سىرىق چىراقنى كۆرۈپ توختىسىڭىزلا نومۇر تارتىلمايدىكەن

kuydax

	مەملىكىتىمىزدە« تارىختىن بۇيان ئەڭ ئىغىر قاتناش قائىدىسى » دەپ قارالغان يىڭى قاتناش قائىدىسى پۈتۈن مەملىكەت دائىرسىدە يولغا قويۇلغىلى 4 كۈن بولدى،قىزىل چىراقىنى بىسىپ ئۆتۈش،ماشىنا ھەيدەپ تېلېفۇندا سۆزلىشىش ،بىخەتەرلىك تاسمسىنى تاقىماسلىق قاتارلىق قىلمىشلارغا قاتتق چارە كۆرىلىۋاتىدۇ،بۇ چارىلەر  كىشلەرنىڭ بىخەتەرلىكىنى چىقىش نوقتىسى قىلىنغاچ نۇرغۇن ئالقىشقا ئىرشىۋاتىدۇ ،لىكىن « سىرىق چىراقنى بىسىپ ئۆتۇش » تىكى 6نومۇر تارتىش چارىسى قاتتق غولغۇلا قۇزغىدى.مەسىلەن: «سىرىق چىراقىنى بىسىپ ئۆتۈش»نىڭ چەك –چىگرىسىنى قانداق ئايرىش كىرەك ؟ماشىنا سۈرئىتىنى قانچىدە كۆنتۇرۇل قىلغاندا چىراقىنى بىسىپ ئۆتۈشتن ساقلانغىلى بولىدۇ؟ سىرىق چىراق يىنىش ئالدىدا رەقەملىك ئەسكەرتىش ئۇسۇلى قوللىنىش كىرەكمۇ؟يول ئىغىزىدا سۈرەتنى ئاستىلىتىپ سىرىق چىراق ينىشىنى ساقلاش قاتناش قىستاڭچىلىقى كەلتۈرۈپ چىقىرامدۇ يوق ؟دىگەندەك بىرقاتار مەسىلىلەر كىلىپ چىقتى. ھازىر ئۈرۈمچىدىمۇ چىراق ساقلاپ تۇردىغان ،جىددى تورمۇزلاپ كىشنى ئالاقزادە قىلدىغان ئىشلار كۆپىيىۋاتىدۇ . بۇ جامائەت خەۋىپسىزلىكى قاتناش ئورۇنلىرى ئېلان قىلغان سىرىق چىراقىنى بىسىپ ئۆتۇش چەك چىگراسى ئىكەن . شوپۇر دوسلارنىڭ بۇنى بىلىۋىلىڭلار.

armanlirim

	2013-يىلى 1-يانۋار (ئەتە) دىن باشلاپ يېڭى نۇسخىدىكى ‹‹موتورلۇق قاتناش ۋاستىلىرى پىراۋىسىنى ئىلتىماس قىلىپ ئېلىش ۋە ئىشلىتىش بەلگىلىمىسى›› مەملىكەت بويىچە رەسمىي يولغا قويۇلىدۇ. يېڭى نۇسخىدىكى قاتناش قائىدىسى ‹‹تارىختىكى ئەڭ قاتتىق قاتناش قائىدىسى›› دەپ ئاتالدى. 　　يېڭى قاتناش قائىدىسىدە قانۇنغا خىلاپ نۇرغۇن ھەرىكەتلەرگە قارىتا نومۇر خاتىرىلەش تەڭشىلىپ، نومۇر تارتىش تېخىمۇ چىڭىتىلدى. 26-دېكابىر نىڭبو شەھەرلىك قاتناش ساقچى ئىدارىسى قانۇن–تۈزۈم باشقارمىسىنىڭ مۇئاۋىن باشلىقى لۈ گومىڭ يېڭى قاتناش قائىدىسىدىكى قىزىل چىراغنى بۆسۈپ ئۆتۈش (سىگنال چىرىغىغا خىلاپلىق قىلىش)، نومۇر تاختىسىنى توسۇپ قويۇش، سۈرئەتنى ئاشۇرۇۋېتىش قاتارلىق قانۇنغا خىلاپ ھەرىكەتلەردىن نومۇر تارتىش تەدبىرلىرىنى تەپسىلىي چۈشەندۈردى. 　　قانۇنغا خىلاپ ئاساسىي ھەرىكەتلەر ۋە ئۇلارنىڭ چۈشەندۈرۈلۈشى 　　2013-يىلى 1-يانۋاردىن ئىلگىرى يۈز بەرگەن قاتناش قائىدىسىگە خىلاپلىق قىلىش ھەرىكەتلىرىدىن يېڭى قاتناش قائىدىسى يولغا قويۇلغاندىن كېيىن بىر تەرەپ قىلىنغانلىرىغا ئەسلىدىكى ئۆلچەم بويىچە نومۇر خاتىرىلىنىدۇ . 2013-يىلى 1-يانۋاردىن كېيىن يۈز بەرگەن قاتناش قائىدىسىگە خىلاپلىق قىلىش ھەرىكەتلىرىگە يېڭى ئۆلچەم بويىچە نومۇر خاتىرىلىنىدۇ. 　　قائىدىگە خىلاپلىق قىلىش ھەرىكىتى 1 　　قىزىل چىراغنى بۆسۈپ ئۆتكەنلەردىن تارتىلىدىغان نومۇر 3 تىن 6 گە ئۆستۈرۈلدى 　　چۈشەندۈرۈش: 　　2011-يىلى مەملىكەت بويىچە قىزىل چىراغنى بۆسۈپ ئۆتكەنلىكتىن 4768 قېتىم قاتناش ھادىسسى يۈز بېرىپ، 1175 ئادەم قازا قىلغان. 　　يېڭى قاتناش قائىدىسى (جامائەت خەۋپسىزلىكى مىنىستىرلىقىنىڭ 123-نومۇرلۇق پەرمانى) دا، قىزىل چىراغنى بۆسۈپ ئۆتكەنلىكى بېكىتىلسىلا، تارتىلىدىغان نومۇر ئەسلىدىكى 3 تىن 6 گە ئۆستۈرۈلىدىغانلىقى بەلگىلەندى. بىز قىزىل چىراغنى بۆسۈپ ئۆتۈشتەك قائىدىگە خىلاپ ھەرىكەتلەرنى توغرا خاتىرىلەپ ئاندىن كېيىن بېكىتىمىز، ساقچىلار سىگنال چىراغلىرىنى تەكشۈرۈپ، سىگنال چىراغلىرىنىڭ ئىلمىي ئورۇنلاشتۇرۇلۇشىغا كاپالەتلىك قىلىدۇ، ئۇندىن باشقا نازارەت قىلىپ تىزگىنلەش ئۈسكۈنىلىرى خاتىرىلىگەن قائىدىگە خىلاپلىق قىلغان ئىسپات ۋە سۈرەتلەرنىمۇ قاتتىق تەكشۈرىدۇ. بەزى شوپۇرلار ئەگەر مەقسەتلىك ئەمەس، بەلكى سەۋەنلىك سەۋەبىدىن قىزىل چىراغنى بۆسۈپ ئۆتۈپ كەتسەك قانداق قىلىمىز دەپ ئەندىشە قىلىدۇ. ئەگەر قىزىل چىراغنى بۆسۈپ ئۆتۈشتەك قائىدىگە خىلاپ ھەرىكەتلەرگە قارىتا، باشقىچە پىكىر بولسا بىزگە ئىنكاس قىلسا بولىدۇ، بىز ئەستايىدىل سېلىشتۇرۇپ تەكشۈرىمىز. 　　ئۇندىن باشقا، كۆپچىلىكنىڭ سەمىگە سالىدىغان بىر ئىش: شوپۇرلار ئەگەر يول ئېغىزىدا ماشىنىنى قاتناش بەلگە سىزىقى بويىچە ھەيدىمىسىمۇ سىگنال چىرىغىغا خىلاپلىق قىلىپ قويۇشى مۇمكىن، بۇنىڭغا چوقۇم دىققەت قىلىش كېرەك. 　　قائىدىگە خىلاپلىق قىلىش ھەرىكىتى 2 　　نومۇر تاختىسىنى قەستەن توسۇپ قويۇش، پاسكىنا قىلىۋېتىش ھەرىكەتلىرىدىن تارتىلىدىغان 6 نومۇر 12 نومۇرغا ئۆستۈرۈلدى 　　چۈشەندۈرۈش: 　　قانداق قىلسا نومۇر تاختىسىنى قەستەن توسۇپ قويۇش، پاسكىنا قىلىۋېتىش ھېسابلىنىدۇ؟ 　　نومۇر تاختىسىنى لاتا، قەغەز، پارقىراق دېسكا ۋە ئەينەك، نېپىز پەردە قاتارلىقلار بىلەن توسۇپ قويۇپ ياكى نومۇر تاختىسىغا نەرسىلەرنى چاپلاپ قەستەن توسۇپ قويۇپ نومۇر تاختىسنى ئېنىق پەرق ئەتكىلى بولمايدىغان قىلىپ قويۇش، پاسكىنا قىلىۋېتىش دەپ بېكىتىلىدۇ. 　　ئەگەر قار، يامغۇر ياغقاندىن كېيىن، نومۇر تاختىسى قار ياكى لاي قاتارلىق نەرسىلەر تەرىپىدىن توسۇۋېلىنغان، پاسكىنا قىلىۋېتىلگەن بولسا، ئادەتتە نومۇر تاختىسىنى قەستەن توسۇپ قويۇش، پاسكىنا قىلىۋېتىش دەپ بېكىتىلمەيدۇ. ساقچىلار شوپۇرلاردىن ماشىنىنى ياخشى تازىلاپ، داۋاملىق ھەيدەشنى تەلەپ قىلىدۇ. قائىدىگە خىلاپلىق قىلىش ھەرىكىتى 3 　　سۈرئەتنى ئاشۇرۇۋېتىش تەپسىلىي ھالدا ئون خىل ئەھۋالغا ئايرىلدى 　　ئەسلىدە ئىككى خىل دەرىجىدىكى سۈرئەتنى ئاشۇرۇۋېتىشتەك قائىدىگە خىلاپ ھەرىكەتلەردە، سۈرئەتنى %50 ئاشۇرۇۋەتكەنلەردىن 6 نومۇر، سۈرئەتنى ئاشۇرۇۋېتىشى %50 دىن تۆۋەن بولغانلاردىن 3 نومۇر تارتىلاتتى. 　　يېڭى قاتناش قائىدىسىدە ئوخشاش بولمىغان تىپتىكى ئاپتوموبىللار ۋە ئوخشاش بولمىغان دەرىجىدىكى سۈرئەتنى ئاشۇرۇۋېتىش يەنىمۇ ئىنچىكىلەشتۈرۈلدى. 　　چۈشەندۈرۈش: 　　سۈرئەت %50 دىن ئارتۇق ئاشۇرۇۋېتىلسە: بارلىق يوللاردا، ھەرقانداق تىپتىكى ئاپتوموبىللاردىن 12 نومۇر تارتىلىدۇ. 　　سۈرئىتى %20 دىن يۇقىرى %50 دىن تۆۋەن ئېشىپ كەتسە: يۇقىرى سۈرئەتلىك تاشيول، شەھەر تېز سۈرئەتلىك تاشيوللىرىدا ، ئوتتۇرا تىپتىن يۇقىرى يولۇچى-يۈك ئاپتوموبىللىرى، مەكتەپ ئاپتوموبىللىرى ۋە خەتەرلىك بۇيۇم ئېلىپ ماڭغان ئاپتوموبىللارغا ئوخشاشلا 12 نومۇر خاتىرىلىنىدۇ، باشقا موتورلۇق قاتناش ۋاستىلىرىغا 6 نومۇر خاتىرىلىنىدۇ؛ 　　تېز سۈرئەتلىك تاشيول، شەھەر تېز سۈرئەتلىك تاشيوللىرىنىڭ سىرتىدىكى تاشيوللاردا، بارلىق ئاپتوموبىل تىپلىرىغا ئوخشاشلا 6 نومۇر خاتىرىلىنىدۇ: 　　سۈرئىتى % 20 تىن تۆۋەن ئېشىپ كەتكەنلەر: يۇقىرى سۈرئەتلىك تاشيول ۋە شەھەر تېز سۈرئەتلىك تاشيوللىرىدا، ئوتتۇرا تىپتىن يۇقىرى يولۇچى-يۈك ئاپتوموبىللىرى، مەكتەپ ئاپتوموبىللىرى ۋە خەتەرلىك بۇيۇم ئېلىپ ماڭغان ئاپتوموبىللارغا ئوخشاشلا 6 نومۇر خاتىرىلىنىدۇ، باشقا موتورلۇق قاتناش ۋاستىلىرىغا 3 نومۇر خاتىرىلىنىدۇ؛ 　　تېز سۈرئەتلىك تاشيول ، شەھەر تېز سۈرئەتلىك تاشيوللىرىنىڭ سىرتىدىكى تاشيوللاردا، بارلىق ئاپتوموبىل تىپلىرىغا ئوخشاشلا 3 نومۇر خاتىرىلىنىدۇ. 　　قانۇنغا خىلاپ باشقا قىلمىشلار: 　　پىيادىلەر يولىدىن توغرىسىغا كېسىپ ئۆتۈپ، بەلگىلىمە بويىچە سۈرئەتنى ئاستىلاتمىغان، ئاپتوموبىلنى توختاتمىغان، ئۆتۈۋاتقان كىشىلەرگە يول بەرمىگەنلەردىن تۇتۇپ قېلىنىدىغان 2 نومۇر 3 نومۇرغا ئۆستۈرۈلدى. 　　بەلگىلىمە بويىچە موتورلۇق قاتناش ۋاستىلىرى نومۇر تاختىسىنى ئورناتمىغانلارغا خاتىرىلىنىدىغان 6 نومۇر 12 نومۇرغا ئۆستۈرۈلدى. شۇنى ئەسكەرتىش كېرەككى، ئەگەر ۋاقىتلىق نومۇر تاختىسى بولسا، چوقۇم بەلگىلىمە بويىچە چاپلاش كېرەك، ئۇنداق قىلمىغاندىمۇ نومۇر تۇتۇلىدۇ. 　　پىراۋا ئېلىشقا ئىمتىھان بېرىدىغانلار مۇستەقىل يول يۈرۈش ئىقتىدارىغا تېخىمۇ ئەھمىيەت بېرىشى كېرەك 　　يېڭى قاتناش قائىدىسىدە، پىراۋا ئېلىش ئىمتىھانىغا قارىتىلغان بەلگىلىمىلەردىمۇ نىسبەتەن چوڭ ئۆزگەرتىشلەر بولدى. نىڭبو شەھەرلىك ئاپتوموبىل باشقۇرۇش ئورنىدىكى ئىمتىھان ئېلىش بۆلۈمىنىڭ مۇئاۋىن باشلىقى جىڭ شياڭ بۇنىڭغا قارىتا تەپسىلىي جاۋاپ بەردى. 　　ئىمتىھان تۈرى ئۆزگەرگەندىن كېيىن شوپۇرلارنىڭ مۇستەقىل ئاپتوموبىل ھەيدەپ يول يۈرۈش ئىقتىدارى ھەمدە مۇرەككەپ شارائىتقا دۇچ كەلگەندە ئۆزگىرىش ئىقتىدارى تېخىمۇ سىناققا دۇچ كېلىدۇ. 　　كىچىك تىپتىكى ئاپتوموبىل پىراۋىسى ئالغۇچىلارغا نىسبەتەن ئېيتقاندا، بىرىنچى دەرسنىڭ نەزەرىيە ئىمتىھانى ئىككى قىسىمغا ئايرىلدى. 　　بىرىنچى قىسمىدا، يەنىلا يول قاتناش بىخەتەرلىكى قانۇن-نىزاملىرى، قاتناش سىگنالى، يول يۇرۈش قائىدىسى قاتارلىق بىلىملەردىن ئىمتىھان ئېلىنىدۇ؛ ئىككىنچى قىسمىدا، مەدەنىي ئاپتوموبىل ھەيدەش، مۇرەككەپ شارائىت ئاستىدىكى جىددىي ئەھۋالغا تاقابىل تۇرۇش ئىقتىدارى قاتارلىقلاردىن ئىمتىھان ئېلىنىدۇ، ئەمەلىي يول يۈرۈش ئىمتىھانىدىن كېيىن يەنە سىناش ئېلىپ بېرىلىدۇ. 　　ئىككىنچى دەرستىكى ئىسكىلات ئىمتىھانى، ئىسكىلاتتىن يۆتكەش ئەمەلدىن قالدۇرۇلدى. تېخىمۇ ئەمەلىي بولغان ئىسكىلاتقا كەينىچە كىرىش، دۆڭ يوللاردىكى بېكىتىلگەن نۇقتىلاردا ئاپتوموبىل توختىتىش ۋە قوزغاش، يان تەرەپتە ئاپتوموبىل توختىتىش، ئەگرى سىزىقلىق يول يۈرۈش، ئۇدۇل بۇلۇڭلۇق يول يۈرۈشتىن ئىمتىھان ئېلىنىدۇ. 　　ئۈچىنچى دەرستە خوتنى ئاشۇرۇش–قىسقارتىش مەشغۇلاتى، يول ئېغىزلىرىدا سولغا ئايلىنىش، يول ئېغىزلىرىدا ئوڭغا ئايلىنىشتىن ئىبارەت ئۈچ ئىمتىھان تۈرى كۆپەيتىلدى. 　　جىڭ شياڭ: نىڭبوغا نىسبەتەن ئېيتقاندا، 2010-يىلىلا %100 تەقلىدىي كېچىلىك ئىمتىھان ئېلىش خوتنى ئاشۇرۇش-كېمەيتىش قاتارلىق مەشغۇلاتلار يولغا قويۇلغان. شۇڭا ئومۇمەن ئالغاندا، كىچىك تىپتىكى ئاپتوموبىل ئىمتىھانلىرىنىڭ ئەمەلىي قىيىنلىق دەرىجىسى ئاشۇرۇلغان بولسىمۇ، ئەمما كۆپەيمىدى. 　　1-يانۋاردىن باشلاپ يېڭى ئىمتىھان ئېلىش سىياسىتى يولغا قويۇلىدۇ. نىڭبونىڭ ھازىرقى ئىمتىھان مەيدانى قورۇلۇشىدىن ئېلىپ ئېيتقاندا، ئىمتىھان توختاپ قالمايدۇ. ئەمما ئەمەلىي ئىمتىھان ئېلىش مەيدانىنىڭ قورۇلۇش سۈرئىتى سەۋەبىدىن، 1-يانۋاردىن باشلاپ ئىمتىھان مىقدارى ئەسلىدىكىدىن 2 / 1 قىسقارتىلدى، پىلان بويىچە كېلەر يىلى فېۋرالنىڭ ئاخىرىدا ھازىرقى ئىمتىھان مىقدارى ئەسلىگە كەلتۈرۇلىدۇ.

suchi

	سىرىق چىراق ئەمەس،سېرىق چىراق!

turanbay

	ئەگەر 2012-يىلىدا ئىېتىھانغا تىزىملىتىپ نەزەرىيە ۋە ئەمەلىيەت ئېمتىھانلىرىدىن ئۆتۈپ (كېچىلىك ئېمتىھانىدىن باشقا)، لېكىن تا ھازىرغىچە كېچىلىك ئېمتىھان نەتىجىسى سەۋەبلىك (ئەمەلىيەتتە شۇپۇرلۇق مەكتىپى دەسلەپتە كېچىلىك ئېمتىھان بېرىشنىڭ زۆرۈرىيىتى يوق دېگەن، كېيىن بەرمىسەڭ بولمايدۇ! -دېدى) كېنىشكىنى قولغا ئالالمىغان بولسا بۇ قېتىم تولۇقلاپ ئېمتىھان بەرسە پەقەت كېچىلىك ئېمتىھاندىنلا بەرسە بولامدۇ ياكى يېڭى تۈرلەر بويىچە قوشۇلغان تۈرلەرنىڭ ھەممسىسىدىن بىرىشى كېرەكمۇ؟؟؟؟ رەخمەت....

turanbay

	يەنە بىر مەسىلە: بىزنىڭ ناھىيە ئىچى يوللىرىنىڭ قىزىل يېشىل چىراقلىرىنىڭ يېقىلىش ۋاقتى ئانچە مۇۋاپىق ئەمەس... بەزىلىرىنىڭ بەكلا قىسقا، ھەتتا يېشىل چىراق ئەمدىلا يېقىلىشىغا ماڭسىمۇ، يول كېسىشمىسىدىن چىقىپ بولغىچە يېشىل، سېرىق چىراقلاپ ئۆچۈپ قىزىل چىراقمۇ يېقىلىپ بولىدۇ..........  بەزى يول ئېغىزلىرىدا  يېشىل، قىزىل، سېرىق چىراقلارنىڭ ئۆچۈشىگە يەنە قانچە سېكونىت قالغانلىقى كۆرسىتىلمەيدۇ (بۇزۇلغان لېكىن رېمونىت قىلىنمىغانلىق سەۋەبىدىن)... بۇ خىل ئەھۋالدا ئوڭايلا خاتالىق سادىر بولىدۇ. يەنى سېرىق ياكى يېشىل چىراقنىڭ ئۆچۈشىگە يەنە قانچە سېكونىت بارلىقىنى بىلمىگەچكە بەزىدە بېھودە چىراق ساقلاپ ئاۋارە بولىمىز،، بەزىدە يېشىل چىراقنىڭ ئۆچۈشىگە بىرەر سېكونىت قالغان بولسىمۇ، خاتا ھالدا ئۆتۈپ كېتەلەيمەن دەپ قاراپ قىزىل چىراققا ئۇچرايمىز......  بۇ خىل ئەھۋالدا ئىش بىجىرگۈچىلەر شۇ ئەھۋاللارنى كۆز دە تۇتۇپ توغرا بىر تەرەپ قىلسىغۇ گەپ يوق... لېكىن...........................................

لالـە

	ۋاۋۇي كېنىشكە ئېلىش تېخىمۇ تەس بوپ  كېتىپ تۇدە

ali88

	كۆپتىن كۆپ رەخمەت سىزگە

riwayatnur

	ئاپلا چاتاق بوپتۇغۇ ئەمدى قەشقەردىن ئۇرۇمچىگە 12 سائەتتىلا باراتتىم ماشىنامنى ھەيدەپ ،ئەمدى يولدا ئۇخلاپ ماڭىدىغان بولدۇمدە ھەي .....بۇرۇنقى قائىدىلەرنى ئەمدى قاچانمۇ ئەسلىگە كەلتۇرەر

riwayatnur

	بوپتۇ بۇ قائىدىلەرنىڭ يولغا قويۇلغىنىغا ئەمدى ئاستىراق ماڭامىز

elijan0215

	شەھەر ئىچىدە قالايمىقان سىگنال باسىدىغانلارنى باشقۇرىدىغان ئورگان يوقمىدۇ دەيمەن، كەڭلىكى 4مېتىر كەلمەيدىغان، يايمىكەشلەر توپىلىشىغلىق، پىيادىلەر، ئىككى چاقىلىق موتسىكلىت ئاران ماڭىدىغان يوللاردىمۇ بېزە شوپۇرلار كىرىۋېلىپ، ئالدىدىكى يولۇچىلارغا يۇقىرى ئاۋازلىق كاناي باسىدىكەن، تېخى بەزى لاۋزا تاكسىچىلار ساقچىلارنىڭكىدەكنى بىكىتىۋاپتۇ، يەنە نومۇس قىلمايدىغان چوڭ ماشىنىلار كۈپكۈندۈزدە شەھەر يولىغا كىرىپ، قۇلاقنى يارغۇدەك ياڭراتقۇ باسسا ئادەم بەكلا چۆچۈپ كېتىدىكەن... ئىشقىلىپ دۆلىتىمىزدە قانۇن پەقەت قەغەز ئۈستىدىلا قالامدىكىن دەيمەن، بىلىشىمچە  شەھەر ئىچىدە ماشىنىلارنىڭ چوڭ چىراغنى (يىراقنى يۇرۇتۇش چىرىغى)نى ياندۇرىشى مەنئى قىلىنغانىكەن، ئەمما قەشقەر تەۋەسىدىكى ماشىنىلارنىڭ ھېچقاندىقى شەھەر ئىچىدە كىچىك چىراقنى يۇرۇتۇپ ماڭمايدۇ، موتسىكلىت، ۋېلسىپىتلىقلار ئالدىدا نېمە كېلىۋاتىدۇ، كېلىۋاتقان ‹‹داس›› نىڭ كەينىدە باشقا نەرسە بارمۇ يوق، بۇنىمۇ بىلگىلى بولمىغان... تولۇقلىما مەزمۇن (2013-1-6 03:14): ئىككىنجى قۇر، ئاخىرىدىكى ‹‹بېزە›› نى ‹‹بېزەڭ›› دەپ ئوقۇڭلار ھە ھى ھى