يان تېلفۇن قىسقا ئۇچۇرىغا ئائىت قانۇنىي مەسىلىلەر توغرىسىدا

rixta0995

	[align=justify] يان تېلىفوننىڭ ئومۇملىشىشىغا ئەگىشىپ، يان تېلىفون قىسقا ئۇچۇرى ھازىرقى زامان كىشىلىرىنىڭ كۈندىلىك تۇرمۇشىدا كەم بولسا بولمايدىغان ئالاقە ۋاستىسىگە ئايلىنىپلا قالماستىن، يەنە يېڭى ۋە تېز بولغان ئاممىۋى تارقىتىش ۋاستىسىگە ئايلاندى. لېكىن شۇنىڭغا ئەگىشىپ، ئۇ بىرقىسىم كىشىلەر تەرىپىدىن ئاسانلا ناتوغرا ئىشلىتىلىپ، پۇقرالارنىڭ ئاساسىي قانۇن يول قويغان ئالاقە ئەركىنلىكى، سۆز ئەركىنلىكى قاتارلىق ھوقۇق دائىرىسىدىن ھالقىپ كېتىپ، كىشىلەرنىڭ نورمال تۇرمۇشىغا دەخلى - تەرۇز قىلىپ قالماستىن، يەنە پۇقرالارنىڭ ھوقۇق - مەنپەئىتىنى يېڭى بىر تەھدىتكە يۈزلەندۈرمەكتە. يان تېلىفون قىسقا ئۇچۇرى يېزىق ئارقىلىق دەل ۋاقتىدا ئالاقىلىشىشنى ئەمەلگە ئاشۇرىدۇ. يان تېلىفون قىسقا ئۇچۇرىنىڭ تېز، مەخپىي، قولايلىق، قىزىقارلىق بولۇشتەك كۆپ تەرەپلەردىكى ئارتۇقچىلىقى ئۇنى ھازىرقى زامان كىشىلىرىنىڭ ئۇچۇر ئالماشتۇرۇشىدىكى مۇھىم ئالاققە شەكلىگە ئايلاندۇردى. ئالاقە مەخپىيەتلىكىنى كاپالەتكە ئىگە قىلىش ئاساسىي قانۇن ۋە قانۇنلاردىكى پۇقرالارنىڭ شەخسىي تۇرمۇش ۋە مەخپىيەتلىك ھوقۇقىنى قوغداشنىڭ بىر مۇھىم تەرىپى. شۇڭا، قىسقا ئۇچۇر تارقاتقۇچى ۋە قوبۇل قىلغۇچى قىسقا ئۇچۇرنى بىر خىل ئالاقە ۋاستىسى قىلغاندا، ئاساسىي قانۇندا بەلگىلەنگەن ۋە كاپالەتكە ئىگە قىلىنغان ئالاقە ئەركىنلىكىدىن بەھرىمەن بولۇشى لازىم. زامانىۋى ئۇقۇمدىكى ئالاقە ئەركىنلىكى كىشىلەرنىڭ خەت - چەك قاتارلىق ئەنئەنىۋى ۋاستىلەرنى قوللىنىشىنى ئۆز ئىچىگە ئېلىپلا قالماستىن، يەنە كىشىلەرنىڭ تېلېفۇن، ئېلېكترونلۇق يوللانما قاتارلىق زامانىۋى ۋاستىلەر ئارقىلىق قىلغان ئالاقىسىنىمۇ ئۆز ئىچىگە ئالىدۇ. ئۇ كىشىلەرنىڭ ئەركىن ئالاقىلىشىشىنىڭ دەخلى - تەرۇزگە ئۇچرىماسلىقىنى كۆرسىتىدۇ. بۇنىڭدىكى " دەخلى - تەرۇزگە ئۇچرىماسلىق" ھەرقانداق تەشكىلات ۋە شەخسنىڭ مەخپىي ئاڭلىشىغا، ئوغرىلىقچە كۆرۈشىگە، تارقىتىشىغا ۋە مەزمۇنىنى ئۆزگەرتىشىگە بولمايدىغانلىقىدا ئىپادىلىنىپلا قالماستىن، يەنە ھەرقانداق تەشكىلات ۋە شەخسنىڭ قانۇن ئاساسىي بولمىغان ئەھۋالدا، كىشىلەر ئوتتۇرىسىدىكى ئۇچۇر ئالاقىگە توسقۇنلۇق قىلىشقا ۋە ئۈزىۋېتىشىگە بولمايدىغانلىقىدىمۇ ئىپادىلىنىدۇ. پۇقرالارنىڭ شەخسىي مەخپىيەتلىكىگە ھۆرمەت قىلىش ۋە ئۇنى كاپالەتكە ئىگە قىلىش ئۈچۈن، دۆلىتىمىز ئاساسىي قانۇنىدا ئۇچۇر - ئالاقە ئەركىنلىكىنى پۇقرالارنىڭ شەخسىي ھوقۇقى دائىرىسىگە كىرگۈزگەن. يان تېلىفون قىسقا ئۇچۇرى تارقاتقۇچى ۋە قوبۇل قىلغۇچىنىڭ ئۆزئارا قىسقا ئۇچۇر ئالاقىسى قىلىشى شۈبھىسىزكى ئۆزىنىڭ مەنپەئىتى ئۈچۈن بولۇپ، ئاممىۋى مەنپەئەتكە بىر قەدەر ئاز چېتىلىدۇ. شۇنداقلا، ئۇلار باشقىلارنىڭ ئۆزىنىڭ " قىسقا ئۇچۇر بوشلۇقى" نى دەخلى - تەرۇزگە ئۇچرىتىشىنى خالىمايدۇ. شۇڭا، بۇ خىل قىسقا ئۇچۇرنى " شەخسلەر ئۇچۇرى" دەپ ئاتاشقا بولىدۇ. ئەلۋەتتە، پۇقرالارنىڭ ئالاقە ئەركىنلىكى ۋە مەخپىيەتلىكى مۇئەييەن قانۇنىي چەكلىمىلىككە ئىگە. دۆلىتىمىز قانۇنلىرىدىكى بەلگىلىمىگە ئاساسلانغاندا، ئالاھىدە ئەھۋال ئاستىدا، مۇناسىۋەتلىك دۆلەت ئورگانلىرى بەزى كىشىلەرنىڭ يان تېلىفون قىسقا ئۇچۇرىغا قارىتا تەكشۈرۈش ئېلىپ بارسا بولىدۇ. بۇ ئاساسلىقى دۆلەت بىخەتەرلىكىنى قوغداش ۋە جىنايى ھەرىكەتلەرگە زەربە بېرىشنى مەقسەت قىلغان. دۆلەت ئورگانلىرى مۇناسىۋەتلىك قانۇن - تەرتىپلەرگە ئاساسەن پۇقرالارنىڭ قىسقا ئۇچۇر ئالاقىسىگە قارىتا مۇناسىسپ چەكلىمە قويسا بولىدۇ. بۇ ئاساسلىقى پۇقرالارنىڭ يان تېلىفون ئارقىلىق جەمئىيەت ئامانلىقى ۋە دۆلەت بىخەتەرلىكىگە تەسىر يەتكۈزىدىغان قىسقا ئۇچۇرلارنى تارقىتىشنى چەكلەشكە قارىتىلغان. دۆلەتنىڭ ئالاقىدار ئورۇنلارغا بەرگەن يان تېلىفون قىسقا ئۇچۇرىنىڭ تارقىلىشىنى تەكشۈرۈش ۋە كونترول قىلىش ھوقۇقى پەقەت قانۇندا بەلگىلەنگەن مۇشۇ خىل ئالاھىدە ئەھۋال بىلەنلا چەكلىنىدۇ. نورمال يان تېلىفون قىسقا ئۇچۇرلىرى قانۇن تەرىپىدىن قوغدىلىدۇ. يان تېلىفون قىسقا ئۇچۇرىنىڭ تارقىلىشىنى قانۇن ئارقىلىق كاپالەتكە ئىگە قىلىشنىڭ مەركىزىي نۇقتىسى - پۇقرالارنىڭ يان تېلىفون ئارقىلىق نورمال ئۇچۇرغا ئېرىشىش ۋە ھېسياتىنى ئىپادىلەش ئەركىنلىكىنى قوغداش. قانۇننىڭ كونترول قىلىشى ۋە چەكلىشىنىڭ مەركىزىي نۇقتىسى - ھەرقانداق ئورۇن ۋە شەخسنىڭ قانۇن كونكرېت ھوقۇق بەرمىگەن ئاھۋال ئاستىدا، پۇقرالارنىڭ نورمال قىسقا ئۇچۇر يوللاش ۋە قوبۇل قىلىش ھوقۇقىغا دەخلى - تەرۇز قىلىشىغا ۋە ئۇنى چەكلىشىگە يول قويماسلىق. يان تېلىفون قىسقا ئۇچۇرى شەخسىي ئالاقىدە ۋاستە بولۇش ئىقتىدارىغا ئىگە بولۇپلا قالماستىن، يەنە ئاممىۋى ئالاقىدىمۇ ۋاستە بولۇش ئالاھىدىلىكىگە ئىگە. يان تېلىفون قىسقا ئۇچۇرىنىڭ بۇ خىل ئالاھىدىلىكى ئاخبارات كەسپى، سودا، تور پونكىتى قاتارلىق ساھەلەر تەرىپىدىن بايقىلىپ ھەم تىجارەت جەريانىدا پائال قوللىنىلىپ، يان تېلىفون قىسقا ئۇچۇرىنىڭ ئىقتىسادىي جەھەتتىكى ئىقتىدارى نامايەن قىلىندى. بۇ بىر تەرەپتىن قىسقا ئۇچۇر يوللۇغۇچى ۋە قوبۇل قىلغۇچىغا ئىقتىسادىي مەنپەئەت ئېلىپ كېلىپلا قالماي، يەنە قىسقا ئۇچۇر يوللۇغۇچى ۋە قوبۇل قىلغۇچىلار ئارسىدا تەدرىجىي " قىسقا ئۇچۇر مەدەنىيىتى" نى بارلىققا كەلتۈردى. شۇنىڭ بىلەن بىللە، قىسقا ئۇچۇر باشقىلارنىڭ ۋە كوللېكتىپنىڭ مەنپەئىتىگە خالىي بولغىلى بولمايدىغان ئاكتىپ ۋە پاسسىپ تەسىرلەرنىمۇ كۆرسەتتى. بىز قىسقا ئۇچۇرنىڭ تارقىلىشى بىلەن ئالاقە ئەركىنلىكىنىڭ مۇناسىۋىتى ئۈستىدە ئىزدىنىپلا قالماستىن، يەنە قىسقا ئۇچۇر مۇلازىمىتى بىلەن شۇغۇللانغۇچىلار بىلەن قىسقا ئۇچۇر تارقاتقۇچىلارنىڭ باشقىلارنىڭ مەنپەئىتىگە دەخلى - تەرۇز قىلىپ قويۇش ئېھتىماللىقىنىمۇ نەزەرگە ئېلىشىمىز لازىم. يان تېلىفون قىسقا ئۇچۇرىنىڭ ۋاستىلىق ئالاھىدىلىكىنى ئاساس قىلىپ يانفون ئۇچۇرىنى قەستەن بىر خىل ئاممىۋى تارقىتىش ۋاستىسى قىلىۋالغاندا، يان تېلىفون قىسقا ئۇچۇر مۇلازىمىتى بىلەن تەمىنلىگۈچى ۋە تارقاتقۇچىغا قارىتا ئالدىنئالا قانۇنىي چەكلىمە يۈرگۈزۈش لازىم. يەنى ھۆكۈمەت قىسقا ئۇچۇر مۇلازىمىتى بىلەن شۇغۇللانغۇچىلارنى قانۇن - بەلگىلىمە بويىچە باشقۇرۇشى، قانۇن تۇرغۇزۇش يولى ئارقىلىق تېخنىكا سەۋىيىسىنى يۇقىرى كۆتۈرۈشنى تەلەپ قىلىشى، پۇقرالارنىڭ مەخپىيەتلىكى ۋە تىنچ - خاتىرجەملىكىگە تەسىر يەتكۈزىدىغان بىر قىسىم ئۇچۇرلارنى تارقىتىشنى چەكلىشى لازىم. ئاممىنى مەنپەئەتلەندۈرىدىغان قىسقا ئۇچۇرلارنىمۇ ئالدى بىلەن ئالاقىدار ئورۇنلارنىڭ رۇخسىتىنى ئېلىپ تارقىتىش لازىم. پۇقرالار يان تېلىفون قىسقا ئۇچۇرى ئارقىلىق ئاممىغا قارىتا ئىپادىلەش ئەركىنلىكى يۈرگۈزگەندە، پۇقرالارنىڭ مەخپىيەتلىك ھوقۇقى ۋە خاتىرجەملىك ھوقۇقىنىڭ ئېھتىياجىغا بويسۇنىشى، يان تېلىفون قىسقا ئۇچۇرىنىڭ ئاممىۋى ئۇچۇر تارقىتىش ئالاھىدىلىكىدىن كەلسە - كەلمەس پايدىلانماسلىقى لازىم. [align=justify] (تەڭرىتاغ تورىدىن ئېلىندى)

rixta0995

	قولدىن كىلىدىغان ئىش بولسا چاتاق يوق،...لېكىن ياردەم دەپ كەتكىلى بولمايدۇ، ئۆز ئارا پىكىر ئالماشتۇرۇش ئارقىلىق مەلۇم چۈشەنچە ھاسىل قىلىش دىسىڭىز مۇۋاپىق دەيمەنغۇ ...

rixta0995

	ھازىر دىمىسىمۇ يان تېلىفۇنغا كىلىدىغان بەزىبىر ئۇچۇرلاردىن ئادەم بەكلا بىزار بولۇپ قالىدۇ..ئۇ مۇكاپات، ياكى بۇ رەسمىيەت بېجىرىش، گۇۋاھنامە ياساش...دېگەندەك...قېرىشقاندەك ئوخلاۋاتقاندا سايرىتىپ توختاپ قالدىغان تېلىفۇنلارچۇ تېخى..... شۇڭا يۇقىرىدا دەپ ئۆتكەندەك قالايمىقان قىسقا ئۇچۇرلار ئۇچۇر كەلسە ياكى < جىرىڭلاپ توختاپ قالدىغان> نومۇرلاردىن تېلىفۇن كەلسە 12321 غا پاش قىلىڭ . پاش قىلىش ئۇسۇلى : قىسقا ئۇچۇردا-ئۇچۇر مەزمۇنىغا پاش قىلماقچى بولغان نومۇرنى كىرگۈزۈپ، ئاندىن يۇلتۇز ( * ) بەلگىسىنى قويۇپ، ئاخىرىغا پاش قىلىش سەۋەبى ياكى كەلگەن ئۇچۇرنى يېزىپ 12321 غا يوللىساق بولىدىكەن... توردا - كومپيۇتېر تورىدا www.12321.cn تور پونكىتىغا چىقىپ ئەرىز قىلساق بولدىكەن. ئېلخەت ئارقىلىق ئەرىز قىلماقچى بولسىڭىز پاش قىلماقچى بولغان نومۇر ۋە پاش قىلىش سەۋەبىنى abuse@12321.cn غا يوللىسىڭىز بولىدۇ .

rixta0995

	كىملىك دېگەن سىزنىڭ قانۇنلۇق گۇۋاھنامىڭىز، سىزنىڭ تۇرمۇشتا ئىشلىتىدىغان قانۇنىي كۈچكە ئىگە تىلخىتىڭىز ، سىزنىڭ   قانۇنىي كۈچكە ئىگە ئىسپاتىڭىز دېگەنلىك...شۇڭا يۈتۈپ كەتسە يەنىلا ئېلان بەرگەن ياخشى.. باشقىلارنىڭ سىزنىڭ كىملىكىڭىزدىن پايدىلىنىپ قەرز ئېلىش، ساختا ھۈججەت ياساش، ئۇچۇر-ئالاقە ئىشلىرىدىكى بەزىبىر يوچۇقلارغا سۇقۇنۇپ كىرىپ، سىزنىڭ نامىڭىزدىن پايدىلىنىۋىلىشىغا، سىزگە بىر مۇنچە ئۇرۇنسىز باش ئاغرىقى تىپىپ بىرىشىگە پۇرسەت بەرمەسلىكىمىز ئۈچۈن..ئەگەر شۇنداق ئىشلار ھەقىقەتەن يۈز بەرگەندىمۇ يۈتۈپ كەتكەنلىك ھەققىدىكى ئېلان بېرىلگەن گېزىتنى ھەم ۋاقتىنى ئىسپات قىلىپ ئۆزىڭىزنىڭ قانۇنلۇق ھوقۇقىڭىزنى قوغدايسىز ھەم باشقىلارنىڭ  يۈتۈپ كەتكەن كىملىكتىن پايدىلىنىپ سىزگە كەلتۈرگەن بارلىق مەسئۇلىيەتتىن باش تارتىش ھوقۇقىڭىز بولىدۇ....(كىملىك كەلتۈرۈپ چىقارغان ئەمىلىي مىسال دېلولارنى قانۇنچىلىق گېزىتىدە ئوچرىتىپ تۇرىمىزغۇ) 2-ئەۋلاد كىملىك يۈتۈپ كىتىپ، قايتا بېجىرىش توغرا كەلسە باشقىدىن رەسىم چۈشۈش ھاجەتسىز..چۇنكى ئالدىنقى قېتىم چۈشكەن سۈرەت سىزنىڭ كىملىك گۇۋاھنامە نومۇرىڭىز بىلەن بىرگە كومپىيتۇتېردا بار، ساقلىنىپ قالىدۇ. شۇڭا سىز قايتا بېجىرمەكچى بولغاندا، قايتا بېجىرىش ھەققى 40 يۈەننى تۆلەيسىز خالاس... ئەگەر كىملىك  يۈتۈپ كىتىپ، قايتا بېجىرگەن كىملىك چىقمىغان ئەھۋال ئاستىدا، كىملىكنى زۆرۈر ئىشلىتىش كېرەك بولسا ، سىز نوپۇسڭىز تورۇشلۇق ئورۇنغا ئەھۋالنى چۈشەندۈرۈپ، ۋاقىتلىق كىملىك گۇۋاھنامىسىنى بېجىرىپ ئىشلىتىپ تورسىڭىز بولىدۇ، ...

nursima

	بىلىۋالدىم ،رەھمەت!

abdurrahman

	مەن يۈقارقى يان تىلفۈن ھەققىدە يىزىلغان خەنزۈچە ماقالىدىن نرازىبولدۈم چۈنكى ئۈيغۈريوربەتلىرگە ئۈيغۈرچەماقالە يىزىشىكىرەك بىزيائۈنى ئوقۈيالمىساق ياكى چۈ شۈنەلمىسەك ئۈنداقتا ئۈنىڭ نىمەپايدىسى