بۈگۈن ياپونىيىدە يەنە بىر ئۇيغۇر زەپەر قۇچتى

YAWAKEPTER917

	ياپونىيىدە ئوقۇۋاتقان ئوقۇغۇچىلاردىن مۇھەممەت تاش تۇنجى بولۇپ ئۇيغۇرلاردىن جەمئىيەتشۇناسلىق پەنلىرى بويىچە دوكتورلۇق ئۇنۋانىغا ئېرىشتى. 1980-يىللاردىن كېيىن نۇرغۇنلىغان ئۇيغۇرلار ياپونىيە كېلىپ ئوقۇش پۇرسىتىگە ئېرىشتى. ياپونىيىگە كېلىپ ئوقۇش پۇرسىتىگە ئېرىشكەن ئۇيغۇر ئوقۇغۇچىلارنىڭ كۆپ قىسمى تەبىئىي پەن ساھەسىدىكى ئوقۇغۇچىلار بولۇپ، ئۇلارنىڭ ئىچىدىكى پەقەتلا بىر قىسمى ئىجتىمائىي پەن ساھەسىدىكى ئوقۇغۇچىلاردۇر. مەلۇماتلارغا قارىغاندا، ھازىرغىچە ياپونىيىدە تەبىئىي پەن ساھەسىدە دوكتورلۇق ئۇنۋانىغا ئېرىشكەن ئۇيغۇرلار ئىككى يۈز نەپەردىن ئارتۇق بولۇپ، ئۇندىن باشقا ئىجتىمائىي پەن ساھەسىدە تىل-ئەدەبىيات، تارىخ، پەلسەپە ۋە مائارىپشۇناسلىق قاتارلىق كەسىپلەردە ئاز بىر قىسىم ئۇيغۇرلارلا دوكتورلۇق ئۇنۋانىغا ئېرىشكەن. مۇھەممەت تاش 1974-يىلى غۇلجىدا تۇغۇلغان، 1996-يىلى مەركىزى مىللەتلەر ئۇنىۋېرسىتېتىنىڭ تەييارلىق سىنىپىغا قوبۇل قىلىنغان ۋە بىر يىلدىن كېيىن غەربىي شىمال پىداگوكىكا ئۇنىۋېرسىتېتىنىڭ سىياسى-قانۇن فاكۇلتېتىنىڭ سىياسىي-ئىدىيۋىي تەربىيە كەسپىگە قوبۇل قىلىنغان. 2001-يىلى 6-ئايدا تولۇق كۇرسىنى تاماملاپ، شۇ يىلى 9-ئايدىن 2002-يىلى 6-ئايغىچە بېيجىڭ تىل-مەدەنىيەت ئۇنىۋېرسىتېتىدا ياپون تىلى كەسپىدە ئوقۇغان. 2002-يىلى 10-ئايدا ياپونىيىگە ئوقۇشقا كەلگەن. 2003-يىلى 4-ئايدىن 2012-يىلى 10-ئايغىچە ياپونىيە ئوتتۇرا زېمىن ئۇنىۋېرسىتېتىدا جەمئىيەتشۇناسلىق كەسپىي بويىچە ماستىرلىق ۋە دوكتورلۇقتا ئوقۇغان. ئۇ ئالتە يىلغا يېقىن ۋاقىت سەرپ قىلىپ تۈركىيىنىڭ قەيسىرى شەھىرىدىكى ئۇيغۇرلارنى مەركەز قىلغان ھالدا تەتقىقات ئېلىپ بېرىپ، دوكتورلۇق دىسسېرتاتسىيىسىنى ئوڭۇشلۇق تاماملاپ، مانا بۈگۈن جەمئىيەتشۇناسلىق پەنلىرى بويىچە دوكتورلۇق ئۇنۋانىغا ئېرىشتى. مۇھەممەت تاشنىڭ دېسىرتاسىيىسى تۈركىيىدىكى ئۇيغۇر دىئاسپورا توپلىمى توغرىسىدىكى مەدەنىيەت ئانتىرپولوجى تەتقىقاتى، ئورتاق مەدەنىيەت ئاساسىدىكى ساھىپخان جەمئىيەت بىلەن بولغان مۇناسىۋىتى ھەققىدە يېزىلغان ماقالە بولۇپ، ئاپتور ماقالىسىدە تۈركىيىدىكى ئۇيغۇر كۆچمەنلەر مۇناسىۋىتى بىلەن تۈركىيە جەمئىيىتىدىن ئىبارەت ئىككى جەمئىيەتنى سېلىشتۇرۇش ئارقىلىق تۈركىيىنىڭ قەيسىرى شەھىرىگە كۆچۈپ كەلگەن ئۇيغۇر جەمئىيىتىگە بولغان مەدەنىيەتشۇناسلىق تەكشۇرۈشىگە ئاساسەن، دىئاسپورا توپلىمى ئارىلىقتىكى ساھىپخان جەمئىيەتتە، كۆچمەنلەر توپلىمى ئىجتىمائىي بېسىمغا ئۇچرىمىغانلىقىنىڭ ئۈستىگە، ئۆزىنى ساقلاپ قالغان. يەنى ئاسسمىلياتسىيىنى قوبۇل قىلمايمۇ، جەمئىيەتنىڭ چەتكە قېقىشىغا ئۇچرىمىغان.دەپ كۆرسەتكەن.

kipakqi ھەقىي سالاھىيەتلىك ئەزا

	يەنە بىر دوكتۇرىمىز ئاۋۇپتۇ، رەھمەت !

تۇركىنە

	مۇبارەك بولسۇن! ئاللاھ ئىىلم ئۇچۇن ئېلنغان ھەربىر قەدەمگە ئاسايىشلىق بەرسۇن!!

doska

	ناھايتى ياخشى بوپتۇ ،بىراق بۇ ئالىمىمىزنىڭ دۆلىتىمىزدە تىگىشلىك ئورونغا ئىرىشەلىشى ناتايىن جۇمۇ،

zilnur

	مۇبارەك بولسۇن .يەنە بىر ئالىمىمىز كۆپىيىپتۇ.

moon

	مۇبارەك بولسۇن !

nurgul1 ھەقىي سالاھىيەتلىك ئەزا

	مۇبارەك بولسۇن

qologle

	مۇبارەك  بولسۇن ،  ئۇيغۇرۇم   كۆكلەپ كەت .

okoguqi9

	ياشا ئۇيغۇرۇم !

arslani

	كۆكلەي دىسەڭ ئۇيغۇرۇم سۇ بولايمۇ يىلتىزمۇ ؟