بولدى بەس، ماۋۇ تېمىغا ئىنكاس يازماڭلار!!! بۇ تېما چۆكۈپ كەتسۇن!!! تېمىدىكى خاتا ۋە ئاشقۇن پەتۋالارغا ئىھتىياجىمىز يوق، ھە دىسە اللە ۋە اللەنىڭ رەسۇلىنى قالقان قىلىپ تۇرۇپ، اللە نامىدىن ھالالنى ھارام، ھارامنى ھالال قىلىپ سۆزلەيدىغان چالا موللا پەتۋاچىلارغا تېخىمۇ ئىھتىياجىمىز يوق.
بەلكىم بۇ ئىنكاسىمنى كۆرگەنلەر «تېما ئېگىسى ئايەت-ھەدىستىن دەلىل ئەكەپتىغۇ؟ خاتا يېرى بولسا سىزمۇ ئايەت-ھەدىستىن دەلىل ئېلىپ خاتالىقىنى كۆرسەتمەمسىز؟» دىيىشى مۇمكىن. دەلىل ئەكىلىش تەس ئەمەس، لىكىن تېما ئېگىسىدەك بۇنداق خاۋارىج مىجەز، خەبىس پىكىرلىك كىشىلەرگە نە ئەقلىي، نە نەقلىي دەلىلنىڭ كار قىلمايدىغانلىقى مىسرانىم مۇنبىرىدە ئاللىقاچان ئىسپاتلىنىپ بولدى. مىڭ دەلىل ئەكەلسىمۇ يەنە ئۆزىنىڭ پىكرىنى ئاقلاش ئۈچۈن مۇناسىۋەتسىز، ئۇ ئىشنىڭ دەلىلى بولالمايدىغان ئايەت-ھەدىسلەرنى تىزىپ قويۇپلا، گەپ يورغىلىتىپ، ئۆز پىكرىنى بازارغا سالىدۇ. شۇڭا ئارتۇق گەپنى قويۇپ مۇسۇلمانلار ئارىسىدىكى نىزاغا سەۋەپ بولغان بۇ تېمىنى كۆرمەيلا قۇتۇلساق ياخشى.
ئەگەر مەن بىلەن بەك دىيىشىدىغانلار، «بۇ تېمىدىن پەتۋا ئالماڭلار» دىگەن سۆزۈمگە دەلىل تەلەپ قىلىدىغانلار بولسا، مەن تېمىدىكى پەتۋالارنىڭ خاتا جايلىرىنى كۆرسىتىشتىن بۇرۇن تېما ئېگىسى ئۆزىنىڭ ھەقىقىي سالاھىيىتىنى ئاشكارلاپ باقسۇن. دىنىي ساھەدە تېخى ھىچقانداق بىر ئالىم ئۆز سالاھىيىتىنى يوشۇرۇپ تۇرۇپ پەتۋا بېرىپ باققان ئەمەس (تېما ئېگىسىدەك نادان، قورقۇنچاق خاۋارىجلارنى ھىسابقا ئالمىغاندا) ھەر بىر مەسىلىگە پەتۋا بەرگۈچى بەرگەن پەتۋانىڭ ئارقىسىغا ئۆز ئىمزاسىنى قويۇپ ماڭىدۇ. قېنى تېما ئىگىسى شۇنداق قىلالامدۇ؟ ئۇ بىزگە دىنىي ساھەدە قانچىلىك ئىلىم تەھسىل قىلغانلىقىنى، قانچىلىك كىتاب ئۇقۇپ باققانلىقىنى ئاشكارلىيالامدۇ؟ ئۇنىڭ ئۇسۇل فىقھىدىن قانچىلىك قانچىلىك خەۋىرى بار؟ ھەدىس ئىلمىدىن قانچىلىك خەۋىرى بار؟ ھەدىسلەرنىڭ دەرىجىلىرىنى، دەلىلگە يارايدىغان ۋە دەلىلگە يارىمايدىغانلىرىنى قانچىلىك پەرق ئېتەلەيدۇ؟ ياكى قۇرئان كەرىمنىڭ ئۇيغۇرچە تەرجىمىسى بىلەن سەھىھۇلبۇخارى ياكى مىشكاتتەك ھەدىس كىتابلىرىنى ئۇقۇۋىلىپلا، پەتۋاچى بولىۋالغانمۇ؟
قۇرئان كەرىم، ھەدىس، ئىجمائ، قىياسلارنىڭ ھۆكۈم چىقىرىشتىكى ئاساس ئىكەنلىكىگە پۈتۈن مۇسۇلمانلار دۇنياسى ئىتىپاققا كەلگىلى شۇنچە ۋاقىت بولغان تۇرسا، ماۋۇ خاۋارىج (بۆلۈنۈپ چىققۇچى دىگەن مەنىدە) ئۆز ئالدىغا مەزھەپ ياساپ، «قۇرئان-ھەدىسكىلا ئېسىلىمىز»دەپ باشقا ئالىملارنىڭ تۆھپىسىنى يوققا چىقىرىپ، مۇسۇلمان ئاممىسىنى قايمۇقتۇرۇپ نىمە مەقسەتكە يەتمەكچى؟!!
بۇنىڭ بۇ تېمىسىغا شۇنچە ۋاقىت ۋە زېھىن سەرپ قىلىپ ئىنكاس يېزىشىممۇ ئارتۇقچە ئەسلى. لىكىن خەلقىمىزنىڭ كۆپ قىسمى دىنىي ئىلىمدىن خەۋەرسىز قالغان مۇشۇنداق پەيتتە، باشقىلارنىڭمۇ ئەگىشىپ خاتالىشىپ قېلىشىنى توسۇش ئۈچۈن مۇشۇنداق سۆزلەش زۆرۈر بوپ قالدى. ئەمدى بولدى قىلايلى، دىنىي پەتۋاغا ئىھتىياجى بولغانلار ئەزھەر ئۇنۋىرسىتىتىدا شەرىئەت ئىلمى بويىچە دوكتۇرلۇق ئۇنۋانى ئالغان ئۇيغۇر ئالىم ئابدۇلئەزىز رەھمەتۇللانىڭ تور بېتىدىن پەتۋا سورىغايسىزلەر. شەرىئەتتە دوكتۇرلۇق ئۇنۋانى بولمىغانلارنىڭ ئۆز ئالدىغا پەتۋا بېرىش ھوقوقى بولمايدۇ. بەك پەتۋا بېرىشكە خۇمار بوپ قالغانلارغا پەيغەمبەر ئەلەيھىسسەلەتۇ ۋەسەللەمنىڭ بۇ ھەدىسى يېتەرلىك: «پەتۋاغا جۈرئەت قىلغانلىق دوزاخقا جۈرئەت قىلغانلىقتۇر». ساھابىلەرمۇ ئەينى ۋاقىتتا مۇشۇ ھەدىستىن قورقۇپ، بىرەرسى بىرەر مەسىلە سوراپ كەلسە، بىر-بىرىگە ئىتتىرىشىدىكەنتۇق (اللە ئۇلاردىن رازى بولسۇن)، ئەمدى نەدىكى بىر تايىنى يوق كىشىلەرنىڭ پەتۋاغا ئۆزىنى ئۇرغىنىنى دەيمەن. توۋا!!!
تولۇقلىما مەزمۇن (2013-1-4 22:18):
http://bbs.misranim.com/thread-95116-1-1.htmlبۇ يەردە بىر چىرايلىق رەددىيە بەرگەن، لىكىن ئامال يوقكەن.
يوللىغان ۋاقتى 2013-1-1 19:32:39
