يەنە باھانە تېپىشقا تەييارلىق قىلامسىز

ihwa

	ئۇستاز ئابدۇقادىر جالالىدىن يېڭى چىقارغان كىتابىدا ،بىزدىكى نادانلىق ۋە تەييارتاپلىققا ئېچىنغاندەك  ‹‹ بىزدە يېڭى بالىلار تۇغۇلدى ، ئەمما يېڭى ئىدىيە تۇغۇلمىدى ›› دەپ كايىغاندى . مانا ئاللىقاچان 2013 - يىلى  كىردى  ، ئەمما يەنىلا كىم يېڭى ئىدىيە بىلەن ، كىم يېڭى پىلان بىلەن ،كىم ئۆزگىچە كۆز – قاراش بىلەن ،يەنە كىملەر شۇ ئىلگىرىكى سۆرەلمە ، ناكەستلىكى بىلەن بۇ يېڭى يىلغا كىردى بۇنىسى ھەممىمىزگە قاراڭغۇ . كىتاپلاردىن ئۇقۇپ بىلىشىمچە ، چەتئەلدىكى خېلى كۆپ قىسىم  تەرەققىي تاپقان دۆلەتلەردە ،جۈملىدىن ئامرېكا ، ياپۇنىيە دېگەندەك ئىقتىسادىي ئالدىنقى قاتاردىكى دۆلەتلەردىكى مۇتلەق كۆپ قىسىم كىشىلەر ئايلىق ، ھەپتىلىك ، كۈنلۈك ،ھەتتا بەزىلىرى بىر كۈن ئىچىدىكى سائەتلەرگىمۇ ئايرىم – ئايرىم ئىش تەخسىملەپ ۋاقىتنى ئىنتايىن زىچ ھالدا ئۇرۇنلاشتۇرىدىكەن . ئەمما بىز ئايلىق ، ھەپتىلىك  پىلان تۈزۈپ ئولتۇرمايمىز . ئون يىللىق ،ئونبەش يىللىق پىلاننى بىراقلا قىلىپ ، ئىنتايىن يىغىنچاق سۆز بىلەن ، ئىنتايىن سوزۇنچاق قىلىپ تۈزىمىز . بۇ يەردىكى سوزۇنچاق دېگەنلىك پىلاننىڭ ئېنىق ، كونكىرت ۋاقتىنىڭ يوق ئىكەنلىكىنى كۆزدە تۇتىدۇ . مەسىلەن ، مەن ھامان بىر كۈنى چۇقۇم ماشىنا ئالىمەن . مەن ھامان بىر كۈنى ھامان بىنا سالىمەن دېگەندەك . ماشىنا ئالسا قانداق ماركىلىق ماشىنا ، قانچە پۇللۇق ماشىنا ،قانچىلىك ۋاقىت ئىچىدە ئېلىش دېگەندەك كونكىرت پىلانلار يوق دېيەرلىك .  بىنا سالىمەن دېگەندىمۇ قانچە قەۋەتلىك بىنا ،قانداقراق ئۇرۇنغا سالىمەن ،بىنا سېلىشقا يېتەرلىك پۇلنى قانداق تاپىمەن دېگەندەك ئېنىق پىلان يوق .  مانا مۇشۇنداق ئېنىقسىزلىق ھەم ئېنىق پىكىر بولمىغان بىر گۇڭگا ھېسيات ئىچىدە كۈننى ئايغا ،ئاينى يىلغا ئۇلاشتۇرۇپ پىلان پىلان پېتىلا ئۆتۈپ كېتىدىغانلار ئىنتايىن كۆپ . ئاقىۋەتتە يېڭى يىلنىڭ بېشىدىكى پۇشايمانغا نۇرغۇنلىغان باھانىلەرنى تېپىش بىلەن ئاۋارە بوپ كېتىمىز . شۇڭا مۇشۇ تىما ئاستىدا ئۆزىمىزنىڭ 2013 - يىلىدىكى ئويلىغان پىلانلىرىمىزنى ئورتاقلىشىپ باقساق دېگەن ئۈمۈدتىمەن .ياكى بۇ يىلنىمۇ يېڭىچە باھانە - سەۋەب كۈتۈۋالماقچىمۇ ؟ يەنىلا ئۈمۈتۋار بۇلايلى . قانداق ياخشى پىلانلار ۋۇجۇتقا چىقاركىن ! ! !       بەلكىم شۇ پىلانلارغا قارىتا نۇرغۇن ياخشى پىكىرلەرنىڭ ئوتتۇرىغا چىقىشىنىمۇ چەتكە قاققىلى بولمايدۇ . ئۇنداق بولسا قېنى ، 2013 - يىلىدىكى پىلانلىرىمىزنى ئوتتۇرىغا قۇيۇپ باقايلى قېرىنداشلار ! ! !

本人

	بەك  ياخشى  يېزىپسىز.ھەقىقەتەن ئەمەليەتكە ئۇيغۇن گەپ سۆزلەر ،يېڭى ئىدىيۋى پىكىرلەر ئوتتۇرغا   چىقىپتۇ.بەك مەمنۇن بولدۇم.ئاددىيسى ،مىنىڭمۇ يېڭى يىلىق پىلانىم بار.يۇقارقى پەلسەپۋى پىكىرنى ئوقۇغاندىن كىيىن بۇ پىلانىمنىڭ تېخى مۇككەممەل بولمىغانلىغىنى ھېس قىلدىم.     رەھمەت سىزگە.    ئاپىرىن......

abdusami0629

	مەنمۇ  بەزىدە ھەممە  ئىشلار  باھانە  بىلەن  مۇناسىۋەتلىك  دەپ  ئويلاپ  قالىمەن !

umudwar-uyhur

	توغرا ئادەمدە چۇقۇم كۈندىلىك پىلان بۇلىشى بىلەن بىرگە ئايلىق ،يىللىق ،ئۇزۇن مۇددەتلىك پىلان بۇلىشى كىرەك ،مىنىڭ پىلانىم ئانچە ئۇلۇغ پىلان بولمىسمۇ كۆپچىلىككە ئاشكارلاپ بىرەي .ئاشكارلاش مەندىن باشلانسۇن . كۈنلۈك پىلانىم . 1.ھەركۈنى سەھەر ئورنۇمدىن تۇرۇپ ئاللاھقا ھەمدۇ-سانا ئۇقۇش . 2.مەكتەپكە بېرىپ ئورۇنلاشتۇرۇلغان دەرسلەرنى ئوقۇپ تۈگىتىش. 3.دەرستىن چۈشكەندىن كىيىن 4تىن باشلاپ شىركەتنىڭ ھىساب ئىشلىرى ۋە شىركەتتكى ئىشلارنى بىر تەرەپ قىلىش. 4،كەچ سائەت 9دىن بۇرۇن ئۆيگە قايتىش 5.شەنبە يەكشەنبە ۋاقىت چىقىرىپ ئوغلۇمنى ئوينىتىش ۋە ئايالىمغا ھەمراھ بۇلۇپ بازار ئايلىنىش.ئائىلىدىكى كەم نەرسىلەرنى تۇلۇقلاش. 6.ئاتا-ئانامغا تىلىفۇن قىلىپ ئەھۋال سۇراش. 7.تاساددىپى ئىشلارنى ئەمەلى ئەھۋالغا قاراپ مۇۋاپىق ئورۇنلاشتۇرۇش. ئايلىق پىلانىم! 1.ھەرئايلىق ئىش ھەققنى مۇۋاپىق تەقسىم قىلىش. 2.شىركەت ھىسابىنى ھەرئايدا خۇلاسە قىلىپ پايدا زىياننى ئېنىق ئايرىش . 3.مۇۋاپىق ۋاقىت ئاجىرتىپ شىركەتتىكى ئىشچى-خىزمەتچىلەر بىلەن تاماق يىيىش .ئۆيدىكلەرنى كۈنلۈك ساياھەتكە ئېلىپ چىقىش.دوسلار بىلەن مۇۋاپىق پەيىتنى تاللاپ تاماق يىيىش ،پاراڭلىشش. 4.پىلان سىرتىدا ياكى تاساددىپى يۈز بەرگەن ئىشلارنى ئەمەلى ئەھۋالغا قاراپ مۇۋاپىق بىر تەرەپ قىلىش . 5.ئەمەلى ئىقتىسادى ئەھۋالىمغا مۇۋاپىق خەيىر ساخاۋەت ئىشلىرىنى قىلىش . 6.ئائىلىنىڭ ئايلىق چىقىمىنى خۇلاسە قىلىش .      يىللىق پىلانىم . 1.ئايلىق ئىش ھەققىمدىن 5000يۈەن كىرىم قىلىش. 2.شىركەتكە سالغان مەبلەغنى ساقلاپ قالغان ئاساستا يىل ئاخىردىكى ساپ پايدىنى 50مىڭ يۈەنگە يەتكۈزۈش . 3.شىركەت ئىشلىرىنى مۇۋاپىق ئۇرۇنلاشتۇرۇش شەرتى ئاستىدا2.ئايدا يۇرتقا قايتىپ ئاتا-ئانا ،ئۇرۇقتۇغقان .دوسىت-بۇرادەرلەرنى يوقلاش. 4.مۇشۇ يىل 5-ئايدا قۇلۇمدىكى شىركەت ئىشلىرنى ئۆتكۈزۈپ بىرىپ بارلىق زىھنىمنى كەسىپ ئۆگىنىشكە قارتىپ 7-ئايدا مۇۋاپىقىيەتلىك ئۇقۇش پۈتتۈرۈشكە كاپالەتلىك قىلىش. 5.ئوقۇش پۈتكەندىن كىيىن 7-ئايدىن باشلاپ شىركەت ئىشلىرغا ياردەملىشش. 6.شىركەتتىكى مەبلەغ ۋە نازارەتچىلىك ھۇقۇقۇمنى ساقلاپ قىلىپ 9-ئايدا ئىش ئورنۇمغا قايتىپ ئىشقا چۈشۈش . 7.خىزمەت ۋە شىركەت ئشلىرىنى تەڭ داۋاملاشتۇرۇپ ھەممنى مۇۋاپىق ئورۇنلاشتۇرۇش   ھەممە ئىشلار ئۇلۇغ ئاللاھنىڭ ئىلىكىدە ،بىز شۇ ۋاقىتنىڭ ئۆزىدىكى ئىشلارنى بىلسەكمۇ لىكىن بىر مىنۇتتىن كىيىن نىمە ئىش بۇلىدىغانلىقىنى بىلمەيمىز ،بۇنى پەقەت بىر ئاللاھ ئۆزى بىلىدۇ .ئۇلۇغ ئاللاھ تىنىمنى سالامەت قىلىپ تىرىكچىلك قىلىپ ياشاش پۇرسىتى بەرسە يۇقارقى پىلانلىرىم ئاساسىدا 2013-يىلىنى تاماملايمەن .ئۇلۇغ ئاللاھ ھەممەيلەننىڭ ئىشلىرىنى ئسان قىلىپ ئارزۇ -ئارمانلىرىمىزغا يىتىشكە نىسىپ قىلسۇن!

zumretay

	مەنمۇ دائىم پىلان تۈزەيمەن دەپ ئويلايمەنيۇ لېكىن ئەستايىدىل ئولتۇرۇپ قىلىپ باقماپتىمەن ، بۇ يازمىڭىزنى  ئوقۇپ ئىرادەم كۈچەيگەندەك بولدى ،سىزگە تەشەككۈر.

uygurum38

	ھەي  ئېسېت  نېمېشقا   بالدۇراق  ئوقۇمېغاندېمەن .

zuaya

	بۇتىمىڭىز بەك ئەھمىيەتلىك تىما بوپتۇ. راس ھەممىمىز شۇ مەن مۇنداق قىلىمەن ئۇنداق قىلىمەن دەيمىز لىكىن ئۆزىمىزنىڭ ئىرادىسىزلىكىمىز تۈپەيلى ھەرخىل باھانىلەرنى كۆرسۈتۈپ شۇ قىلماقچى بولغان ئىشنىڭ پىيىدا بولماي ۋاقىتنى بىھودە ئۆتكۈزىۋىتىمىز. مەنمۇ شۇ.  ئەمەلىيەتتە مىنىڭمۇ شۇنداق ئۇلۇغ ئارزۇ ئارمانلىرىم بار ئىدى ھىلىمۇ ۋاز كەچكىنىم يوق. مەن مەكتەپتە ئوقۇمىغان بىراق ھۈنەر ئۈگەنگەن. توي قىلغاندىن كىيىن بالام بولسا ئۇنى تەربىلىگۈدەك بىلىمىم بولمىغاندىكىن ھەم تۇرمۇش شارائىتىم يار بەرگەندىكىن ئوقۇي دەپ ھۈنەر قىلمىدىم. تىل كۇرۇسلىرىدا خەنزۇتىلى ئۈگەندىم. بىراق ئاران ھاجىتىمدىن چىقىمەن. بۇنىمۇ بالام تۇغۇلۇشتىن ئىلگىرى بىر نەچچە ئاي ئاندىن بالام تۇغۇلغاندىن كىيىن بالابېقىپ ئويدە بولدۇم تۇنجى بالىنى يالغۇز بېقىش ئۇنچە ئاسان ئەمەسكەن. كىيىن بالامنى يەسلى يېشىغا يەتكەندە يەسلىگە بىرىپ. يەنە ئوقۇدۇم كىيىن. 2-بالام تۇغۇلدى چوڭى مەكتەپكە كىردى. شۇنىڭ بىلەن مىنىڭ ئئئ/يدىكى ئىشلىرىم كۆپىيىپ كەتتى. كىچىكىگە قارايمەن چوڭىنىڭ تاپشۇرۇقلىرىنى ئىشلىتىمەن. ئۆگىنىشىگە يىتەكچىلىك قىلىمەن. دىگەندەك ئىشلار بىلەن بەنىت بولدۇم. مانا ئەمشى 3-سى تۇغۇلدى تىخىمۇ ئالدىراش. ھەممىسى ئوغۇل بولغاچقىمىكىن بەك كەپسىز. مىنىڭ بىلىم ئېلىش ئارزۇيۇم بىركۈنمۇ توختاپ قالمىدى. بىراق بىرىنىڭ كەينىدىن بىرى تىزىلىپ چىقىپ تۇرغان بۇئىشلار ھىچ تۈگىمەيدىغۇ -تاڭ. بەلكىم بۇمۇ مىنىڭ باھانەم. بىراق مىنىڭ بىر ياخشى ئادىتىم بار ئالدىراشچىلىقتىن ۋاقىت چىقىرىپ كىتاپ ئوقۇيمەن. كىتاپنى بىر باشتىن ئوقۇپ ئاخىرغىچە ئوقۇپ تۈگۈتىمەن. مىنىڭ بىر ئارزۇيۇم بار بەلكىم بۇ ئاخمىقانىلىقتۇ. مەنمۇ كىتاپ يازالىسام مىنىڭ يازغان كىتاپلىرىمنى باشقىلار ئوقۇسا دەيمەن. كىتاپ ئوقۇسام شۇكىتاپنى يازغان ئادەمگە بەكمۇ ھەۋىسىم كىلىدۇ. بەلكىم بۇئارزۇيۇم ئارزۇ پىتى قالا. لىكىن بالام ماقالە يىزىشتىن تاپشۇرۇق ئىشلىسە ئۆز كۆز قارشىم بويىنچە ئىپادىلەش شەكىللىرىنى چۈشەندۈرۈپ قويىمەن. بالاممۇ ھەر ھالدا خېلى ياخشى ماقالىلەرنى يازىدۇ. مۇئەلىملىرى ياخشى باھالىرىنى يېزىپ قويىدۇ. بۇنىڭدىنمۇ كۆڭلۈم خلى كۆتۈرلۈپ قالىدۇ. يزىقچىلىق دىگەنمۇ ئاجايىپ ئىشكەن. كۆرگەن بنلگەن ھىس قىلغان ئاڭلىغان باشتىن كەچۈرگەن دىگەندەك ئىشلارنى نۇرغۇن ئادەملەر بىلەن ئورتاقلاشقىلى بولىدىكەن. مەن نىمىلەرنى دەپ كەتتىم ئەمدى. تىمىدىن چەتنەپ كەتمىگەندىمەن -ھە؟! كەچۈرۈڭلار. تولۇقلىما مەزمۇن (2013-1-6 15:58): مىنىڭمۇ شۇنداق بىر ئارزۇيۇم بارئىدى ھىلىمۇ ۋاز كەچمىدىم.

bahit0998

	بۇ تىما ناھايىتى ياخشى يوللىنىپتۇ، ھەممىمىز ئۇقۇپ ئوبدانراق ئويلىنىپ باقساق بولغۇدەك ، ئىرادە قىلساقلا چوققۇم ئىشلىرىمىز ئوڭۇشلۇق بولىدۇ ، مەنمۇ دائىم پىلان تۈزىمەن لىكىن مەلۇم ئىشلار  سەۋەبىدىن ئەمەلگە ئاشۇرالىغانلىرىم بەكلا ئاز .

xj529

	خۇدا خالىسا ئىشلىرىم پىلانلار بۇيۇنچە مېڭىۋاتىدۇ، ئەمما زە مۇشۇ سەل ھورۇنلۇقۇم، ھەم كومپىيوتېر ئالدىغا كەلسەملا ئويۇنخۇمارلىقىمنى تۈگەتسەم بۇلاتتى.

ihwa

	پىلاننى مېنىڭچە تۇرمۇش ، ئۈگىنىش ، چېنىقىش  جەھەتلەردىن تۇتۇپ تۇرۇپ تۈزگەن بىر قەدەر  ياخشى.