نۇزۇكنىڭ رەت قىلغان جۈرئىتى كىمدە

ئەلبەگ

	ئەلرام نۇزۇكنىڭ رەت قىلغان جۈرئىتى كىمدە، سەن خىيالچان،مەن ئويچان. تۆنۈگۈن-بىر ۋاقىت كەلمەيدۇ زىنھار، ئۆكۈنمە خىيالدا،كەتتى ئۇ ئۇزاپ. ھەسرىتى قۇرۇتتەك،قىلساڭ پۇشايمان، تىلغايدۇ يۈرەكنى بۇمۇ بىر ئازاب. ئەتىدىن غەم يىمە،ئۇ ھامان كىلەر، مەنسۇپتۇر پۈتۈنلەي،تۇتساڭ بىمالال. ئۈمۈتنىڭ پىشىگە ئېسىلساڭ قايتا، ئەجرىڭدىن ئۇ مېۋە بىرىدۇ ھالال. شۇڭا سەن خىيالچان،مەنمۇ بىر ئويچان، مۇھىمى ھەممىدىن بۈگۈننى تۇتۇش. خۇشاللىق بىز بىلەن ھامان بىللىدۇر، تۇيدۇرماس بەخىتنى ئازابنى يۇتۇش. نۇزۇكنىڭ رەت قىلغان جۈرئىتى كىمدە، ئىپپەتنىڭ سودىسى بولماقتا پىنھان، ياشلارمۇ تۆكۈلسە شۆھرەتكە تۇتقۇن. پەسىلسىز قايرىلغان غۇنچە بەرگىدە، ئىزا يوق،ئادەتكە بولغاندەك ئۇيغۇن. ئەركەكنىڭ قىلىچى داتلاشقان تۇرۇپ، تەن ئالماس،ساختىلىق بەرگەچكە غۇرۇر. ئۆزگىلەر قان ئالغان غۇنچە بەرگىدىن، ئويلايدۇ ھەقلىقتەك ئالماقنى ھۇزۇر. ئاي غۇۋا،ئەتراپنى ئۇرىغان تۇمان، قىيا تاش ئۈستىدە پىغاندا بۆرە. ئويغانغان ئەقىلمۇ يىغلايدۇ يۇم-يۇم، نۇزۇكنىڭ رەت قىلغان جۈرئىتى كىمدە؟! ئويلۇدۇم،سۇئالغا چۆكۈپ باقار كىم؟ زۇۋانسىز تۇرغىنى ئايالمۇ،ئەركەك!؟ قىيا تاش ئۈستىدە پىغاندا بۆرە، قېنى كىم سىناققا دۈچ كەلگەن بىزدەك؟! كاككۇكنىڭ ئۈنىدە قىچقاردىم سېنى، ئاڭلىدىڭ،سايرىدى باغلاردا كاككۇك، ئاۋازى سۈزۈكتۇر،لېكىن بەك مۇڭلۇق. سېغىنىش ئۈنىدىن تۇرار بىلىنىپ، دەردلىرى يۈرەكتىن چىققاندەك تۇلۇق. ئېھتىمال،ئۇ دائىم بارغان يېرىدە، سايرىدى ئاشۇنداق يارىنى ئىزدەپ. بەخىتمۇ ئۇنىڭدىن يىراقتۇر،بەلكىم- ئازابتا بىر يارنى يۈرگەچكە ئەسلەپ. بىلگىنىم، ناتىۋان سايراپ توختىماي، ئازابقا يەم قىلار كىچىك تىنىنى. ئۆزۈممۇ ئۇنىڭغا قالغاندەك ئوخشاپ، كاككۇكنىڭ ئۈنىدە قىچقاردىم سېنى.      تەدبىر                تونۇۋال تېڭىلغان تەدبىرگە تەقدىر، تەقدىرگە تېۋىنما تەلەينى تىلەپ. تەدبىرگە تەلەينىڭ تونۇشلۇقى تۈز، تەدبىرنى تاپمىساڭ تۇرارسەن تىنەپ.

ئۇزھال

	تەدبىر                تۇنۇۋال تېڭىلغان تەدبىرگە تەقدىر، تەقدىرگە تېۋىنما تەلەينى تىلەپ. تەدبىرگە تەلەينىڭ تۇنۇشلۇقى تۈز،      بۇ  يەرنى ھەجەب قاملاشتۇرۇپسىز .       رەھمەت قرىندىشىم

ئەلبەگ

	ئۇزھال يوللىغان ۋاقتى  2012-12-6 23:43 تەدبىر                تۇنۇۋال تېڭىلغان تەدبىرگە تەقدىر، تەق ... تۇنجى بۇلۇپ ئىنكاس يازغىنىڭىزدىن خۇرسەن بۇلدۇم قېرىندىشىم، سىزگىمۇ رەھمەت!

altuntarim09

	«تەقدىرگە تېۋىنما »دېگەن قانداق مەنىدىكى ەەپ؟ تولۇقلىما مەزمۇن (2012-12-7 02:12): گەپ دەپ تۈزىتىپ قويدۇم.

pari607

	‹نوزۇك ›نى  نوزۇگۇم دەپ چۈشەندىم مەن

sadakatguli

	KAPIR يوللىغان ۋاقتى  2012-12-7 15:37 نۇزۇك  دىگەن   ئسمى نۇزۇك -جاللات مانجۇ ئەمەلدارنىڭ توقال قىلىشىغا بويسۇنماي،ھۆرلۈك ۋە ئىپپەتنى جېنىدىن ئەزىز بىلگەن،توي كېچىسى ئۇنى ئەبلەخنى ئۇلتۈرۋىتىپ قېچىپ،كېيىن تۇتۇلۇپ قېلىپ ئىسسىق جېنىنى ئۆز قەدىر-قىممىتى يولىدا تەقدىم قىلغان قەھىرىمان ئۇيغۇر قىزى. ئەسلىي ئىسىمى-نازۇكئاي..دادىسىنىڭ نازۇكۇم دەپ ئېيتقان قوشاقلىرى بار..كېيىن بىزگە نوزۇگۇم،نۇزۇكۇم دەپ يېتىپ كەلگەن. تولۇقلىما مەزمۇن (2012-12-7 23:06): ئۇ سۆزنى ئۇنى دەپ يېزىلىپ قاپتۇ.

مامكاپگۈل

	بۇ تېمىڭىز جەميەتتىكى ئىجتىمائى ھادىسىلەرنى چىقىش قىلىپ يېزىلىپتۇ ، داۋاملىق تىرىشىڭ!

aprin

	‹ قىيا تاش ئۈستىدە پىغاندا بۆرە،                        قېنى كىم سىناققا دۈچ كەلگەن بىزدەك؟! ›                        گۈلخاندەك لاۋۇلداپ ، قىلدەك تولغىنىپ ،                        ئېيتقىنا ! كۆيىدۇ قايسىبىر يۈرەك !؟                        پەقەت بىر ساڭىلا ئاتاپ بارىنى ،                        سۆيگەنلەر بارمىدى مېنىڭدىن بۆلەك !؟      ئوتلۇق ھېسسىياتقا تويۇنغان لىرىكىڭىزدىن ھوزۇرلاندىم ، رەھمەت . ئەسەرلىرىڭىزنى يەنىمۇ كۆرۈپ تۇرغايمىز .

tawux

	سەن ماڭا نوزۇكنى ئەسلەتكەن كۈنى ،    تۆرەلدى قەلبىمدە تاتلىق تىۋىنىش .     باغلاردىن ئېتىمنى چاپتۇرۇپ كەلدىم ،     ھەر دەقىق ھەمراھىم بولدى سېغىنىش .                     ***     رەستىلەر كېزىشىپ يۈرەر نوزۇكلار ،     ۋە لىكىن ئوخشماس خۇلقى نوزۇكقا .     جىسمىغا سىغسىمۇ پۈتمەس گۈزەللىك ،      قەلبىدىن بەدبۇي ھېد كېلەر دىماققا .      ئايارەي ، ئاھىمغا چىقماس بىر جاۋاپ ،      ئاشىقلار مەشۇقسىز دادلار كۈن-تۈنى .       ئۆكسىمەس ھېكايە سۆزلەپ كېلىدۇ،       كۆزلەردە نۇرلارنىڭ يېنىپ-ئۆچكىنى .

xerin910

	بەك ياخشى يېزىپسىز .....قەلىمىڭىز يەنىمۇ بەرىكەت تاپسۇن...