«110» غا «چاقچاق » قىلغان يىگىت پۇشايماندا قالدى

muhbir

	ياشلىق ئامانلىق ساقلىغۇچى گاۋ شياۋ زېرىكىپ قېلىپ «110» غا «چاقچاق » قىلغۇسى كەلدى ۋە «110» غا ئۈچ قېتىم تېلېفون بېرىپ :«ۋوگزالغا 20 جىڭ پارتلاتقۇچ قويۇلدى، ساقچىلار ماڭا 5 مىليون يۈەن ئەكىلىپ بەرمىسە، پارتلايدۇ» دېدى. ئۇنىڭ بۇ «چاقچىقى» ئاخىردا ئۆزىنىڭ بېشىغا چىقتى. بۇ يىل 2 – ئاينىڭ 3 – كۈنى سائەت 10 دىن 50 مىنۇت 11 دىن ئالتە مىنۇت، 11 دىن 29 مىنۇت ئۆتكەندە، بېيجىڭ شەھىرى «110»ساقچىغا مەلۇم قىلىش مەركىزىگە ئۈچ قېتىم تېلېفون كەلدى. بۇ تېلېفوننى بىر ئەر كىشى ئۇرغان بولۇپ، ئۇ فېڭتەي رايونى خەلق يېزىسى ئەتراپىدىكى ۋوگزالغا 20 جىڭ پارتلاتقۇچ قويۇلغانلىقىنى، ئۆزىگە 5 مىليون يۈەن يەتكۈزۈپ بېرەلمىسە، خەلق يېزىسىنىڭ كۈلى كۆككە سورۇلۇدىغانلىقىنى ئېيتتى. بۇ ئۇچۇرنى تاپشۇرۇۋالغان ساقچىلار تەكشۈرۈشكە كىرىشتى. ساقچىلار 2 – ئاينىڭ 4 – كۈنى يېرىم كېچىدە خەلق يېزىسى ئەتراپىدىكى شىنەن خوجىلىق مەركىزىنىڭ نۆۋەتچى ئىشخانىسىدىن بۇ ئورۇننىڭ ئامانلىق ساقلىغۇچىسى گاۋ شياۋنى قولغا چۈشۈردى. ساقچىلار ئۇنى ئېلىپ كېتىۋاتقاندا ، ئۇ:«مەن پۇل ئالمىدىمغۇ، مەن پەقەت ساقچىلارنىڭ نەق مەيدانغا بېرىپ تەكشۈرگىنىنى كۆرۈپ تاماشا قىلماقچى ئىدىم » دېدى. ئەسلىدە گاۋ شياۋ ساقچىلارغا ئۈچ قېتىم تېلېفون بەرگەندىن كېيىن، نۆۋەتچى ئىشخانىسىدا ئولتۇرۇپ سىرتنى كۆزەتكەچ. ئۈچ ساقچى ئەتراپنى تەكشۈرۈشكە كەلگەندە، ئۇ يەنە «110» غا تېلېفون بېرىپ :«بىرلا ساقچى ئەۋەتمەي، نېمىشقا ئۈچ ساقچى ئەۋەتىسىلەر؟ سىلەر ئويۇن ئويناش تەرتىپىگە ئېغىر خىلاپلىق قىلدىڭلار، بىر ئازدىن كېيىن پارتلاتقۇچ پارتلايدۇ» دەپلا تېلېفوننى قويۇۋەتكەن. يېقىندا بېيجىڭ شەھەرلىك تۆمۈر يول ترانسپورت سوت مەھكىمىسى ۋەھىمىلىك ئۇچۇر توقۇغان گاۋ شياۋغا مۇددەتلىك بىر يىللىق قاماق جازاسى بەردى.

tirix6234

	چاشقاننىڭ ئۆلگىسى كەلسە مۇشۇكنىڭ XXXئېسىلىپتۇ دىگەن مانا مۇشۇ ........ ھېلىمۇ 120گىمۇ  تېلىفۇن قىلىپ" بومبا پارتلاپ بولدى .جەسەتلەرنى ئەكىتىڭلار!!" دىمەپتۇ -دىسە ؟

hacker253

	تازا كاللىسىنىڭ سۈيى با نىمىكەنغۇ ئۇ غىت قىسماي <لاۋدا>لارغا  چاخ چاخ قىلغىنىنى

hanjar731

	ئاران بىر يىللىقما؟مۇشۇ چاق-چاقنى مەن ياكى سىز قىلغان بولسىڭىز مۇدەتتسىز بولمىسا ئۆلۈمگە ھۈكۈم قىلىناتتىڭىز ئىشىنەمسىز؟

yorga

	ئەجەپ ئادەملەر بار دە ، كېنو نى كۆپ كۆر ۋەتكەن نىمە ئوخشايدۇ ئۇ .....

gulbarxekar

	توۋا ساراڭمۇ يا

pariay

	دوستۇمنىڭ ئىنىسى 119 غا  ئوت كەتتى ،ئوت كەتتى دەپ تېلىفۇن قىلسا ئۇلار نەگە كەتتى دىسە يۈرەككە،،، دەپلا تېلىفۇننى قويىۋېتىپ بىر مۇنچە بالاغا قالغانلىقىنى سۆزلەپ بەرگەندە شۇنداق ھەيران قالغانتىم ،،،چاخچاقتىن بەزى جاقجاق چىقىپ قالىدۇ ،،

يالغۇز

	شۇڭا باغۇ  شەپكىسى بارلارغا چاقچاق قىلماسلىق كېرەك.......ھاھاھا

urukjan

	ھەقىقەتەن يۈرۈكى بار نىمىكەن ھە؟!  ئاز كېسىپ قويۇپتۇ!  يەنە بىر كۈن چاپلاپ قويسا بولاركەن.