مەن بىلەن

zulay

	بورانى جىق ھاياتنىڭ ئۆتەلەمسەن مەن بىلەن ، يىرىپ تۈننى كىچىدە ،تۈنەلەمسەن مەن بىلەن. بىراۋ دىسە توختىغىن بولدى سۆيمە ئۆزگىنى، شۇ بىراۋغا ياق دەپلا سۆيەلەمسەن مەن بىلەن . ئۆزگىلەرنى ئۇچراتساڭ ساھىبجامال بولسىمۇ، شۇ گۈزەلگە قارىماي ئۆتەلەمسەن مەن بىلەن. ئاي بولمىسمۇ سۆيگۈنۈڭ ئاددى بىر تال قىزىل گۈل، شۇ گۈلۈڭنى قەدىرلەپ كۆيەلەمسەن مەن بىلەن. سۆيگە دىگەن يالغان دەپ كىتەر بولسا باشقىلار، شۇ دۇشمەنگە قاپاقنى تۇرەلەمسەن مەن بىلەن . بااغلىرىڭدا جىق بولسا قىزىل ،يىشىل مۇدەنلەر، ئەسلەپ گۈلنى تۇنجى بوپ ئۇزەلەمسەن مەن بىلەن. بىرگە بولسام ئەگەردە ئۇنتۇپ ئەبەد ئۆتمۇشنى، جىمجىت تۇرۇپ ۋىسالنى ساقلالامسەن مەن بىلەن. ئايرىسىمۇ بەزىدە ھىجران ناملىق بىر دوقمۇش، ياق جىنىم ،دەپ قولۇمنى تۇتالامسەن مەن بىلەن. ئىزىلگەندە روھلىرىم ئاغرىق بىلەن ئىڭىراپ، مەدەت تىلەپ سۆيگۈمگە ماڭالامسەن مەن بىلەن. چىدىيالماي ھاياتتىن ئاھ ئۇرغاندا بەزىدە، سەن مىنىڭلا مىنىڭ دەپ تۇرالامسەن مەن بىلەن. كۆزلىرىمدىن ياشلىرىم سىرغىپ چۇشسە بەزىدە، يۈرۈكۈڭدىن ئىزىلىپ يىغلالامسەن مەن بىلەن. يوللۇققاندا مۇشكۈلگە چىدىغىن جان-جىنىم دەپ، بىر سەۋىرنى سەن بىرىپ كۈلەلەمسەن مەن بىلەن. مۇشكۈلى جىق ھاياتنىڭ ئىگىز داۋان بولسىمۇ، قوللۇرۇمنى چىڭ تۇتۇپ چىقالامسەن مەن بىلەن . چۇشەر بولسام ئىگىزدىن شۇنداق بىرەر كۈنلەردە بىرخىل نىيەت- ئارماندا چۇشەلەمسەن مەن بىلەن. باي بولمىسمۇ تۇرمۇشۇڭ گۈلۈڭ بىلەن بىرلىكتە، شۇكرى قىلىپ ھاياتقا چىدالامسەن مەن بىلەن، شەيتان دىسە 'كىچە' دە سېنى مەندىن بىر كۈنى، شۇ شەيتاندىن غالىپ كىپ ياشالامسەن مەن بىلەن. ئايرىلاردا بىرگە بوپ مەندىن كەچمەي مەڭگۈگە، بىر بىشىمدا ياسىننى ئوقالامسەن مەن بىلەن.   مەزكۇر شىئېرنىڭ ئېنىق ئاپتورىنى ئەسكەرتىڭ،مەسئۇل باشقۇرغۇچىدىن

kvyqi

	ئىنتايىن جانلىق يىزىلغان بىر پارچە ئەسەر ،مۇھەھممەتجان راشىدىننىڭ سايىسىنى كۆردۈم بۇ شېئرىدىن !

kusanim

	بەك ياخشى چىقىپتۇ ، ئۆزگىلەرنى ئۇچراتساڭ ساھىبجامال بولسىمۇ، شۇ گۈزەلگە قارىماي ئۆتەلەمسەن مەن بىلەن. ئاي بولمىسمۇ سۆيگۈنۈڭ ئاددى بىر تال قىزىل گۈل، شۇ گۈلۈڭنى قەدىرلەپ كۆيەلەمسەن مەن بىلەن. بۇ مىسرالار ماڭا بەك ياقتى ،

kusanim

	بۇ بىر پارچە شىئىرلا ئەمەس، بەلكى ھەممىمىزگە قۇيۇلغان بىر سۇئال . ئويلىنىشقا تىگىشلىك .....

KARAHANI

	شۇكرى قىلىپ ھاياتقا چىدالامسەن مەن بىلەن، شەيتان دىسە 'كىچە' دە سېنى مەندىن بىر كۈنى، شۇ شەيتاندىن غالىپ كىپ ياشالامسەن مەن بىلەن. ئايرىلاردا بىرگە بوپ مەندىن كەچمەي مەڭگۈگە، بىر بىشىمدا ياسىننى ئوقالامسەن مەن بىلەن. ماۋۇ مىسرالار  ھەقىقەتەن ئادەمنى ئويلاندۇردۇ

bedar

	قەلەم تۇتقان  قوللىرىڭىزغا دەرت كەلمىسۇن.بۇ شېئىرنى بىرلا ئېغىز سۆز بىلەن سۈپەتلەش توغرا كەلسە مېنىڭ دەيدىغىنىم«ئېسىل» دېگەن سۆز.   ئىلھاملار،مۇشۇنداق ياخشى شېئىرلار ئۈزۈلۈپ قالمىسۇن!

بۈيۈكقان

	ياخشى شېئركەن ، ئۆزىڭىز يازغانمۇ  ؟

xax189

	قالتىس يېزىلىپتۇ،      ئۈزىڭىز يازغانمۇ؟

www.315kino.com

	ياخشى   يېزىپ  سىز   دوستۇم     .......... كىنو  كۆرۈش

bayqar

	ئاجايىپ كاتتا شېئىر!  بۇنى يازغان قوللىرىڭىزغا ۋە ئويناق تەپەككۇرىڭىزغا رەھمەت.