خۇراپات

barisjan

	مۇھەممەتجان راشىدىن يەريۈزىنى ئارىلاپ بىزنى تاپقان خۇراپات، جىمى ئەلدە شاللىنپ،بىزگەياققان خۇراپات، نادانلىقنىڭ تونىنى بىزگەياپقان خۇراپات، گادايلىقنىڭ ئۇرۇقىنى بىزگەچاچقان خۇراپات، «بەخىت»دىسەك بېرەلمەي،بىزدىن قاچقان خۇراپات. تىڭشاپ باقسام ۋەزىنى،«خانىقادا يات» دەيدۇ، ئۇزۇن كىيىپ پېرىجە،«قوپماي تەسۋى تارت» دەيدۇ، ئاياللارنى«يۈزۈڭگەقاراچۈمبەل ئارت»دەيدۇ، «ئۆمۈربۇيى بازاردا ناسىۋال،ماتاسات»دەيدۇ، تۈگەل تۇتقان يولىدائەگىزئاققان خۇراپات، «تەغدىر»دەيدۇ،باشلايدۇ بىزنى ئۇدۇل قەبرىگە، ھەقىقەتنى تېگىشەر سالا قىلىپ سەۋرىگە، قول قوشتۇرۇپ تۇرماقنى ئۇدۇم قىلدۇق نەۋرىگە، كۈنۈپ كەتتۇق شۇڭلاشقا تاغدەك جاپا-جەبرىگە، دۈشمەنلەرنىڭ قولىدا بولدى قاپقان خۇراپات، «تاشقا چاچقىن،بەختىڭدىن كۆر»نى ئەلگەئۆگەتكەن، خۇراپاتتۇر ئەجىرسىز قىلىپ بىزنى تۈگەتكەن، ئاياللارنى غەپلەتتە مەڭگۈ ئۇچاق پۈۋلەتكەن، تىرىكلىكنى ئەزەلدىن تەغدىر بىلەن كۆزەتكەن، «ئالغا!»دىسە،ئاران بىر سەراپ ئاچقان خۇراپات، تىلاۋەتنىڭ،ئىخلاسنىڭ ئەڭ ياخشىسى شۈكۈر دەپ، پەرەنجىنى پەزىلەت،ناشۈكۈرلەر كۇپۇر دەپ، كېلىۋەرسۇن بىز بىلەن ئاشۇ ئەسكى سۇپۇر دەپ، ئايغا چىقماق بولغاننىڭ يۈزلىرىگە تۈكۈردەپ، ئايدا يۈرسە ئىنسانلار،ئۇخلاپ ياتقان خۇراپات، شۇ ئىخلاسنى ئۇلۇغلاپ پېتىپ كەلدۇق پاتقاققا، بۇ دۇنيادا ئايلاندۇق ئەڭ ئالدىنقى ئەخمەققە، «يامان!»دىسە،جۈرەت يوق كەچتە كىگىز قاقماققا، ئىسكەنجىگە كۆنمىسەك،باغلاپ سۆزلەر ئەخلاققا، جىمى ئىشنى بىر ئەپلىك دىنغا چاتقان خۇراپات. ئارا ئايدا توي قىلسام،كېتەرمىشمەن ئايرىلىپ، شامدا خوراز چىلىسا،ئۆلەرمىشمەن جايلىنىپ، شۇنداق دىدى بىر موللام ئەتەي ماڭا قايرىلىپ: «قەغەز تۇتساڭ تەرەتكە قالارمىشسەن ئايلىنىپ ....» لايىقلاشماي زامانغا،لايغا پاتقان خۇراپات. يۈرسەم ياخشى بولارمىش مازارلارنى ئارىلاپ، كىملەر ئىچتى،كىم چەكتى؟يۈرسەم ياكى مارىلاپ، ئىچىپ قويسام بىر شىشە،«دەھرىي!»دىدى قارىلاپ، تالايلارنىڭ مېنىڭدەك يۈرەك-باغرىنى يارىلاپ، بوران بولۇپ شاخلاردىن غورا قاققان خۇراپات. ئامىراق كېلۇر ئەزەلدىن جاپاسى يوق بىنەمگە، ئىخلاسى يوق زاۋۇتقا،قىزقسىمۇ گىلەمگە، قۇيۇپ بەرسەڭ قايىتماقچى ساپان بىلەن سۆرەمگە، ئۇسۇل ئويناپ ھارمىدى ھەجەپ كونا سەنەمگە، ياستۇقىدا قەدىمنىڭ خورەك تارتقان خۇراپات. تىرىكىدە سۆرەتكە چۈشسە گۇناھ بولامىش، ئاخىرەتتە ئۇ بىزدىن ئۆزىگە جان سورامىش، يىرىك دىسەك زاغرىنى،خۇدا شۇ ئان ئۇرامىش، ھۇۋۇش قونغان مەھەللە سۇ بولسىمۇ قۇرامىش، نادانلارغا بىھۇددە گۇناھ ئارتقان خۇراپات. يانچۇقىدا پەتىۋا،بورمىلايدۇ قۇرئاننى، ئىلغىمايدۇ خۇراپات نۇمۇس بىلەن ۋىجداننى، شىھىتلەرنى تىللايدۇ جىقاراق بەرسە بىر ناننى، تۆرەلگەن ئۇ دۇنياغا بېقىش ئۈچۈن بىر جاننى، ئون ئۈچ ياشلىق قىزلارنى پۇلغا ساتقان خۇراپات. تۇرسا بىزگە بۇ ئالەم تۆت-بەش كۈنلۈك قۇنالغۇ، ياسالمىساق بىر لامپا ياكى دەزمال،ئۈنئالغۇ، قاششاقلىقتا كۈن ئۆتسە،خەلقىمىزگە ئۇۋالغۇ؟ مارسلارغا ئۇچقانلار ئايغا سالدى تۇرالغۇ، پۇتىمىزغا ئەزەلدىن پالتا چاپقان خۇراپات.

hourmat

	مەن بەك ياقتۇردۇم ....بەك ئىسىل شېئېركەن، يەنە بولسا يوللاپ قۇيۇڭ.

qumbus

	مۇھەممەت راشىدىننىڭ « خۇراپات' دېگەن بۇ شىئېرى بەكمۇ ياخشى يېزىلغان. بۇ شىئېرنى مەن بەكمۇ ياخشى كۆرەتتىم. ئۆمەرجان ئالىم بۇ تىكىستنى ناخشا قىلىپ ئوقىغان ئىدى. بۇ تىمىنى يوللىغان تورداشقا كۆپ رەخمەت.

Ffruj571

	ئەسسالامۇ ئەلەيكۇم ،مۇسۇلمان قىرنداشلىرىم ، بىز ئەلبەتتە خۇراپاتقا ۋە بىدئەتكە پېتىپ قالغانلىقمىز راس .لىكىن خۇراپاتنىڭ نىملىكنى سۇنەت، ۋە پەرىزنىڭ نىملكنى ،بىزگە دىندىن خالى مائارىپتا چوڭ بولغان زىيالىلار ئەمەس، دىننى ھەقىقى چۈشۇندىغان ئالىم فۇقاھالار ئايرىپ بېرەلەيدۇ .شۇڭا بەزىلەر ھەغەلگە زەھەر سېلىپ بەرسە رەھمەت دەپ ئىچدىغانلاردىن بولۇپ قالمايلى . قاراڭ : ئاياللارنى يۈزۈڭگە قارا چۈمبەل سال دەيدۇ .  دىگەن بۇ سېسىق زەھەرگە،بۇنى خۇراپات دىگەن كىشى تولمۇ نادان بىر قاۋغۇچى بولۇپ دىننى ھەرگىز بىلدىغان ئادەم ئەمەس .ئۇنىڭ دىندىن سۆزتاشلاش ھەققى يوق . ئسلامدىكى بىرەر ئبادەتنى مازاق قىلغان كىشنىڭ نىمە بولدىغاملىقنى ئىسلام ئالىملىرىدىن سوراپ كۆرۈڭ . يەنە ھاراقكەشلىكنى ئقلاپتۇ .

جىن

	barisjan نى ھەر پەتىۋالارنى چاپلاپ يۈرسە بىرنىمنى .ئاڭقارسا كىرەك دەپتىمەن خاتالىشىپتىمەنغۇ ،تور دۇنياسى ئەجەپ ھە؟!

uygurtikin

	بۇ شائىرىمىز كىچىدە ئوتۇن تەرگەن جاڭگەلچىدەك ئېغزىغا كەلگەننى قايتۇرماي قويىدۇ. بۇ شىئېردا خوراپاتمۇ يوق ئەمەس، لىكىن نىمىنىڭ ھەق نىمىنىڭ ناھەق ئىكەنلىكىنى بىلمەي سۆزلەيدىغانلار، خۇددى بىر قەسىر پۈتتۈرسە بىر شەھەرنى خاراب قىلىدىغانلارغا ئوخشايدۇ....

watan151

hayranda

	مۇشۇنىڭغا ئوخشىغان ئۆزىنڭ نىمە ئۈچۈن ئىنسان بۇلۇپ يارىلىپ قالغىنىنى بۇلمىگەن ۋە ئۆزىنىڭ  بىر تېمىم نىجىس مەنىدىن  ئىنسان بۇلۇپ يارالغانلىغىنى بىلمىگەن مەخلۇقلارنىڭ ئېغىزىدىن دىن نىمە بىدئەت نىمە دىگەن ئۇقۇم  ئەلبەتتە بولمايدۇدە ئىسمىنى نىمىشكە  لۈ  ياكى  جۇ  غا ئۆزگەرتىۋلمىغاندۇ (ھەيراندە)

xatlik720

	ياخشى يېزىپسىز.      خۇراپاتنىڭ نىملىكنى چۈشىنىش بىلەن بىللە ئىسلام شەرىەتلىرىنىمۇ ئۇنتۇپ قالماسلىقى كېرەك .

xatlik720

	ياخشى يېزىپسىز.      خۇراپاتنىڭ نىملىكنى چۈشىنىش بىلەن بىللە ئىسلام شەرىەتلىرىنىمۇ ئۇنتۇپ قالماسلىقى كېرەك .