ئاپا، قولياغلىقىمنى ئۇنتۇپ قاپتىمەن!

inkar

	ئاپا، قولياغلىقىمنى ئۇنتۇپ قاپتىمەن! ›› تېخى نەچچە مىنۇتنىڭ ئالدىدىلا: ‹‹ بۈگۈن بايراق چىقىرىمىز ›› دەپ ئالدىراپ مەكتەپكە ماڭغان قىزىم يۈزلىرى قىزارغان، ھەسىرىگەن ھالدا يۈگۈرۈپ كىرىپ،  ئاخشام يۇيۇپ، يېيىپ قويغان قولياغلىقىنى ئالدى-دە، ئارقىغىمۇ  قارىماستىن يۈگۈرگىنىچە چىقىپ كەتتى.     نەچچە قېتىم قولياغلىق ئىلىپ بەرسەم تاشلاپ قويۇپ ، ئايدا نەچچە ئون يۈئەننىڭ بېشىغا سۇ قۇيۇپ قەغەز قولياغلىق ئىشلىتىدىغان قىزىم، ‹‹ مۇئەللىم قولياغلىق تۇتۇڭلار!›› دېدى، دەپ قولياغلىق ئىشلىتىۋاتقىنىغا  خېلى كۈنلەر بولغان بولسىمۇ، قولياغلىقىنىڭ قىزىم ئۈچۈن بۇنچىلىك موھىم  بولۇپ كەتكىنىنى تېخى تۇنجى ھېس قىلىۋاتقان ئىدىم. مەن يۈگۈرۈپ چىقىپ كىتىۋاتقان قىزىمنىڭ ئارقىسىدىن قارىغىنىمچە تۇرۇپلا قالدىم. خىيال كەپتەرلىرىم بالىلىق دەۋرىمگە قاراپ پەرۋاز قىلىشقا باشلىدى...     بىز كىچىك چاغلاردا قولياغلىق كىشىلەر ئۈچۈن خۇددى ھازىرقى يانفۇنغا ئوخشاش موھىم ئىدى. بالىلارنىڭ ئەمدى ئايىقى چىقىشىغا ئانىلىرى مۆرىلىرىگە  قولياغلىق ئىسىپ قوياتتى. مەكتەپلەردە ھەر ھەپتىدە تازىلىق تەكشۈرگەندە، پاكىز  پاكىز يۇيۇپ  قاتلانغان قولياغلىق ، رەتلىك تاشلانغان كىتاب-دەپتەرنىڭ ئۈستىدە تۇرۇش شەرت ئىدى. مەھەللىمىزدە قايسۇ بىر ئائىلە ئوغۇل ئۆيلەپ يېڭى كېلىن ئەكەلسە، مەھەللىدىكى قوشنىلارنىڭ بالىلىرى  كېلىننىڭ ھوجرىسى ئەتراپىدا ئايلىنىڭ، تاكى قولياغلىق ئالمىغىچە نېرى كېتەلمەيتى. قىز-يىگىتلەر مۇھەببەتلەشكەندە قىزلار يىگىتلىرىگە پاك مۇھەببەتنىڭ، ئەقىدىنىڭ شاھىدى سۈپىتىدە  ئاق تاۋار ياكى يىپەكتىن  ئۆز قولى بىلەن قولياغلىق ئىشلەپ سوۋغا قىلاتتى، يىگىتلەرمۇ  قىز دوستى بەرگەن  قولياغلىنى پەخىرلىنىپ تۇتۇپ، قولياغلىقنى مۇھەببەت ناخشىلىرىغا قوشۇپ زوق-شوق ئېيتىشاتتى.  بويىغا يەتكەن قىزلار ئاتا-ئانىسىدىن ئوغۇرلۇغچە ھەر خىل يىپەك رەخلەردىن قولياغلىق قولياغلىق ئىشلەپ، تويىنىڭ قولياغلىقىنى تەييارلىشاتتى. موبادا يىنىمىزغا قولياغلىق سىلىشنى ئۇنتۇپ قالساق،  موھىم بىرنەرسىمىز كەمدەك بىلىنەتتى.     ھازىر جەمئىيەتنىڭ تەرەققىي قىلىشىغا ئەگىشىپ، كىشىلەرنىڭ  تۇرمۇش سەۋيىسى ئۆستى. ئىستىمال سەۋيىسىمۇ ماس قەدەمدە  يۇقۇرى كۆتۈرۈلدى.  سومكىلىرىمىزدا چىرايلىق بولانغان قەغەز قولياغلىقلار، ئەنئەنىۋى قولياغلىقلىرىمىزنىڭ ئورنىنى ئىگەللەپ مەدەنىيلىكنىڭ، پاكىزلىقنىڭ بەلگىسى سۈپىتىدە مەيدانغا چىقتى. رىستۇرانلىرىمىزدىكى بىر جوزا تاماق ئۈستىلىدىكى نەچچە دەستە قەغەز قولياغلىق، بىزنىڭ تاماق يەپ بولغاندا ئىغىز سۈرتىدىغان ، قول يۇيغاندا قول سۈرتىدىغان، دەسمال  ئورنىدا جوزا سۈرتىدغان ۋەزىپىسىنى  ئادا قىلىپ بولغاندىن كېيىن، ئەخلەت دوۋىسىگە ئايلىنىغان بولدى. قايسۇ ئاشخانىغا كىرمەيلى ئەخلەتكە ئايلانغان قەغەز قولياغلىق ئادەمنى بىئارام  قىلىدۇ.     شۇ خىياللار بىلەن قورانىڭ ئوتتۇرىسىدا قانچىلىك تۇرۇپ قالغىنىمنى  سەزمەي قاپتىمەن. چۈشتە قىزىم كەلگەندىن  كېيىن، قولياغلىنىڭ ئۇنىڭ ئۈچۈن موھىملىقىنىڭ سەۋەبىنى ئۇقتۇم.     قىزىمنىڭ دېيىشىچە، قولياغلىق ئىشلەتكەندە  قەغەز ئىسراپچىلىقىنىڭ ئالدىنى ئىلىپ، قەغەزنىڭ مەنبەسى بولغان  دەل-دەرەخلەرنى ئاسراپ قالغىنى، بۇنىڭ بىلەن ھاياتلىق ئۈچۈن زۆرۈر بولغان ئوكسىگىن مەنبەسىنى ساقلاپ قالغىلى بولىدىكەن. ئىككىنچىدىن، بىھۇدە ئىسراپچىلىقتىن ساقلىنىپ پۇلنى تېجىگىنى  بولىدىكەن. ئۈچىنچىدىن، تۇرمۇش ئەخلەتلىرىنىڭ كۆپىيىشىنى كونتۇرۇل قىلىپ  موھىت تازىلىقىنى ئاسرىغىنى بولىدىكەن. تۆتىنچىدىن،ھەر خىل سۈپەتسىز،قەغەز قولياغلىقلارنىڭ   سالامەتلىكىمىزگە زىيان سىلىشىدىن ساقلانقىنى بولىدىكەن. شۇڭا قىزىمنىڭ مەكتىپىدە قولياغلىق تۇتۇش تەشەببۇس قىلىنىپ،  قەرەللەك تەكشۇرۇش يولغا قۇيۇلۇپتۇ. قىزىمنىڭ سىنىپ تەربىيىچىسىمۇ ئوقۇغۇچىلارغا بۇ جەھەتتە قاتتىق تەلەپ قويۇپ، ھەر كۈنى ئوقۇغۇچىلارنىڭ قولياغلىقىنى تەكشۈرۈپ تۇرىدىكەن.      مەن ئەمدىلا باشلانغۇچنىڭ 3-يىللىقىدا ئوقۇۋاتقان قىزىمنىڭ ،خۇددى ناتىقلاردەك سۆزلەپ  ماڭا قولياغلىق تۇتۇشنىڭ ئەھمىيىتىنى چۈشەندۈرۈشلىرىدىن  سۆيۈنۈپ كەتتىم.  راستنى ئېيتقاندا قولياغلىق تۇتۇش، موھىت ئاسراش ھەركىتىدىكى كىچىك ئىشلارنىڭ بىرى ئىكەنلىكىنى بىلسەممۇ،  ئۇنىڭ موھىملىقنى ئۇنچە چوڭقۇر ئويلاپ كەتمەپتىمەن.      ‹‹ زىمىن ئانا›› ياش تۆكىۋاتقان.....ئىنسانلارنىڭ ئىللىق ئائىلىسى بولغان يار شارى كۈندىن-كۈنگە ۋەيرەن بولىۋاتقان ، پۈتۈن دۇنيا ئەللىرى موھىتقا كۆڭۈل بۆلۈۋاتقان  ، پۈتۈن دۇنيا خەلقىنى  موھىتنى قوغداشقا چاقىرىق قىلىۋاتقان بۈگۈنكى كۈندە ، ‹‹ موھىت ئاسراشنى ھەممىمىز ئەتراپىمىزدىكى كىچىك ئىشلاردىن باشلايلى! ›› دېگەن سۆزنىڭ مەنىسىنى ئەمدى تېخىمۇ چوڭقۇر چۈشۈنۈپ يەتتىم.      قەلبىمدە ئىللىق بىر سىزىم پەيدا بولدى...  ئىشلىتىش ئۈچۈن سېتىۋالغان،ئەمما دائىم يىنىمغا سېلىۋېلىشنى ئۇنتۇپ قالىدىغان قولياغلىقلىرىمنى ئىزلەشكە باشلىدىم....

xahla824

	ئەھمىيەتلىك تېما بۇپتۇ. تېما ئېگىسىگە كۆپ رەھمەت! مەن بۇرۇنتىنلا قول ياغلىق ئېلىپ يۇرۇشكە ئەھمىيەت بېرەتتىم. قانچە قېتىملاپ شۇ تۇتقان، يېنىمدىن ئايرىمايدىغان قولياغىقمنىڭ پايدىسىنى كۆرگەنلىكىمنى ساناپ تۈگىتەلمەيمەن...ئىشقىلىپ مەندەك بىر ھازىرقى زامان سىتودىت قىزىنىڭ يېنىدىن كەشتە ئىشلەنگەن ئاق خەستىلىك بىر قولياغلىقنىڭ ساقلىنىشى قولياغلىقىمنى چىقارغانلىكى يەردە ھەممە كىشىنى ھەيران قالدۇردى.....بۇ ھەيران قالغۇدەكمۇ ئىش ئەمەس ...شۇڭا بىز دىگەن بىز!!! ئۆزىمىزنى ھەم ئۆزىمىزنىڭ ئەسلىنى ئۇنۇتمايلى!!!

atikam1

	بۇ تېما تەربىيىۋى ئەخمىيىتى بار تېما بوپتۇ،،،ئۇماق قىزىڭىزدىن بەك سۆيۇندۇم،،،،مېنىڭمۇ ئەمدىلا باشلانغۇچنىڭ 4-يىللىقىدا ئۇقۇۋاتقان قىزىممۇ شۇنداق گەپلەرنى قىپ كېتىدۇ،،،،ئاللاھ  ئۇ سەبىلەرنى سالامەت قىلسۇن،،،، مەنمۇ ئەزەلدىن رەخىت قولياغلىقلارنى ياخشى كۆرۇپ ئىشلىتىمەن ،،،  ھەقىقەتەن قەغەز قولياغلىقلارغا ئانچە ئىتىبار بېرىپ كەتمەيمەن ،،،،

3315

	تېمىڭىزغا رەھمەت ، مەنمۇ ھازىرغىچە قولياغلىق ساقلايمەن ، بۇ  بىر ياخشى ئادەت ..................

KUSAN0377

	بۇ ياخشى تىما بوپتۇ ،ھەممىىمىز بىلدىغان لىكىن كۆپ قىسمىىمز قىلىپ بۇلامىغان ئىشتى بۇ .جۇملىدىم مەنمۇ ،كىچىك ۋاختلىرىمدا قول ياغلىغىم بۇلدىغان .ھازىر ئۇنتۇپلا كىتىپتىمەن .قول ياغلىق قەغەزگە سىلشتۇرغاندا سەل قولايسز ،لىكىن مەن يەنىلا قولغاغلىقنى قوللايمەن .مەن ئىشتىن چۇشۇپلا بىرنى ئىېلىپ ئىشلىتىپ باقاي .

inkar

	KUSAN0377   ياخشىمۇ سىز! ئىشتىن چۈشۈپ راستىنلا قولياغلىق سېتىۋالغان بولسىڭىز، يىرىم كېچىگىچە ئۇخلىماي بۇ تېمىنى يوللىغىنىمنىڭ ھاردۇكى چىققان بولاتتى. تولۇقلىما مەزمۇن (2012-10-9 21:18):

BANKER625

	رەھمەت سىزگە ،بۇ  ئىشنى ئەتراپىمىزدىكىلەرگە   تەشۋىق قىلساق  بولغۇدەك ،بۇ تېمىنى  كۆرگەن  ئۇقۇتقۇچى  تورداشلىرىمىزنىڭمۇ  مەكتىپىدە  سىنىپىدا    تەشۋىق قىلىشىنى ئۈمت قىلىمەن ،بالىلىرنى كىچىكىدىن باشلاپ  مۇھىت ئاسراشقا  يىتەكلەيلى.

مالىك

	ئويلاپ باقسام مەن قولياغلىق تۇتۇپ باقماپتىمەن، بىز سومكىغا قەغەز ،ھۆل قەغەز سىلىپ كۆنۇپ كەتكەنلىكىمىزدىن بولسا كىرەك .

simaay

	شۇنداق بىز ئىشلىتىۋاتقان قەغەز قولياغلىقلار بۇرۇنقى قولياغلىقلىرىمىزنىڭ ئورنىنى تولوق ئىگەللەپ بولۇپتۇ،بۇ جەھەتتە مەن يولدىشىمنىڭ يىنىدىن قولياغلىقنى ئايرىمىغان بولساممۇ،ئۆزۈم ئىشلىتىشكە ئەھمىيەت بەرمەپتىمەن،ئەسكەرتكىنىڭىزگە كۆپ تەشەككۈر!

KUSAN0377

	inkar يوللىغان ۋاقتى  2012-10-9 21:17 KUSAN0377   ياخشىمۇ سىز! ئىشتىن چۈشۈپ راستىنلا قولياغلىق سې ... بەكمۇ ئەپسۇس ،مەن شاڭخەيدىكى ماگزىندىن چىرايلىق قولياغلىقنىڭ سايىسنىمۇ تاپالمىدىم ،قارىسام ھەممسى لۇڭگىكەن ،مەن قانداق قىلىمەن .