تورداشلارغا.<ئارشاڭ>

arxang

	يۇرتۋازلىققا خاتىمە. ئىلىنىڭ ئالمىسىدەك يۈرۈكىم بار، داملىتىپ ئاتماققا يوق پاختام مىنىڭ. تورداشلار نەزەرىمنى قىلدى ئاسمان، بولسىمۇ ئۆيۈم كىچىك تۆت تام مىنىڭ. قەشقەرنىڭ مەي باغلىغان ئانارىدىن، كۆرىمەن سانسىز ئوتقاش يۈرەكلەرنى. <دادەي>دىن يوللىساڭلار ماڭا سالام، <جانەي>دىن بىلدۈرىمەن تىلەكلەرنى. خوتەننىڭ ياڭىقىنى ساناپ ئالسام، چىڭ تۇرۇپ بىرنى بىر دەپ پۇل سانايمەن. گىلەمدە ئۆز يار بىلەن سۇنايلانسام، شۇ ئىشچان گۈل قوللارنى ئۇنتىمايمەن. ئاتۇشنىڭ ئەنجۈرىنى شۈمگىنىمدە، تاشتىن ياغ چىقتى دەيمەن پەخىرلىنىپ. <تەۋپىق>نى تىپىۋالسام <بىكەت>لەردىن، يورۇيدۇ قالغان دىلىم بەسىرلىنىپ. تۇرپاننىڭ ئۈزۈملىرى كۆزۈمنى يەپ، باغرىم قان بەدەخشاننىڭ ياقۇتىدەك. <ئابدۇخالىق ئۇيغۇر>ىنىڭ چۇقانىدىن، كىچىمەن سۈت ئۇيقۇدىن تۇرۇپ بىلەك. قۇمۇلنىڭ قوغۇنىنىڭ پىلەكلىرى، تۇتىشار تاكى ئۇدۇل يۈرۈكۈمگە. يۆلىنىپ <تۆمۈر>كەبى تاغلىرىغا، توشقىنىم راس ئەمەسمۇ يىلىكىمگە. كورلىنىڭ نەشپۈتىنى تېتىغاندا، كۆرىمەن مىڭ يىل ئۆمۈر تۇيغۇم ئارا. كىرورەن گۈزەللىرى تەسۋىرىنى، سىزالماي، ئاھ، قەلەمنىڭ يۈزى قارا. كۇچانىڭ ئۈرۈكىنى شۈمگىنىمدە، لەززەتلىك خىياللارغا چۈمكىنىمەن. <ئىچكەندە سۇ گىلىدىن كۆرىنىدۇ> بۇ سۆزگە <چايخانا>دا ئىشىنىمەن. ئاقسۇنى بويلاپ بارسام ئۈچتۇرپانغا، چىگدىنىڭ خۇشبۇي ھېدى مەس ئەيلىدى. <زۇلپىقار بارات ئۆز باش> پەخرىمىزدۇر، بىلىمدىن كۆكتە، سۇدا چىن سايرىدى. تورداشلار، قىرىنداشلار، يۈرەك سۆزۈم، بىر يۈرەك ئەسلىتىدۇ مىڭ يۈرەكنى. بىر ئۇيغۇر تونىتىدۇ مىللەتنىمۇ، قازايلى يۇرتۋازلىقنى مىڭ گۆرىنى.

parlak

	ھەقىقەتەن ياخشى شئىركەن . تىمىغا مۇناسىۋەتسىز بولسىمۇ سىلەردىن سوراي مۇھەممەتجان راشىدىننىڭ <<يەپتۇدەك >>دىگەن بۇشئىر بار بولسا يوللاپ قويغان بولساڭلار

atikam1

	پاھ !  ئارشاڭ ئىلھاملىرىڭىزنى كۆرۇڭ،،،،، غۇلجا ،ئاتۇش ،قەشقەر ،خۇتەن ئۆزەمنىڭ، ھەممە يەردە، ياڭرايدىغۇ ئۇشبۇ  تىلىم. ئاقسۇ ،كورلا،تۇرپان ،قۇمۇل ۋاددىلىرىدا، ئانا تىلدا ئالىمەنغۇ  كۆپلەپ  بىلىم.

melek

	ئاۋۇ قەشقەرلىككە ئاتالغان مىسرا مېنىڭ جۇما!!! [s:2]

sanam

	دىمىسىمۇ مۇشۇ يۇرتۋازلىقىنى قاچانغىچە تاشلىمايمىز . ھەي ئېسىت!  مۇشۇ شىئېرىڭىزنى بالدۇرراق يوللىغان بولسىڭىز تازا ئوخشىغان كىشمىش ئۆرۈكتىن بىر سېۋەت سوۋغا قىلاركەنمەن ، ئەپسۇس ھازىر تۈگەپ كەتتى ئەمەسمۇ .

potbolhumar

	مۇشۇ شېئىرغا ئىنكاس يېزىش ئۈچۈن "ئەلكۈيى"گە ئەزا بولدۇم. مېنىڭچە،شېئىر دىگەن مۇشۇنداق مەنىلىك، تىلى ئاممىباپ، يېقىملىق بولىشى كېرەك. تېما ئىگىسىگە رەھمەت.

نازى

	ئارشاڭنىڭ سەمىمىي قەلبىنى كۆرگەندەك بولدۇم.

zohran

	ئىنتايىن ياخشى يىزىلغان بىر شىئىر بوپتۇ.رەھمەت سىزگە ئارشاڭ .

dilbar

	قەلىمىڭىز ئۆتكۈر جۇمۇ سىزنىڭ....

aklaqin

	ئارشاڭ ،  تېمىلىرىڭىزنى كۆرمىگىلى ئۇزۇن بوپتىكەن . شېئىرىڭىز شۇنداق ياخشى چىقىپتۇ . يازنىڭ يېزىدا پۇرسەت بولسا ساياھەت قىلىپ ھەممە يەرنىڭ مىۋىلىرىدىن ئېغىز تەگسە نىمە دېگەن ياخشى ھە؟