|
مۇھەببەت دۇئاسى تۈركچىدىن ئۇيغۇرچىلاشتۇرغۇچى:مەلەك
ئەي رەببىم!بىر ئىنسان قوي قەلبىمگە،ئەمما ئۇ ئىنسان سېنىڭمۇ سۆيگۈنىڭ بولسۇن!
ۋە ماڭا شۇنداق بىر ئىنساننى سۆيدۈركى،ئۇ ئىنساننىڭ قەلبى سەن بىلەن سۆيۈشكەن بولسۇن .
مېنى شۇنداق بىر ئىنسان بىلەن تېپىشتۇركى،مەندىن بۇرۇن ئۇنىڭ بىلەن تېپىشقان پەقەت سەن بولغىن.
ئۇنىڭ بىلەن قول تۇتۇشقىنىمىزدا ئۈستىمىزدە سېنىڭ قولۇڭ بولسۇن !
ماڭا شۇنداق بىر كۆزلەرنى كۆرسەتكىنكى ،مەن ئۇ كۆزلەردىن ساڭا قاراي.
ماڭا شۇنداق بىر سۆيۈملۈكنى بەرگىنكى ئۇنىڭ كۆزلىرى جەننەتكە ئېچىلغان دەرىزە بولسۇن !
ئۇنىڭ بىلەن شۇنداق بىر يولدا ماڭايكى،يول باشلىغۇچىمىز پەقەت سەن بولغىن ئەي رەببىم !
ماڭا شۇنداق بىر سۆيۈملۈكنى بەرگىنكى ئۇنى قۇچاقلىغىنىمدا پۈتكۈل كائىنات بىزگە باقسۇن،بىربىرىگە گىرە سالسۇن !
سۆيگۈمىز بۆرە بىلەن قوزىچاقنى ياراشتۇرسۇن،بىزگە قاراپ شەيتان ئادەمگە سەجدە قىلسۇن !
گۇناھلار ساۋاپ ئۈچۈن ئۆزىنى قۇربان قىلسۇن!
ئۆلۈكلەر بىردىن بىردىن ئويغانسۇن سۆيگۈمىزدىن.
بىزگە شۇنداق بىر سۆيۈملۈكنى بەرگىنكى ئەي رەببىم !
سۆيگۈمىزدە پەيغەمبىرىمىز( ئۇنىڭغا سالاملار بولسۇن ) سۆيۈلسۇن !
شۇنداق سۆيەيلىكى بىر بىرىمىزنى، ھەزرىتى خەدىچە ئانىمىز سامادىن بىزگە قاراپ :" قارىغىنە ، ئەي مۇھەممەت ( ئۇنىڭغا سالاملار بولسۇن) شۇ ئاشىقلارغا،ئۇلار بىز بىلەن بىللەدۇر،بىز ئۇلار بىلەن .
قارا،مۇھەببىتىمىز يەر يۈزىدە يەنە بىر قېتىم تەكرار ياشاۋاتىدۇ ،ئاللاھ بىزنىڭ مۇھەببىتىمىزدىن شۇنداق رازىكى ،بىزنىڭ مۇھەببىتىمىزنى مىڭلارچە ئىنساننىڭ قەلبىگە سېلىۋاتىدۇ . ئامىيىن !! ئەسكەرتىش: ھەر قانداق تور بەتكە كۆچۈرۈشكە بولمايدۇ! | 
يوللىغان ۋاقتى 2010-6-17 18:43:32
