لۇتۇندەك بىر ياشاپ باققۇم بار

qaraxaniy

	لوتۇندەك بىر ياشاپ باققۇم بار... (ۋەتەنپەرۋەر شائىر لۇتپۇللا مۇتەللىپ تەۋەللۇتىنىڭ 90يىللىقىنى خاتىرلەپ...) قاراخان بوۋام ئەمەس دوستۇم دىسەم لوتۇننى ، دوستقا لايىق ۋەزنىم يوقكەن ئويلىسام. ئاقارتىپتۇ يىللار ساقال بۇرۇتۇمنى، لۇتپۇللادەك يىلغا سۇئال قويمىسام. بايرونمۇ ئۇ كازاكلاردىن تۇغۇلغان، تاڭجارىق -ئۇ قازاقلاردىن تۇغۇلغان، ئىنسانىيەت شائىرىكەن ئەسلىدە ، گويا ساندور فىتوپىدۇر بوغۇلغان. مەن ئۇنىڭدەك سۈرگۈن بولۇپ باقمىغان، ئوتتا كۆيۈپ، ئەل سۈيىدە ئاقمىغان. ‹‹مىرزا قاماق›› تۈرمە، زىندان دىگەنگە، چۈشۈمدىمۇ بىر رەت كىرىپ ياتمىغان. لوتۇن ئۈچۈن ھەپسە ساراي ئەمەسقۇ، ئەل بىلەن تەڭ ئالماق قىيىن نەپەسقۇ. يۈرىگىنى مەشئەل قىلغان دانكودەك، مەندە يوقكەن شامچىلىك بىر  ھەۋەسقۇ. ئاتا-ئانا قېرىنداشتىن ۋەتەننى ، ئۇلۇغ بىلىپ سالدى ئىشكەل كىشەننى. ئەل ئوغلىكەن بۆشۈگىدە يېتىلگەن، كۆرمىدىممەن ئۇنداق شائىر چىچەننى. قىزىلگۈلدەك ھاياتىنى چەيلىگەن ھېكىمنۇرنىڭ يۈرىگىدە مەن تىكەن. ئەلەم شۇكى بىزدىن چىقتى مۇناپىق، قالمىدىغۇ يات ئالدىدا يۈز دىگەن. ئاخىرەتتىن قايتىپ كەلسە ئەگەردە، ئاڭا ھەمرا بولار ئىدىم ھەريەردە. شائىرىنى قوغدىيالماس بۇ ئەلنىڭ، ھالى قانداق بولار ئىكىن مەھشەردە؟! ئانا يۇرتنىڭ تۈندە چاققان چاقمىقى، چىنارىمنىڭ جۇدۇن سوققان ياپرىقى. دۈنيا قايىل باھادىر،مەرت ئوغلانغا، غورۇرۇمنىڭ لەپىلدىگەن بايرىقى.                                           پەرۋا قىلماي مىلتىق بىلەن قىلىچقا،                                         << تەنسىتوڭ>>دەك قەسەم قىلغان بۇرۇچقا.                                         قانخور تىمساخ ئاغزىدەك چوڭ جادۇ ھەم،                                           جاللاتنىمۇ قويغان ئاچچىق  نومۇسقا. قارا يەرنىڭ بولۇپ كەتكەن قايمىقى، ئاڭا مۇشتاق ئۈچ ۋىلايەت ئايمىقى. <<ماۋزېدوڭ>>مۇ ھېجرانىغا چىدالماي، دىگەن ئۇنى ئەلنىڭ ئۆلمەس بايلىقى. ئەلەمدار ۋە قەلەمدار سەن نىلقىلىق، سېنى ئەسلەپ كۆزۈم تولدى ياشقا لىق. سەندەك ياشاپ ئۆتەي مەنمۇ ئەل ئۈچۈن، شېئىرلىرىڭ بىزگە ئۈنسىز  چاقىرىق! 2012-يىلى 16-نويابىر تولۇقلىما مەزمۇن (2012-11-12 23:57): ئۇ ئىدىغۇ جەسۇر قاينام ئۆركىشى، تۈن قوينىدا ئىڭرىغانلار دىلكىشى. ئۇچقۇن ئىدى رەقىبلەرنىڭ كۆزىدە، يىللارنى ئۇ ئوسال قىلغان ئەر كىشى. كىچىگىدىن ئىدى سەنئەت خۇمارى، ھۆرلۈكنى ئۇ قىلغان ئەلنىڭ شۇئارى. ئەر دۈشمىنى ياندا تۇرۇپ بىلىنمەس، لەنەت بولسۇن خائىن چىقتى نىگارى

qaraxaniy

	كەتتى قارا يىل قوينىدا بەس شېھىت ، ئۇنىڭ ئۈچۈن قاقشاپ، يازساقمۇ بېيىت. ياندا بارنى قەدىرلىمەك غەنىمەت، قەدىرلىسەڭ ھىجرانىڭمۇ  بولۇر  ھېيت

akkaniyat

	ھەي، بىر يىللاردا بەك داغدۇغا بىلەن ئۆتكۈزۈلەتتى بۇ شائىرنىڭ خاتىرە كۈنى. ئەمدىلىكتە سۈكۈت ئىچىدە ئۆتمەكتە.

بۈيۈكقان

	بارىكاللا دوستۇم .......      پەخىرلىك ئوغلانلىرىمىزنى قانچىلىك مەدھىلىسەكمۇ ئازلىق قىلۇر ، بۈيۈك ئەجدادلىرىمىز قەلبىمىزدە مەگگۈ ياشىسۇن ...!

xamxar901

	ھازىر  ئاڭلىسام رەھمەتلىكنىڭ  قەۋرىسىمۇ  تارىخقا ئايلىنىپ  قالاي  دەپتىغۇ؟! ئاقسۇلۇق قېرىنداشلار بۇ راسما؟

خالئدە

	مەندە ئىلگىرى ئۅزەم ياقتۇرۇپ ساقلىۋالعان بىر يۇرۇش رەسىملىرى بار ئىدى، يوللاشنى بىلمەيدىكەنمەن ،

keliqbuhra

	بۇ ئادەمنىڭ قەۋرىسىنى ياسايدىغان ، بىر  بايمۇ چىقمىغان بولسا ... تۈگەشتۇقمۇ نىمە

yvsvpjan

	‹‹لەنەت بولسۇن خائىن چىقتى نىگارى››؟ قايسى ‹‹نىگارى››؟! شائىرنىڭ ئايالى سوفىيە(كۇچالىق) شائىر قەتلى قىلىنغاندا كۇچادا ئاتا-ئانىسىنىڭ ئۆيىدە تۇغۇتلۇق ئىدى. ئۇ ھەتتا شائىرنىڭ ئۆلۈمىنىمۇ كېيىن بىلگەن. يەنە بىرى، بۇ ئېسىل شېئىرنىڭ يېزىلغان ۋاقتى خاتا بولۇپ قالمىغاندۇ؟2012-يىلى 16-نويابر(11-ئاينىڭ 16-كۈنى ) تېخى كەلمىدى، بۈگۈنمۇ تېخى 11-ئاينىڭ 13-كۈنى.   ئومۇمەن، بۇ شېئىر ماڭا ياقتى! شائىرنى ئەسلەپ قالدىم...   قىزىلگۈلدەك ھاياتىنى چەيلىگەن ھېكىمنۇرنىڭ يۈرىگىدە مەن تىكەن. ئەلەم شۇكى بىزدىن چىقتى مۇناپىق، قالمىدىغۇ يات ئالدىدا يۈز دىگەن. ئاخىرەتتىن قايتىپ كەلسە ئەگەردە، ئاڭا ھەمرا بولار ئىدىم ھەريەردە. شائىرىنى قوغدىيالماس بۇ ئەلنىڭ، ھالى قانداق بولار ئىكىن مەھشەردە؟!

naxtar2

	توۋا   شۇمۇ گەپ بولدىمۇ ئەمدى نوچى بولساڭ ئۆزۇڭ يازساڭ بولمامدۇ؟ قەچانغىچە مۇشۇنداق بىر بىرىمىزنى ياراتماي يۇرىيمىز.............

atikam1

	ئوت  يۈرەك ،ۋەتەنپەرۋەر شائىر لۇتپۇللا مۇتەللىپ تەۋەللۇتىنىڭ 90يىللىقىنى خاتىرلەپ  يازغان بۇ شىېرنى  بەك ياقتۇرۇپ ئۇقۇدۇم،،،،رەخمەت سىزگە ،،،بۇ شىېرىڭىز  كىشىنى ئويلاندۇرىدىكەن،،،،،مانا مۇشۇنداق ئېسىل شىېرلىرىڭىزنى  مۇنبەردىن ئايىمىغايسىز،،،