يىغلاش ۋە كۈلۈشنىڭ سەۋەبى

bedar

	يىغلاش ۋە كۈلۈشنىڭ سەۋەبى     بىر قېتىملىق دەرىستە  پىراففىسور دەرىس باشلاشتىن ئاۋال كۆپچىلىككە ناھايىتى قىزقارلىق بىر ھېكايە سۆزلەپ بەردى.ھېكايە ئاياقلاشقاندىن كېيىن بەزىلەر قورسىقىنى تۇتۇپ قاقاقلاپ كۈلدى،بەزىلەر بوش ئاۋازدا كۈلدى،يەنە بەزىلەرنىڭ يۈزىدە تەبەسسۇم جىلۋىلەندى.ئومومەن،كۆپچىلىكنىڭ ھەممىسى خۇشال بولۇشتى.   ئون بەش مىنۇتتىن كېيىن پىراففىسور بۇ ھېكايىنى يەنە بىر قېتىم سۆزلىدى.بۇ قېتىم پەقەت بىر نەچچە ئادەملا قاقاقلاپ كۈلدى،يەنە بىر نەچچىسى يېنىك كۈلۈمسىرەپ قويدى،ئەمما كۆپىنچە ئادەم بىر –بىرىگە ئەجەبلىنىپ قاراشتى،ھەتتا بەزىلەر قاپىقىنى تۈردى،ئۇلار پىراففىسور بەك ھاياجانلىنىپ كېتىپ بايا نېمە سۆزلىگىننى ئۇنتۇپ قالغان بولسا كېرەك دەپ ئويلاشتى.   يېرىم سائەتتىن كېيىن پىراففىسور بۇ ھېكايىنى باشتىن –ئاخىر يەنە بىر قېتىم سۆزلىدى،لېكىن بۇ قېتىم بىرمۇ ئادەم   كۈلمىدى.بۇ ۋاقىتتا پىراففىسور ھەممەيلەنگە بىر قۇر كۆز يۈگۈرتىۋەتكەندىن كېيىن كۈلۈمسىرەپ تۇرۇپ:« سىلەر ئوخشاش بىر قىزقارلىق ئىش ئۈچۈن داۋاملىق كۈلىۋەرمەيسىلەر،ئەمما نېمىشقا ئوخشاش بىر سەۋەب تۈپەيلى دائىملا ئازاپلىنىپ ياش تۆكىسىلەر؟»دېدى.              مەنبە:تەرمىلەر ژورنىلى

0998bahar

	ئادەمگە خۇشاللىققا قارىغاندا ئازاپنىڭ تەسىر قىلىشى كۈچلۈك بولسا كېرەك.

bahit0998

	مىنىڭچە ھەممىمىز ئادەتتە خۇشاللىق ئىشلارنى تىز ئۇنتۇپ قالىمىز ، بىراق ئازاپلىق ئىشلارنى بەلكىم بىر ئۆمۈر ئۇنتىيالماسلىقىمىز مۇمكىن .

maripat0996

nurzat320

	بەلكىم ئازاپنىڭ بىزگە بەرگەن تەسىرى بەك چوڭقۇر بولۇپ كەتسە كىرەك.

bedar

	nurzat320 يوللىغان ۋاقتى  2012-11-3 22:21 بەلكىم ئازاپنىڭ بىزگە بەرگەن تەسىرى بەك چوڭقۇر بولۇپ ك ... نېمىشقا قارشى يۆلنىشتىن چىقىپ ئويلاپ باقمايسىز؟ئازابنىڭ بىزگە بەرگەن تەسىرى  بەك چوڭقۇر بولغاچقا كۆپ ئويلامدۇق ياكى بىز دائىملا شۇ ئازابلىق ئىشنى ئويلاۋەرگەچكە تەسىرى چوڭقۇر بولۇپ كېتەمدۇ؟

dilhux2

	مىنىڭچە ئازاپنىڭ بىزگە بەرگەن تەسىرى بەك چوڭ بولغاچقا بەك كۆپ ئويلايمىز مىكىن دەيمەن.

yvsvpjan

	شادلىقنى دېمىسە دەرد نەدە؟!...

atikam1

	ئازاپنى بىزمۇ ئۇنتالمايمىز،،،،ئۇمۇبىزگە بەك تەسىر قىلىدۇ،،،

زامانتاش

	مىنىڭچە  يىغلاشنى، ئازابلىنىشنىمۇ   بىلىپ قويغۇلۇق.  شۇنداق بولغاندىلا  كۈلكىنىڭ قممىتى بۇلىدۇ.