ئىككىلى توپچى بۇ بىر مەيدان مۇسابىقىنىڭ مۇھىملىقىنى روشەن بىلەتتى ، 90 مېنۇتلۇق كەسكىن رىقابەتتىن كىيىن ، ئىككى ئەزىمەت ھەرئىككلىسى ئىككىدىن توپ ئۇرۇپ مۇسابىقە 2:2 نەتىجە بىلەن تەڭلىشپ ئاياغلاشتى ، بۇ نەتىجە توپ مەستانىلىرىغا بۇ ئىككى ئەزىمەتنىڭ بىر-بىرىدىن پەرقلەنمەيدىغانلىقىنى يەنە بىر قېتىم رەسمىي ئىسپاتلىدى.
تۈنۈگۈن سەھەردە ئىلىپ بېرىلغان بۇ بىر مەيدان مۇسابىقە بۇ مۇسابىقە پەسلىدە ئىككى تەرەپنىڭ تۇنجى قېتىم ئايلانما مۇسابىقىدىكى ئۇچرىشىشى بولۇپ ، بارسىلونا كوماندىسىنىڭ خان جەمەتى كوماندىسىدىن 8 نومۇر ئالدىدا تۇرۇشى كۆپلىگەن كىشلەرنى پەقەت بۇ مەيدان ئايلانما مۇسابىقىدە خان جەمەتى كوماندىسىنى يەڭسىلا ، بارسىلونا كوماندىسى بۇ بىر پەسىللىك مۇسابىقىنىڭ چىمپىيونلۇقىنى قولغا كەلتۈرۈش يولى تامامەن ئېچىلىدۇ دىگەننى ھىس قىلدۇرغان ئىدى. روشەنكى،خان جەمەتى تەرەپمۇ بۇ بىر مەيدان مۇسابىقىنىڭ مۇھىملىقىنى بىلىدۇ، باش تېرىنىر مۇرىنىئوۋ ئالدىنقى ھەپتىنىڭ ئوتتۇرلىرىدا ياۋروپا لەۋھە تالىشىش مۇسابىقىسدا ياخشى توپچىلىرىمىزنى مەيدانغا كۆپ چىقارماسلىقىمىزنىڭ سەۋەبى بىزنىڭ رەقىبىمىز بارسىلونا كوماندىسىنىڭ ئۈستىدىن غالىب كىلىش ئۈچۈن ئىدى ، دىگەنىدى.
C رونالدو ئۇدا 5 مەيدان بارسىلونانى يېڭىش رىكورتى بىلەن نوكامپۇ مەيدانىغا كەلگەن ئىدى ، ئەمما مۇسابىقىنىڭ 22-مىنۇتىغا كەلگەندە ئۇ ئۆزىنىڭ بۇ تارىخىنى يەنە توختىماستىن ئۆزگەرتىشكە باشلىدى. خان جەمەتى ئالدىنقى سېپى قايتا-قايتا ھۇجۇم قوزغىدى ، ئاخىرىدا C رونالدو سەپدىشى بېنزېمانىڭ پاس بېرىشى بىلەن سول پۇتى ئارقىلىق قاپقىغا توپ ئۇرۇپ تارىختىكى ئۇدا 6 مەيدان مۇسابىقىدە بارسىلونا كوماندىسىغا توپ ئۇرغان ماھىرغا ئايلاندى، بۇنىڭ بىلەن C رونالدو يەنە مېسسىينىڭ دۆلەت دېربىسى مۇسابىقىسىدە 5 مەيدان مۇسابىقىدە توپ ئۇرۇش رىكورتىنى يېڭىلىغان بولدى. ئۆتكەن پەسىللىك پادشاھ لوڭقىسى مۇسابىقىسىدىكى ئىككى قېتىملىق ئۇچرىشىش باشلانغاندىن باشلاپ ، C رونالدو ئايلانما مۇسابىقىلەردە ، ئىسپانىيە دەرىجىدىن تاشقىرى لوڭقىسى مۇسابىقىلىرىدە بارسىلونا كوماندىسىنىڭ قاپقىسىغا توپ ئۇرغان ماھىر ئىدى. ئۇ بىر توپ كىرگۈزگەندىن كىيىن نوكامپۇ توپ مەيدانىغا "تىنىچ" دىگەن قول ئىپادىسىنى كۆرسەتتى ، ئۇنىڭ ئۇرغان بۇ توپى ئارقىلىق ھەقىقەتەن مەيداننى تىنىچلاندۇرۇشقا ھوقوقى بار ئىدى.
بىر توپ كەتكۈزىۋەتكەندىن كىيىن بارسىلونا كوماندىسى تېخىمۇ كۈچەشكە باشلىدى ، بارسىلونا كوماندىسى ئۆزىنىڭ دەرىجىدىن تاشقىرى ئوتتۇرا مەيدان كونترول قىلىش ئىقتىدارىنى كۆرسىتىشكە باشلىدى ، خان جەمەتى كوماندىسى بولسا بىر توپ ئۈستۈنلۈككە ئۆتكەندىن كىيىن بىرخىل پاسسىپ ھالەتكە ئۆتۈپ قالغان ئىدى. پۈتۈن مۇسابىقە جەريانىدا ، بارسىلونا كوماندىسىنىڭ توپ كونترول قىلىش نىسبىتى 70% گە يېقىنلاشقان ئىدى. 31-مىنۇتقا كەلگەندە ، خان جەمەتى كوماندىسىنىڭ ئارقا سېپىدە خاتالىق كۆرۈلۈپ پېي پېي قارشى تەرەپ ئەزاسىنى تورايدىغان ۋاقىتتا يېقىلىپ چۈشتى ، بارسىلونا كوماندىسىنىڭ ماھىرى مېسسىي بۇ قىممەتلىك پۇرسەتنى چىڭ تۇتۇپ قاپقىغا غەلبىلىك توپ ئۇردى ، مۇسابىقە نەتىجىسى 1 : 1 بولدى . توپ ئۇرغاندىن كىيىنكى مېسسىي خۇشاللىقىدىن ناھايىتى ھاياجانلاندى ، ئۇ مەيداندا يۈگۈرەپ تەبرىكلىگەچ توۋلىدى ، ئاخىرىدا يەنە قوللىرىنى كۆتۈرۈپ پۇلاڭلىتىپ تەنتەنە قىلدى. مۇسابىقىنىڭ 61 مىنۇتىدا مېسسىي ئىختىيارى توپ تېپىش پۇرسىتىگە ئىگە بولۇپ بىۋاستە قاپقىغا تېپىپ ئۇرۇپ كىرگۈزۈپ مۇسابىقە نەتىجىسىنى 2 : 1 گە ئايلاندۇردى ، بۇ مېسسىينىڭ نوكامپۇ توپ مەيدانىدا ئۇرغان 150-توپى بولۇپ ، بۇنىڭ ئىچىدە ئايلانما مۇسابىقە جەريانىدا 100 توپ بار. بۇ مۇسابىقە پەسلىدە 8 توپ كىرگۈزدى ، بۇ ھەم ئۇنىڭ دۆلەت دېربىيدا كىرگۈزگەن 17-توپى ھىسابلىنىدۇ. 21 مەيدان دۆلەت دېربىي مۇسابىقىسىدە 17 توپ كىرگۈزگەن مېسسىي بۇ مەيدان مۇسابىقە ئاياغلاشقاندىن كىيىن ئىسپانىيە كونا چولپىنى لاۋئېرنىڭ سانىدىن ئېشىپ چۈشتى.
ئەمما مېسسىينىڭ مەيداندىكى مۇنەۋۋەر ئىپادىسى C رونالدونىڭ قابىليىتىنى توسىيالمىدى ، 5 مىنۇتتىن كىيىن خان جەمەتى مادرىد كوماندىسى قايتۇرما ھۇجۇم تەشكىللەپ C رونالدو يەنە بىر توپ ئۇرۇپ مەيدان مۇسابىقە نەتىجىسىنى تەڭلەشتۈردى ، مۇسابىقە 2 : 2 نەتىجە بىلەن ئاياغلاشتى.
"كۈچلۈك رەقىبكە دۇچ كەلدۇق ، ئەمما بىز بۇ مەيدان مۇسابىقىنى ياخشى تەپتۇق"،مۇسابىقە ئاياغلاشقاندىن كىيىن مېسسىي تەكىتلەپ،بارسىلونانىڭ ھەممە ئەزالىرىنىڭ ئىپادىسى ياخشى بولدى،"ئالتۇن توپ مۇكاپاتى؟ مەن ئۆزۈمنىڭ شەخسىي ئىپادەم توغرىسىدا گەپ قىلمايمەن"،دىگەن. ئەمما مېسسىي يەنىلا C رونالدونى ماختاپ مۇنداق دىدى: "كىرىستىئانو ھەقىقەتەن ياخشى توپ ماھىرى ، بۇنى ھەممىمىز ناھايىتى ئېنىق بىلىمىز ، ئەمما C رونالدودىن باشقا يەنە نادىر توپ ماھىرلار كۆپ. بۇنىڭدەك ئوخشاش كۈچتىكى كوماندىلار ئۇچرىشىشىنى كۆرۈش توپ مەستانىلىرىغا نىسبەتەن ناھايىتى ھوزۇرلۇق ئىش"،دىگەن.
ھەرئىككى ماھىر ئۆزىنىڭ ئەڭ يۇقىرى ماھارەتلىرى ئارقىلىق ئىككىدىن توپ كىرگۈزدى ، ئەمما C رونالدو بىلەن مېسسىينىڭ قايسىسىنىڭ كۈچلۈك ئىكەنلىكى توغرىسىدىكى پاراڭلار ، مۇنازىرىلەرنىڭ ئۈزۈلگىنى يوق ، مۇنىرىئوۋ بۇ سوئالغا مۇنداق جاۋاب بەردى : " مېنىڭچە دۇنيادىكى ئەڭ نادىر پۇتبول ماھىرى كىم دىگەن بۇنداق گەپلەرنى چەكلەش زۆرۈر ، چۈنكى بۇ ئىككىلى ماھىر تاشقى پىلانىتدىن كەلگەن" ، دىگەن. بۈگۈنكى مۇساىبقىدىكى تەڭلىشىش بۇندىن كىيىنكى بۇ ئىككى ماھىرنىڭ رىقابىتىنىڭ تېخىدىنمۇ كەسكىن بولىدىغانلىقىدىن دىرەك بىرىدۇ. ئىككىلى ماھىرنىڭ قابىلىيىتىدىن گۇمانلانغىلى بولمايدۇ ، ئەمما ئۇلارنىڭ كەلگۈسىدىكى ئىككى كوماندىدا ئوينىغان ئىپادىسىنى قىياس قىلىش تەس.
(ئەلكۈيى تەنتەربىيەسى تېمىسى ، باشقا تور بېكەتلەرگە روخسەتسىز يۆتكەشكە بولمايدۇ)
يوللىغان ۋاقتى 2012-10-9 12:43:36
يوللىغان ۋاقتى 2012-10-9 12:57:12
رونالدو غا ئىشىنىمەن
مىسسى مۈشۈكتەك چاققان ، يەنە ھەممىدىن كوماندىنىڭ مەنپەتىنى ئۈستۈن كۆرىدۇ ، كىرىستىئانو رونالدونىڭ ماھارىتىمۇ قالتىس ..... ئۇلار راسلا تاشقى پىلانىتتىن كەلگەن .... بىراق ئۇيغۇر پۇتبولچىلىقىدىمۇ ناھايىتى ياخشى نەتىجىلەر قولغا كەلدىغۇ .... ئەگەر ئارسلانلىرىمىزمۇ شۇلاردەك قالتىس تېرىنىرلارنىڭ قولىدا مەشىقلەندۈرۈلۈپ ، شۇلاردەك ئەۋزەل شارائىتتا توپ تېپىش پۇرسىتىگە ئېرىشسە چوقۇم ئۇلارنىڭ ئىچىدىنمۇ بۇنداق تاشقى پىلانىتتىن كەلگەن دەپ تەرىپلىنىغاندىن بىر ئىككى ئەمەس بىرنەچچىسى چىقىدۇ ، شاكىچىك ئەزىمەتلىرىمىز ئىچكىرى ئۆلكىلەردە قالتىس نەتىجىلەرنى قولغا كەلتۈردى ... رەھىم - شەپقەت قىلماي15: 1نەتىجە بىلەن قارشى تەرەپنى يېڭىپ تېخى مۇسابىقىگە چۈشمىگەن كوماندىلارنى قورقۇتىۋەتتى 
شۇڭا مەن بۇ تاشقى پىلانتتىن كەلگەن شاكىچىك توپچىلارنى تېخىمۇ ياخشى كۆرىمەن .....