- ھوقۇقى
- 1
- يازما
- 310
- نادىر
- 0
- جۇغلانما
- 310
- تىزىملاتقان
- 2011-12-19
- ئاخىرقى قېتىم
- 2015-4-1
- UID
- 18486
- يازما
- 310
- تېما
- 14
- نادىر
- 0
- جۇغلانما
- 310
- تىزىملاتقان
- 2011-12-19
- ئاخىرقى قېتىم
- 2015-4-1
- توردا
- 200 سائەت
|
ئۇپۇققا سىزىلغان ئۇيغۇر سۈرەتلىرى - قەشقەر
ئارسلان
ئەسسالامۇئەلەيكۇم ئەزىزلەر :
تۇرمۇش دىگەن ئاجايىپ سىرلارغا تولغان ھەقىقىي ئۈگىنىش سورۇنى ، تۇرمۇشنىڭ چىنلىقىغا چىن پۈتمەكتىن ئۆزگە ئامال يوق ، ئەمەلدار سورۇنلىرى ، ئىجدىمائىي ئالاقە ئىشلىرىمىزدا ساختىلىقلار شۇنچىلىك كۆپكى ، ھەتتاكى چىنلىق كۆزىمىزگە ساختىلقتەك كۆرنىدۇ . ئەمما لىكىن تۇرمۇشقا ساختىلىق ئاقمايدۇ ، ئىمتىھانلاردىن كۆچۈرۈپ ئۆتىۋېلىشىڭىز مۇمكىن ، ئەمما تۇرمۇشنىڭ ئىمتىھانلىرىدا كۆچۈرۈش مۇمكىن ئەمەس ، مودا بولىۋاتقان ئارقا ئىشىك ، يان ئىشكلەرمۇ ئەسلا يوق .
مەكتەپلەرگە ئادىمىيلىك تەربىيسى ئالغىنى كىرىۋاتىمىزيۇ ،ئادىمىيلىكىمىزنى يىتتۈرۈپ قويۇپ چىقىۋاتىمىز ، ئىرىشكىنىمىز بىر ۋاراق كىنىشكە خالاس ، ئۆزىمىزچە شۇ بىر ۋاراق قەغەزنى ئادىمىيلىكىمىزنىڭ ، ئىنسانىي بىلىمىمىزنىڭ دەسمايىسى قىلىۋېلىشىۋاتىمىز . ناخشىلىرىمىزدا مۇھەببەت دىگەن ئەرزانچىلىق ئەمما لىكىن ھەقىقى مۇھەببەتنى چۈشەنمەيدىغان قەلىبلەردىن چىقىۋاتقان ناخشىلاردىن مۇھەببەتنىڭ پۇرىقىنى ھىس قىلىشقا ئامالسىز قېلىۋاتىمىز ، زىيانسىز يىمەكلىك يەيمىز دەپ كايىپ كىتىۋاتىمىزيۇ ئىچىمىز بارغانچە زەھەرگە تولۇپ كىتىۋاتقاندەك ھىس قىلىپ تولغانماقتىمىز . تەبىئەت بىلەن ئىناق ئۆتۆشكە كۈچىگەنسىز تەبىئەتتىن يىراقلاپ كىتىۋاتىمىز ، ۋەسسالام . ئۇپۇققا سىزلىغان ئۇيغۇر سۈرەتلىرىدىن ئانچە - مۇنچە زوق ئالالىسىڭىز ئەجەپ ئەمەس .
تارىخ دىمەككى سىنىڭ ئاناڭ ،سىنىڭ داداڭ دەيدۇ كونىلار ، تارىخنى ئۇنتىغانلىق داداڭ -ئاناڭنى ئۇنتىغانلىق ، ئۇلارنى ئۇنتىساڭ سىنى ئاللاھمۇ كەچۈرمەيدۇ.
بىز ئەسلى مۇشۇنچلىك يەرگە پاتىدىغان بىر سىقىم گۆش ئىدۇق ، ئۆزىچە ھازېرقىدەك كاتتا بولۇپ قالغىنىمىز يوق .
بىزنىڭ مىللىي تائاملىرىمىز شۇنچىلىك خىل ، ئىسىلكى بەزىلىرىنى تائامم دىگەندىن كۆرە مىللىي تىبابەت دورىسى دىسە بولامدىكىن دەپمۇ ئويلاپ قالىمەن .
بىراۋغا ھاجەت چۈشكەندە سىز ئاندىن ئىلىكىڭىزدە بولمىغان نەرسىگە ئىرىشىشنىڭ قانچىلىك قىيىنلىقىنى ھىس قىلىسىز ، مەن بۇ سۈرەتنى تارتىش جەريانىدا بۇ مەلۇم بىر تونۇشنىڭ ئىشىكى ئالدىدا تۇرغان چوڭ ئاپىمىزغا تەخمىنەن ئون بەش مىنۇت دىققەت قىلىپ تۇردۇم ، ئۇ بۇ ئىشىكنى شۇنچىلىك تەستە چەكتى ، شۇنچىلىك تەستە ئۆي ئىگىسىنى چاقىردى ، ھەم شۇ ئارلىقتا بوسۇغىدىن نەچچە ياندى ، يەنە ئىشىككە قول ئۇزاتتى ، ئاخىرى ئۆي ئىگىسى كىرىشكە ئىجازەت قىلغاندىن كىيىنمۇ چوڭ ئاپىمىز جىددىيلەشكەنلكتىن يىقىلىپ چۈشتى ، ئەمما يەنە مەن يۆلەپ قوياي دىگۈچە ئۆزى دەس تۇردى
قول -ھۈنەر بويۇملىرى ساتىدىغان بوۋىمىز ، شۇ تاپتا بوۋىمىزدا قانچىلىك تۇرمۇش بىلىملىرىنىڭ ، قانچلىك تارىخنىڭ بارلىقىنى بىر ئۆزىلا بىلسە كىرەك ، سىز قەشقەردە مۇشۇنداق بوۋايلار بىلەن پاراڭلاشسىڭىز ئاندىن سىزنىڭ يۇقۇرى ئوقۇش تارىىخغا ئىگە مۇئەللىملىرىڭىزنىڭ قانچىلىك كىتاپ خالتىسى ئىكەنلىكىنى ھىس قىلىسىز ، ئۇلار تۇرمۇشتا پىشقان دىپلۇمسىز مۇئەللىملەردۇر.
كۆتەك ھەرىدەۋاتقان بىر ئائىللىك ئاكا-ئۇكىلار ، ياغاچ ھەرىدەپ باققان بولسىڭىز چوڭ جەدە ھەرە ئىشلىتىش ئۈچۈن قانچلىك ئىتتىپاقلىشىش كىرەكلىكىنى بىلىسىز.
تەبىئەت بىلەن ئىناق ئۆتۈش دەپ تىلىۋىزورلار ، كىتاپ -ژۇرناللار توشۇپ كەتتى ، شۇ تەشۋىقات قىلىۋاتقانلار مۇشۇنچىلىك تەبىئەت بىلەن ئىناق ئۆتەلەمدىغاندۇ؟!
ئەنئەنىۋى تۇرمۇشىمىز ، ئۆرپ - ئادىتىمىز دۇچ كىلىۋاتقان زامانىۋى مەدەنىيەتنىڭ خىرىسىنى بۇ سۈرەتتىن ھىس قىلالىدىڭىزمۇ ؟
چىلەك ئىچىدىكى ئوماق ئۇكاش ، مانا بۇ بالىلىق ، مانا بۇ سەبىيلىك ، مانا بۇ ئادەمنىڭ ئەڭ پاك ۋاقىتلىرى.
كوناشەھەر رايۇنىنىڭ كەينىدىكى بوش سەينادا پۇتبۇل تىپىۋاتقان بالىلار ، مۇشۇلاردىن بەلكىم مىسسى ياكى زىدانىيلار چىقىپ قېلىشى مۇمكىن ئىدى.
مەن دائىم مانا مۇشۇنداق مەنزىرىنى ئۇچۇرتۇپ قالىمەن ، بۇ بۇرادىرىمىز مۇشۇ قارا قىشتا يېنىغا كوكاكولانى تىكلەپ قويۇپ ئۆزىدە قانچىلىك كۈچ-مادارنىڭ بارلىقىنى ھىس قىلالماي ئۆتكەن-كەچكەنلەرگە قاراپ ئولتۇرىۋاتىدۇ ، مەن بۇ سۈرەتنى ھېيىتگاھ مەسچىتنىڭ ينىدىن چىققان پىشن نامىزى ئەزىنىغا دۇئاھ قىلىۋىتىپ ئاندىن تارتقان ئىدىم ، بۇ بۇرادەرگە شۇنچە دىققەت قىلدىميۇ ئەمما ئۇنىڭ دۇئاغا قولىنى كۆتىرگىنىنى كۆرمىدىم ، شۇ تاپتا ئۇ ئۆزىنىڭ ئاللاھنىڭ ئۆيىنىڭ تېمى يېنىدا ئولۇرغىنى ئىسىدە يوقلۇقىغا گۇمانىم يوق ، ئىشىنىمەنكى شۇ سەۋەپ ئۇنىڭ كۈنلىرى بەلكىم تېخىمۇ غۇربەتچىلكتە ئۆتىشى مۇمكىن.
ئاللاھنىڭ ئۆيىگە ئۇ دۇنيالىق ئۈچۈن كىرىپ كىتىۋاتقانلار.
قول- ھۈنىرى دىگەن بىر گۆھەر ، ئاتىلىرىمىز گۆھەر تاپقۇچە ھۆنەر تاپ دىگەن گەپنى بىكار ئېيىتمىغان.
مىللىيچە قۇرۇلۇش -بىزەكلىرىمىزنىڭ زامانىۋى مەدەنىيەتكە ماسلىشالمايدىغانلىقىغا مەن ئەمەس سىزمۇ ئىشەنمەيسىز .
دوستۇم ، بۇ كىشىلەرنىڭ نىمە تالىشىۋاتقىنىنى بىلەمسىز ؟ مەن دەپ بىرەي ، ئۇلار مەدىكارلار ، مەن بۇ سۈرەتنى تارتىش ئۈچۈن ئاپاراتىمنى ئوچۇق قويۇپ ساقلاۋاتاتتىم ، بىر كىشى ئۆيىدە ئىش بارلىقىنى ئادەم ئالىدىغانلىقىنى ئېيتىۋىدى ئونلىغان مەدىكارلار ئۇنىڭ چۆرىسىگە ئولىشىش چاپانلىرىنىڭ پىشىنى تارتىشىپ ‹مىنى ئالسىلا ، مىنى ئالسىلا .....›دەپ چۇقۇرىشىپ كەتتى ،دوستۇم خەلقىمزدە ھەمما ئادەم تېخى سىزدەك خاتىرجەم ، بەخىتلىك بولۇپ كەتكىنى يوق .
تۇماق بازىرىنىڭ تار كوچىسىدىكى مەسچىت ،بىزنىڭ بۇ دۇنيادىن ئۇ دۇنياغا ‹يول خېتى ›ئالىدىغان جايىمىز .
سەھرادىكى قوشنىلار ، مەن بۇ سۈرەتتە تارتقانلار بولسا قەشقەرنىڭ مەلۇم بىر يىزىسىدا ئاغرىپ قالغان قوشنىسىنى يوقلىغىنى چىققان قوشنا ئاياللار .
مىللىيچە تەنھەرىكەت تۈرلىرىمىزمۇ ئىنتايىن مول ئىدى .بۇ سۈرەتتىكىسى مىنىڭ بىرگە ئوينىغىلى چىققان دوستلىرىم ، شۇ تاپتا بىز بالىلىققا قايىتقاندەك بولۇپ قالدۇق.
يېڭى بازارنىڭ يولى ،ئۇپۇققا تۇتاشقان يول
ئۇيغۇرلار كىتاپ ئوقىمايدۇ ئەمەس دوستۇم ، سىز كىتاپ ئوقىمايسىز ، مەن كىتابخانىلاردا دائىم مۇشۇنداق مەنزىرىنى كۆرىمەن ، راستىنى دىسەم بۇ سۈرەتنى بەك تەستە تارتتىم ، چۈنكى ھەممە ئادەم شۇنچىلىك جىمجىت كىتاپ كۆرىۋاتسا ئاپاراتىڭىزنىڭ ئاۋازى ياڭراپ ،چىراقلىرى لاپۇلداپ كەتسە ھەممە كىشىنىڭ سىزگە قارىشى ئېنىق .
ئۇيغۇر مىللىي قۇرلۇش ئۇسلۇبلىرىدىن .
دۇكان ئالدىدىكى پاراڭلار.
ئەمما تونۇر بولا مۇشتاق بولا ، ئوچاق بولا مۇشتا بولا .
بۇ كىشلەر كونا يىپ ئىگىرىدىغان چاقنىڭ ئەتراپىغا ئولىشىپ كونا تۇرمۇش بويۇملىرىنىڭ مەدەنىي يادىكارلىققا ئايلىنىپ قېلىۋاتقانلىق توغۇرلۇق پىكىرلەشمەكتە.
ئاللاھنىڭ زىمىنى ئۈستىدىكى ھەرقانداق بىر جاي ئىبادەت ئۈچۈن دۇرۇستۇر . تام تۈۋىدە نامازدىكى ئايال .
ئۇلار ئوتتۇز - قىزىر يىللار مانا مۇشتاق بىرگە مېڭىپ كەلدى. سىزنىڭ ھېلىقى يۈرىۋاتقان مابىتىڭىز ، سىز كۆيگەن ھېلىقى قىز ، سىز ئاشىق بولغان ھېلىقى كىلىشكەن يىگىت سىز بىلەن مۇشۇنداق بىرگە ماڭالارمۇ ؟
ئۇلارنىڭ بېشىدىكىسى ياغلىقلا ئەمەس ، بەلكى پەردى-شەپ ، ئۇلارنىڭ يۈزىنى ياپقىنى رومال ئەمەس بەلكى نۇمۇس ، بۇ رەسىمنى تارتىش ئۈچۈنمۇ ئون بەش مىنۇتتەك دىققەت قىلىپ تۇردۇم ، ئاپاشلار گۆش ئالماقچى ئىكەنتۇق ، گۆش ئالغىنى كەلگەن ئەركەك خېرىدار كەتكۈچە مۇشۇ يەردە ساقلاپ تۇرۇپ ،ئۇ كىشى كەتكەندىن كىيىن ئاندىن بېرىپ گۆش سېتىۋالدى.
ئۇلارنىڭ رېستۇراندا تاماقلارنى ئاشۇرۇپ - تاشۇرۇپ قويىدىغان پۇلى يوق ، دوستۇم ھەممە كىشىمىزنىڭ تۇرمۇش تېخى سىزدەك باياشات بولۇپ كەتكىنى يوق .
قاسقان بازىرى.
مانا بۇنى ئىش ھالقىلىرىنى قىسقارتىش دەيمىز ، بىر ئورۇندۇق ، بىر كاپلىغۇچمۇ ئەمەلىيەتتە چاچ - ساقال ئېلىشقا يىتىدىكەندە ، چېچىڭىزنى ئاتتۇرۇپ ، بويۇتۇپ ، ‹تاڭلا› قىلىپ يۈرگەندە مۇشۇنداق مەنزىرە كۆز ئالدىڭىزغا كىلەمدۇ؟
نەزەر.
چوڭ دادامنىڭ قەبرىسى ، كاتتا ئىمارەت ، جاي - سارايلىرىمىز بەلكىم بىزگە شۇنچىلىك راھەت ئېلىپ كىلەلەر ، ئەمما بۇ جايغا بارغاندا راھەت ئېلىپ كىلىدىغىنى پەقەت ياخشى ئەمەل ، تاقەت - ئىبادەتتۇر.
كونا شەھەر سىپىلى ، مۇشۇ يەرگە ھەر قېتىم كەلگەندە ب د ت غا ھۆرمىتىم كىلىدۇ ، ئۇلار ئارلاشمىغىنىدا بۇ يەر بەلكىم بۇ چاققا ئىگىز-ئىگىز بىنالارنىڭ ئورنى بولۇپ قالغان بولىشى مۇمكىن ئىدى.
كەتمەن بازىرىدىكى دۇكانلار
يولىمىز ئاخىرى مايلىشىدىغان بولدى ، پېتىق يولدىن قۇتۇلىدىغان بولدۇق .
ئىلاۋە : بۇ سۈرەتلەر پېقىرنىڭ ئىشتىن سىرىتقى ھەۋىسى بىلەن تارتىلغان سۈرەتلەرنىڭ بىر قىسىمى ، ئاللاھ خالىسا مۇشۇ تىمىدا يەنە ئاخرىنىمۇ نىسىپ بولغان بىر كۈنى ئىلان قىلغايمىز ، سۈرەتلەرنىڭ ئەسلى ھالىتىنى ساقلاپ قېلىش ئۈچۈن ئۈستىگە ئىمزا - خەتلەر قوشۇلمىدى ، شۇنداقلا ئەلكۈيى تورىدا ئىلان قىلىندى ، سۈرەتلەرنى ئىشلەتسىڭىز ئاپتۇر ۋە مەنبەنى ئەسكەرتىڭ . |
|
يوللىغان ۋاقتى 2013-1-24 15:44:50
يوللىغان ۋاقتى 2013-1-25 16:19:25
