چالا ساۋاد بالىلارنى قانداق تەربىيەلەش كېرەك

main6317

	مەن باشلانغۇچ 3-سىنىپنڭ سىنىپ مەسئۇلى،سىنىپىمدا 38ئوقۇغۇچى بار،لېكىن 19-20سى چالا ساۋاد ،مەن بۇ بىر مەۋسۇم ئىچىدە ناھايىتى كۆپ ئىزدەندىم،تىرىشتىم،لېكىن تازا ياخشى ئۈنۈمگە ئېرىشەلمىدىم.مۇشۇ سەۋەپ تۈپەيلى ئوقۇتقۇچىلىقتىن ۋاز كىچىشنىمۇ ئويلاشتىم... لېكىن باياتتىن بىرى بۇ مۇنبەرنى كۆرۈپ ئولتۇرۇپ ،بۇ مۇنبەرگە نۇرغۇن بىلىملىك كىشلەرنىڭ كىرىدىغانلىقىنى بايقىدىم.شۇڭا مۇنبەردىكى بۇ جەھەتتە تەجرىبىسى بار دوستلار،ئۇستازلار بولسا،ماڭا ئاز-تولا تەجرىبىلىرىنى سۆزلەپ بەرسە،ئوقۇغۇچىلىرىمنىڭ ساۋادىنى چىقىرىشتا ياردىمى بولارمىكىن، دېگەن ئۈمىدتىمەن. پىكىر-تەكلىپلىرىڭلار بولسا ئايىمىغايسىلەر، رەھمەت.

213ئۇيغۇرئاي

	ئالدى بىلەن شۇ سەبىلەرگە قاتتىق ئىچىندىغانلىقىمنى ئېيتماي تۇرالمايمەن ، چۈنكى مەنمۇ بىر ئۇقۇتقۇچى ، ئادەتتە بىرىنچى يىللىقنى پۈتتۈرگەندە ئاساسەن ھەممە ئۇقۇغۇچىنىڭ ساۋادى چىقىپ بۇلىدۇ . ئالدى بىلەن سەۋەبىنى ئىزدىنىڭ ،نىمىشقا يېرىمدىن كۆپرەك ئوقۇغۇچىنىڭ ساۋادى چىقمايدۇ ؟ ئاندىن كىسەلگە قاراپ دورا بېرىڭ . ھەممىسىنى بىر تاياقتا ھەيدىمەي ئوقۇغۇچىنىڭ ئەھۋالىغا قاراپ تاپشۇرۇقنى ئوخشىمايدىغان قىلىپ ئورۇنلاشتۇرۇڭ ، ئەھۋالى ياخشىراقلارغا قىينراق ، كۆپرەك بېرىڭ ، ناچارلىرىنى يىتەكلەشنى ئاساس قىلىپ ئاستا-ئاستا قىزىقتۇرۇڭ . شۇ ياش باسقۇچىدىكىلەرنىڭ رىقابەت ئېڭى بەك كۈچلۈك بۇلىدۇ شۇڭا دائىم كىتاب ئوقۇش مۇسابىقىسى ئورۇنلاشتۇرۇڭ (ئەلۋەتتە ئۇلار راۋان ئوقىيالمىسىمۇ بىراق ئوخشاش سەۋىيىدىكىلەرنى تاللاپ قاتناشتۇرسىڭىز ، بەسلەشتۈرسىڭىز ئۈنىمى تىخىمۇ ياخشى بۇلىدۇ .) ئۇلارنىڭ ئاتا-ئانىلىرىنىڭ ياردىمىنى قولغا كەلتۈرۈڭ ، بۇ ھەممىدىن مۇھىم ،چۈنكى ئائىلىدە يىتەكلەش ساۋادىنى چىقىرىشتا مۇھىم ئورۇندا تۇرىدۇ . ئاتا-ئانىلىرى بىلەن ماسلىشىپ تەربىيلىسەڭلار چۇقۇم ساۋادىنى چىقىرالايسىلەر ، مەن ئوقۇتقۇچى بولساممۇ بىراق تۇلۇقسىزغا دەرىسكە كىرىمەن ، ئۆزەمنىڭ بالىسىنىڭ ساۋادىنى چىقىرىش ۋە ئوقۇتۇش جەريانىدىكى تەجىربىلىرىمىنى يىغىنچاقلاپ سىزگە مۇشۇنچىلىكلا ياردەم قىلالىدىم .ۋەزىپىڭىز ئېغىركەن ،غەيرەت قىلىڭ ! يەنە ياردەم كېرەك بولسا قۇلۇم كۈكسۈمدە ! ئەگەر شارائىتىڭىز يار بەرسە سابىق سوۋىت ئىتتىپاقى پىداگوكى سوخۇمىلىنىسكىنىڭ (ئوقۇتقۇچىلار دەستورى)دىگەن كىتابىنى كۆرۈپ بېقىڭ ، بۇنىڭ سىزگە كۆپ ياردىمى بۇلىدۇ .

zilnur

	مەنمۇ  سىزدەك باشلانغۇچ مەكتەپ ئوقۇتقۇچىسى .مەن سىزنىڭ بۇ  يازمىڭىزنى كۆرۈپ كۆڭلۈم بەكلا يىرىم بولدى. مەن تىل ئەدەبىيات مۇئەللىمى بولمساممۇ ،لېكىن مەن تىل ئەدەبىيات دەرسىنى بەك ياخشى كۆرىمەن .مەن  ئۇيغۇرئاي توردىشىمنىڭ پىكىرنى قوللايمەن.مۇمكىن بولسا سىزنىڭ كۆپرەك ماتىريال كۆرۈپ ئىزدىنىپ بېقىشىڭىزنى ئۈمىد قىلىمەن. قارىغاندا سىزنىڭ كەسىپىڭىز تىل ئەدەبىيات ئەمە ستەك قىلىدۇ. سىزنىڭ كەسپى جەھەتتە ئىزدىنىشنى ،قەتئى بۇشاشتۈرۈپ قويماسلىغىڭىزنى ئۈمىد قىلىمەن.بۇ ئۇيغۇر مىللىتنىڭ بالىلىرى ، بىزنىڭ بالىلىرىمىز ،بۇلار ساۋاتسىز قالسا قەتئي بولمايدۇ.

zuaya

	213ئۇيغۇرئاي يوللىغان ۋاقتى  2013-1-8 16:04 ئالدى بىلەن شۇ سەبىلەرگە قاتتىق ئىچىندىغانلىقىمنى ئېي ... مىنىڭچىمۇ مۇشۇ ئۇسۇللارنى قوللىنىپ سىناپ باقسىڭىز بولىدۇ. مەنغۇ ئوقۇتقۇچى ئەمەس. بىراق مىنىڭمۇ بالام بار. مەن مەكتەپكە بىرىشتىن ئاۋال ئاساسەن ساۋادىنى چىقىرىپ بولغان. كىچىك بالىلار بىرنەرسىگە قىزىقىپ قالسا ئۇنى بىلىۋالمىغۇچە بولدى قىلمايدۇ. بىراق قىزنقمىسا ئاسانلا زىركىپ دىققىتىنى يىغالماي ئۆگىنىشتىن بىزار بوپ كىتىدۇ. يۇقۇردىكى تورداش دىگەندەك ھەربىر بالىنىڭ سەۋىسىگە قىزىقىشىغا قاراپ تاپشۇرۇق بىرىپ زىرىكمەي يىتەكلىسىڭىز. ئىلگىرلەش بولۇشى مۇمكىن. يەنە بالىلارنىڭ رەسىملىك ئازتولا خەتلىرى بار قىزىقارلىق ھىكايىلىرىنى ئوقۇپ. كۆچۈرۈپ كىلىشتىن تاپشۇرۇق بەرسىڭىز بالىلار ھىكايىگە قىزىقىپ قېلىپ كىتاپ ئوقۇشتىن قاچمايدىغان بولۇشى مۇمكىن. ئايرىم تاپشۇرۇق بىرىش دىگەننى بىز مەكتەپتە ئوقۇۋاتقاندا سىنىپ مەسئۇلىمىز. شۇنداق قىلغان. بىز 4.يىللىققا چىققاندىمۇ بىزنىڭ سىنىپتا بەش ئالتە ساۋاقدېشىمننڭ ساۋادى چىقمنغان بىزگە يىڭىدىن بىر سىنىپ مەسئۇلى كەلگەن ئىدى بۇمۇئەللىم بۇنى بىلگەندىن كىيىن ئۇلارنى ئايرىم ئوقۇتقان ئۇلارنىڭ تاپشۇرقىمۇ ئايرىم ئىدى. .يەنە موشۇمچە دەرىسلەردە ئۇلرنى ئايرىپ ئېچىقىپ خەت ئوقۇشنى ئۈگىتەتتى. ھەم دەرىستە ياخشى بالىلاردىن ھەربىرىگە بىرنى يىتەكلەشكە ئايرىپ بەرگەن ئەتىگەن كەچ مۇزاكىردە ئۇلارنى يىتەكلەپ تەكرار قىلغۇزاتتۇق. شۇنداق قىلىپ 4يىل ساۋادى چىقمنغان بالىلار بىرنەچچە ئايدا خەت ئوقۇيالايدىغان يازالايدىغان بوپ كەتكەن. شۇنىڭ بىلەن بۇلارمۇ باشقا دەرىسلەگە قىزىقىپ ئۈگۈنىدىغان بوپ كەتكەن ئىدى. ئۇ مۇئەللىم بالىلارغا بەك كۆيۈنەتتى. ئەسلى ئۇچاغلادا بالىلار ئەلاچىلار. ىر رەتتە ياخشىلار بىر رەتتە ناچارلار بىررەتتە ئولتۇراتتۇق. لىكىن ئۇمۇئەللىم. ھەممىمىزنى ئارلاشتۇرۇپ. تېخى ئەڭ ناچارلارنى ئەڭ ياخشى بالىلار بىلەن ئولتۇرغۇزۇپ دەرىسلىرىگە ياردەملەشكۈزەتتى. ھازىر ئويلىسام شۇئوقۇتقۇچىمىز بەك كۆيۈمچان. بەك تەدبىرلىككەن.