ئاتا-ئانىلار توغرىسىدا مۇنازىرلىشىپ باقايلى

zakira

  ئەسسالامۇ ئەلەيكۇم  مۇنبەرداشلار بىز مۇنبەر يۈزىدە ‹ ئوقۇتقۇچىلار توغرىسىدا مۇنازىرلىشىپ باقايلى›  دېگەن 40 بەتتىن ئاشقان ئىنكاسلىق تېمىنى  ئوقۇپ دىققىتىمىزنى ئۇنىڭغا ئاغدۇرۇپ ئۆتتۇق ، نۇرغۇن ئوخشىمىغان پىكىرلەرنى كۆز قاراشلارنى  چۈشەندۇق ، خوش  ...ئۇنداقتا  جەمئىيەتتىكى كەڭ ۋە كۆپ ساھەدىن تەشكىل تاپقان ئاتا-ئانىلار توغرىسىدىمۇ   مۇنازىرە قىلىپ باقمامدۇق ..
    مەنمۇ بىر ئانا ، يېقىندىلا ئۈرۈمچى تەجىربە ئوتتۇرا مەكتىپىنىڭ ئاتا- ئانىلار يىغىنىغا قاتناشتىم ، چوڭ زالدىكى مەكتەپ مۇدىرى ،ئىلمى مۇدىرى ۋە ئەخلاق تەربىيە مۇدىرلىرىنىڭ   سېستىمىلىق كەڭ مەزمونلۇق  نۇتۇقلىرىنى ئاڭلىدىم كەينىدىنلا  سىنىپ مۇدىرلىرىنىڭ يېتەكچىلىكىدە پەرزەنتلىرىمىزنىڭ  سىنىپلىرىغا ۋە ئۇلارنىڭ پارتىسىغا بېرىپ ئولتۇردۇم ، بۇ سىنىپتىكى ساۋاقداشلار شىنجاڭنىڭ ھەرقايسى جايلىدىن يىغىلغان بولۇپ بۇ قېتىملىق سۆھبەت يىغىنىغا يېقىن ئەتىراپتىكىلەر چاقىرتىلىپتۇ ،مەكتەپ شارائىتى ، ئوقۇتقۇچىلارنىڭ ساپاسى نىسبەتەن يۇقىرراق  شۇڭا رىقابەتمۇ كۈچلۈك ئىكەن ، شۇنداقتىمۇ بىز ئاتا- ئانىلار  پەرزەنتىمىزنىڭ نەتىجىلىرىنى كۆرۈپ تىگىشلىك پىكىرلىرىمىزنى بېرىپ ئۆتتۇق ھەم سىنىپ مۇدىرىنىڭ بىزدىن كۈتكەن  تەلەپلىرىنى چوقۇم ئورۇنلاشقا ۋەدە بېرىپ قايتىشتۇق .
   قايتىپ كېلىپ  بالامنىڭ نەتىجىلىرى ۋە ئۇنىڭ  ساۋاقداشلىرى بىلەن بولغان كۈندىلىك پائالىيەتلىرى ئۈستىدە تەھلىللەرنى ئېلىپ باردىم ۋە يولدىشىمغا ئۇنىڭ ئىلمى نەتىجىسىنىڭ سىنىپتا ئالدىنقى ئوننىڭ ئىچىدە ئىكەنلىكىنى ئىجتىمائى پائالىيەتلەردىمۇ ئاكتىپ ئىكەنلىكىنى دەپ بەردىم . شۇنداق بولسىمۇ بالامنىڭ بۇندىن كېيىنكى شانلىق مۇساپىسى توغرىسىدا پىلان تۈزۈشىمنىڭ زۆرۆرلىكىنى  ھېس قىلىۋاتىمەن ..
     مەن بىر ئوقۇتقۇچى بولۇش سۈپىتىم بىلەن كەڭ ئاتا -ئانىلارنىڭ مىللەتنىڭ كەلگۈسى بولغان پەرزەنتلىرىگە يۈرىكىدىن كۆيۈنىشىنى ئۈمۈد قىلىمەن .
     يېقىندىلا مەكتىپىمىز  ئاتا-ئانىلار سۆھبەت يىغىنىنى ئۆتكۈزدى ، ئۈرۈمچى شەھەرلىك مائارىپ ئىدارىسىنىڭ داڭلىق مۇتەخخەسسىسى  تۇرسۇنجان ھەسەننى ئاتا-ئانىلارغا ۋە ئوقۇغۇچىلارغا ئايرىم ئايرىم ھالدا لىكسىيە سۆزلەپ بېرىشكە ئورۇنلاشتۇردى ،  مەكتەپتىكى بارلىق ئوقۇتقۇچىلار ئاتا-ئانىلار قاتارىدا ئولتۇرۇپ بۇ لىكسىيەنى ئاڭلىدۇق . لىكسىيە  ئاتا-ئانىلارنىڭ ياخشى بولغان مىجەز خارەكتىرىنى قانداق يېتىلدۈرۈش  توغرىسىدا ئېلىپ بېرىلدى، چوڭ زالدا مىڭدىن ئارتۇق ئاتا-ئانا پۈتۈن دىققىتى بىلەن لىكسىيە ئاڭلىدى ،كۆپ ساندىكى ئاتا-ئانىلار ئۆزلىرىنىڭ قايسى جەھەتلەردە كەتكۈزۈپ قويىۋاتقانلىقلىرىنى  ھېس قىلىپ ئەپسوسلانغان بولسىمۇ ئازساندىكى بىرقىسىم ئاتا-ئانىلار قولىدىكى تېلفونلىرىغا قاراپ ياكى يېنىدىكى بىرسىلىرى بىلەن باشقا موزمونلاردىكى سۆزلىرىنى قىلىشىپ ئولتۇرۇشتى ...
     تۇرسۇنجان مۇئەللىم قولىغا مېكرااوننى ئېلىپ مۇنبەردىن چۈشۈپ كەڭ ئامما ئارىسىدا يۈرۈپ ھېچقانداق ماتىريالغىمۇ قارىماي شۇنداق راۋان ، مەزمونلۇق سۆزلىدى ،ھەر بىر نوقتا ئۈستىدە توختالغاندا ئەمەلىي مىساللارنى ئېلىپ كەڭ ئاتا-ئانىلارنىڭ چۈشىنىشى ئۈچۈن پۈتۈن زېھنى بىلەن شۇنداق تەسىرلىك ھەم پايدىلىق مەزمونلارنى سۆزلىدى ، بەزى ئاتا-ئانىلار تەسىرلىنىپ كۆزلىرىگە ئىسسىق ياش ئالسا يەنە بەزىلىرى : نەچچە يۈز يۈئەن پۇل خەجلەپمۇ بۇ لىكسىيەنى ئاڭلىيالمايمىز .دىيىشتى  .
       ئۇنداقتا مەنمۇ سىزدىن شۇنى سوراپ باي قېرىندىشىم :
    1- سىزنىڭ ئائىلە قۇرۇشتىكى مەقسىدىڭىز نېمە ؟ ئەۋلاد قالدۇرۇشتىكىچۇ؟
    2-  لاياقەتلىك ئاتا-ئانا  بولۇش ئۈچۈن  قانداق قىلىشىڭىز كېرەك ؟
   3-ئانىلارنىڭ پەرزەنتنى ئۆزى يەڭگىگەن بالا  بىلەن  دوختۇرنىڭ ياردىمىدە ئوپىراتسىيە قىلىپ يەڭگىگەن بالىنىڭ ھەرقايسى تەرەپلەردە  پەرقى بارمۇ ؟
  4- ئانا سۈتىدە چوڭ بولغان پەرزەنت بىلەن ئانا سۈتىدە چوڭ بولمىغان پەرزەنتنىڭ ئەقىل ئىدراكىدا پەرىق بارمۇ ؟
   5- پەرزەنتىڭىز  مەكتەپتە 8-10سائەتكىچە ئوقۇغان بولسا قېپ قالغان 14 سائەتتەك ۋاقتىنى ئورۇنلاشتۇرۇشنى ئويلاپ باقتىڭىزمۇ ؟
    6- پەرزەنتىڭىز ئۆگۈنىش قىلغاندا سىز نەدە ئىدىڭىز ؟  نېمە ئىش قىلىۋاتقان ؟
   7- پەرزەنتلەرنىڭ ئاتا-ئانىلارنىڭ ئالدىدىكى موجبوريەتلىرى نېمە ؟ ئاتا-ئانىلارنىڭ پەرزەنتلەر ئالدىدىكى موجبوريىتىچۇ؟
     سىز بىر ئاتا ياكى ئانا بولسىڭىز ۋەياكى بولۇش ئالدىدا ، قېنى يۈرىكىڭىزدىكى سۆزىڭىزنى ئېيتىپ بېقىڭ . بەلكىم بۇ جەھەتتە مۇنبىرىمىزدە مۇتەخەسسىسلىرىمىز بولىشى مۇمكىن ، ياخشى تەكلىپلىرى بولسا پەرزەنتلىرىمىزنى تەربىيەلەشتە ياردىمى بولىدۇ ، قانداق قىلىشنى بىلەلمەي تەمتىرەپ تۇرغان ئاتا-ئانىلار بولسا ئۇلارغا  ياردىمى تەگسە ئەجەپ ئەمەس .  ياراتقان ئاللاھ ھەممىمىزنىڭ دىللىرىغا مۇستەھكەم ئېتىقاد ئاتا قىلسۇن !  

cctv520

(ئۈرۈمچى شەھەرلىك 17-ئوتتۇرا مەكتەپ دەپمۇ ئاتىلىدۇ)شىنجاڭ تەجرىبە ئوتتۇرا مەكتەپنىڭ ئوقۇتۇش سۈپىتى ھەقىقەتەن بەك ياخشى،بۇنىڭ سەۋەبى مەكتەپ قەرەللىك ھالدا ئاتا-ئانىلار يىغىنى ئېچىپ  ،ئاتا-ئانىلارغا بالىللىرىنىڭ نەتىجىسىنى ۋاقتى ۋاقتىدا خەۋەرلەندۈرۈپ تۇرىدۇ...باشقا مەكتەپلەرنىڭمۇ شىنجاڭ تەجرىبە ئوتتۇرا مەكتەپتىن ئۆگۈنىشىنى ئۈمىد قىلىمەن.

naxtar0405

cctv520 يوللىغان ۋاقتى  2012-12-6 22:34
(ئۈرۈمچى شەھەرلىك 17-ئوتتۇرا مەكتەپ دەپمۇ ئاتىلىدۇ)شىنج ...

ئاتا- ئانىلار ئۆزلىرىنىڭ پەرزەنتلەر ئالدىدا مەڭگۈ ئۇلارنىڭ ئۇستازى ئىكەنلىكىنى ئۇنتۇپ قالماسلىقى كېرەك.

sadiryurti

ئۈلگىنىڭ كۈچى چەكسىز دەيدىغان گەپ بار.ئاتا-ئانا بولغۇچىلار پەرزەنتلىرىمىزنىڭ ئالدىدا ئۆزىمىزنىڭ بۇخىل رولىنى جارى قىلدۇرالىدۇقمۇ يوق؟بۇ ھەممىمىز ئويلىنىشقا تېگىشلىك مەسىلە.

aprin

بالىلارنىڭ خاراكتېرىدىكى بەزى ئالاھىدىلىكلەر  تۇغما بولسىمۇ ، لېكىن كۆپلىگەن ئالاھىدىلىكلەر ئۆسۈپ يېتىلىش جەريانىدا شەكىللىنىدۇ ، شۇڭا بۇ جەھەتتىن ئېلىپ ئېيتقاندا ، ئاتا - ئانىلارنىڭ بالىلارنىڭ خاراكتېرىغا كۆرسىتىدىغان تەسىرى زور بولىدۇ ، ‹ بالىلارنىڭ بىرىنچىسى ئۇستازى ئاتا - ئانا › دېگەن گەپ بىكار ئېيتىلمىغان .
شۇڭا ئەڭ ئالدى بىلەن ئاتا - ئانا بولغۇچىلار بالىلارنىڭ ساغلام پىسخىك ساپا ۋە گۈزەل ئادىمىلىك خىسلەتلەرنى يېتىلدۈرىشىگە ئەھمىيەت بېرىشى كېرەك . ئېينىشتېيىننىڭ شۇنداق بىر سۆزى بار . ‹ مائارىپنىڭ مەقسىدى  مۇتەخەسىس  تەربىيىلەش بولۇپ قالماستىن بەلكى ، ھەقىقى ئىنسانى پەزىلەتكە ئىگە كىشىلەرنى يېتىشتۈرۈش بولىشى كېرەك ›

doska

يازمىڭىزنى ئوقىۋىتىپ مەكتىۋىمدىكى بىر قىزقارلىق ئىككى ۋەقە ئسىمگە كىلىپ قالدى (بەلكىم بۇ بەكرەك ئويلىسا ئاچچىق بىر ساۋاق بولىشى مومكىن )
بىر كۈنى سىنىپتىكى بىر ئوقۇغۇچى تاماكۇ چىكىىپ تۇتۇلۇپ قاپتۇ،بۇ ئەھۋال بىرنەچچە قىتىم تەككرارلانغانمۇ قانداق ،ئوقوغۇچىنىڭ ئاتا -ئانىسى چاقىرتىلىدى ،كۆرۈپ تۇرۇۋاتىمەن ،ئوقوغۇچىىڭ تۇرۇقى ‹‹قىنى نىمە قىلالايسەن ››دىگەندەك ئىنتايىن كۈرەڭ ھالەتتە ،ھىچقانداق بىر خىجىل بولوش ،ئۇيۇلۇش ئالمەتلىرنى كۆرگىلى بولمايدۇ ،تىخى ئىككى قولىنى يانچۇقىغا تىقىۋاپتۇ ،تۇرۇقى دىن ئاتا ئانىسى بىلەن مۇئەللىمىنى تەنقىتلەۋاتقاندەك قىلاتتى ،توۋا دىدىم ئىچىمدە،سىنىپ مۇدىرى بىلەن ئوقوغۇچىنىڭ دادىس بىر ھازامۇڭداشتى ،ئانىسى بولسا نىەقىلارنى بىلەلمەي بالىسىنىڭ ئالدىدا پايپاسلاپ ئۇنىڭغا بىرنىمىلەرنى دەپ يالۋۇراتتى ،بالىدىن ھىچقانداق سادا چىقمىغاننىڭ ئۈستىگە ئانىسىنىڭ ھەرقانداق گىپىنى پىسەنتىگىمۇ ئىلىپ قويمايتتى ،
ئاخردا داسىنىڭ سىنىپ مۇدىرىغا دىگەن مۇ نۇگىپى قۇلىقىمغا كىرىپ قالدى ،
-مۇئەللىم بالامىنىڭ كۆزىگە بەك كىرىۋالمىسىڭىز ،بالامنىڭ بەزى ئىشلىرنى كۆرمەسكە سالسىڭىزمۇ بولىۋىردۇ ئەمەسمۇ؟بالام سەنمۇ دىققەت قىل ،تاماكۇ دىگەننىمۇ مۇئەللىم بار يەردە چەككەن بارمۇ ؟چىكىشكە توغرا كەلسە مۇئەللىم كۆرمەيدىغان يەرگە بىرىپ چەككىن ،بىزنى كۈندە ئاۋارە قىلامسەن مۇشۇنداق،؟بىز خزمەت ئىشلىمىسەك تىخى بولمىسا ،سىنىڭ غەلۋەڭدىن تويۇپكەتتىم مەن ،
ئانىسىمۇ ‹‹بالام، دادىڭىزنىڭ گپىنى ئوبدان ئاڭلاڭ››دىگەن بلدى  
ئاپلا دەۋەتتىم ئىچىمدە ، توۋا دىمەي ئامال يوق ،توساتتىن بالىغا ئىچىم ئاغرىپ قالدى، بۇ بالىغا ئاتا ئانىسى زىيانكەشلىك قىپتۇ ،
يەنە بىر ۋەقەنى كىيىن يوللاي  ،ئىشىم چىقىپ قالدى

zakira

aprin يوللىغان ۋاقتى  2012-12-8 22:42
بالىلارنىڭ خاراكتېرىدىكى بەزى ئالاھىدىلىكلەر  تۇغما ب ...

ھەقىقەتەن توغرا دەيسىز ، بىز بۇ جەمئىيەتتە ھەر خىل كۆز قاراشتىكى ئاتا-ئانىلارنى ئۇچرىتىمىز ، ئۇلارنىڭ بارلىق سۆز -ھەركەتلىرى پەرزەنتلەر ئۈچۈن ئۈنسىز تەربىيە ..

zakira

doska يوللىغان ۋاقتى  2012-12-10 12:09
يازمىڭىزنى ئوقىۋىتىپ مەكتىۋىمدىكى بىر قىزقارلىق ئىكك ...

بىرقىسىم ئاتا-ئانىلار پەرزەنتلىرىنى تەربىيەلەشنى مەكتەپكە ،ئوقۇتقۇچىغىلا ئارتىپ  قويىدۇ ، قاتار چاي ، رەڭلىك ئولتۇرۇشلارغا ۋاقتى باركى پەرزەنتى بىلەن پىكىر ئالماشتۇرۇشقا ،سەيلى ساياھەت قىلىشقا ، دوستانە مۇناسىۋەت ئورنىتىشقا ئەسلا ۋاقتى يوق ... ئۇنىڭ نېمىلەرنى ئارزۇ قىلىدىغانلىقىنى ، كىم بىلەن دوست ئىكەنلىكىنى بىلمەيدۇ ،ئاقىۋەتتە قازاندىن چۆمۈچ چوڭلاپ كېتىدۇ ...

xerin910

بالىنى تۇغۇپلا قويسا ھېساب ئەمەس،ھازىر قىسمەن ئاتا-ئانىلار پەرزەنتلىرىنى مەكتەپكە بېرىۋەتكىنىنى گويا بالىلىرىنى چوقۇم شەرتسىز ھالدا لاياقەتلىك قىلىپ چىقىرىپ بېرىدىغان زاۋۇتقا تاپشۇرۇۋەتكەندەك ،بالىسىدىن چاتاق چىقسا پۈتۈن مەسئۇلىيەت مەكتەپ ۋە مۇئەللىملەر دىدەك قاراشتا.كېچىسى ئاتا-ئانىسىنىڭ سائەت نەچچىدە ئۆيگە كىرگىنىنى سەزمەيدىغان بىچارە سۈپەت بالىلار ،كوچا ئاشخانىلىرىدىن تاماق يەپ ،ئاپىسىنىڭ ناشتىلىقىنى كۆرەلمەي مەكتەپكە يول ئالىدىغان شۇ سەبىيلەر ئاشۇنداق مۇھىت ۋە شارائىتتا قانچىلىك لاياقەتلىك چوڭ بولماقچىدى.....گەرچە مەن تېخى بالىلىق بولمىغان بىر قىز بولساممۇ ،بىراق شۇنداق ئويلايمەن،نىمە بولسا تۇرمۇش ھەلەكچىلىكى،خىزمەت ئالدىراشچىلىقى ،ئادىمگەرچىلىك قىلىدىغان يەرنىڭ تولىلىقىنى باھانە قىلىپ يۈرىدىغان ئاتا-ئانىلار بالىلىرىنىڭ خاتالىقلىرىغىمۇ ئۆزى باھانە ئىزدەپ ،ئۆز كۆڭلىگە ئۆزى تەسەللىي بېرىپ ،ئۆزلىرىچە يول قويۇپ ،ئۆزىنى ئالداپ ياشايدۇ.قېنى بالىلىرىغا چىن تۆمۈر باتۇر ھېكايىسىنى سۆزلەپ بېرىشكە ۋاقتى بار ئاتا-ئانىلار ،قېنى قىزلىرىغا نۇزۇگۇم،رىزۋانگۈلنىىڭ ئىش -ئىزلىرىنى سۆزلەپ بېرىپ ،ئۇلارنى ھايالىق چوڭ بولۇشقا ئۈندەيدىغان ئاتا-ئانىلار،قېنى بالىلىرىنى كىتاپخانىلارغا ئېلىپ بېرىپ ،ئۇلارغا تارىخنى ،مىللەتنى ،مەدەنىيەتنى ئۆز رېتى بىلەن تونۇشتۇرالايدىغان  ئاتا-ئانىلار،قېنى تەتىللەردە بولسىمۇ بالىلىرى ئۈچۈن ۋاقىت ئاجىرتىپ ،ئۇلارغا سەھرا يۈزىنى كۆرسىتەلەيدىغان ،تەبىئەتكە يېقىنلاشتۇرالايدىغان ئاتا-ئانىلار.....ئۇنداق ئالدىراش ئادەم بالا تۇغىمەن دېمەي خىزمەتنى قىلىپ ،ئويۇنىنى ئويناپلا ئۆتمەمدۇ....ئەلۋەتتە دېگەنلىرىم ھەم قىسمەن ئاتا-ئانىلار.بىر ئېغىز گەپ،قېرىغاندا دىل ئازارىغا ،پۇشايمانغا قېلىپ ،بالىلىرىنى يىغىشتۇرۇشقا ماجالى يەتمەي ئاھ ئۇرغاندىن،ياش چېغىدا،كۈچ-مادارى ،ئەقىل-ئىدراكى جايىدا ۋاقتىدا كەلگۈسىگە ئالدىن تەييارلىق كۆرۈپ قويغۇلۇق،بالىلىرىنى ،ئۆزىنىڭ ھەم كەلگۈسى كۈنلىرىنى ئويلاپ قويغۇلۇق....

zilnur

ھازىرقى ئاتا-ئانىلارنىڭ يۈكى راستىنلا ئېغىر .نىمە ئۈچۈن دىگەندە  ھازىر مەكتەپلەردە ئەدەبىيات بىلەن مۇزىكا دەرسىدىن باشقا ھەممە دەر خەنزۇچە . ئاتا-ئانىلار بالىلىرى ئائىلىگە قايتىپ كەلگەندىن كىيىن بالىلىرىغا  ياخشى يىتەكچىلىك قىلىشى كىرەك. بولمىسا مۇئەللىمىدىن دەشنام ئاڭلىشى مۇقەررەر.مەن ئويلايمەن بالىلارنىڭ نوقۇل نەتىجىسىگە ئېسىلىۋالسا  ياخشى نەتىجە چىقمايدۇ.بىزنىڭ ئاتا-ئانىلار ئاۋال ئۆزىنى تەربىيەلەش كىرەك.سۆز تەربىيەسىدىن ھەركەت تەربىيەسىنىڭ ئۈنىمى باشقىچە بۇلىدۇ.ئۇنى قىل ،بۇنى قىل دەپ بالىغا بۇيرۇق  چۈشۈرىۋەرگىچە ،ئۆزىمىز ئۈلگە بۇلىشىمىز كىرەك.