ئاۋازىڭ تۆگۈلسە مەيدانلار ئارا
-بوكىس تىرنىرى ئابلىكىم ئابدۇرىشىتقا مەرسىيە-
زەئىپلىك دىللارنى قىلغاندا يارا،
بوكىس پەلىيىدىن چاقناتتىڭ غۇرۇر.
ئىشەنچ-جاسارەتكە يۆگەپ چىدامنى،
قەد كرىىپ ياشىدىڭ جەڭگاھتا مەغرۇر.
قولۇڭدا لەپىلدەپ مەرتلىك بايرىغى،
نى ئىگىز تاغلارنى قىلاتتىڭ گۇمران.
ئاۋازىڭ تۆگۈلسە مەيدانلار ئارا،
بىر بەلۋاغ تاقايتتى يەنە ھۆكۈمران.
ئەللىك تۆت يىلىڭنى تاشلاپ كەينىڭگە،
ئۉلمەكلىك بەختىگە بولدۇڭ مۇيەسسەر.
سەن ئاتقا مىندۈرگەن چەۋەندازلىرىڭ،
قامچىسىز قالغانعا مۇڭلۇق ئىسەدەر.
تىڭىرقاش،گاڭگىراش قۇرماقتا بارگاھ،
بوينىنى قىسماقتا يىتىم شەرەپ-شان.
ئىسمىڭ بار ۋەتىنىم دىگەن سادادا،
ئەي ئۇيغۇر نەسىللىك ئۇيغۇر قەھرىمان.
سەن بىلىپ ياشىدىڭ شەرەپ-نومۇسنى،
ئەقىدە نۇرلىرى تۇرغاچقا پارلاپ.
باھادىر چوققىلار ياسىدىڭ تىنماي،
ھەر بىر تاش،ھەر گىياھ تۇرغۇسى يادلاپ.
قوشۇمچە: ئابلىكىم ئابدۇرېشىت ئاكا شىنجاڭ بوكىس كوماندىسىدىكى بىر قىسىم ئەزالار بىلەن روزى ھېيت كۈنى بىرگە ۋاقتى
يوللىغان ۋاقتى 2012-10-24 13:31:31
