈزلىنىدۇ، بۇ جەرياندا دىلىغۇللۇقتىن ساقلانغىلى بولمايدۇ، مۇشۇنداق دىلىغۇللۇقتىكى قايغۇلۇق ھېسسىياتىنى مۇۋاپىق ئىپادىلىگەندە ئەتراپىدىكى كىشىلەر بىلەن پاراڭلىشىش ئارقىلىق تونۇشىنى چوڭقۇرلاشتۇرۇپ بىر قارارغا كېلەلەيدۇ. ستۇدېنتلار مەكتەپ پۈتكۈزۈش مۇراسىمىغا قاتناشقاندىن كېيىن يېقىنلىرىغا دەردىنى تۆكۈش ياكى خالىي جايغا بېرىپ يىغلىۋېلىشمۇ ئىچ – قارنىنى بوشۇتۇۋېلىشتىكى ياخشى ئۇسۇل.
        ئىككىنچىدىن، يېقىنلىرىغا خوش دەپ قويۇش، پۇرسەت تېپىپ ساۋاقداشلار بىلەن يىغىلىش قىلىش، مەكتەپنىڭ ھەممە جايلىرىنى يالغۇز ئايلىنىش.
       ئۈچىنچىدىن، بۇرۇنقى ئەسلىمىلەرگە مۇناسىۋەتلىك ماتېرىياللارنى توپلاش، كۆڭلى خالايدىغان، دائىم ئارام ئالىدىغان جايلارنى سۈرەتكە تارتىۋېلىش، سىنئالغۇغا ئېلىۋېلىش، ئارخىپ شەكلىدە خاتىرە قالدۇرۇش، بىر نەچچە يوپۇرماق، كىتاب، ساۋاقداشلار بېغىشلىمىسى، ئۆزلىرى چىقارغان ژۇرنال، چاچ قىسقۇچ، سومكا قاتارلىق نەرسىلەرنى سۈرەتكە تارتىۋېلىش، مەكتەپتىن ئايرىلىش ئالدىدا مەكتەپنى بىللە ئېلىپ كەتكىلى بولمىسىمۇ، ئۆزىگە تەۋە ئەسلىمىلەرنى ئېلىپ كەتكىلى بولىدۇ.

15999185753

ياخشى تېىمىكەن!

tewpiq512

«مەكتەپتىن ئايرىلىش ئالدىدا مەكتەپنى بىللە ئېلىپ كەتكىلى بولمىسىمۇ، ئۆزىگە تەۋە ئەسلىمىلەرنى ئېلىپ كەتكىلى بولىدۇ.»

  توغرا دەيسىلەر،   مەنمۇ ئوقۇش پۈتتۈرگەندە خېلى چوڭ ماشىنىدا لىققىدە نەرسە-كېرەك ئېلىپ چىقىپ كەتكەنتىم، ئەلۋەتتە ئۇلارنىڭ ئارىسىدا  ئالىي مەكتەپ ھاياتىمدىكى ماڭا تەئەللۇق بولغان نۇرغۇنلىغان گۈزەل ھەم ئۇنتۇلغۇسىز ئەسلىمىلەرمۇ جىق ئىدى.  ھەي... ئالىي مەكتەپ ھاياتىم، مەن سېنى مەڭگۈ ئەسلەيمەن

xapkat888 ھەقىي سالاھىيەتلىك ئەزا

ئالىي مەكتەپ ئىنسان ھاياتىدىكى ئەڭ گۈزەل ۋاقىتلار بۇلۇپ، ھەقىقەتەن نۇرغۇن ئەسلىمىلەر قالىدۇ. ئەلۋەتتە شۇ ئەسلىمىلەر ئىچىدە ئادەمنى روھلاندۇرۇدىغان ئەسلىمىلەرمۇ، ئادەمنى چۈشكۈنلەشتۈرىدىغان ئەسلىمىلەرمۇ بولىدۇ. شۇڭا شۇ ئەسلىمىلەردىن تاللاپ ئادەمگە ئىشنەنچ ، جاسارەت، غۇرۇر، كۈچ-قۇۋەت ئاتا قىلالايدىغانلارنى تاللاپ ساقلاپ قۇيۇش، قالغانلرىنى ئەڭ ياخشىسى شۇ پېتى ئالى مەكتەپكە كۆمىۋېىتىپ كىتىش كېرەك. بولمىغۇر ئەسلىمىلەرنى ئەسلەپ يۈرگەندە ئادەم پىسخىكا جەھەتتىن ئۆزىنى تۈگەشتۇرۇپ، ئىراسىنى سۇسلاشتۇرۇپ، شەيتاننى يەنە قەلبىگە باشلاپ كىرىدىغان گەپ. شۇڭا ئالىي مەكتەپ پەقەت 4-5يىللىق قىسقىغىنا ۋاقىت خالاس. مەكتەپ دەرۋازىسى سىرتىدىكى ۋاقىت ھەقىقى ۋاقىت ھەم ئۇزۇن ۋاقىتتۇر، شۇڭا ئوقوش پۈتتۈرگەندە يېڭى بىر مۇھىتتنى كۈتىۋېلىش ئۈچۈن بارلىق ئالىي مەكتەپتىكى بولمىغۇر ئەسلىمىلەرنى تاشلاپ، ئىرادە بىلەن بەلىنى چىڭ باغلاپ دادىل قەدەملەر بىلەن مەكتەپ دەرۋازىسىدىن چىقىش كېرەك. چۈنكى سىزنى يەنە نۇرغۇن رىقابەت ۋە خىرىسلار ساقلاپ تۇرغان بولىدۇ. بۇ پەقەت 72مۈشكىلاتنىڭ 1-سى خالاس.

altuntarim09 ھەقىي سالاھىيەتلىك ئەزا

مەن ھەر يىلى بىزگە دەرسكە كىرگەن مۇئەللىملەرنى خاتىرىلەپ قويغان، يەنە مەكتىپىمدىكى دەرەخلەرنىڭ چىسلا يېزىلغان يوپۇرماقلىرى بار ئىدى، .......

zulpari

ئانا مەكتىپىمنى ھەم ساۋاقداشلىرىمنى بەكمۇ سېغىندىم.سىلەرمۇ مېنى سېغىنغانسىلەرمۇ ؟قەدىرلىك ساۋاقداشلىرىم مەن بۇ كەڭرى دۇنيانىڭ كىچىككىنە بىر يېرىدە تۇرۇپ سىلەرنى مەڭگۈ ئەسلەيمەن.ھەم ھەممىڭلارغا بەخت تىلەيمەن.