غەيۋەتخور مىكيان (مەسەل)

uygur0914

	بىر دېھقاننىڭ بىر توپ توخۇسى بار ئىكەن. ئۇلارنىڭ ئارىسىدا بىر چار مېكىيان بولۇپ تولىمۇ غەيۋەتخور ئىكەن. كەپتەرلەر پەغەزدىن ئۇچۇپ كەتكۈدەك بولسا ئۇ: كەپتەر دېگەن بەكمۇ كۆرەڭ نېمە ئىكەن، ئۇچالايمەن دەپ جاھانغا پاتماي كېتىدىكەن. ئۇچۇش دېگەن قانچىلىك ئىش ئىدى؟ ئېيتىشلارغا قارىغاندا قەدىمدە بىزنىڭ ئاتا - بوۋىمىزمۇ ئۇچۇپتىكەن دەيدىكەن. قاغىنىڭ ئۇچقىنىنى كۆرسە: رەڭگىنىڭ سەتلىكىگە باقماي بەكمۇ ئۇنتۇغاق، ھاماقەت بىر نېمە ئىكەن. قۇياشنى بەلگە قىلىپ كۆمۈپ قويغان قونىقىنى تاپالماي كەچكىچە دۆڭنى چۆرگىلەپ يۈرىدىكەن دەيدىكەن. ھەتتا ئۆزى بىلەن بىللە ياشايدىغان توخۇلارنىڭمۇ غەيۋىتىنى قىلىدىكەن. بىر كۈنى چار مېكىيان ئاتا - ئانىسىنىڭ غەيۋىتىنى قىلغىلى تۇرغاندا قېرى خوراز بارلىق توخۇلارغا تۈلكىدىن ئاگاھ بولۇشنى جېكىلەپتۇ. تۈلكىنىڭ ئىسمىنى ئاڭلىغان چار مېكىيان تۈلكىنىڭ غەيۋىتىگە چۈشۈپتۇ. - تۈلكە دېگەن بەچچىغەر ھەيۋە قىلغىنى بىلەن ئىتنى كۆرسە قۇيرۇقىنى قىسىپ تىكىۋەتكىلى يەر تاپالماي قالىدىغۇ! ئەمەلىيەتتە ئۇنىڭ ھېچقانچە ... چار مېكىياننىڭ غەيۋىتى تۈگىمەستىنلا ئاچلىقتىن بېقىنى چاپلىشىپ كەتكەن بىر تۈلكە كاتەك تۈڭلۈكىدىن شۇڭغۇپ چۈشۈپتۇ. تۈلكە قورقۇنچتىن لاغ - لاغ تىترىشىۋاتقان توخۇلارغا: - مېنىڭ غەيۋىتىمنى قىلىۋاتقان قايسىڭ؟ - دەپ ۋارقىراپتۇ. - تۈلكە ئاكا، بۇ گەپنى سىلىمۇ ئاڭلاپ قالدىلىمۇ؟ ئەسلى بۇ غەيۋەت ئەمەس ئىدى، بىرى مۇنداقلا چاقچاق قىلىپ دەپ قويغان گەپ، - دەپتۇ چار مېكىيان ئۆزى قىلغان گەپنى باشقىلارغا دۆڭگەپ قويماقچى بولۇپ. - زادى قايسىڭ؟ تۈلكە چار مېكىياننىڭ بوينىدىن كاپپىدە ئاپتۇ. چار مېكىيان بۇرادەرلىرىدىن ئۆزىنى قۇتقۇزۇۋېلىشنى ئۆتۈنۈپتۇ. بىراق، توخۇلار بۇ قىتىغۇر، غەيۋەتخوردىن جاق تويغاچقا ئۈنچىقماي تۇرۇۋاپتۇ. تۈلكە ئۇنى چىشلەپ ئېلىپ مېڭىپتۇ. - توختا! - دەپتۇ قېرى خوراز خىرىلدىغان ھالدا، - ئۇ ئاۋاق سېنىڭ ناشتىلىقىڭغا يارىمايدۇ، ئىچىنىڭ يامانلىقىدىن بەدىنىدە ئەت قالمىغان نەرسە بۇ. - ياخشىغۇ، ئۇنداق بولسا ئۇنى قويۇۋېتىپ سېنى يەي! - دەپتۇ تۈلكە. - ئۆمرۈم ئاخىرلىشىپ قالدى. مېنىڭمۇ سەندەك ئەقىللىق تۈلكىنىڭ قولىدا جان بېرىش ئارزۇيۇم بار ئىدى. مېنى تۇتالىساڭ مەنلا ئەمەس، مۇشۇ توخۇلارنىڭ ھەممىسىنى سەن ۋە جەمەتىڭ ئۈچۈن قۇربانلىق قىلىپ بېرىمەن. بۇنى ئاڭلاپ توخۇلارنىڭ يۈرەكلىرى جىغىلداپ كېتىپتۇ. -بولىدۇ ئەمىسە! تۈلكە خورازغا ئېتىلىپتۇ. خوراز چاققانلىق بىلەن كاتەك ئىشىكىنىڭ قىسىلچىقىدىن چىقىپ ئىتنىڭ ئۇۋىسىنىڭ ئالدىغا بېرىۋاپتۇ. ئىت ئېتىلىپ كېلىپ كاتەكنىڭ ئىشىكىگە قىسىلىپ قالغان تۈلكىنى تالاپ ئۆلتۈرۈپتۇ. چار مېكىيان ھوشىغا كېلىپ خىجىلچىلىقتىن بېشىنى كۆتۈرەلمەي قاپتۇ. شۇنىڭدىن كېيىن ئۇ زادى غەيۋەت قىلمايدىغان بوپتۇ.

tekdir

	راس  بۇنداك چار مەكيانكار بىزنڭ جەمىيتىمىزدە جىق.

musik0093

ghunqa

	غەيۋەت  قىلىش  ياخشى   ئىش  ئەمەس!

xamal97

	ھەتتا بەرگەن نىنى بىلەن قورساق تويغۇزۇپ ، شاپائىتىدە ھالىمىزغا يىتۋىلىپ ، قىرىمىزدىن ئېشىۋىلىپلا غەيۋىتىنى قىلىپ كىتىمىزدە . «ئىنسان بالىسى خام سۈت ئەمگەن،...»

nurgul1

	غەيۋەت ئۇلۇغ ئاللا كەچۇرمەيدىغان چوڭ گۇناھلارنىڭ بىرى

okoguqi9

	ياخشى مەسەلكەن ! ئىبرەت ئىلىشقا تىگىشلىك !

yvsvpjan

	بۇ راستىنلا ياخشى مەسەل ئىكەن.  قۇرئاندا ‹‹غەيۋەت قىلىش زىنادىن يامان›› دېيىلسىمۇ، ئەمما بىزدەك مۇسۇلمانلار.....    ‹‹ئىچىنىڭ يامانلىقىدىن بەدىنىدە ئەت قالمىغان نەرسە بۇ›› دېگەن بۇ گەپ چەكتىن ئاشقان خاتا گەپ!! بەدىندە ئەت قالماسلىق (بولماسلىق) نۇرغۇن سەۋەبتىن بولىدۇكى، ھەرگىزمۇ قانداقتۇر بىرەر روھىي ئىللەت تۈپەيلى ئەتسىزلىك ھاسىل بولماستۇر! بىر تەرەپلىمە ياكى خاتا بولغان چەك باسماس غەلىتىلىكلەرنى ۋاقتىدا ئادالاپ تۇرايلى!    ئومۇمەن، ئەسەر يوللىغۇچىنىڭ ئەجرىگە رەھمەت! بىزنى ئىللەتلىرىمىز ھەققىدە قايتا ئويغا ساپسىز، كىشىلىرىمىز ئەمەلىيەتتە تۈزىتەلىسىلا بولاتتىغۇ....

kahwa0909

	غەيۋەت دىسەكلا ئادەمنىڭ كاللىسىغا بۇ ئىللەت ئاياللارغا خاس ئىللەتتەك تۇيغۇ كەپ قالىدۇ( بۇ شەخسەن مېىنىڭ كۆز قارشىم)، ئەمما ئارىمىزدا شۇنداقمۇ ئەرلەر باركى ئەركەكلەرگە خاس مەردلىكىنى يوقىتىپ، ئاياللاردىن ئاشۇرۇپ غەيۋەت قىلىشقا ئامراق، ھەي شۇنداقلارنى كۆرسەم شۇنچىلىك سەسكىنىپ بىزار بولۇپ كېتىمەن، يۈزىگە سېلىپ تازا بىر ئىزا تاتقۇزغۇم كېلىدىيۇ لېكىن يەنە ئۇنداق قىلغىلى بولمايدۇ......

sawirqanbol

	yvsvpjan يوللىغان ۋاقتى  2012-10-13 19:08 بۇ راستىنلا ياخشى مەسەل ئىكەن.  قۇرئاندا ‹‹غەيۋەت قى ... يۈسۈپجان ئەپەندى  «غەيۋەت قىلىش زىنادىن يامان »دىگەن سۆز قۇرئاندا يوق ،مەن سىزنىڭ ئىنكاسىڭىزنى خاتا دىمەكچى ئەمەس ،لىكىن قۇرئان ئايىتى بولمىغان سۆزنى بىلمەي قۇرئاندىن دەپ گۇناھكار بوپ قالمىسۇن دىدىم .