شېئىرى تېپىشماقلار

atikam1

شېئىرى تېپىشماقلار
ئەسسالامۇ ئەلەيكۇم ئەلكۇيى مۇنبېرىدىكى  بارلىق  قېرىنداشلار  ھەممىڭلارغا  ئاللاھنىڭ سالامى بولسۇن،،يېقىندىن بىرى ئەلكۇيى مۇنبېرىگە يوللانغان نۇرغۇنلىغان پايدىلىنىش قىممىتى بولغان ئېسىل،نادىر تېمىلارنى ئوقۇدۇق ھەم شۇ تېمىلار ئۈستىدە مۇنازىرە قىلىشدۇق. بەزى تېمىلار بىزلەرنى ئويغا سالسا ،بەزى تېمىلار ئاچچىق يۈتكۈزدى،،،بەزى تېمىلار كۈلدۈرسە ،بەزى تېمىلار يىغلاتتى،،،،مانا مۇشۇنداق قىلىپ مۇنبەرنى ئاۋاتلاشتۇرۇپ كېلىۋاتىمىز.
بۈگۈن مەنمۇ بىر تېما يوللاي  دەپ ئولتۇرسام،،قىزىم ماڭا   بۇ ‹‹ ئۇيغۇر خەلق تېپىشماقلىرى››  دېگەن كىتاپنى  بېرىپ ،سەندىن تېپىشماق سوراپ باقايمۇ ئاپا  دەپ قالدى،،،مەنمۇ شۇ قىزغىنلىقتا ،ئەلكۈيىنىڭ قىزغىنلىقىنى ئاشۇراي  دەپ ھەم بۇ ېپىشماقلارنىڭ جاۋابىنى سىلەر بىلەن تەڭ تاپاي دەپ  ھوزۇرۇڭلارغا سۇنۇپ ئولتۇرۇپتىمەن ،،،
بارلىق تېپىشماقلارنىڭ جاۋابىنى توغرا تاپقانلارغا  100مۇنبەر تەڭگىسى  مۇكاپات  بېرىلىدۇ،،،،،مېنىڭ غەزىنەمدىن بېرىلىدۇ جۇما،،،،،

1. قېشى قارا يۈزى ئاق،
   ساڭا ياردۇر ھەممە ۋاغ.
   چاقنىتىدۇ دىلىڭدا،
   ئۆچمەيدىغان نۇر چىراق.؟

2. قىزىل رەڭلىك بىر قۇتا،
    ئىس چىقىرار  بۇرنىدا.
    ئارقىسىدا  قوللىرى،
    كىرەر  يەرنىڭ باغرىغا.؟

3. كىچىك-كىچىك چىرايلىق،
    گۈللۈك قەغەز تۈگۈنچە.
   ئاچساڭ چىقار ئىچىدىن،
   تاتلىق،شېرىن ئۈزۇمچە.؟

4. كىچىككىنە سومكىغا،
    سالسام مۇھىم سۆزۇمنى.
    يىراق يۇرتقا تېگىپتۇ،
   يۇمۇپ لاچسام كۆزۇمنى.؟

5. كۆتۈرۈلۇپ دېڭىزدىن ،
    كۆككە ئۇچۇپ بارىدۇ.
    كۆكتىن قايتىپ چۇشكەندە،
    ھەممە گىياھ قانىدۇ.؟

6. كۆكتە پاختا لەيلەيدۇ،
   گاھ چۇشىدۇ،ئۆرلەيدۇ.
   ئۆز شەكلىنى ئۆرگەرتسە،
   ئېتىز-باغلار كۆكلەيدۇ.؟

7. كۆز بىلەن كۆرەلمەيسىز،
   قول بىلەن تۇتالمايسىز.
   سىز ئۇنىڭدىن ئايرىلىپ،
بىر مىنۇت ياشالمايسىز.؟

8. كۈندۈزى كۈنگە قاراپ،
   ئاخشىمى ئايغا باقار.
   پەرۋىش قىلىپ ئۆستۇرسەك،
   مايلىرى سۇدەك ئاقار.؟

9. گۇمبەز ئوخشاش بىر ئايۋان،
   ئىچىدە بار بىر يىلان.
   ئۆزى سۇغا چۆكۇكلۇك،
   ئاغزىدا ئوت چىشلەكلىك. ؟

10. مېڭىپ-مېڭىپ تىنمايدۇ،
     ھېرىشنىمۇ بىلمەيدۇ.
     بارىدىغان جايىغا،
     زادىلا  يېتەلمەيدۇ.؟

مەنبە: ‹‹ ئۇيغۇر خەلق تېپىشماقلىرى››   دېگەن كىتاپتىن ئېلىپ رەتلەندى

aysakam

5. كۆتۈرۈلۇپ دېڭىزدىن ،
    كۆككە ئۇچۇپ بارىدۇ.
    كۆكتىن قايتىپ چۇشكەندە،
    ھەممە گىياھ قانىدۇ.؟

بۇ بۇلۇتقۇ دەيمەن ھە .كاللام شۇنىڭغا يەتتى مېنڭ

aysakam

8. كۈندۈزى كۈنگە قاراپ،
   ئاخشىمى ئايغا باقار.
   پەرۋىش قىلىپ ئۆستۇرسەك،
   مايلىرى سۇدەك ئاقار.؟

مونۇ ئاپتاپ پەرەس ئوخشايدۇ.10
. مېڭىپ-مېڭىپ تىنمايدۇ،
     ھېرىشنىمۇ بىلمەيدۇ.
     بارىدىغان جايىغا،
     زادىلا  يېتەلمەيدۇ.؟

ماۋۇسى چوقۇم سائەتقۇ دەيمەن ھە.تېپىشماق تاپمىغىلىمۇ ئۇزۇن يىللار بوپتىكەن،توغرا بولسا مۇكاپاتىم بادۇ

xax189 ھەقىي سالاھىيەتلىك ئەزا

كىچىك-كىچىك چىرايلىق،
گۈللۈك قەغەز تۈگۈنچە.
ئاچساڭ چىقار ئىچىدىن،
تاتلىق،شىرىن ئۈزۈمچە،

بۇ كەمپۈتغۇ دەيمەن  شۇنداقمۇ؟

xax189 ھەقىي سالاھىيەتلىك ئەزا

كۆز بىلەن كۈرەلمەيسىز،
قول بىلەن تۇتالمايسىز.
سىز ئۇنىڭدىن ئايرىلىپ،
بىر مىنۇتمۇ ياشىيالمايسىز.

بۇ ھاۋا توغرىمۇ؟

khan ھەقىي سالاھىيەتلىك ئەزا

كونا، پىشقەدەم ئەزالار، يوقاپ كەتمەي مۇشۇنداق كېلىپ تۇرايلى. سوۋغاتلارمۇ مۇشۇنداق تۆكۈلۈپ تۇرسۇن

بۈيۈكقان

9. گۇمبەز ئوخشاش بىر ئايۋان،
    ئىچىدە بار بىر يىلان.
    ئۆزى سۇغا چۆكۇكلۇك،
    ئاغزىدا ئوت چىشلەكلىك. ؟
         
   بۇ چوقۇم پىتىلىك كىرسىن چىراق .  

لەزىينەھ

1. قېشى قارا يۈزى ئاق،
   ساڭا ياردۇر ھەممە ۋاغ.5. كۆتۈرۈلۇپ دېڭىزدىن ،
    كۆككە ئۇچۇپ بارىدۇ.
    كۆكتىن قايتىپ چۇشكەندە،
    ھەممە گىياھ قانىدۇ.؟

6. كۆكتە پاختا لەيلەيدۇ،
   گاھ چۇشىدۇ،ئۆرلەيدۇ.
   ئۆز شەكلىنى ئۆرگەرتسە،
   ئېتىز-باغلار كۆكلەيدۇ.؟

7. كۆز بىلەن كۆرەلمەيسىز،
   قول بىلەن تۇتالمايسىز.
   سىز ئۇنىڭدىن ئايرىلىپ،
بىر مىنۇت ياشالمايسىز.؟


   چاقنىتىدۇ دىلىڭدا،
   ئۆچمەيدىغان نۇر چىراق.؟

بۇ دەپتەرنىڭ ۋارىقىغۇ دەيمەن

لەزىينەھ

قالايمىقان بۇلۇپ كەتتى

لەزىينەھ

1. قېشى قارا يۈزى ئاق،
   ساڭا ياردۇر ھەممە ۋاغ.
   چاقنىتىدۇ دىلىڭدا،
   ئۆچمەيدىغان نۇر چىراق.؟

بۇ دەپتەرنىڭ ۋارىقىغۇ دەيمەن