يازغۇچى ئايبېك ئۆمەر ئۇيغۇرى «مەدەنىيەت بوستانى» دا ...

aynuri888

	يازغۇچى ئايبېك ئۆمەر ئۇيغۇرى  «مەدەنىيەت بوستانى» دا …          قاراماي شەھەرلىك مائارىپ تەتقىقات ئورنىنىڭ تىل-ئەدەبىيات پەنلىرى بويىچە ئالى تەتقىقاتچى،شائىر ،ئايبېك ئۆمەر ئۇيغۇرى  2012-يىلى 11-ئاينىڭ 9-كۈنى «شىنجاڭ تېلېۋزىيە ئىستانسىسىنىڭ تەكلىپى بىلەن «بالىلار ئەدەبىياتىنىڭ ھېكمىتى ۋە قىممىتى» دېگەن تېمىدىكى سۆھبەتكە داخىل بولدى.بۇ سۆھبەت 11-ئاينىڭ 24-كۈنى ئۈرۈمچى ۋاقتى 7:30دا،شىنجاڭ تېلېۋزىيەسى 5-قانالدا بېرىلىدۇ.ۋاقىپ بولغايسىلەر.          بۇ سۆھبەتتە يازغۇچى  ئايبېك ئۆمەر ئۇيغۇرى ئۆزىنىڭ ئەدەبىي ئىجادىيەت ھاياتىنى بايان قىلغاندىن باشقا،بۈگۈنكى بالىلار ئەدەبىياتىنىڭ تەرەققىيات ئەھۋالى ۋە بالىلار ئەدەبىياتى ئۇچراۋاتقان قېيىنچىلىق ھەم بۇندىن كېيىنكى ئىجادىيەت مۇساپىسى ئۈستىدە ئۆزىنىڭ تەسىراتىنى،قارىشىنى قىسقا ھەم مېغىزلىق بايان قىلدى.   ئايبېك مۇئەللىم  كۆپ يىللاردىن بۇيان نۇرغۇنلىغان شېئىرلارنى يېزىپ، ئوقۇرمەنلەرگە تەغدىم قىلىپ كەلگەن ئىدى  مۇنداقچە قىلىپ ئېيتقاندا،ئۇ قارامايلىقلارنىڭ نەزىرىدىلا ئەمەس، بەلكى ئاپتونۇم رايون تەۋەسىدىكى ئۇيغۇر ئوقۇرمەنلىرى ئارىسىدىمۇ بەلگۈلۈك تەسىر پەيدا قىلغان ھەم ئېتىراپ قىلىشقا ئېرىشكەن شائىر.ئىگىلىشىمىزچە، ئۇنىڭ «ئۇچار تەخسىدىكى مۇقام ئاۋازى» ناملىق تۇنجى بالىلار چۆچەكلىرى توپلىمى 2005- يىلى نەشىر قىلىنىپ، ئاۋمىندا ئۆتكۈزۈلگەن2006-يىللىق «خەلققارا ئاندېرىسون بالىلار ئوقۇشلىقى» شەرەپ مۇكاپاتىغا  ئېرىشكەن ئىكەن.ئۇ  ھازىرقى بالىلار  مۇھتاج بولىۋاتقان ئەدەبىيات ئۈستىدە كونكېرت ئىزدىنىپ، «ئۇچار تەخسىدىكى مۇقام ئاۋازى»، «چۆمۈلىنىڭ دوست ئىزدىشى»،«پەرىشتە بىلەن ئۆتكەن كۈنلەر»،«بادام دوپپىلىق بۇلبۇل»ناملىق ئىجادىي بالىلار چۆچەكلىرى كىتابلىرىنى كەينى-كەينىدىن نەشر قىلدۇردى.بۇ كىتابلار ئىچىدە «پەرىشتە بىلەن ئۆتكەن كۈنلەر»ناملىق چۆچەكلەر توپلىمى ئاپتونۇم رايونىمىزنىڭ «شەرق شامىلى» قۇرلۇشىغا كىرگۈزۈلدى. بۇ يىل يەنە ئۇنىڭ «ھېسامنىڭ ئىلىم-پەن سەپىرى»ناملىق يۈرۈشلۈك كىتابلىرى شىنجاڭ پەن-تېخنىكا نەشىرياتى تەرىپىدىن نەشىر قىلىنىپ تارقىتىلغاندىن كېيىن، بۇ كىتاپ ئىپادىلەش شەكلىنىڭ ئۆزگىچىلىكى، تەسەۋۋۇرغا بايلىقى، يۇمۇرىستىك تۇيغۇغىنىڭ موللىقى، بالىلار تۇرمۇشىغا يېقىنلىقى، تىلىنىڭ يەڭگىل، ئاممىباپلىقى بىلەن ئاپتونۇم رايونىمىزدا بەلگۈلۈك دەرىجىدە غۇلغۇلا پەيدا قىلىپلا قالماي، بەلكى يەنە ئاپتونۇم رايونىمىزنىڭ «شەرق شامىلى» قۇرلۇشىغا كىرگۈزۈلۈپتۇ.   ئايبېك ئەپەندى، يەنە ئاپتونۇم رايونىمىزدىكى تونۇلغان مائارىپ تەتقىقاتچىسى بولۇپ،يېڭى دەرس ئىسلاھىتى يولغا قويۇلغاندىن تارتىپ ھازىرغىچە ئىككى قېتىم ئوتتۇرا مەكتەپ تىل-ئەدەبىيات دەرسلىكلىرىنى تۈزۈشكە قاتناشقان،يېقىندا يەنە «قولاي ئېلىپبە»ناملىق يەرلىك دەرسلىك تۈزۈپ،ھەم بۇ كىتابنى قاراماي  دەرسخانىلىرىدا  سىناق قىلىۋېتىپتۇ .«قولاي لېىپبە» بالىلار تۇرمۇشىغا يېقىنلاشقان ئېلىپبە كىتابى بولۇپ،بالىلار ھەتتا بۇ كىتابقا خەت يېزىپ ئۆگىنەلەيدۇ،بۇ كىتابتا يەنە مىڭ بەش يۈزدىن ئارتۇق تاق سۆزلەر كىرگۈزۈلگەن بولۇپ،ئوقۇغۇچىلارنىڭ سۆز بايلىقىنى ئاشۇرۇشتا بەلگىلىك يېتەكلەش قىممىتى بار. بىز يازغۇچى ئايبېك ئۆمەر ئۇيغۇرىنىڭ ئىجادىيىتىگە زور مۇۋاپىقىيەت تىلەيمىز...

xax189 ھەقىي سالاھىيەتلىك ئەزا

	بالىلارغا ئەجەپ قۇلايلىق بوپتۇ .   مىنىڭمۇ بالىلىق چاغلىرىمغا قايىتقۇم كىلىۋاتىدۇ .

tawpik521

	،ئايبېك ئۆمەر ئۇيغۇرىغا ئامەت ئىجادىيىتىگە ئۇتۇق تىلەيمەن

تۈركىيە

	بۇ يازغۇچىنىڭ قىزى مىنىڭ تۇلۇقسىزدىكى ساۋاقدىشىم.

kusanim

	ئۇنىڭ كىتاپلىرىنى بەك ياقتۇرۇپ ئۇقۇيمەن ،

kusanim

	ئايبىك ئۈمەر مىنىڭ يىزىقچىلىق ئۇقۇتقۇچۇمنڭى ئىلگىركى ئۇقۇغۇچىسى ئىكەن ، بىزنىڭ مەكتەپتە .ۇقۇپتىكەن ئەسلى ، مەن سۈرىتىنى كۈرۈشتىن بۇرۇن ئايال يازغۇچى ئوخشايدۇ ، دەپ قاپتىمەن ،ئاكىمىزنىڭ قەلىمىگە بەركەت تىلەيمەن .

zilnur

	ئايبىڭ ئەپەندىنىڭ بالىلار ئۈچۈن قىلغان ئىشلىرى ،مەڭگۈ دىللاردا ساقلانسۇن!

damkukizi

	مەن ئايبىك ئۆمەرنىڭ كىتابلىرىنى ياقتۇرۇپ ئوقۇيمەن.ئۇنىڭ قەلىمىگە بەرىكەت تىلەيمەن.

taklimakan123

	ئايبىڭ ئەپەندىنىڭ بالىلار ئۈچۈن قىلغان ئىشلىرى ،مەڭگۈ دىللاردا ساقلانسۇن!