ئايتوغ خانىمغا مۇبارەك

tutem

	ئىلاۋە؛مۇنبىرىمىزنىڭ كۈيۈملۈك باشقۇرغۇچىسى ۋە ھارماس تۇلپارى ئايتوغ خانىمنىڭ"تۇرپان گىزىتى"نىڭ 2010-يىللىق 7-ئاينىڭ 19-كۈنىدىكى سانىدا"بىرلا سىنىڭ بولسامكەن"ناملىق  شېئىرى ئېلان قىلنىپتۇ.شۇ مۇناسىۋەت بىلەن ئايتوغ(سائادەت ساتتار)خانىمنىڭ ئىجادىيىتىگە بەرىكەت،تۇرمۇشىغا بەخىت تىلەيمىز.بۇنىڭدىن كېيىن قەلەم تۇلپىرىنىڭ چاپچىپ تۇرىشىنى،قەلبىنىڭ سۈزۈك پىچىرلاشلېرىدىن ئىسىل مىسرالارنى تىزىپ تۇرۇشىنى سەمىمى ئۈمىد قىلىمىز. مۇنبەردىكى شېئىر خۇمار ۋە شېئىرغا خۇشتار دوستلارنىڭ ئۆزىنىڭ قابىليىتىنى مۇنبەردىلا ئەمەس،بەلكى مەتبۇئاتلاردىمۇ جارى قىلدۇرۇشىغا تىلەكداشمەن.مۇنبەردە مەن بىلىدىغان بىر نەچچە دۇستلارنىڭ ئەسەرلېرى مەتبۇئاتلاردا بىز بىلەن يۈز كۆرۇشۇپ،ئۇيغۇر ئەدەبىياتى ئۈچۈن ئۆزىنىڭ بىر كىشىلىك تۆھپىسىنى قۇشۇپ كىلۋاتىدۇ.بۇ بىر خىل ياخشى يۈزلىنىش ئەلۋەتتە. مۇنبەردىكى ئەدەبىي ئەسەرلەرگە قىزىقىدىغان باشقا دوستلارنىڭمۇ ئۆزلېرىنى مەتبۇئاتلاردا سىناپ بېقىشىنى ئۈمىد قىلىمەن.تۈۋەندە ئايتوغ(سائادەت ساتتار)خانىمنىڭ شۇ ناملىق شېئىرىنى يوللاپ قۇياي. بىرلا سىنىڭ بولسامكەن بىر سىنى مەڭگۈگە سۆيگۈم بار ئىدى، بىر سىنىڭ ئىلكىڭگە ئۆتكۈم بار ئىدى. بىر سىنىڭ ئىشقىڭدا كۆيگۈم بار ئىدى، بىر سىنى مېھماندەك كۆتكۈم بار ئىدى، بىر سىنىڭ يىنىڭدا تۇرغۇم بار ئىدى، بىر سىنىڭ مېھرىڭدە كۆلگۈم بار ئىدى. ئازاپقا يۇلۇقساڭ سەن ئۈچۈن يىغلاپ، شادلىقتا سۈيۈنسەڭ كۈلسەم قاقاقلاپ، كەتسەڭ گەر يىراققا ئۈمىدىڭ ئاقلاپ، ۋەدەمدە تۇرىمەن بىر ئۆمۈر ساقلاپ، كەتمىسەڭ قەلبىڭدىن ئۈچۈرۈپ،ياتلاپ، بىر سىنىڭ بېغىڭدا ئۆنگۈم بار ئىدى. مەندە بار سەن ئۈچۈن كۆيەرگە يۈرەك، يادلىنار قەلبىمدە ئەڭ ئالىي تىلەك، مەندە بار تەۋرىسەڭ يۈلەرگە تىرەك، مەندە بار بىر بۇلاق سۇلېرى ئەلۋەك، مەندە بار بىر ئارزو-پەقەت سەن كېرەك، بىر سىنىڭ ئامرىقىڭ بۇلغۇم بار ئىدى. بىلمەيمەن سىنىڭسىز قانداق ياشاشنى، تاللايمەن سەن ئۈچۈن جاننى ئاتاشنى، بىلمەسمەن رىسقىڭغا قارا ساناشنى، بىلگەيسەن سەنمۇ ھەم كۆڭۈل ئاياشنى، بىلگەيسەن مەڭگۈگە ئوتلۇق قاراشنى، بىر سىنىڭ بارلىقىڭ بولغۇم بار ئىدى. بىر سىنىڭ ئىشقىڭدا ئوت بۇلۇپ يانسام، بىر سىنىڭ باغرىڭغا باغرىمنى ياقسام، بىر سىنىڭ ۋەسلىڭنى كۆزلەپ ياشىسام، بىر سىنىڭ يۇلۇڭغا پايانداز سالسام، بىر سىنىڭ سايەڭدە يىنىڭدا قالسام، سەن بىلەن جەننەتكە بارغۇم بار ئىدى. يوللىغۇچى؛توتېم

pengiyar

	مۇبارەك بولسۇن.....

aychiwer

	ئايتۇغ --  ئەسلىدە  سائادەت ئىكەندە . مۇبارەك بولسۇن !

narjis

	قەلىمىڭىزنىڭ ئۆتكۈرلىكى بىكار ئەمەسكەندە.

sakina

	مۇبارەك بولسۇن ! چىن دىلنىڭ چىن ساداسى بولسا كېرەك ؟  شۇنچىلىك يېقىملىق تۇيۇلدى . ئوقۇغانچە ئوقۇغۇم كەلدى . قەلەم قۇۋۋىتىڭىزگە ئاپرىن !

نازى

	ياخشى باشلىنىش، مەتبۇئاتقا ئاتلانغان تۇنجى قەدەملىرىڭىز دىن گۈل ئۈنگەي ئايتۇغ! خۇش خەۋەر ئېلىپ كەلگەنلىكىڭىز ئۈچۈن رەھمەت سىزگە تۇتېم.

bardax

	شېئىر تولىمۇ ياخشى يېزىلىپتۇ

taxwix

	مەن ئايتۇغنى، بۇرۇنقى مۇنبەرلەردىكى سەنەم يەنى گۈلباھار ئېزىزمىكىن دەپتىمەن تېخى..

tutem

	بۇ 8قەۋەتتىكىtaxwix يوللىغان 2010-07-23 22:53 غا قارتىلغان  : مەن ئايتۇغنى، بۇرۇنقى مۇنبەرلەردىكى سەنەم يەنى گۈلباھار ئېزىزمىكىن دەپتىمەن تېخى.. گۇلباھار ئىزىزنىڭ ھېكايە-نەسىرلېرىمۇ گىزىت-ژۇرناللاردا توختىماي ئېلان قىلنىۋاتىدۇ. ئىشەنچىلىك خەۋەرلەرگە قارىغاندا يېقىندا گۇلباھارنىڭ بىر نەسىرلەر توپلىمى چىقىدىكەن. ۋاقتى كەلسە ئۇنىڭ مۇندەرىجىسىنى يوللاپ قۇيۇشقا نىسىپ بۇلار.

aklaqin

	ئايتۇغ جانىم . مۇبارەك بولسۇن . سىزنىڭ قەلەم كۈچىڭىزگە  ئاپىرىن .