تىكەنلىك ھايات

xungkarkader

	تىكەنلىك ھايات ھىكايە شۇڭقار قادىر ئادەم كىشلىك تۇرمۇش مۇساپىسىدە خۇددىي بىر كىمىگە ئولتۇرغان يولۇچىدەك قىرغاقنىڭ باش تەرىپىدىن چىقىپ،مەلۇم مۇساپىدىن كېيىن يەنە بىر قىرغاققا يەتكەنگە ئوخشايدۇ. بەزلەر قارىشى قىرغاققا يېتىپ بارالايدۇ،بەزلەر يول ئارلىقىدا ئۆزىنىڭ مۇساپىسنى ئاخىرلاشتۇردۇ؛ دېڭىزنىڭ دەھشەتلىك جۇدۇن چاپقۇنى ئادملەرنى ئۆيلىمىغان تەقدىرگە يولۇقتۇرۇپ،يەنە قولۋاققا ئولتۇرۇشقا مەجبۇرلايدۇ،بىز خالايلى،ياكى خالىمايلى ھامان بۇ كېمىگە ئولتۇرشقا مەجبۇر.بەزىلەرنىڭ شەخسى كېمىسى بولىدۇ،بەزلەرنىڭ ئورتاق كېمىسى بولىدۇ،ئوخشاشلا شۇ كېمە بىلەن ھاياتىمىز باغلىنىپ كەتكەن،بىز شۇ كېمە ئىچىدە ئايلىنىپ ھەركەتلىنىپ تۇرىمىز.شۇ كېمىدە ھاياتلىقنىڭ چۇڭقۇر پەلسەپىۋى رەڭدارلىقىدىن ھۆزۇرلىنمىز. توختى بۈگۈن يەنەئانىسنى يوقلاپ تۈرمە ئالدىغائۈچۈنجى قىتىم كەلدى.ئۇ قولىدىكى مېۋە-چېۋە،نان-تۈرمىلەر قاچلانغان سومكىنى بىر يانغا قويۇپ تۇرمە ساقچىسنىڭ ‹‹كىرسەڭ بولىدۇ››، دېگەن گېپىنى زارقىش بىلەن كۇتتى.ئوكتەبىر ئايلىرنىڭ ئاخىرىقى كۈنلىرى بولغاچ،يول بويىدىكى چىنارۋە مەخنۇن تاللار يوپۇرماقلىرى سارىغايغان،ئۇلارنىڭ تېنىدىن ئايرىلغان يېگانە يوپۇرماقلار سەلكىن شامالدا لەيلەپ يول بويغا ياكى ئاستىدكى نىمجان چىملىقلارغا ئاستا ئۇچۇپ چۇشمەكتە ئىدى. كىرسەڭلار بولىدۇ.-تۈرمە ساقچىسنىڭ قوپال ئېيتىلغان سۆزىدىن كېيىن، توختى ئىلىپ كەلگەن لازىمەتلىكلىرنى ئىلىپ،تۈرمە دەرۋازىسغا قەدەم قويدى. ئېككىلنىش،ئەندىشلىك خىياللار بىلەن كۇتۇش زالنىڭ ئىشىكنىڭ ھەربىر ئىچىلشىغا ئۇمۇتلىك كۆزىنى تىكىپ،زارىقىپ ئولتۇرىغىنىدا،چاچلىرى پاكىز قىرقىلغان،گىرىمسىز يۇزدىن توپا ئورلەپ تۇرغان، سەل چوڭ كەلگەن مەھبۇس كىيمى پاكارغىنە سېمىز بەستىنى تېخمۇ كۆرۇمسىز قىلىپ،جۇۋانلىقتىن بېراقلا موماي سىياقىغا كىرگۇزگەن بىر ئايال،غەزەپ ۋە .ئازاپ ئارلاشقان سىنچە كۆزىنى توختىغا مىغتەك تېكىپ،ئۇنىڭ ئۇدۇلدىكى ئەينەك بىلەن ئايرىۋىتىلگەن ئورۇنغا كەلدى ۋە: -يەنە قايسى يۇزۇڭ بىلەن بۇ يەرگە مېنى يوقلاپ كەلدىڭ؟ ئەمدى مۇرات مەقسىدىڭگە يەتكەنسە؟!بۇنداقلىقىڭنى بىلسەم ئىدى،سىنى بوۋاق ۋاقتىڭدا تەشتەككە باستۇرۇپ قويغان بولاتتىم....-دېدى،ئاغىدىن شال چاچىرتىپ. -بۇنداق دېمىگىن ئاپا! سەن نېمىشقا ئۆزۇڭنىڭ ئىمانىدىن،ۋېجداندىن سۆراپ كورمەيدىغانسەن؟! ئۇ سىنىڭ مەڭگۈلۈك ھەمرايىڭ،بىزنىڭ تاغدەك دادىمىز ئەمەسمۇ؟ -نېمە؟ «ئۇ» مېنىڭ ئومۇرلىك ھەمرايىم بولۇشقا لايىقما؟! سىنىڭ داداڭ بولۇشقا مۇناسىپمۇ؟!ھايۋانمۇ چىغىدا باللىرنى قوغداشنى بىلىدۇ! كەت سىنى كۆرەر كۆزۇم يوق!... -ئۇنداق دېمەڭ ئاپا،مەن سىزنى ھەققى بەك ياخشى كۆرمەن! دادامغا مۇنداق قىلمىسېڭىز بولاتتى.ئۇكاممۇ يوقاپ كەتمىگەن،بىزمۇ ئېللىق ئائىلدىن ئايرىلمىغان،ئاتا-ئانا مېھرىگە قىنىپ،كۇلۇپ ياشىغان،باشقىلارنىڭ بالىلىرىدەك خاتىرجەم مەكتەپتى ئوقۇغان بولاتتۇق... تۇفى! سەن ئاناڭنى تۇتۇپ بەرمىگەن بولساڭ،مەن سىللەرنى تىرىك يېتىم قىلامتىم؟ يوقال،سىنى كۆرەر كۆزۇم يوق!!! ئايال توختى ئىلىپ كەلگەن نەرسىگە كۆز قىرنىمۇ سېلىپ قويماي،چىقىپ كىتىش ئۈچۈن چىقىش ئىشىكى تەرەپكە يۇرۇپ كەتتى.بىر نەپەر ئۇزۇن تۇرا ساقچى كۆرۇشۇشنىڭ ئاخىرلاشقىنى ئېيتىپ،توختىنى چىقىپ كىتىشكە بۇيرىدى. توختى ئىجارە ئالغان ئۆيىگە يىنىپ كىلىپ،كارۋاتقا ئۆزىنى تاشلاپ يېراق ئوتمۇشىگە نەزەر تاشلىغانچە خىيالغا پاتتى. قاچقۇن ئانا-بالا ياسىن بۈگۈنمۇ قىمار سورۇندا بار-يوق دەسمىنى ئۇتتۇرۋىتىپ،نېسىگە ھاراق ئىلىپ ئىچكەندىن كېيىن،مەس ھالدا ئۆيگە يېرىم كېچە بىلەن قايتىپ كەلدى.بۇچاغدا ئايالى بۇخلىچخان ئىلىكتىر چىرىغىنىڭ يورۇقىدا باللىرنىڭ يىرتىلغان كىيملىرنى ياماپ ئولتۇراتتى.دەرۋازنىڭ قاتتىق ئۇرۇلشى،ئاللا نېملەرنى دەپ ۋاقىرغان بوغۇق ئاۋازدىن ئىرىنىڭ قايتىپ كەلگەنلىكىنى بىلىپ،تېزلىك بىلەن سىرىتقا چىقىپ،دەرۋازا زەنجېرنى بوشاتتى.كىلەڭسىز ياغاچ دەرۋازا ئۇيقۇسنى بۇزغان كىشدىن نازارى بولغاندەك سەت غىچىلداپ ئىچىلدى،ياسىن سىڭايان سەپكىسنى پىقىرتىپ تاشلاپ،ئىچىرقاپ كەتكەن يىرىتقۇچ قاۋاندەك ئايالغا ھوكۇردى: -نىمانچە تەستە ئىشىكنى ئاچىسەن؟ئۆيدە بىرەرسى بارمىدى-يا؟ ھۇ يا..ل.. يالجىمايدىغان قانجۇق! ھو...ھو...-گەپنىڭ ئاخىر چىقماستىن سېسىق بەدبۇي پۇراق ھويلىنى بىر ئالدى،ياسىن قۇسقانسىرى شۇنچە قىينىلىپ،ھېلىلا جىنى چىقىپ كىتىدىغان ھو قىلىپ،جىمجىت سەھرا كېچىسنى بۇزماقتا ئىدى. -يۇرسىلە،يۇرت-مەھەللە ئىچىدە سەت تۇردۇ،ۋاي خۇدايىم،شۇنداقمۇ كۆپ ئىچكەن بارمۇ بۇ ئىمانسىزلىق دورىسنى... بۇخلىچخان پاكار بەستىگە ماس كەلمىگەن ھالدا،ئىرىنى يولەشتۇرۇپ ئۆيگە ئاران ئىلىپ كىردى. -ھىھ، نېمە دەپ جولىۋاتسەن؟ مەن دېگەن كىم ئۆزى؟ توختى شاڭيۇنىڭ نەۋرىسى،مەن سەندەك بىر دېۋاننىڭ قىزنى ئىلىپ نەس باستىغۇ مىنى! ئوتە بۇياققا!-ياسىن قولنى قاتتىق سىلكىپ،ئايالنى نېرغا ئىتتىردى،ئايال سەنتۇرلىپ،يىقلىپ چۇشۇشتىن ئاران ئۆزىنى تۇتۋالدى. -سەن ئىمانسىز ھاراق بىلەن،قىمار بىلەن ئەر-خوتۇن بول،سەندىن بەكمۇ بىزار بولدۇم،نېمە دىسە ‹‹مەن پالانى باينىڭ نەۋرىسى،مۇنداق ئېسل ئادەملەر پۇشتى ››دەيسەن،ئەركەل بولساڭ،ھەق يول بىلەن پۇل تىپىپ،باللىرىڭنى ياخشى كۈنگە ئېرىشتۈرمەمسەن؟ قارا تۇرقۇڭ،ئاشۇ ئۇرۇق-جەمەتىڭگە ماسمۇ؟نامراتلىقتا تاس قالدۇق ئانا،بالىلار تىلەمچىلىك قىلىش كوچىسغا كىرىپ قالغىلى!... سە...- قاتتىق تەككەت بىر مۇشىت ئايالنىڭ كۆزىدىن ئوت چاقىنتىپ،سۇپۇ كىرۋىگىگە بىشى تىگىپ يىقىلدى.بالىلار كالتا ئىشتان بىلەن ‹‹ئانا...ئانا››دىيشكەنچە يەردە سۇنايلىنىپ ياتقان ئايالغا ئۆزلىرنى ئىتىشتى.ياسىن ئۆزى ئاتقان مۇش بىلەن ئۆزىنى كونتىرۇل قىلىپ بولالماي،سۇپۇغا دۇم يىقىلىپ ھو قىلغانچە خاقىراپ ئۇيقۇ نەغمىسنى باشلىدى. ئاردىن بىر ئايدىن كۆپرەك ۋاقىت ئوتتى.يىزلىق پارتىكۇمنىڭ ئورۇنلاشتۇرلىشى بىلەن شىخەنزىگە بىرىپ كېۋەز تىردىغان ئاياللار قاتارىدا كەنىت سىكىرتارى بۇخلىچخاننى مەجبۇرىي تىزىملىتىپ ئۇنىڭ بىرىشنى ئۇقتۇردى. -ھۆرمەتلىك دادۇيجاڭ،باللار كىچىك مەكتەپتە ئوقىمىسا بولماس،ئىرىم كۈندە قىمار،ھاراق بىلەن ئۆيگە كىرىپ-كىرمەي يۇردۇ،شۇڭا مەن بارمىسام. -سىللى بار ياسىن قاۋاق شۇنداق قىلدۇ،ئالدى بىلەن بىرىپ كۆرۇپ،پۇل جۇغلاپ كەلمەملا؟ شۇ بانادا نەچچە يىللىق كەنىت قەرزىنى قايتۇرۋاللا ئەمەسمۇ؟ -ياق، مەن بارمايمەن.ئاتا-ئانام ئاغرىقجان،باللار كىچىك،ئۇلارنى ئوقۇتقۇم بار.ياردەم قىلسىلا بولاتتى؟.. -بارمىسلا ئۆزلىرنىڭ ئىشى.ھاشار ئىغىر،پۇل بولسا 400يۇەن تولۋەتسىلە بولىدۇ. -مەندە نەدە پۇل؟ ئادەمنى تار يەردە قىستاپ! -ئاياللاردا پۇل تاپىدىغان ھۇنەر كۆپقۇ؟ داۋۇت سەت چىشنى چىقىرىپ ھىجايدى،ئۇ بۇ ئايالنى ئىندەككە كەلتۇرۇشنىڭ پەيتىنى ئىزدەپ، مانا ئەمدى ئېرىشمەكچى ئىدى بىرىنجى قارار كېۋەز تىدىغانلار يولغا چىقتى، بېراق بۇخلىچخان بارماي قويدى. ئۇنى نەسىكىرتار،نە كەنىت باشلىقى مەجبۇرلىمىدى. بېراق بىر خىل ئەنسىزلىك،بۇخلىچخاننىڭ ئىچىنى تاتلاپ،بىئارام قىلىپ تۇرماقتا ئىدى. 9-ئاينىڭ ئاخىردىكى كۈزنىڭ ئالتۇن مەزگىلنىڭ بىر كېچىسى،ياسىن ئائىلسنىڭ باغ تىمىدىن بىر قارا سايە ئاستا سىرغىپ چۇشتى.ئۇ ھويلىغا پەم بىلەن كىرىپ،تونۇر يىنغا جايلاشتى.ئانچە ئۇزۇن ئوتمەي بۇخلىچخان توخۇلىرنى قوتانغا ھەيدەش ئۈچۈن ھويلىغا چىقىپ، ھاجەتخانا تەرەپكە كوڭلىكىنى قايرىغانچە،تونۇر ئالدىدىن ئوتۇپ كەتتى. قارا سايە ئاستا سۇرلىپ، ئايال تەرەپكە يىقىنلاشتى. ‹‹ئاھ خۇدا مۇشۇ ماڭا كۈنمۇ؟ مۇشۇنداق ئۆيگە كىرمەيدىغان ئەرنى ئىرىم بار دېگۇچە ھاڭگى ئىشەكنى ئەر قىلسامچۇ؟ نېمە تارتقۇلۇق بۇ؟...›› بۇخلىچغان ھۆكۈرەپ يىغلىغانچە چۇۋۇلغان چاچلىرى ئارىسىغا قولنى سىلىپ،بىشىنى چاڭگللاپ يېغلىماڭتا.‹‹مەن ئۆلىۋالمەن ،مەن ئۆلىۋالمەن...›› شۇ مۇھدىش خىيال بىلەن يوغان ئۇرۇك شىخىغا تانىنى چېگىپ،سىرىتماق ھالەتكە كىگۇزدى. -ئانا،ئانا...-توختى ئانىسنىڭ چىقىپ كىتىپ،ئۇزۇنغىچە كىرمىگەنلىكىنى سېزىپ ئىزلەپ چىققان ئىدى.ئۇ قولدىكى قولچىرىغىنى باغ ئىچىگە تۇتۇپ،ئانىسنىڭ ئۇرۇك شىخىغا ئىلغان تانىسنى،پەستىكى قان- ياش يېغلاۋاتقان ئانىسنى كۆرۇپ يۇگۇرۇپ كىلىپ،ئانىسغا ئۆزىنى ئاتتى. ‹‹ئاھ،مەن ئۆلسەم باللار قانداق قىلدۇ؟ مەن ياشاش، بالىلىرىم ئۈچۈن بولسىمۇ ياشاي! يېراقلارغا كىتەي.مىنى ھېچكىم ئىزلەپ تاپالمىسۇن. ئاللاھ ھەربەندىسنى نېسىۋىلىك ياراتقانغۇ؟›› دېگەنلەرنى ئويلاپ،بالسىنى باغرىغا بىسىپ، ھاياجان بىلەن كۆز يېشنى يىڭى بىلەن سۇرتۇپ تۇرۇپ: -بىز يېراقلارغا كىتەيلى ئوغلۇم،داداڭ تاپالمايدىغان يېراق-يېراقلارغا كىتەيلى...-دەپ ئوكسۇپ-ئوكسۇپ يېغلايتى ئايال -ئۇكامچۇ؟ دادام قانداق قىلدۇ؟ -ئۇكاڭغا داداڭ قارايدۇ؟ مەن قىچىپ كىتەي،سەن مەن بىلەن ماڭ،بىز ئەتىلا كىتەيلى -بۇ، بۇ ...ئۇكام قانداق قىلار؟ تاغاڭغا بىر پارچە خەت قالدۇرۇپ قويمەن، ئۇنى ئاللاھغا تاپشۇرماي ئامال يوق.ئۇ تېخى ئەمدى ئۈچ ياشقا كىردى،سەن ھەر ھالدا سەككىز ياشلارغا كىرىپ قالدىڭ، سەن ئازراق بولسىمۇ ئىش ئۇقىسەن بالام -قانداق بولار ئانا؟ قورقىۋاتىمەن. ئەتىسى بۇخلىچخان كىچىك بالسىنى ئىرىنىڭ ئىنىسنىڭ ئۆيگە قويۇپ،توختىنى ئەگەشتۇرۇپ خۇپىيانە ھالدا شەھەرگە كىرىپ،ئۈرۈمچىگە قاراپ يۇرۇپ كەتتى. مەنبە: شۇڭقار ئىجادىيتى 2013-يىلى1-ئاينىڭ10-كۈنى

zuaya

	ئاخىرى بامۇيا!؟

bahit0998

	ئەسىرىڭىزنىڭ مۇۋەپپەقىيەتلىك چىقىشىنى تىلەيمەن!

huxrui

	بۇ ئەسرىڭىز ئاخىرلاشمىغاندۇ ؟ ئانسى قانداق تۇرمىگە كىرىپ قالدى ؟ ئۇكىسى قانداق يوقاپ كەتتى؟ ھاراقكەش ئەر ئولدىما ؟ .....؟

xungkarkader

	ئاخىرنى يىزىۋاتىمەن،پات يېقىندا يوللىماقچى مەن قوللىغىنىڭلارغا رەھمەت

amannisa

	ئاخىرىنى تىزراق يوللاسىز؟

qiwar922

	قاچان يوللايسىز ئايىغنى.....؟

atikam1

	ئەسەر ياخشى باشلىنىپتۇ،،،،ئاخىرىنى چىقارماي  ئۈزۈپ قويماڭ،،،

ئارزۇ0996

	ھەي نىمەدىسەك بولار،مۇشۇنداق ھاراق ئىچىپ ئۆي خوتۇن بالىلىرى بىلەن كارى بولمايدىغان ئەرلەرنى زە.ئىتائەتمەن،ئەخلاقلىق ئاياللار بولسا ئېرىغا ئىنساپ تىلەپ ،چىشىنى چىشلەپ ،بەرداشلق بېرىپ ئۆيدە ئولتۇرىدۇ،سېنىڭدىن مەن قالامتىم دەيدىغان بىرقىسىم ئاياللىرىمىز بار،ئېرىنى ئۆزگەرتەلمەي ،روھى بېسىمىنى يېنىكلىتىش ئۈچۈن،نىكاھسىغا ساتقىنلىق قىلىپ،باشقىلارنىڭ ئائىلىسىگە ئۈچىنچى شەخىس بولۇپ قالىدۇ.ھەممە كەلگۈلۈك بالىلارغا بولىدۇدە.

lipton

	بەك ياخشى  يىزىلىۋىتىپتۇ ،داۋامىغا تەشنامىز