كۆڭۈل لۇغىتى

qaraxaniy

	كۆڭۈل لۇغىتى (خەلق ناخشىچىسى ئابدۇۋېلى داۋۇتقا بېغىشلاپ) قاراخان    قىزلىرىم ...    قاراخان        ئەل ئىچىدە تۇغۇلغان قوشماق مېغىز قىزلىرىم ،       شىرىن-سۇخەن ،سۈلكەتلىك قايماق ئېغىز قىزلىرىم،       تىرىشچان،بەك تەلەپچان،چىچەن چاقماق قىزلىرىم،       ئىپپەتلىك ،پاك نومۇسچان ئېسىل ئەخلاق قىزلىرىم،       خىسلىتىدىن دىلنى يورۇق قىلغان چىراق قىزلىرىم.       ئۆزگە يۇرتقا ئاياغ بېسىپ ئۇنۇتمىغان ئەسلىنى ،      قوش تىل بىلەن تونۇشتۇرغان ئۆزگىلەرگە نەسلىنى،      ئۆز قولىدا يازغان ھەتتا شەجەرىمنى ،ۋەسلىنى،      سۆيۈندۈرگەن،ئەسكە سالغان ،ياشلىغىمنىڭ پەسلىنى،      بېشىمنى كۆك سۆيدۈرگەن ئىپتىخارىم  قىزلىرىم.      ‹‹قىز ئوقۇتقان-ئەخمەق››-دىسە، بولدى يۈرەك مىڭ تىلىم،      مىللەت،جىنىس،ئىرق،ئايرىپ ئولتۇرامدۇ پەن-بىلىم؟      قىز-ئايالنى ئۆيگە قۇل دەپ ئېيىتمىغانغۇ يا  پىرىم؟      قىزنى كەمسىتكەن پېقىرنىڭ بېغىدا يوق بىر جىرىم،     قىز ئۈچۈن تارتقان ،مۇشەققەت ئىختىيارىم قىزلىرىم.    ۋاپا-ۋىجدان بىلەن ياشا ،تاپقىن ئەلدە ئىناۋەت،    قىلما ھەرگىز خۇپىيانە دوستقا،يۇرتقا خىيانەت،   چاڭ-توزاندا بۇلغانمىسۇن دىلىڭدىكى دىيانەت،    ئۈلپىتىڭ كىم؟! قاغا،قۇزغۇن،قېقىنۇسمۇ ،بىل ئەبەد؟    ئائىلەمنىڭ يىلتىز، تۇغى،تىلتۇمارىم قىزلىرىم.    ماختانمىغىن رۇخسارىڭدىن بولسۇن ھايا زىننىتىڭ،    تومارست بول!نۇزۇك بول!ئاشسۇن قەدىر-قىممىتىڭ،    دىل يورۇقى ئاڭدا ئايان ئۆكسىمىسۇن قۇۋۋىتىڭ،    ئەلگە قىلغان مېھنىتىڭنى ‹يەر› قىلمىسۇن مىننىتڭ،    كەلگۈسىمنىڭ ئۈمۈد نۇرى دىلخۇمارىم قىزلىرىم.   يامان كۆزدىن ،ئۆسەك سۆزدىن ئىززىتىڭنى ساقلىغىن،   تومۇرىڭدا ۋەتەن قېنى شۆھرىتىنى ئاقلىغىن...،   ساداقەتنىڭ ئاسمىنىدا ئاي ،چولپاندەك چاقنىغىن،    ھەقىقەتنىڭ قىزى بولغىن ئادالەتنى ياقلىغىن،    مېنى غەمدىن يىراق قىلغان ئەتىۋارىم قىزلىرىم!         2011.5   مەنبە:   ئىجادىيەت ئايلىناي دەپ قىلدىڭ تەسەددۇق، يۈرىگىڭنى كۈندۈز –كېچىگە. ئايدىڭ ئاخشام تەنھا  ئەمەستۇق، ‹‹ھاپىز››نى كىم ئالدى  ئېسىگە. ئەلمىساقتىن غەزەلپەرەستۇق، ئاق سالدى كىم؟ كىمنىڭ چېچىگە. كىم كىمنى دەپ كەچتى جاھاننى، بىۋاپادىن تويغانلىرىڭ ھەق. كۈيلەپ ئۆتسەڭ ئۇيغۇر- تارننى، دىدى ئەلمۇ ‹‹كاززاپ››ئىكەن نەق. ساقايسۇن دەپ ھېسام ياراڭنى ، چاخچىقىنى قىلىپ قويدى تەق. نىمە خىسلەت مۇقام كۈيۈڭدە، ئابلىز شاكىر قايىل بولغۇدەك. نىمە ھېكمەت ئىچكەن سۈيۈڭدە، دۇتتىرىڭغا مۇسا كۆيگۈدەك. دەسمى ئىكەن دۇتتار ئۆيۈڭدە، دىسەم ئاڭا غۇلجا كۈلگىدەك. بوستانلىقنىڭ باغۋېنىمۇسەن، گۈل شارابى چۈشمەس قولۇڭدىن... تىلسىملارنىڭ داۋرىڭىمۇسەن، نۇرى سەيدۇل كەتمەس بويۇڭدىن. سۇنۇق دىلنىڭ تەسۋىرىمۇ سەن، لۇغەت تۈزەي ئېسىل خۇيۇڭدىن . تەلكە ياكى ئېلى دولقۇنى، سەنسىز خىيال سۈرەلمەيدۇ ھېچ. يۈرىگىڭدە سادىر يالقۇنى، قويماس سېنى نازىممۇ تېنچ. سەن ئۇيغۇرنىڭ كۈيلەر سۇلتىنى، ياكى غېنى كۆتەرگەن قىلىچ! نەچچە ئۆلۈپ نەچچە تىرىلدىم، دەرت دەرتمەنگە يېپىشار  شەكسىز. پەدەڭ بىلەن بىللە سېرىلدىم، باش پەدىدە ھېسلىرىڭ چەكسىز. دۇتتار بىلەن تەڭلا يېرىلدىم، دۈتتار ياكى‹‹ مەن››مۇ كېرەكسىز؟! 2012-يىلى5-دېكابىر تولۇقلىما مەزمۇن (2012-12-6 12:10): ئۈمۈدۋار ئەپەندىم بۇ ئىككى پارچە شېئىرنىڭ ماۋزۇسنى ئايرىپ قويسىڭىز؟!

abdusami0629

	ياخشى  تىما  ئىكەن  ،

aprin

	‹ئەل ئىچىدە تۇغۇلغان قوشماق مېغىز قىزلىرىم ،       شىرىن-سۇخەن ،سۈلكەتلىك قايماق ئېغىز قىزلىرىم، ›       كۆڭلى - كۆكسى گوياكى دەريا - دېڭىز قىزلىرىم ،       پەزىلەتكە باي قەلبى ئالتۇن ئېڭىز قىزلىرىم ،       بەختلىكمەن شادلىنىپ بىر كۈلسىڭىز قىزلىرىم . تولۇقلىما مەزمۇن (2012-12-8 22:50): بەرىكەتلىك بولغايسىز .

mikman

	ياخشى يىزىلىپتۇ،

qaraxaniy

	aprin يوللىغان ۋاقتى  2012-12-8 22:50 ‹ئەل ئىچىدە تۇغۇلغان قوشماق مېغىز قىزلىرىم ،       شى ... خۇرسەن بولدۇم شېئىرىڭىزدىن، خىيالچان ئۇز چېھرىڭىزدىن، ئويلىرىمغا ئوپي قوشۇپسىز، قىزغا ئاتاپ مېھرىڭىزدىن....رەھمەت!

barna0997

	ناھايتى   ياخشى   يېزىلىپتۇ  !

a1976681521